احسن دكتور علاج الكلف

[قطري فلته]

السلام عليكم ورحمه الله وبركاته

ممكن تساعدوني في دكتور جيد في علاج الكلف

رحت عند حسن عبدالله وخذيت من عنده اكريمات

وحتي فهد الباكر بس ما يعرف الا كريمات وواقي شمس

ولا فادني شي وصار لي هل الكلف الله يبعد عنكم 4 اسنين

ابي دكتور جيد وفاهم

بس الحمدالله مو الكلف العميق بس علي الخدين من فوق

اعتقد من اسباب الريجيم او عوامل وراثيه

وشكرا كل من رفع الموضوع

اخوكم بالله

قطري فلته:nice:

[sweet qatar]

عليكم السلام ورحمة الله وبركاته..


مشكلة الكلف انه ما يروح بسهولة ولا يختفي تماما..


اممممم احسن دكتور سمعت عنه سعيد كلداري بس ماادري بخصوص علاجه للكلف..

و دكتور رضا في جراحة التجميل زين بعد..


نصيحتي لك تجرب التقشير بالليزر..

ولا تاخذ الكريمات مثل الرتين ايه والالدوكين..
صح لهم نتايج حلوة بس ما تنفع تاخذها بالصيف لازم تكون بعيد عن الشمس..

موفق ان شالله.. وماعليك شر..

[قطري فلته]

عليكم السلام ورحمة الله وبركاته..


مشكلة الكلف انه ما يروح بسهولة ولا يختفي تماما..


اممممم احسن دكتور سمعت عنه سعيد كلداري بس ماادري بخصوص علاجه للكلف..

و دكتور رضا في جراحة التجميل زين بعد..


نصيحتي لك تجرب التقشير بالليزر..

ولا تاخذ الكريمات مثل الرتين ايه والالدوكين..
صح لهم نتايج حلوة بس ما تنفع تاخذها بالصيف لازم تكون بعيد عن الشمس..

موفق ان شالله.. وماعليك شر..

ماقصرتي علي مساعدتك اما بخصوص الكريمات لاعت جبدي

بشوف الي قلتي عليهم لعل وعسي يسوون شي:shy:

[كازانوفا]

لا اتفكر فيه كثيرر وبيخف من نفسه هذا اللى صار معااااي من كثر ما تعمقت وانا ادور واستخدم كريمات حسيت نفسي ان النفسيه صارت بالحضيض بعدها صرت اطنش وبالفعل لاحظت عليه انه بدا يخف
بس للامانه ان الصابون المغربي له مفعول بسيييييييييييييط بس في فرق

[قطري فلته]

لا اتفكر فيه كثيرر وبيخف من نفسه هذا اللى صار معااااي من كثر ما تعمقت وانا ادور واستخدم كريمات حسيت نفسي ان النفسيه صارت بالحضيض بعدها صرت اطنش وبالفعل لاحظت عليه انه بدا يخف
بس للامانه ان الصابون المغربي له مفعول بسيييييييييييييط بس في فرق

خليها علي الله النفسيه كلش

بس ما اقول الحمد الله علي كل حال

يعني ما جاني الكلف الا يوم عديت 33

بخصوص الصابون ما احب اجرب بدون استشاره

[كازانوفا]

خليها علي الله النفسيه كلش

بس ما اقول الحمد الله علي كل حال

يعني ما جاني الكلف الا يوم عديت 33

بخصوص الصابون ما احب اجرب بدون استشاره


بالاول كنت متردده بس من الاسبوع الرابع بدا يخف
بظني احسن من الكريمات اللى ما في منها اي فايده

[غيمة مطر]

اخوي في كريمات متتازه بس يبين بعد شهر مفعولها ...

مثل سيروم ايفن بتر من كلينك ... يشيل الكلف بس يبدا يخف من 4 اسابيع وطالع

ولو تبي حل سريع ليزر الفراكسل ( ثاني اكسيد الكربون )

هي جلسه مؤلمه شوي وتقعد اسبوع ويهك كانه محترق بس بعدها تتجدد البشره ويروح كل الكلف

ولو كان كلف كثير ممكن يروح نصه 50 % من اول جلسه ...

[Ali A]

غيمه - مطر - وين اقدر اسوي ليزر الفراكسل - ثاني اكسيد الكربون

اي دكتور او اي عياده

[بنت ذياب]

اخوي انا فيني كلف خفيف .. يروح ويرجع

وتعالجت عند الدكتور فهد الباكر يعطيني خلطة كريمات يحطهم فعلبه واستخدمها يوميا فالليل

والصبح واقي الشمس..

بس للامانة انا ماستخدم واقي الشمس

بس الحمدلله راح الكلف

لكن لما يرجع ارجع للخلطة

هو من التعرض للشمس وجذي

[شمس المغيب]

مرحباً


ليزر الفراكسل ( ثاني اكسيد الكربون )
يسويه د.حمد الجابر في عيادة جراحة التجميل الي في الهلال
شفت وحده مسويته عنده بصراحة شغل ممتاز
ومثل ماقالت الأخت مؤلم بس نتيجته زينه

الله يوفقك