المكتب الطبي في امريكا...<<< يزيدك مرض

[برشلوني قطر]

السلام عليكم

انا ماحب اكتب واتشكى لاكن والله من القهر..

كنت اسمع ان من افضل المكاتب الطبيه...لاكن ياحي المانيا ماسوو الي يسونه..

ياخي تتصل مايردون عليك..اانا مب ياااي سيااحه..انا ياي علااج ومالي حد

فالبلاد بعد الله الا انتووو..

بعد ماتضيق بك الدنيا تقول مالك الا مديرهم نستشيره ونحاول يستعجل لنا بعض الامور..

للاسف..تتصل فيه مايرد عليك...تقول مشغوول..يوم يومين ثلاث مايرد..تطرش مسج مسجين

يقوولك بتصل لك..قلت الريال مشغول..يوم يومين ثلاث محد درى عنك..ترجع تتصل للدكتور

مايرد عليك..

انا كنت مرافق والحين اطلعت موافقه لعلاج مرافق وطلبت مخصصات..

كتاااب علشان يتوقع يتم مادري كم يوم..يااخي ارحموناا...

اقول لواحد كان معاي فالسكن الله يذكره بالخير..اقوله اتصل لمديرهم مايرد..يقولي

الله يسلمك انا من رمضان اتصل ومايرد..والله يشهد ع كلامي..

ف ناس الله خير مايقصرون لاكن فالنهايه ف اشياء مب ف يدهم..

مواضيع متعطله فالصحه فالدوحه ع اساس كتاب يطلع من عندهم ...ولا نشاديين عنك..

ياجماااعة الخييير والله اني اكتب وانا مستضيييييييييق ولا تلووموني.

لاكن الواحد يلجأ لمن بعد الله..اكلم من ؟؟ اشتكي لمن ؟؟

والسموووحه منكم

[SULTAN1]

المشكلة مب من الملحقين الطبين،المشكلة من مسئولين مكتب العلاج بالخارج بالوزارة،الله يعينك

[alsoq]

دامهم كلهم اجانب اكيد محد بيرد عليك ترى المكاتب كلها مو امريكا بس
المفروض يكون فيه كوادر قطرية هم اللي تهتم بشؤن اهل قطر بالخارج بس متى بيتعلمون ربعنا اتكالين حتى على صحه المواطن

[Fahad Alqahtani]

الحين المشكلة في قطر ولا امريكا . اذا في امريكا فمن واقع تجربة ما قصروا معي وللحين تعاملهم معي جيد جدا بالعكس افضل بألف مرة من عائدة ونبيل .
المهم اذا تبي ارقامهم ارسل لي رسالة
عندي رقم د لبنى ووحدة اسمها آية ووحدة اسمها سنيه مش متأكد من الأسامي بس الأرقام موجوده
بس ارسل لي رسالة على الخاص

[وحيد-الشوق]

ياخوك الله كريم

انا في المانيا مرافق ومحد معبرنا تخيل المترجم الي معانا مشغول مع احد الكبارية والمكتب محد يرد عليك والاخ مدير المكتب تتصل فيه يخلي جوالة عند السكرتيره !!!!

وبعدين معاهم الواحد نفسيته زفت مادري رايحين نلعب احنا ولانتعالج في مستشفى حمد بهدلونا ولين تطلع لك موافقه علاج في الخارج بعد ماترتاح يجيك المكتب ويضيق خلقك بسبب التعامل الزفت

وغير هذا الصحة يبيلهم حد يسنعهم معقولة كتاب لجهة العمل ٣ اسابيع عشان استلمه كل يوم الموظف يقولي مر علي الاسبوع الجاي ولين اروح يقولي الطباعين اجازة !!!! يا اخوان ٣ اسطر بس محد قادر يكتبها شالكسل !! والحين صارلنا اسبوعين مبدلين مرافق وماجانا اي رد من الدوحة !!! انراكض في قطر وفي الغربة :(

والله ما اقول غير حسبي الله ونعم الوكيل

[غايه الطواش]

الله يعينك ماشفنا منهم الا كل خير سواء مع الاخ صلاح المالكي او الاخ الي جا بعده

[البدوي]

اخوي المشكلة من الصحة في الدوحة ..... هم سبب المشاكل كلها للاسف
اتقوا الله في اهل قطر في الخارج ياوزارة الصحة .... فية امور من المفروض السفارة اتقوم بها وليس له داعي تبعثة لقطر وننتظر الاجتماع الاربعاء والرد يوصل الاثنين سالفة طويلة عريضة ماتستاهل التأخير

الجماعة في السفارة رايتهم بيضاء وهذي شهادة من واقع تجربة

[برشلوني قطر]

ياجماعة الخير..الواحد اذا راح يتعالج محتاج من يعينه فالغربه..ياخي ابلاد اول مره تروح لها

واجنبيه واذا ماتعرف انجليزي تتوهق..

وانا اتفق مع اخوي السوق...المكتب الطبي محتاج كوادر قطريه...ناااااااااااااشف كلا اجانب..

وبعض الاعضاء يقولون المكتب ماقصر..صح انا اعرف ناس قبل ما اجي البلاد كانو يقولون

احسن المكاتب ف امريكا..لاكن والله الكم شهر الي قاعدهم اعرف اثنين غيري فالبلد

ماقالوو كلمه طيبه ومتلعوزييين..وانا ماقول الكل غير متعاونين..لكن ف ناس مافي يدهم شي..

يقولون لك روح كلم المدير تتصل محد يرد عليك...ايش المشكله ماااااتررد..اليوم لا ترد مشغول

رد علي متى فضيييت..ياخي يمكن دقيقه ماخذ من وقتك..

اخوي وحيد الشوق..بالنسبه لكتاب جهة العمل نفس الشي موقفين موضوع المرافق فالدوحه

لانهم يقولون تاريخ اخر موعد الي تقولونه يختلف عن التاريخ الي وصلنا من المكتب..

وفالاخير المكتب يقولي ماطرشنا التقرير النهائي..وهذا الكلام من ثلاث اسابيع..والحين بيطرشون

ع الايميل شهاده بالوضع..وانتظر لحين مااااااااااوصل شي..

الواحد ف غربه ومريض ...لااااكن الله المستعاان..

مااانبي الا دعوااتكم