قطري بيسافر يشتغل بالكويت

[المسك1969]

السلام عليكم ورحمة الله وبركاته..

قصة وليدة اللحظة:

زارني وأبنائه رجل قطري يبدو في الاربعين من عمره... هو رجل كثير الكلام حفظه الله ولكن أحسبه على خير... أخذ يعيب في العمل وتذكرت بأنه كان يعمل سيكيورتي ولم أعد أراه في عمله

فسألته: هل أنت متقاعد؟
فقال: نعم من ثلاث سنوات...اشتغلت لمؤسسة حمد الطبية 23 سنة براتب 9000 ريال (تسعة آلاف ريال) ولا رفعوني ولا تقييم طيب وكنت من الأوائل في السيكيورتيه...ولا تقدير وراتبي التقاعدي تعرفين كم؟ 2000 ريال (ألفين ريال):eek5:

قلت: وأصحابك ممن كانوا معك؟
قال: اللي تقاعد واللي استقال...
بس ابشرج :) إني بسافر الكويت اشتغل في شركة كويتيه سمحت للخليجين أنهم يشتغلون فيها.

:omg: :eek5: :omg:

قلت:يه ليش؟ وأهلك؟؟؟ وعيالك؟؟؟ وراه رد لشغلك بالمؤسسة وبتحصل نفس راتب الموظفين الجدد إن شاء الله.

قال: لا المؤسسة ظلمتني ومقهور منهم ما بعود لهم...وما بيعطوني نفس اليدد
قلت: دور مكان غير... حماية أومؤسسة البترول أو أو دور.

قال: أنا عندي التزامات لا بد أقضيها وهنية مالقيت شغل... قلت بالله عليك أنت صادق في كلامك؟؟:(
فقال: ايه والله... هنا أنا والله حزنت:weeping:

قال: كل من توظف عقبي راتبه خمسة عشر ألف وأنا خدمت بإخلاص ومالي بالمصالح والتمصلح فماعطوني شيء ومسئولنا واحد بحراني أصله بحريني (والظاهر إنه قطري ما سألته الصراحة)... قلت: له حرام عليك ليش أنا قديم وراتبي أقل شيء... ولا عطاني ويه ولو كنت من اللي يتمصلحون عنده كان على طول وقع أوراقي... ود.حنان الكوراي لقيتها مرة وكلمتها وقالت إن شاء الله ولا شفت منها شيء.

قلت له: وايد ناس مظلومين... أنا عندي شهادة عليا وما حصلت ترقيه مثل غيري اللي جاءو عقبي بس مب معناته أهد شغلي وأنا علي التزامات...
قال: أنا كرهتهم ضاق صدري منهم. (وبصراحة ما ألومه)

صراحة قصة مب حلوة على الصبح تضايق وما ضايقني إلا عندما قلت له: بتهد أهلك وعيالك وبلادك عشان 9000 ريال وأنت قطري وكنت تحصل على هالراتب بشغلك؟ قال راتبي التقاعدي الحين 2000 ريال فقط وإن اشتغلت بالحكومه بيروح علي التقاعدي (أي تقاعدي إلا ألفين ريال:rolleyes2: خلها تروح) والمرأة تشتغل سكرتيرة ... ما يكفي شيء.

والآن دعونا نناقش هذه المسئلة:
هل نفر لنعمل في بلاد أخرى ونحن في بلاد الخير والكل يأتيها من كل صوب؟؟؟

هل جزاء أن يعمل شخص بإخلاص سنوات عديدة وإلم يحمل شهادات مثلا (لا أعلم أن دارس أو لا) مثل أخونا ألا يرفع في عمله؟

قد تكون هناك أمور أخرى لا أعرفها من جانب عمله ولكن أن يتقاعد براتب 2000 ريال أمر لا يصدقه عقلي؟ الجوال ندفع فيه 1700 ريال إلم يصل 2000 ريال والله المستعان. الشغاله والسواق راتبهم النصف من الألفين وهو أقل القليل... مؤنة الجمعيه نخرج بألف وأكثر على خرابيط

لا حول ولا قوة إلا بالله العلي العظيم... أسأل الله أن يفرج على كل مظلوم وأن يرفع به قدره في الدنيا والآخرة آمين

نقاش بهدوء لمن أراد النقاش... جزاكم الله خيراً

[@north_star@]

الله يفرجها عليه وعلى كل مظلوم وييسر أمورهم اللهم امين ....

