عجائب اعلانات المقاولات للاسف

[باتريوتP]

السلام عليكم ورحمة الله وبركاته
اكتب هذا الموضوع لمناقشه بعض الاعلانات للمقاولات وبعد الامور التي تعتريني بحكم عملنا بالمقاولات فعلي سبيل المثال :-
شركة مقاولات تحدد سعر المتر بـــ(800 ريال او 950 ريال او 1200 ريال اوحتى 5000 ريال مثلا ) التسعير هذا على سبيل المثال فيه ظلم لطرفين للمالك او القاول .
هل المقاول اطلع على المخططات والرسومات الهندسيه والمواصفات المطلوبه للبناء والتنفيذ ؟
هل كمية الحديد او الخرسانه او الهوردي او الطابوق وعدد الغرف وما يتعلق به من بلاستر وصبغ وغيره ....الخ هو من يحكم سعر المخطط او فقط سعر المتر بــــــ(0000 )
اود ان اخبركم من يعلن عن سعر المتر بدون اطلاع على خرائط هذه شركه لا تفقه بالمقاولات ولا بأصول الصنعه الا ماقل وندر ....!

مقاول اخر يعلن على سبيل المثال الفيلا عظم في ( 3 شهور او 4 شهور او 5 شهور ) هذا كلام غير صحيح
لان السقف يجب ان تكون فيه الجيكات لحفظ السقف مالا يقل عن 15 الي 21 يوم علي حسب المساحه
ولو اعتبرنا ان كل دور 20 يوم يكون الطابقين 40 يوم
وايضا عمل الطابوق يجب ان يلا يزيد باليوم عن خمس مداميك طابوق فوق بعض باليوم
ولو حسبنا كل مراحل البناء قد تقارب من 6 شهور او اكثر
فالمده الزمنيه لا يحكمها المقاول بل يحكمها مخطط العقار ولكن بكل الاحوال صعب جدا جدا خلال اربع شهور او خمس شهور الانتهاء من فيلا عظم بلاستر الا اذا كانت بدون ملاحق وفيلا مسطح البناء لدور الواحد لا يتجاوز 200 متر واعتقد اغلب الفلل السكنيه تزيد عن 200 متر

حبيت اني اوضح لكم بعض التناقضات والتي للاسف خلطت الحابل بالنابل ( المقاول الناجح بالمقاول الفاشل)
اتمنى من الله التوفيق لنا ولكم

[captin]

مرحبا اخوي باتريوت

أنت طرحت موضوع وتساؤل مهم في مجال المقاولات

أنا أستغرب لما اقرأ مثل هالاعلانات ونقعد نحسبها في الشركة يمين يسار
نطلع بالأسعار المذكورة في الوسيط خسرانين مئة بالمئة ومستحيل أن المشروع يتنفذ
بالأسعار هاذي .

شلون تدخل العقل شركة تسلم مفتاح بسعر المتر 1500 او حتى 1600 ريال للمتر
أو تبنى عظم بسعر 700 ريال للمتر .
نبي نعرف وشهي المواد اللي بيستخدمها هذا المقاول بهاذي الاسعار
شلون سعر عمياني بدون دراسة المخططات وكميات الحديد والخرسانة ومواد التشطيب
وأسعارها شنهي مواصفات الكهرباء ومواد البايب فيتر.


للأسف ينخدع كثير من الناس من وراء هاذي الاعلانات ويركضون وراها
وتطلع شركة وهمية أو فورمن هاده كفيله راس ماله بيك وخمس عمال يدور بهم من
موقع الى موقع لا عنده مهندس ولا احد يسعر ويحسب الكميات عدل ولا معدات ولا حتى عمال
يلقط العمال من الشارع مب على كفالته.

ونشوف كثير من الاخوان يرجع يشتكي يقول شسوي المقاول وقف في نص الشغل
او خرب الاعمدة ما صبهم عدل والأسباب معروفة طبعا.

نحاول لما نجلس في مجلس او مكتب نقنع الشباب نقول لهم لا تنخدعون وتروحون مع الرخيص
والاعلانات الوهمية ترى المقاول الزين والشركة اللي فيها خير ما تحرق اسمها في السوق بهالطريقة الرخيصة .

