توهقت مع مقاول وابي واحد يرقع له

[bu_khalaf]

السلام عليكم يا جماعة الخير

بغيت مقاول يرقع لي شغل المقاول الاولي ويصلح في الخرسانات ومداخل الابواب والبلاستر.

لأني بصراحة طحت لي في مقاول الله يسامحه اشتغل عندي في ملحق بس شغل الخرسانات والبلاستر كله ملخبط حتى اقواس الابواب ماقدر يصبها عدل.

يالربع اللي يعرف مقاول يقدر يصلح ما افسده المقاول القديم لا يبخل علينا.

وجزاكم الله خير

[شموخ دائم]

,

,


مرحبا

بسيطه ان شاء الله

كل شي يتصلح لا يضيق خلقك

شكل المقاول هذا ماعنده نجارين شاطرين
لان الاقواس والصبيات الي يضبطها النجار
اما الصب والخرسانه موضوعه بسيط

المقاولين كثار ان شاء الله الجميع مايقصر معاك
وبتشوف ارقام مقاولين على الخاص والعام
اهم شي تختار اهل الثقه والامكانيات

بالتوفيق لك

,

,



اخوك

شموخ دائم

[bu_khalaf]

الله يسلمك يا خوي

لا ابشرك النجارين عقب ما شتغلوا وعفسوا الدنيا فنشهم قال مايصلحون والصبيات والخرسانة مب عارف يضبطها لا بعد يقول انه مب غلطان

[ali22]

وش جنسيتة !؟ لا تقولي مصري وحزبطك ....

[bu_khalaf]

وش جنسيتة !؟ لا تقولي مصري وحزبطك ....

هذي المشكلة كله حزبطك واللي قاهرني انه مهندس في الحكومة بعد يعني لو كولي بنقول معليه بس مهندس وعوار راس
عيل ماينلامون الكولية والبنايين

[معماري قطري]

هذي المشكلة كله حزبطك واللي قاهرني انه مهندس في الحكومة بعد يعني لو كولي بنقول معليه بس مهندس وعوار راس
عيل ماينلامون الكولية والبنايين

هذي المشكله يا اخوي لا ويقول لك فنشهم، هالمصري يبي له تفنيش إشتك عليه وبلغ جهة شغله إن ما عدل ذيله العوي.

الحين جايبين شله منهم يشتغلون في الحكومة والمفروض ممنوع يشتغلون خاص، لكن بعضهم ماخذين الدنيا فوضى ووايد يشجعونهم على هالشيء، وبعدين شلون يلحق يشتغل في الحكومه وعند الغير غير انه يطلع من شغله في زيارات ميدانية حق مشاريع مهمة للغاية ويروح يخلص شغله، وأوقات يسوي شغله الخاص باللعبه من ناس لناس وهم يطنشون له ويخلونه ما يفنشهم، وتحصله ياخذ شغل سهل وداخلي صيانة أو بناء بسيط بدون حتى رخصه ويورط صاحب البناء في شيء ما يسوى كلش.

تعال ليكون ياسر الأسمراني بس؟؟؟؟

[بن غيث]

هذي المشكله يا اخوي لا ويقول لك فنشهم، هالمصري يبي له تفنيش إشتك عليه وبلغ جهة شغله إن ما عدل ذيله العوي.

الحين جايبين شله منهم يشتغلون في الحكومة والمفروض ممنوع يشتغلون خاص، لكن بعضهم ماخذين الدنيا فوضى ووايد يشجعونهم على هالشيء، وبعدين شلون يلحق يشتغل في الحكومه وعند الغير غير انه يطلع من شغله في زيارات ميدانية حق مشاريع مهمة للغاية ويروح يخلص شغله، وأوقات يسوي شغله الخاص باللعبه من ناس لناس وهم يطنشون له ويخلونه ما يفنشهم، وتحصله ياخذ شغل سهل وداخلي صيانة أو بناء بسيط بدون حتى رخصه ويورط صاحب البناء في شيء ما يسوى كلش.

