ابغي رايكم في العرض اللي راح اكتبه لكم ولا تبخلون بالنصيحه

[قطري واصيل]

السلام عليكم ورحمه الله وبركاته


بغيت رايكم في عرض البايب فيتر

بخصوص الفيلا مكونه من 9 حمامات بالاظافه الي مطبخ مساحته 11 متر وعرض 5 ومطبخ تحضيري مساحته 4 في 5 والبي بي ار الماني درجه اولى وتوصيل الي النهايه بالاظافه الي تركيب جميع الاطقم من مغاسل ومراحيض وتمديدات المنهولات والصرف الصحي بالكامل وتوصيل بالطريقه الامريكيه المانعه للصراصير والروائح وللعلم بان الشخص راح يقوم بتركيب كل شي يخص البيايب فيتر وتوصليهم للاخر وايضا عليه كل شي من المواد انا بس اعطيه مبلغ 33 الف ريال

وللعلم الشخص مهندس بايب فيتر في لبنان وعنده خبرة طويله في طرق معالجه تسريب الماي مستقبلا وهو في قطر من 7 سنوات وشفت شغله ممتاز مادري يالربع وش رايكم بالسعر 33 الف زين او لا

[قطري واصيل]

يالربع تصحيح الحمامات 12 حمام الله يعزكم

[مضارب دوسري]

توكل على الله بس السعر زايد في حدود ال ٥٠٠٠
لو بتنزل معاه لين ٣٠٠٠٠ بيكون السعر ممتاز ومناسب خصوصا انه هو بيتكفل في بناء المنهولات

[مضارب دوسري]

اذا الحمامات ١٢ فالسعر فوق الممتاز وزي الفل بعد
توكل على الله ولا يحوشك
اهم شي البي بي ار يكون اكواثيرم

بس اهم شي طريقة الدفع !
يعني عالاقل يكون ٢٥٪ بعد الانتهاء من جميع الاعمال
و ٧٥٪ من المبلغ موزعه على ٤ دفعات

[قطري واصيل]

جزاك الله خير ياخوي مضارب الدوسري وبقولك بعد راح يمدد لي البيبات في الحوش للزرع

[مضارب دوسري]

ولازم يسوي اختبار للبي بي ار لمده ٤٨ ساعه بضغط ١٠ بار

[MAZEN37]

ايش هو اكواثيرم وايش الطريقه الامريكيه المانعه للصراصير
اول مره اسمع

[مضارب دوسري]

الاكواثيرم هو اجود انواع البي بي ار
ال الطريقه الامريكيه فهو مجرد اعلان وجذب للزبون لان مافي شي اسمه طريقه امريكيه وطريقيه خليجيه

عشان كذا قلت لصاحب الموضوع خل الدفعه الاخيره عالاقل ٢٥٪ عشان مايطيح في بياعين الكلام
عشان اذا مارتاح له يكون المبلغ اللي دفعه مقارب للعمل المنجز
كثرة الدفعات تقدر تخليك تقول في اي وقت للطرف الثاني امش معاي سيده ولا بسوي معاك مخالصه واجيب غيرك يكمل

[ولد المنصور]

سعر ه فوق الزين ,,, اهم شي انه مجرب ,, وسال اللي اشتغل لهم لازم تسال ..
وموفق ياخوي ...

[رامي خوري]

ممكن تعطيني رقم البايبفيتر ولك جزيل الشكر

[حياتي]

ممكن تعطيني رقم البايبفيتر ولك جزيل الشكر

[الورد جميل]

سوال كل شي عليه والا انت اللي بتشتري وهذي حق شغل يده
بالتوفيييق

[قطري واصيل]

كل شي عليه حتى تركيب المغاسل عليه وحتى تركيب الاطقم من مراحيض ومن ادوات صحيه عليه والصخانات عليه


اما الطريقه اللامريكيه للصراصير اخوي مضارب موب لشد الزبائن انا شفت شغله طريقه حلوة جدا بدون منهاولات وتكون كلها بمركز واحد بحيث يمنع تجمع الصراصير والروائح ويجعلها بمكان واحد وبعيده عن البيت وطريقه جديده ومجربه في المجمعات الكبيرة والمجمعات التجاريه

[بنت المطر]

زين ... بس انتبه عطه المبلغ دفعات وأكيد بيلحس مخك عطني كامل قول له المبلغ مب متوفر عندي كامل بعطيك دفعات

اخوي بسالك هالشخص عنده شركة ولا يشتغل بروحه

[خزامئ]

والله ياخوي السعر رخصه يروع
مهوب طبيعي
صحيح الناس يدورون الرخص بس مهوب لذي الدرجه
يعني الحمام اقل 3 الاف مادري احس فيه شي مو طبيعي

[قطري واصيل]

