الصدمة والذهول في كشف المستور ووصف المجهول

[مشاكل]

السلام عليكم ورحمة الله وبركاته

بالأمس واحد من عيالي في الاول اعدادي سلموه الكتب
وكالعادة قعدت اقلب في الكتب واخذ فكره عامه عن المناهج ،،، لين الحين الامر طبيعي وماعندك اي مشكله ،،،

وصلت حق كتاب العلوم ومع اول الدروس كانت الصدمه والذهول !!!

درس في التكاثر الجنسي

يتضمن هذا الدرس الاتي :

- وصف دقيق بالرسم للاعضاء التناسلية للذكر والانثى
- شرح مفصل لكيفية التخصيب والتي تتم بعد اللقاء الحميم بين الرجل والمرأه ( هذه الجملة ذُكِرت في الدرس ضمن الشرح حسب ماورد في الكتاب )
- شرح مفصل لعملية الولادة ومراحلها وبالرسم ايضاً

طبعاً ولدي توه صغير على هالسوالف ولين الحين مابلغ حاله حال كثير من الطلاب اللي في نفس عمره وبدري عليهم مثل هالمواضيع الخشنه ،،،

ليش يالمجلس الاعلى تفتحون عيونهم على امور مجهولة لديهم ومثل هالمواضيع الحساسه جداً وهم توهم مب في سن بلوغ ،،، بكره بيتم يتخيل ويستكشف ويمكن ياخذه الفضول لامور اخرى اكبر لاسمح الله
ناهيك عن فلسفة الطلاب بعد هذا الدرس ،،، وكل واحد بيسوي نفسه الخبير وبيتمون يسولفون مع بعض في امور جنسيه ويمكن توصل لمرحلة الافلام والصور اللي يتبناها عيال الشوارع واللي اهلم مايدرون عنهم وبالاخير ماتطيح الا في راس الطفل البريء المتربي حمامة البيت

انا اخبر هالدرس كان في اول ثانوي وفي نهاية المنهج ولم يكن بهذا التفصيل الدقيق

والحين بيعطونه حق اول اعدادي ،،،لا وبعد رازينه الدرس مع الصور في اول المنهج

الله المستعان ولاحول ولاقوة الا بالله العلي العظيم

[شبح الصمت]

هذه الله يسلمك يسمونه تمهيد

لاجل يوم يبلغ ما ينصدم يكون مستعد وعارف

تكون مرحلة تأهيليه

وبعدها

يتأهل لدوري الثانويه والبلوغ

وبعدين يتأهل للمرحلة النهائيه

الزواج والتطبيق العملي يعني لا يرجع لك والا هم يحزنون خلاص الفكر مدحوب

:secret:

[intesar]

هذي كتب أجنبية.. تمت طباعته وترجمته عن طريق عبيكان..
حسب ما قريت على الكتب.. هذي اول شيء أهتم فيه..

تدري نوعا ما مايده الفكرة أن مثل هذي الدروس تكون قبل الثانوية..
عيالنا صاروا يعرفون كل شيء.. واحتمال كبير تكون معلومات مغلووووطة.. وبالأخص الأولاد..

خلينا نفتح عيونهم على الصحيح من الامور.. قبل لا تثبت في الراس معلومات خاطئة.. وتكون عواقبها عند الزواج..

ولا حرج في العلم.. ولا حياء..

ودمت بحفظ الرحمن..

[خزامئ]

ولدي العام صف سادس معطينه درس عن الاعظاء التناسله لرجل وللمره
وعن الهرمونات الذكوريه
وللانثاء

[عاهد بن علي]

انا في انتظار تعليق الاستاذ ( حسن )

[حميداني]

بالعكس شي طيب يعطونهم هالامور في سن مبكره وكلامي من كلام شبح الصمت
كفى ووفى

[الملا]

اشوف الموضوع عادي ...

[puree]

بالعكس اشوفه عادي ومافيه اي شي ..

لأن في ناس بالغين ومتخرجين ومايعرفون ولا شي بخصوص هالمواضيع

وان كانوا عارفين أغلب المعلومات اللي يعرفونها تكون غلط ..

[مشاكل]

هذه الله يسلمك يسمونه تمهيد

لاجل يوم يبلغ ما ينصدم يكون مستعد وعارف

تكون مرحلة تأهيليه

وبعدها

يتأهل لدوري الثانويه والبلوغ

وبعدين يتأهل للمرحلة النهائيه

الزواج والتطبيق العملي يعني لا يرجع لك والا هم يحزنون خلاص الفكر مدحوب

:secret:
يعني زين ولا مب زين ؟ ردك يحتمل الاثنين

هذي كتب أجنبية.. تمت طباعته وترجمته عن طريق عبيكان..
حسب ما قريت على الكتب.. هذي اول شيء أهتم فيه..

تدري نوعا ما مايده الفكرة أن مثل هذي الدروس تكون قبل الثانوية..
عيالنا صاروا يعرفون كل شيء.. واحتمال كبير تكون معلومات مغلووووطة.. وبالأخص الأولاد..

خلينا نفتح عيونهم على الصحيح من الامور.. قبل لا تثبت في الراس معلومات خاطئة.. وتكون عواقبها عند الزواج..

ولا حرج في العلم.. ولا حياء..

ودمت بحفظ الرحمن..
عشنا وعاشوا الاولين بالفطره
وماكان عندنا ادنى فكره
مرت الايام وكبرنا
ومثلنا مثل غيرنا تعلمنا
نحن بفضل الله مسلمين ولدينا ضوابط شرعيه تحكمنا وتقومنا من القران والسنه النبوية
فما الذي يمكنه ان يضيف تدريس الجنس للأطفال من البنات والاولاد في سن مبكرة من وجهة نظرك ؟

[intesar]

آنا أقول لك.. آكيد ما قريت الرد عدل.. قلت لك يعطونهم لأن أطفال هالزمن افقدوا البراءة.. براءة وسذاجة أطفال أول..
الحين عندك النت بكبسة زر.. يطلع لهم كل اللي يبونه.. يمكن صح ويمكن غلط..
تضمن هالمعلومات تكون صحيحة.. تضمن أنها مت خرب عقولهم.. وبمكن تخوفهم من الزواج..
نعم مسلمين.. لكن هل كل المسلمين مؤمنين..

[واحد قطري]

لوكان الموضوع للعلم فقط ماقلنا شي لاكن الالفاظ والوصف اللي مراح يقدم وياخر بالكلمات او الصور الزايده عن حدها أشوف ماله داعي وياليت لو يغيرون هالدروس للمراحل المتقدمه اقل شي ثالث اعدادي يعني