للاسف اختي الكريمة أصبحت الكثير من الترقيات والزيادات مرتبطة بمدى تقربك من المسؤول وكذلك التملق والنفاق للحصول على الترقية .... ولكن يجب الا ندع مثل تلك الترهات تؤثر على عملنا بل على العكس يجب ان نعتبرها كتحدي ومثابرة وفي النهاية لابد من التغيرر ولن يبقى المسؤول مسؤولا فربما جاء من هو أفضل منه ممن يقدر ويقيم الموظفين بالعدل والمساواة ......

ولي تعليق اخر بالنسبه لراتب التقاعد اختي الكريمة فانتي ذكرتي بعض الامثلة كالهاتف الجوال الي ممكن توصل فاتورته 1700 ريال او اكثر فهذا ليس مبرر وانا ليش اخلي فاتورتي تصير 1000 او 2000 ؟؟؟ وانا راتبي ما يسمح وليش ما اخليها 100 او 200 مثلا !!!

وراتبي ما يسمح اني اجيب خدامة او سايق فليش اجيب خدم ؟؟؟؟

انا ما اقول انه مبلغ 2000يقدر يعيش فيه اي انسان بس انا اكتب على سبيل المثال .....
يعني بالعامية ( على قد لحافك مد رجولك )

[alnoida]

كم هو الحد الأدنى لمعاش المتقاعد؟؟؟

[بصمة قطرية]

شي يحز في الخاطر ...
لا حول و لا قوة الا بالله
الله يفك عوقه
و يفتح له ابواب الخير ..

[Dana’1]

الله يفرج علية وعلى كل المسلمين آمين يارب العالمين

[المليونير الفقير]

كثير من القطرين فالشارع وبدون وظائف وكل شوي ناطين بسالفة التقطير الي ماشفناه الا فالجرايد

[ghanim911]

السلام عليكم ..
اول شي الله يرزقنا وياكم بالحلال ويبارك لنا ولكم فيه ..
بحكم عملي المرتبط مباشرتأ بالتوظيف والترقيات وصلت لنتيجه بسيطة هي من راقب الله في عمله وفقه الله واغناه من ملاطفة المسؤولين ومنافقاتهم ..
الواحد ماعنده شهاده توصله للي وصلوا له زملائه وغير ذالك يطالب بالترقيات والاداء الوضيفي صفر الالتزام بالدوام ضعيف جدا وحجته انا ابن البلد ( قطري ) !!! هذا وين تعطيه وين ترقيه اكييييد اذا سلمته وظيفه بيكون غير قابل للتطوير يالعكس بيكون عاله على الوظيفه ,
والنوع الثاني تلقاه ماعنده شهادة لكن مراقب الله في عمله بالالتزام وبالاداء الوظيفي الجيد كون له خبره وطور نفسه واستحق الترقيات وكل مارتقى تلقاه قابل للتطويروحجته انه ابن البلد وهو الاحق والاصلح انه يطور ويخدم بلده يبغي المعاش الحلال وانه يحلم انه يكون ذاته ويكون قدوه للغير
محد ياخذ غير رزقه

[غيمة مطر]

اختي ... انتي متاكده ان الراتب التقاعدي 2000 ريال ؟؟؟

لان حددو الفتره الاخيره الحد الادنى للراتب التقاعدي ...

[تركي محمد]

السلام عليكم

للاسف صار الاتكال على الاجانب اكثر من القطريين ،، وهذا كله بسبب القطريين نفسهم

اكثر من حاله صادفتني بالشغل ،، لمه يجي القطري يتقدم لوظيفة كأنه متشفق عليها

بس يتوظف ،، حزتها احنا اللي نترجاه يداوم و يشتغل

طبعا انا ما اعمم ولكن هالفئه هي الي خربت على الباقي

بالنسبة للشخص اللي مر عليج ،، اتوقع انه ابتدائي ان ماخاب ظني على اساس ان عمله سكيورتي !