يعطيكم العافيه جميعا الشخص اشتغل لربعي واشتغل لتمديدات المجمع الجديد اللي مقابل اللولو عند اللاندمارك ورحت للمكان وشفت شغله وعجبني وايد شغله وعنده افكار حلوة وجديده يعني كل شي بطريقه حلوة
مثلا يسوي عازل للبيبات من تسريبات بطريقه حلوة شفت شغله وهو يسوي العازل بالبيبات اما البيبات الخارجيه يحط فيها عازل مخصص للبيبات لونه اسود يمنع حرارة الماء ويكون الماء دافي في الصيف والرجال يعلم الله انه امين وناس وايد تعاملوا معاه


اما بخصوص ان حقي يضيع هاي صعبه لان الرجال بنفسه راح يسوي العقد عن طريق شركته موثق من جهتين ادارة العمل ومن وزاره العدل وفيه ختم الشركه وتوقيع مهندس البيب فيتر

للامانه العقد قريته عده مرات موب مخلي شي موب كاتبه حتى تمديدات الزرع للحوش كاتبها وتركيب الاطقم بالاسم كاتبها من مغاسل ومن شاور ومن مراحيض وكل شي كاتبه بالعقد والدفعات على النحو الاتي 10 الالف في البدايه وعند انتهاء من التمديدات الداخليه يستلم 10 الاف لتمديدات الخارجيه و 13 الف لتركيب الاطقم بالكامل وايضا عندي في الصاله نافوره فيها تمديدات للمياه والزرع الخارجي يعلم الله انه ماحسبهم لي وسواهم لي مجانا

وشكرا لكم

[خزامئ]

الله يهنيك صفقه مربحه اذا طلع صادق
اذا ممكن بعد مايخلص شغله تنزل موضوع عنه

[ولد المنصور]

هههه لا يعطونه عين ,,, الله يباركلك فيه ان شالله ,,

[قطري واصيل]

بس يالربع بغيت اسال عن البي بي ار الماني اللي نوع اكوا ثيرم اللى يقول عنه مضارب الدوسري ويناحصله دورت جميع محلات النجمه ومحلات المواد الصحيه وماحصلته ياريت احد يفيدني وين احصل هالنوعيه

[مضارب دوسري]

هلا اخوي
اللي وفره لي هي الشركه اللي تعاقدت معاها لاعمال السباكه

[قطري واصيل]

هلا اخوي مضارب الدوسري انا سالت تقريبا نص محلات الدوحه على نوع البي بي ار اكوا ثيرم يقولون مايعرفون هالنوعيه احتمال اسمها غير

على العموم شريت نوعيه الماني درجه اولى ولله الحمد

[مضارب دوسري]

هلا اخوي الاسم صحيح اكواثيرم aquatherm
المفروض الشركه اللي انت وقعت معاها ه اللي تدور لك هالنوعيه وتجيبها لك
لان انت متفق معاه على ان المواد عليه مب عليك

[قطري واصيل]

اخوي مضارب الشركه اللي موقع معاها اول مرة يسمعون هالنوعيه ورحت لامكان كثيرة في الدوحه ماسمعوا هالنوعيه اللي تقول عليها اما بالنسبه للعقد اللي وقعت معاهم انا بنفسي رحت للمحل وشفت بعيني النوعيه الالمانيه وللعلم بان النوعيه اللي تقول عليها مش موجودة على العموم انا توفقت باحسن منها اللي اهي الماني درجه اولى نوع كنترول

[مضارب دوسري]

شوف رد الاخ محمد
شركة فناجيل هم اللي وقعت معاهم بخصوص اعمال السباكه
http://www.qatarshares.com/vb/showthread.php?t=514484
يمكن للاكواثيرم عندهم وكيل واحد في قطر

وبالتوفيق ان شاء الله
اكثر الاعضاء الخبره فالمنتدى ينصحون بالاكواثيرم الالماني لمميزات كثيره والاخ شموخ دائم هو من نصحني بهالنوعيه

[معماري قطري]

الأكواثيرم ماركة معروفة لبايبات البي بي آر وعلى ما اعتقد ألمانية وهي أفضلها ووكيلها حسين فكري إذا ما خانتني الذاكرة.. وفي هذي المواد المهمة اللي بتدوم بعمر البناء مهم الواحد يروح للأفضل وعند الوكلاء الكبار وينسى الصغار اللي يبيعون الرخيص جداً بسعر معتدل، مع وجود القمة في الجودة بسعر شوي غالي .. فأدفع في المضمون أفضل، وما عليك كل محلات السباكة ومواد البناء يعرفون الأكواثيرم ويدرون وين ينباع بس يتجاهلون علشان تشتري من عندهم وممكن تحصله في محل جنبهم وما يعلمونك لأن سياستهم يبون يكسبون العميل لهم.

[ali22]

شكلة يخوف 33000 الف ريال بلاش الصراحة وكل شي علية والمناهيل بعد ودي اقولك وقع معاه
لكن لو انا مكانك اشوت بالنتي