من يشتري أمي ؟

[خوي الدرب]

http://oi50.tinypic.com/2hf7uid.jpg

[ريم 28]

قصه حقيقيه ام خياليه


ما اجمل ان يشتري الولد امه التي حملته تسع اشهر وحملته وهن علئ وهن وفصاله في عامين وسهرت علئ مرضه وتطعمه قيل ان تطعم نفسها وابدته علئ روحها وانتظرت لحظة زفافه

واخطت معه اول خطواته


اليوم رايت اباء وامهات قادمين من دار المسنين والاغلب منهم يمشي وصحته جيده

كم اتمنئ ان يفضل الولد امه علئ الجميع

[خوي الدرب]

على ما اعتقد ان القصة حقيقية وقد نشرتها إحدى الصحف السعوية من كم شهر

[حميداني]

ايه طيب بس.... فضحها
ما من شهم يفضح بنات خلق الله لزلل او شي هو ما يبيه
خذاها امعززه امكرمه يردها ذليله ؟ هي اهمستها فاذنه ما اعلنت ما قالته على العلن ممكن يتفاهم معاها على هالكلام معاها بعدين
وان ما اعجبته يتركها بهدوء

اما هالاسلوب اللي يرفع فيه اسمه على حساب غيره , قلة شرف

يمكن لحظة غضب ونعوذ بالله من لحظات الغضب
والله يسهل علينا عليهم

[الزعفراني]

قصة فيها عبرة .. بس أهم شي المعازيم تعشوا :)

يعطيك العافيه اخوي

[بصمة قطرية]

القصة حقيقية
حدثت في السعودية ..

[المقاول]

المعرس لما عرف بموقف الزوجة من امة ليلة العرس .. اختصر المشوار من اولة
فليضهر للجميع انة لازم يختار امة على رغبة الزوجة وامام الجميع واكيد هناك من
اضهر عدم رغبتة في وجود ام الزوج من اهل الزوجة ... فطلب منهم من يشتريها
لعلمة بأن الجميع يعلمون ان لة مغزى من حركتة هذة .. وبعدما سكتوا وانتبهوا
قال انا اشتريها مقابل طلاق بنتكم من ليلة العرس .. والكل عرف بأن الزوجة لا ترغب
في ام الزوج وان الزوج اختار امة ... ونعم الاختيار .. وقصة للعبرة.

[intesar]

القصة قديمة وقريناها من زمان..

وحتى لو كانت خيالية.. فهي بالرغم من تصرف الإبن السليم والصحي..
إلا أنها تؤلم..

ودمتم بحفظ الرحمن..

[فنان الدوحه]

والله انه رجال ولد رجال اثرت فيني القصه صراحه

[Al-Kuwari]

كفو رجال من ظهر رجاااال

ولو كنت مكانه لفعلت المثل بدون تردد

[بوعبدالرحمن5]

انشهد انها جابت رجال ..

[حميداني]

القصة قديمة وقريناها من زمان..

وحتى لو كانت خيالية.. فهي بالرغم من تصرف الإبن السليم والصحي..
إلا أنها تؤلم..

ودمتم بحفظ الرحمن..

شلون سليم وصحي انتصار

[ريم 28]

شلون سليم وصحي انتصار

ههههههه

اكيد تقصد الصحيح

غلطة مطبعيه

خليتني انتبه ههه

[حميداني]

هههه اي توقعتها تقصد الصحيح , بس استفساري ما كان للغلطه اللي بالجمله كان لــ شلون هالتصرف سليم
شلون سليم ... حتى لو البنت اغلطت يجي يفضحها قدام العلن جذي

يبي يسوي هالحركه يسويها بينه وبينها وامه واهله اما بوسط عرس وقدام غرب وقدام اهلها
اغلطت ومحد يقول انها ما اغلطت والشي يحز بالخاطر ويقهر
لكن الرجال ملزوم يصبر او عالاقل يرد عليها بينها وبينه يفهمها وش راي

اما يقوم ويسوي show ... فيعني

.. مب حلوه

[intesar]

شلون سليم وصحي انتصار

لا قصدي صحي..

أعبر فيه أنه فعلته ماعليها أي شائبة..
يعني كلمة أحب أستخدمها للافعال الصحيحة..

لا تدققون كثير على كلامي..
خذوا منه اللي يوقد فيه احساسكم.. وغضوا الطرف عن بعضها..
لي مفردات خاصة فيني.. او قاموس خاص فيني..

يعني.. سيفورا اللي بفرنسا.. أسميه سنفورا.. وصار الكل بالبيت يسمونه بنفس السم..