واللي اعرفه ان حاليا شركة حماية توظف القطريين و ابناء القطريات لان اساس هذه الشركة انشئ لهذا الغرض ،، والكل عارف ان شركة حماية اصحبت الشركة الرسمية للجهات الحكومية فيما يخص الامن .

بس الموضوع احس ان فيه شئ مب واضح ،، القصة فيها شئ ناقص

اتوقع في شئ هو ما قاله

الدولة مب مقصرة مع القطريين و موفره لهم كل شئ و مازال القادم افضل

ولو يخيروني اشتغل زبال بقطر او مدير في بلد ثاني

اختار قطر ،،

ان كان الرجل صادق في كلامه عنده اكثر من جهه يعرض فيها حالته و ماراح يهملونه ،، لازم في حد بيساعده

[basma222]

لا حول و لا قوة الا بالله

الله يفرجها على المتقاعدين واهل الشؤون

[المسك1969]

الله يفرجها عليه وعلى كل مظلوم وييسر أمورهم اللهم امين ....

للاسف اختي الكريمة أصبحت الكثير من الترقيات والزيادات مرتبطة بمدى تقربك من المسؤول وكذلك التملق والنفاق للحصول على الترقية .... ولكن يجب الا ندع مثل تلك الترهات تؤثر على عملنا بل على العكس يجب ان نعتبرها كتحدي ومثابرة وفي النهاية لابد من التغيرر ولن يبقى المسؤول مسؤولا فربما جاء من هو أفضل منه ممن يقدر ويقيم الموظفين بالعدل والمساواة ......

ولي تعليق اخر بالنسبه لراتب التقاعد اختي الكريمة فانتي ذكرتي بعض الامثلة كالهاتف الجوال الي ممكن توصل فاتورته 1700 ريال او اكثر فهذا ليس مبرر وانا ليش اخلي فاتورتي تصير 1000 او 2000 ؟؟؟ وانا راتبي ما يسمح وليش ما اخليها 100 او 200 مثلا !!!

وراتبي ما يسمح اني اجيب خدامة او سايق فليش اجيب خدم ؟؟؟؟
انا ما اقول انه مبلغ 2000يقدر يعيش فيه اي انسان بس انا اكتب على سبيل المثال .....
يعني بالعامية ( على قد لحافك مد رجولك )

عفوا ربي يحفظكم أنا قصدت أن كانت فاتورة التلفون ورواتب الخدم تكلف مبلغ قد يصل لألفين لشخص مثلي أو مثلكم فما بال من يكون راتبه فقط ألفين يأكل ويشرب منه..

وصدقت أن كل انسان وميزانيته وعليه أن يصرف ويقنن بالصرف ولكن تكون الحياة عليه صعبه والله المستعان

جزاكم الله خيرا على التعليق

[المسك1969]

كم هو الحد الأدنى لمعاش المتقاعد؟؟؟
ما أدري بس أعتقد يعتمد على الراتب الاساسي والعلاوة الاجتماعيه


شي يحز في الخاطر ...
لا حول و لا قوة الا بالله
الله يفك عوقه
و يفتح له ابواب الخير ..
آمين


الله يفرج علية وعلى كل المسلمين آمين يارب العالمين
آمين


كثير من القطرين فالشارع وبدون وظائف وكل شوي ناطين بسالفة التقطير الي ماشفناه الا فالجرايد

الله المستعان

جزاكم الله خيرا جميعا على التعليق

[المسك1969]

السلام عليكم ..
اول شي الله يرزقنا وياكم بالحلال ويبارك لنا ولكم فيه ..
بحكم عملي المرتبط مباشرتأ بالتوظيف والترقيات وصلت لنتيجه بسيطة هي من راقب الله في عمله وفقه الله واغناه من ملاطفة المسؤولين ومنافقاتهم ..
الواحد ماعنده شهاده توصله للي وصلوا له زملائه وغير ذالك يطالب بالترقيات والاداء الوضيفي صفر الالتزام بالدوام ضعيف جدا وحجته انا ابن البلد ( قطري ) !!! هذا وين تعطيه وين ترقيه اكييييد اذا سلمته وظيفه بيكون غير قابل للتطوير يالعكس بيكون عاله على الوظيفه ,
والنوع الثاني تلقاه ماعنده شهادة لكن مراقب الله في عمله بالالتزام وبالاداء الوظيفي الجيد كون له خبره وطور نفسه واستحق الترقيات وكل مارتقى تلقاه قابل للتطويروحجته انه ابن البلد وهو الاحق والاصلح انه يطور ويخدم بلده يبغي المعاش الحلال وانه يحلم انه يكون ذاته ويكون قدوه للغير
محد ياخذ غير رزقه