تعال ليكون ياسر الأسمراني بس؟؟؟؟

ياسر النوبي ..!! هذا اكبر نصاب .. لا .. وينصب على العمال بعد

[طيف عابر]

السلام عليكم يا جماعة الخير

بغيت مقاول يرقع لي شغل المقاول الاولي ويصلح في الخرسانات ومداخل الابواب والبلاستر.

لأني بصراحة طحت لي في مقاول الله يسامحه اشتغل عندي في ملحق بس شغل الخرسانات والبلاستر كله ملخبط حتى اقواس الابواب ماقدر يصبها عدل.

يالربع اللي يعرف مقاول يقدر يصلح ما افسده المقاول القديم لا يبخل علينا.

وجزاكم الله خير

هلا اخوي بو خليفة صباح الخير والله يعينك وان شاء الله ادلك على رجال محترم وذو ذمة يخلصك الرجاء التواصل

[معماري قطري]

ياسر النوبي ..!! هذا اكبر نصاب .. لا .. وينصب على العمال بعد

يا اخوي ما ادري شلون يخلون هالأشكال تشتغل في بلادنا وتستوي عليهم قضايا وبعد تحصلهم شغالين.

المفروض كل مهنه لها قوانين واضحة وترخيص وإختبارات، ومن تستوي على واحد قضية فيه إجراءات وممكن ينسحب ترخيص مزاولته للمهنة حسب قضيته،،

مثل ما سمعت مره عن مدير مكتب إستشاري عالمي كبير كانت له صولات وجولات في اللعب والشغل التعبان وإنكشف وكان ينتظر أمر التسفير في سجن الإبعاد، وفجأة الا هو راجع يلعب كسابق عهده.

[بوخالد911]

الله يبعدنا عن حرامية البنيان

وابعدوووووووو عن ((((((( حزززززززززبطك )))))))))

عندي حساسية منهم

قبل لما كنت اتصل بالشركات لتوقيع عقد مقاولة
اتصلت بشركة واول ما رد علي الموظف (((((( حزززبطك ))))))))))
قلت خلاااااااااص هونت

ابعد عن الشر وغني له

[kayed]

بطرش لّڳُ. إخوي رقم مقاول بنا بيتي و بإذن .ﺂﻟﻟھ ما يقصر معاگ

[هارودز]

ابتعدوا عن المقاولين السوريين البعض منهم ماعندهم ذمه

[ZURICH]

الله يوفقك ويسهل أمــــرك

[bu_khalaf]

هذي المشكله يا اخوي لا ويقول لك فنشهم، هالمصري يبي له تفنيش إشتك عليه وبلغ جهة شغله إن ما عدل ذيله العوي.

الحين جايبين شله منهم يشتغلون في الحكومة والمفروض ممنوع يشتغلون خاص، لكن بعضهم ماخذين الدنيا فوضى ووايد يشجعونهم على هالشيء، وبعدين شلون يلحق يشتغل في الحكومه وعند الغير غير انه يطلع من شغله في زيارات ميدانية حق مشاريع مهمة للغاية ويروح يخلص شغله، وأوقات يسوي شغله الخاص باللعبه من ناس لناس وهم يطنشون له ويخلونه ما يفنشهم، وتحصله ياخذ شغل سهل وداخلي صيانة أو بناء بسيط بدون حتى رخصه ويورط صاحب البناء في شيء ما يسوى كلش.

تعال ليكون ياسر الأسمراني بس؟؟؟؟

لا ياخوي مب هو والسوق مليان منهم النصاب ومنهم الدايخ ومنهم اللي مايعرف يشتغل
بس الحمدالله على كل حال

[bu_khalaf]

مشكورين يالربع وماقصرتوا والحمدالله حليت المشكلة وعندي اصلا اربع عمال خليتهم يعدلون الشغل وضبت الامور