فهمت قصدي.. هو تشبيه عن الصحيح.. مو الاكل الصحي مفيد ويعافي المريض..:rolleyes2:

[intesar]

شلون سليم وصحي انتصار


هههه اي توقعتها تقصد الصحيح , بس استفساري ما كان للغلطه اللي بالجمله كان لــ شلون هالتصرف سليم
شلون سليم ... حتى لو البنت اغلطت يجي يفضحها قدام العلن جذي

يبي يسوي هالحركه يسويها بينه وبينها وامه واهله اما بوسط عرس وقدام غرب وقدام اهلها
اغلطت ومحد يقول انها ما اغلطت والشي يحز بالخاطر ويقهر
لكن الرجال ملزوم يصبر او عالاقل يرد عليها بينها وبينه يفهمها وش راي

اما يقوم ويسوي show ... فيعني

.. مب حلوه

هذي امه.. ولازم ياخذ بخاطرها.. وهذا أقل من يزاها.. مغرورة ومن بدايتها تبي تركب على راسه..

وهذي عبرة للجميع.. حتى لو كان تصرفه غلط..

[حميداني]

شكيت انه بعد اللي تقصدينه صحي , انه يمكن من الناحيه النفسيه
هو زين انه ما سمح لها وتركها .. بس مش مع الطريقه اللي اختارها

الام غاليه
الصراخ على قدر الالم

كان لازم يستحمل ويكتم الغيض

عبره طيبه

[basma222]

تستاهل كفو عليه

[ارين]

هو زين انه ما سمح لها وتركها .. بس مش مع الطريقه اللي اختارها*

الام غاليه
*الصراخ على قدر الالم*

كان لازم يستحمل ويكتم الغيض*

عبره طيبه


غريب أمرك يا أخي .. وشلون تبيه يستحمل ويكتم غيظه ويتمالك غضبه
وهو يرى عروسه وتجرأها في ليلة عرسها واعتراضها ع تصرفات الأم .. فكيف بها بعد شهر من زواجها ..
وما الطريقة التي ستعامل بها أمه ؟
ولا تدري سبب تصرفه وانفجاره بها بتلك الطريقة .. فهذا لا يحدث إلا عن تراكم ( المشاعر السبية ) في نفسه ضدها ..
فلربما ليست المرة الأولى التي تبدي انزعاجها من أمه ..
وإنها كررته في أكثر من موقف
وإن هالموقف هو آخرها .. والقشة التي قصمت ظهر البعير

من رأيي إن الرجل أحسن بفعلته وبتر العلاقة من أولها بطلاقه لها ..
ببعد نظره وحكمته عرف إنه سيتعب مع هالنوعية من النساء ..
وإنه سيكون هناك صراع طويل بين الاثنتين ( الأم والزوجة ) وعدم اتفاق
فقطع الخيط .. وفك عمره من عوار الرأس والقلب .. وافتك

أبسألك .. لو كنت مكانه كيف سيكون تصرفك معها ؟

[حميداني]

غريب أمرك يا أخي .. وشلون تبيه يستحمل ويكتم غيظه ويتمالك غضبه
وهو يرى عروسه وتجرأها في ليلة عرسها واعتراضها ع تصرفات الأم .. فكيف بها بعد شهر من زواجها ..
وما الطريقة التي ستعامل بها أمه ؟
ولا تدري سبب تصرفه وانفجاره بها بتلك الطريقة .. فهذا لا يحدث إلا عن تراكم ( المشاعر السبية ) في نفسه ضدها ..
فلربما ليست المرة الأولى التي تبدي انزعاجها من أمه ..
وإنها كررته في أكثر من موقف
وإن هالموقف هو آخرها .. والقشة التي قصمت ظهر البعير

من رأيي إن الرجل أحسن بفعلته وبتر العلاقة من أولها بطلاقه لها ..
ببعد نظره وحكمته عرف إنه سيتعب مع هالنوعية من النساء ..
وإنه سيكون هناك صراع طويل بين الاثنتين ( الأم والزوجة ) وعدم اتفاق
فقطع الخيط .. وفك عمره من عوار الرأس والقلب .. وافتك

أبسألك .. لو كنت مكانه كيف سيكون تصرفك معها ؟



بكل بساطه برد أهمس في اذنها أبيعج و اشتري امي أو ممكن اقولها كلام ألين من جذي وأعديها على خير
يخلص العرس بعدها اما اعامل السيئه بالاحسن واسامح واهني اتكون اعرفت قدرها بالنسبه لامي
او ان ضاق صدري منها نفترق بعد هالمراسيم واطلقها ومب لازم الناس يدرون باللي صار وتنتشر في المنتديات ووسايل الاعلام وتكون البنت على عظمة كل السان

مب لازم اسوي مسرحيه على كل شي , ممكن تكون قالتها من باب الدعابه ( لو مزح ثقيل )
وممكن عنتها وان بتحترم حالها وتعرف قدر امي بالنسبه لي بتحطها فوق راسها وتنتبه

انا ما انتقد قطعه لعلاقته معها , انا انتقد الطريقه وكيف ما ستر عليها
لو اخته مكانها والسانها فرط وزل شي حابسته في الخاطر فهل بيرضى تكون اخته علج على كل لسان .