صدقت حفظك الله ومن تحب من كل شر:nice:

جزاكم الله خيرا على التعليق

[المسك1969]

اختي ... انتي متاكده ان الراتب التقاعدي 2000 ريال ؟؟؟

لان حددو الفتره الاخيره الحد الادنى للراتب التقاعدي ...

وأنا تفاجأت أكثر منج وهو حلف على كلامه والله أعلم فيه يالغلا

[بوسلمان 2010]

الله يفرجها عليه وعلى جميع المسلمين شي يكدر الخاطر والله عسا هذا المقال يوصل للمسؤلين ويصحصحون

وينتبهون على الي قاعد يصير في دولتنا الحبيبة لان سموالامير الله يحفظه ويطول بعمرة مايقصر ووصي على

القطرين

[المسك1969]

السلام عليكم

للاسف صار الاتكال على الاجانب اكثر من القطريين ،، وهذا كله بسبب القطريين نفسهم

اكثر من حاله صادفتني بالشغل ،، لمه يجي القطري يتقدم لوظيفة كأنه متشفق عليها

بس يتوظف ،، حزتها احنا اللي نترجاه يداوم و يشتغل

طبعا انا ما اعمم ولكن هالفئه هي الي خربت على الباقي

بالنسبة للشخص اللي مر عليج ،، اتوقع انه ابتدائي ان ماخاب ظني على اساس ان عمله سكيورتي !

واللي اعرفه ان حاليا شركة حماية توظف القطريين و ابناء القطريات لان اساس هذه الشركة انشئ لهذا الغرض ،، والكل عارف ان شركة حماية اصحبت الشركة الرسمية للجهات الحكومية فيما يخص الامن .

بس الموضوع احس ان فيه شئ مب واضح ،، القصة فيها شئ ناقص

اتوقع في شئ هو ما قاله

الدولة مب مقصرة مع القطريين و موفره لهم كل شئ و مازال القادم افضل

ولو يخيروني اشتغل زبال بقطر او مدير في بلد ثاني

اختار قطر ،،

ان كان الرجل صادق في كلامه عنده اكثر من جهه يعرض فيها حالته و ماراح يهملونه ،، لازم في حد بيساعده

محشوم ربي يحفظك ومحد يشتغل زبال في عز بو مشعل عسى عمره طويل...آمين
وهو فعلا أن صادق وقلت له هالشيء لازم يدور على شغل وبيلقى... صعب الواحد يتخيل نفسه يشتغل في بلد غير بلاده إلا إن بلاده فقيرة

جزاكم الله خيرا على التعليق

[غايه الطواش]

الله يفرجها عليه ...

بس احس في شي ناقص بالسالفه ,مادري ليش

[المسك1969]

لا حول و لا قوة الا بالله

الله يفرجها على المتقاعدين واهل الشؤون

وعلى الجميع يالغلا... ترى حتى أصحاب الشهادات فيهم مظاليم والله المستعان... صعب جدا الانسان يكون متعلم أو غير متعلم ومجتهد في شغله ويلقى اللي أصغر منه جايين بارد ومبرد على رواتب عاليه وهو بشهادة أعلى منهم ومحلك سر والله المستعان.


الله يفرجها عليه وعلى جميع المسلمين شي يكدر الخاطر والله عسا هذا المقال يوصل للمسؤلين ويصحصحون

وينتبهون على الي قاعد يصير في دولتنا الحبيبة لان سموالامير الله يحفظه ويطول بعمرة مايقصر ووصي على

القطرين

عسى ربي يرفع الظلم عن المظلومين آمين

جزاكم الله خيرا جميعا على التعليق

[بريق الحق]

للاسف الواحد قام يحس انه غريب فبلاده .
اذا حصل له شغل افضل من شغلته الي هو في وانه مجبور يسافر والله افضله مدام الشي حلال الله يوفقه
انا بسئلج اذا انتي مكان شراح تسوين ؟

[pink pearl]

معقولة قطري ومن عيال البلد يتغرب علشان لقمة العيش !!!!
والله الواحد لما يسمع مثل هالمواقف مايعرف شيسوي، يعني خير هالبلد اللي مغطي الغريب قبل القريب ماوصل له ؟؟!

