استفسار الله لايهينكم .. شركات تعطي منحة دراسية داخل قطر!!

[Alshoog84]

مرحبا

اخواني واخواتي

اذا ممكن تذكرون لي باسماء الشركات اللي توظف و تودي الموظف يكمل دراسته في قطر
ويعطون منحة لخريجين ثانوية قدامى يعني من 2009
لاني اعرف وايد شركات بس المنحة الاولوية للخريجين الجدد وبعضهم بس للجدد والقدامى بس نظام توظيف مايعطون منحة

وبنتظار تفاعلكم جزاكم الله خير

[حميداني]

اختي شوق , لو معاج الايلس خمس ونص أو 6 , التاريخ عادي يغضون عنه
وان شاءالله الشباب يفيدونج

[Alshoog84]

هلا اخوي انا معاي الايلتس وتنقبل بالجامعات
بس اللي اقصده اني ابي شركات تعطي سبونسر عشان اكمل دراستي
وانا مو خريجة يديدة يعني متخرجة من 2006 وبعدها اشتغلت لين الحين
وحابة اكمل دراستي تحت شركة توظفني

[حميداني]

اللي اعرفه
عندج الهيئه العامه للطيران وعندج قطر للبترول وعندج شركة قطر غاز والقطريه للطيران
والبقيه يزيدونج فيه الشباب ان شاءالله

[Alshoog84]

ماقصرت اخوي يزاك الله خير

[اللوز]

عندكم الخطوط الجوية القطرية
وعندكم
الهيئة العامة للطيران المدني
يقدمون منح للدراسة

[الزعفراني]

ماعندي علم وان شاء الله الاخوان يفيدونج .. بس اللي اتذكره اللجنة الاولومبية وكيوبي وبعض الشركات التابعة لكيو بي .. واعتقد الشركة الوطنية للفنادق ..

ما ادري اذا زرتي المعرض المهني والا لا ؟ لان هناك الواحد يقدر يعرف الشركات والجهات اللي تبعث

موفق ان شاء الله

[Al-Kuwari]

للاسف اغلب الجهات تفضل الخريج الجديد وبعض الشركات تقبل انها تاخذج سبونسر بشرط انج طالبه وعندج معدل مرتفع وانج تكونين تحتةال٢٤ فالغالب

بعض الشركات في قطاع البترول والغاز توظفج وبعد الخدمه فيها سنه او سنتين تبتعثج اذا كان في حاجه للتخصص + تقييمج السنوي مرتفع

الله يوفقج ويفتحها عليج مثل مافتحها علي ، هالدعوة من قلبي والله لاني مريت بنفس وضعج والحمدلله بعد فترة ليست بالقصيرة الله فتحها علي وحصلت بعثة


بالتوفيق

[Alshoog84]

تسلمون كلكم ماقصرتوا

الكواري .. الله يوفقك ان شاء الله والله يفتحها علينا و نحصل فرصة

[الصغيره]

الصراحه كلنا نبي نكمل ونعطى تفرغ ومنح وحنا نشتغل وخاصه بوظايفنا الحكوميه

بالتوفيق اختي