بالنسبه لي لا

وخلونا صريحين مب كل زوجه تحب حماتها لكن البعض يتودد مع الوقت يحبها والبعض يستهزئ
هذا المستهزئ يكف بوضع حد له وتعليمه مكانته والبعض يحب ,اهم شي الاحترام غصب ووشلون انت تحدد معاييرك
ونتذكر أحيان اتكون الام يعني ممكن نقول مب مع البنت زي السمن على العسل لكن يتم الزواج لاي سبب كان اما علشان ولدها او اللي هو ...
المهم الاحترام مفروض

واللي يستر على عورات الناس ربي يستر عليه بكره

[intesar]

أقنعتني حميداني.. بالفعل بما أن تكلم بالهمس.. كان لازم يرد على سوء كلامها بهمس..
ومن يطلعون للغرفة يطلقها.. ويطلق اللي خلفوها مثل ما يقولون..

ويكون درس لها طلاق من ليلة الدخلة..

[Dana’1]

على الاقل الكل يعرف سبب تطليقها...وماحد يألف عليهم هي فيها بلا ..لا لا هو عايب ...لاا لا وخرابيط مالها اول ولا تالي

وغير كذا هو خيرها وبصوت واضح بكل بساطة كانت تقدر تحرجة بأن تقول اننا اشتري رضاك ورضاها وبس

[ارين]

بكل بساطه برد أهمس في اذنها أبيعج و اشتري امي أو ممكن اقولها كلام ألين من جذي وأعديها على خير
يخلص العرس بعدها اما اعامل السيئه بالاحسن واسامح واهني اتكون اعرفت قدرها بالنسبه لامي
او ان ضاق صدري منها نفترق بعد هالمراسيم واطلقها ومب لازم الناس يدرون باللي صار وتنتشر في المنتديات ووسايل الاعلام وتكون البنت على عظمة كل السان

مب لازم اسوي مسرحيه على كل شي , ممكن تكون قالتها من باب الدعابه ( لو مزح ثقيل )
وممكن عنتها وان بتحترم حالها وتعرف قدر امي بالنسبه لي بتحطها فوق راسها وتنتبه

انا ما انتقد قطعه لعلاقته معها , انا انتقد الطريقه وكيف ما ستر عليها
لو اخته مكانها والسانها فرط زل شي حابسته في الخاطر فهل بيرضى تكون اخته علج على كل لسان

بالنسبه لي لا

وخلونا صريحين مب كل زوجه تحب حماتها لكن البعض يتودد مع الوقت يحبها والبعض يستهزئ
هذا المستهزئ يكف بوضع حد له وتعليمه مكانته والبعض يحب ,اهم شي الاحترام غصب ووشلون انت تحدد معاييرك
ونتذكر أحيان اتكون الام يعني ممكن نقول مب مع البنت زي السمن على العسل لكن يتم الزواج لاي سبب كان اما علشان ولدها او اللي هو ...
المهم الاحترام مفروض

واللي يستر على عورات الناس ربي يستر عليه بكره


نعم الناس مختلفين ويتفاوتون في ردات فعلهم
وفي تماسكهم وتمالكهم لغضبهم ولمشاعرهم .. والأهم هنا في هذه القصة
هي نقطة ( الستر ) التي أثرتها في ردك .. صح كلامك ...

فمن حديث رسول الله" من ستر مسلماً ستره الله ... "

أشكرك على ردك الجميل والله يعطيك العافية

[حميداني]

وتسلمون ارين وانتصار على سعة الصدر
الله يقويكم

[مكنتوش]

يالله

[ريم 28]

أخوي حميدان كلامك صحيح ومقنع بالنسبه لي

لا يعالج الخطأ بالخطأ

المفترض أن يتصرف بعد العرس وان يستر عليها لأن نحن بشر غير معصومين من الخطأ

وكان من المحتمل أيضا أن يعدل في زوجته وقد تكون أفضل من غيرها


لكن أنا أتوقع القصه خياليه

أي عروس تقول للمعرس قل لإمك تجلس فشلتنا أي غباء هذا

وأي رجل يقوم وسط الناس ويقول اشتري أمي ويخلي العروس. وينسى المخاسير

القصه خياليه

[ms-qtr]

بصراحه
انا ما اجوف ان تصرف الزوج فيه حكمة
كان يقدر يرد على الزوجة بطريقة احسن
كل انسان يغلط بالتعبير والكلام احيانا
اذا على كل كلمة الوحدة بتتطلق ما تم حد متزوج في البلد