طيب يا أختي شوري عليه أكيد فيه حل، لكن لايستعجل وعليه بالصبر والدعاء

الله يفرج همه :( ضيق صدري

[المسك1969]

الله يفرجها عليه ...
بس احس في شي ناقص بالسالفه ,مادري ليش

أقول لج سر غاية:nop: ... في أمر قلته له ما ذكرته في الموضوع وهو: قلت له ليكون متزوجه مناك وتبي تستقر عشان جذيه تبي تشتغل هناك... بس الريال حلف بالله أنه يحب أم عياله وماله غنى عنها ... عاد مادري عشان قدام عياله قال هالكلام بس صج كان يتكلم من ضيق وحنق أنه تقاعد ومب لاقي شغل سبحان الله

جزاكم الله خيرا على التعليق

[Amigo]

انا جاني عرض للشغل في الامارات براتب مدوبل وامتيازات ثانيه
وكنت رايح الا شوي بس عقب رفضت لأسباب خاصه

[كازانوفا]

اااااااااااه يا القهر
بالفعل الدنيا لناس ونااااس

[حسن]

انا اتوقع انه هناك خلل في هذا الشخص وهناك كثر غيره مرو على في العمل واحيانا على مستوى اكبر من موظف سكيورتي

الناس صارت محتاجه للفحص على نفسيه الشخص بشكل دوري وظروري وخصوصا بعد الاربعين طبعا للجنسين


الحالات في ازدياد

[غايه الطواش]

انا اتوقع انه هناك خلل في هذا الشخص وهناك كثر غيره مرو على في العمل واحيانا على مستوى اكبر من موظف سكيورتي

الناس صارت محتاجه للفحص على نفسيه الشخص بشكل دوري وظروري وخصوصا بعد الاربعين طبعا للجنسين


الحالات في ازدياد

قبل عشر سنين والا بعدها :shy:
قبل مافي زياده عقب فيه :nice:

[Laffan]

السلام عليكم

اختي راتب التقاعد مب مقتنع فيه نهائياً لسبب ابوي الله يرحمه كان يشتغل بوزارة الصحة وتقاعد باوائل التسعينات وكان راتب تقاعده قريب 4000

الدولة جزاها الله خير تمشي راتب التقاعد حق الورثة القصر والزوجة, عقب مع مرور السنين وزيادة الرواتب وصل فوق 8000,

شلون هو بس 2000 شي محير الصراحة, والله يفرج كربته

[الحاقول]

المشكله ان القطري هو الذي يحول القطري الى بند التقاعد والمركزي

في المجلس الاعلى للاصحه عندما تم تعين القحطاني وزير عليها حول 350 قطري

الى البند المركزي ثم التقاعد وانا واحد منهم والعذر ان تخصصي الجامعي

لايتناسب مع وظيفتي هذه الوظيفه كنت عليها من كذا سنه . اوكي ماهى

الوظيفه التي تناسبني ؟ أكيد في نظرهم التقاعد وليس عمل اخر

[فنجان قهوة]

انا اتوقع انه هناك خلل في هذا الشخص وهناك كثر غيره مرو على في العمل واحيانا على مستوى اكبر من موظف سكيورتي

الناس صارت محتاجه للفحص على نفسيه الشخص بشكل دوري وظروري وخصوصا بعد الاربعين طبعا للجنسين


الحالات في ازدياد
_______________________________________________

عفوا اخوي .... بس ايش دخل الخلل النفسي في انه ياخذ 2000 ريال راتب تقاعد ... وحنا في بلد غني .... هذا مواطن ... عزه من عزنا و ذله من ذلنا .... ايش ذنب اولاده اذا ابوهم غير متعلم و مريض ... هذا اذا كان مريض ....اكيد الناس محتاجة الى فحص على النفسية .... لان هناك تناقضات و ظلم و تفاوت كبير في مستوى المعيشة .... ناس دخلهم الشهري بعشرات الملايين و ناس راتبهم ما يعدي 5000 ريال ؟ في بلد لا يتجاوز عدد سكانه الاصليين 400 الف نسمة ....حتى البنغاليه صاروا من الاغنياء في بلدنا ... انزل الشارع شوف مستوى السيارات التي يستخدمها معظم الوافدين ... من زود الرفاهية الكل صار عنده خادمة و 2 ... هنا تحكم على مستوى الدخل وهو بدون ضرائب كما في بلدهم

[Al-Kuwari]

اعتقد انه يقصد ان مايبقى من راتبة هو ٢٠٠٠ ريال بعد اقساط البنك


الله يفرجها عليه ويعينه

في ناس عايشين اردى منه وللاسف كل هذا في دولتنا الحبيبة

للاسف لو تلاحظون التضخم اللي صار قبل كم سنه واستراتيجية الاقتصاد اللي نتبعها وتعتمد على النظام الرأسمالي ادت ومازالت تؤدي الى فجوة فالمجتمع

الغني يزيد غنى والفقير يزيد فقر

ما استبعد واتوقع بعد فترة سنوات قليلة ستختفي الفئة المتوسطه ميسورة الحال وبيصير الشعب مابين غني وفقير


الله ييسر امورة ويعينه ويفرجها عليه ان شا الله

[khalid525]

ليش ما يشتغل في القطاع الخاص ، وايد شركات يطلبون هالوظيفة وكثير من العساكر المتقاعدين يشتغلون في القطاع الخاص بنفس هالوظيفة وما يتأثر راتب التقاعد مالهم ، القصة احس انها ناقصة معلومات وما نقدر نصدق القصة من طرف واحد .

[بريق الحق]

معقولة قطري ومن عيال البلد يتغرب علشان لقمة العيش !!!!
والله الواحد لما يسمع مثل هالمواقف مايعرف شيسوي، يعني خير هالبلد اللي مغطي الغريب قبل القريب ماوصل له ؟؟!

طيب يا أختي شوري عليه أكيد فيه حل، لكن لايستعجل وعليه بالصبر والدعاء

الله يفرج همه :( ضيق صدري

والله مافيها شي احسن له يدور الرزق الحلال

[حسن]

قبل عشر سنين والا بعدها :shy:
قبل مافي زياده عقب فيه :nice:

قبل العشر سنين كانت اقل بعد العشر اصبح كارثي:eek5:

قبل الزياده العدد كان قليل وبعد الزياده العدد صار ماهول:omg:

[الكنترول]

والله الكثير من أهل قطر مظلومين وساكتين ,,,

وللي حولوهم اجباري للتقاعد وجابوا بدلهم أجانب ,,,

[حسن]

_______________________________________________

عفوا اخوي .... بس ايش دخل الخلل النفسي في انه ياخذ 2000 ريال راتب تقاعد ... وحنا في بلد غني .... هذا مواطن ... عزه من عزنا و ذله من ذلنا .... ايش ذنب اولاده اذا ابوهم غير متعلم و مريض ... هذا اذا كان مريض ....اكيد الناس محتاجة الى فحص على النفسية .... لان هناك تناقضات و ظلم و تفاوت كبير في مستوى المعيشة .... ناس دخلهم الشهري بعشرات الملايين و ناس راتبهم ما يعدي 5000 ريال ؟ في بلد لا يتجاوز عدد سكانه الاصليين 400 الف نسمة ....حتى البنغاليه صاروا من الاغنياء في بلدنا ... انزل الشارع شوف مستوى السيارات التي يستخدمها معظم الوافدين ... من زود الرفاهية الكل صار عنده خادمة و 2 ... هنا تحكم على مستوى الدخل وهو بدون ضرائب كما في بلدهم

والله مانقدر نحكم على كلام انا قبل العشر سنين كان الفرارايش عندنا رواتبهم 1200 والحين عقب العشر سنين

يوصل بعضهم 4000 :omg: حتى الشؤون ياخذون اكثر من 2000 فالاخ بيروح الكويت وش يبي يشتغل حمالى

هناك اذا هل العالم يتمنون يشتغلون في قطر هذا بيروح هنا

الله مكثر الوظائف وعلى بيزه مهب ايامنا يادوب وعقب واسطه تشتغل

اما الحين مابقي مره ماشتغلت والله اخاف بيجي اليوم اللي بيطالبون فيه يوظفون خدمهم وياهم

وبعدين الوضع اختلف الحين قول قبل اقولك نعم اما الان لا والف لا الناس من الحين حاجزين سفرهم

حق عطله العيد والربيع والصيف

من زود البطره حتى حجوزات السيارات تعرض للبيع:omg:


يشوفله وظيفه غيرها الوظايف بكثره

[Web-Master]

أضف إلى ذلك .. القطريين الذين كانوا يعملون أئمة مساجد قديماً
هل تعرف كم اصبح رواتبهم التقاعدية الآن ؟؟


ربما تتفاجا إذا عرفت

[حسن]

أضف إلى ذلك .. القطريين الذين كانوا يعملون أئمة مساجد قديماً
هل تعرف كم اصبح رواتبهم التقاعدية الآن ؟؟


ربما تتفاجا إذا عرفت

والله اللي اعرفهم مساكين ماتوا الله يرحمهم ماعاد بقي منهم شي

[Web-Master]

والله اللي اعرفهم مساكين ماتوا الله يرحمهم ماعاد بقي منهم شي

في منهم موجودين اللي تقاعدوا قبل السن القانونية
واسال جهة الاختصاص وراح تعرف ان مازال منهم شريحة كبيرة موجوده

[المسك1969]

حياكم الله جميعا وبياكم

أدري أن الموضوع أثار اهتمام الجميع واستغرابه ولكني أكثر منكم استغرابا... لدرجة قلت للشخص يمكن تبي تعرس وتقعد هناك فقال لا والله زوجتي مالي غنى عنها بس عندي التزامات وبجيهم مرة كل شهر...

ومن سأل معقولة راتبه التقاعدي 2000 ريال... نعم هو من قال ذلك....

عموما هذه كانت قصة هذا الرجل وإن صدق فصدقه له وإن كذب فكذبه عليه وأسأل الله أن يفرج على كل مظلوم أمره آمين

جزاكم الله خيرا جميعا

[سكتون]

الله يفرجها عليه

[cavok]

إخواني أيش المشكله لما اتشوفون قطري يشتغل في دولة خليجيه اخرى
هاي صديقي القطري صار له تقريبا فوق العشر سنوات في الكويت يشتغل عندهم
وهاي بعد ولد خالتي القطري صار له تقريبا فوق العشرين سنه يعمل في الامارات .
بصراحة هم مستانسين بشكل ما تتصورووووون
والله يوفق الجميع .

[اللوز]

واشمعنه الكويت ؟
وبخصوص انه راتبه 2000
مستحيل

[واحد قطري]

الله يفرج همهم

[امـ حمد]

الله يفرجها على جميع المؤمنين

[أسياد]

دائما الذي يمشي صح وما يجامل بالعمل مضروب على راسه وغير محبوب تعالي شوفي الموظفين المخلصين بدون ما يجاملون المسئول ويجيبون له هدايا وطويل العمر وطويل العمر الذين يعملون بالجزيرة هم المغضوب عليهم وخاصه هذه الايام المنافق هو الذي ربح مع كل المصايب التي سواها في العهد السابق لكن هو من المقربين الان للأدارة العليا

[بو خليفه 123]

مع احترامي القصه نوعاً ما مبالغ فيها ولا اعلم ماهي ظروفه غير اني ادعي له بالتوفيق ان شاء الله والرزق الحلال .


هناك اداره مختصه في ادارة العمل لمساعدة القطرين والتي لها الحق والتخويل الكامل بألزام الشركات والمؤسسات بتوظيف القطريين لماذا لم يلجأ الى ادارة العمل .. كثير من الشركات الاخرى توظف المتقاعدين بالادارات الأمنيه ..


ولا ننسى ان قطر هي أول من فتحت ابوابها لأخوانا الخليجيين قبل اي دوله اخرى في الآونه الأخيره

[المسك1969]

مع احترامي القصه نوعاً ما مبالغ فيها ولا اعلم ماهي ظروفه غير اني ادعي له بالتوفيق ان شاء الله والرزق الحلال .


هناك اداره مختصه في ادارة العمل لمساعدة القطرين والتي لها الحق والتخويل الكامل بألزام الشركات والمؤسسات بتوظيف القطريين لماذا لم يلجأ الى ادارة العمل .. كثير من الشركات الاخرى توظف المتقاعدين بالادارات الأمنيه ..


ولا ننسى ان قطر هي أول من فتحت ابوابها لأخوانا الخليجيين قبل اي دوله اخرى في الآونه الأخيره

والله يا أبوخليفه أني قلت له نفس كلامك إلا إن كان يبي يأخذ نمر تو (مب ثري) ومسويها حجه للسفر والعمل هناك...هاي شيء آخر
بس بعد بيضيع اللي هنيه... قال شنو بيجيهم مرة كل شهر والله المستعان

أسعدني مرورك ربي يحفظك

[المسك1969]

أضف إلى ذلك .. القطريين الذين كانوا يعملون أئمة مساجد قديماً
هل تعرف كم اصبح رواتبهم التقاعدية الآن ؟؟


ربما تتفاجا إذا عرفت


كم؟؟؟

[المسك1969]

أشكر الجميع على المشاركة واعتذر عن عدم الرد على الجميع ولكم جميعا الاحترام والتقدير

جزاكم الله خيرا

[شمووع]

أن شاء الله يلقى شغل في ديرة الخير
التسع الآف ماراح تكفيه هناك سكن وكهرباء
وماء ومدارس وخدمات طبيه

[jeep-srt8]

انا شغال في مؤسسة حمد

والدي كان شغال 27 سنة في مؤسسة حمد وسابقا وزراة الصحة

انا شفت انهم حقانين جداً ويقدرون الموظف وماينسون حد ومايطلع حد من عندهم حتى لو مسوي مشاكل يحلونها له
حتى لو جات اصابة لأحد العاملين يعوضونه ب وظيفة مريحة ثانية تمشي مع قدراته

وانا شفت انهم مقدرين القطرين جداً جداً جداً شهاداتهم عادية واماكنهم فوق فوق وحتى لو موظف جديد شهرو يبدأ يترفع وهالشي شفته بعيني

هذا الي شفته منهم والله اعلم ب كلام هذا الرجل
والله يعينه ويفرجها عليه ان شاء الله

[الصغيره]

لحول ولا قوه لله

[الخزرجي قطر]

الله يعينه ويوفقه ان شاءالله
الشغل في دول الخليج مهب عيب
الواحد يدور على رزقه وين ماكان

[ولد البدر]

اذا كان راتبه الكلي 2000 ريال كم راتبه الأساسي وكم علاوته الاجتماعية ، لكن اذا اللي يبقى من معاشة الفين معقوله لان عليه التزامات وكان الله بعونه

[طبيب قطري]

حسبي الله ونعم الوكيل

واحد من الربع بعد الدراسه العليا وسنوات الغربة اشتغل صيدلي بمستشفي حمد والراتب بعد الزيادات صار 20 الف تقريبا ! تخيلوا هال20الف يأخذها واحد تعليمه عالي وتخصصه نادر ومحترم ! لا وبعد الرجال متزوج يعني الراتب الكلي مع العلاوه الاجتماعية وو .. صار كذا ! الله يعين طلبة الصيدلة بجامعه قطر بينصدمون بعد التخرج اذا هذي رواتب الصيادلة القطريين بحمد

[مرحوم قطر]

الله يفرجها عليه


ماتخبرون الي اتصلت حق وطني الحبيب

و قالت ان مديرها الاجنبي فنشها وانها تعبت وهي تدور شغل

لدرجه انها قدمة في البحرين و وافقو عليها و فعلا كانة بتسافر


الله المستعان

[روح qtr]

مؤسسة حمد الطبيه ظالمه كل الظلم للقطريين وتفضل الاجنبي على القطري
وفيها لخبطه في كل شي وترقيتك عى حسب لسانك وتودادك للمسئول
لا حول ولا قوة الا بالله
الله يسامح الجميع ان شاء الله