نتمنى من الجميع الحذر من مثل هذه الاعلانات وهذه الشركات

تحياتي لك

[باتريوتP]

مرحبا اخوي باتريوت

أنت طرحت موضوع وتساؤل مهم في مجال المقاولات

أنا أستغرب لما اقرأ مثل هالاعلانات ونقعد نحسبها في الشركة يمين يسار
نطلع بالأسعار المذكورة في الوسيط خسرانين مئة بالمئة ومستحيل أن المشروع يتنفذ
بالأسعار هاذي .

شلون تدخل العقل شركة تسلم مفتاح بسعر المتر 1500 او حتى 1600 ريال للمتر
أو تبنى عظم بسعر 700 ريال للمتر .
نبي نعرف وشهي المواد اللي بيستخدمها هذا المقاول بهاذي الاسعار
شلون سعر عمياني بدون دراسة المخططات وكميات الحديد والخرسانة ومواد التشطيب
وأسعارها شنهي مواصفات الكهرباء ومواد البايب فيتر.


للأسف ينخدع كثير من الناس من وراء هاذي الاعلانات ويركضون وراها
وتطلع شركة وهمية أو فورمن هاده كفيله راس ماله بيك وخمس عمال يدور بهم من
موقع الى موقع لا عنده مهندس ولا احد يسعر ويحسب الكميات عدل ولا معدات ولا حتى عمال
يلقط العمال من الشارع مب على كفالته.

ونشوف كثير من الاخوان يرجع يشتكي يقول شسوي المقاول وقف في نص الشغل
او خرب الاعمدة ما صبهم عدل والأسباب معروفة طبعا.

نحاول لما نجلس في مجلس او مكتب نقنع الشباب نقول لهم لا تنخدعون وتروحون مع الرخيص
والاعلانات الوهمية ترى المقاول الزين والشركة اللي فيها خير ما تحرق اسمها في السوق بهالطريقة الرخيصة .

نتمنى من الجميع الحذر من مثل هذه الاعلانات وهذه الشركات

تحياتي لك



اخوي العزيز كلامك عين العقل
وبصراحه انت قدرت تعبر عن الي كنت بقوله
وبالفعل المالك بالاخير يشتكي من المقاول والسبب انه وقع بسعر ما يدش العقل وبمدة مستحيل تمشي المشروع
مانبي نقول ما ندعم اخوانا المقاولين الجدد بالعكس لازم ندعمهم بس مب علي حساب مضرتهم ومضرت الملاك باسعار جدا جدا زهيده
تحياتي اخوي لك وللاخوة جميعا

[بوفهد 5555]

الكلام صحيح
الحمد لله انا عندي خبرة بسيطة بالمقاولات ابي اقول بان المقاول مستعد يخلي المتر بــ 500 لان المقاول يقدر يغش في البنيان في اشياء وايد وما راح ينتبه لها المالك مثلا الصبيات في مصانع تبيع الصبيات (اسمنت) المتر 250 ريال وفي شركات ممتازة تبيع المتر 320 او اكثر شوي لان المصانع الي يكون سعرها اقل معنى هاي ان كمية الاسمنت في المتر اقل من الرمل وايد وهاذي المصانع الي يعاملون معاها المقاولين التجاريين.

مثال ثاني نوع الحديد في الحديد الاخضر وفي الحديد العادي طبعا هذا على حسب الاتفاق لكن بعض المقاولين التجاريين يقلل من كمية الحديد في العمدان والجسور مع انى التوفير ما يستاهل لكن يقلل علشان يربح.

دفان البيت في دفان قيمية السيارة 150 ريال عبارة عن حصاه و رمل بحر وفي دفان قيمية السيارة من 400 ـ 500 عبارة عن بودرة او رمل فيه اشوي حصاه.
انا الحين ابني بيتي من سنة كنت ادفن البيت و كلفني الدفان حوالي 80 سيارة بودرة الشخص الي كان يجيب لي الدفان عرف اني مالك البيت قالي الصراحة مقاولك من انظف المقاولين قلت له ليش قال اول بيت يكون الدفان كله بودرة وهاي مكلف وايد لاني اتعامل مع مقاولين وايد يطلبون مني رمل بحر او رمل فيه حجرة ما يخافون من
الله قلت له انا المالك والمقاول ضحك قال الحين فهمت ليش تدفن بيتك كامل بالبودرة.

بعد دفن البيت بالبودرة او الرمل لاااااااازم تغرق الدفان بالماي العادي لعدة ايام علشان الرمل يتماسك بعض المقاولين يصب سيارة وحدة اول يوم ويطنش وبعض المقاولين يصب مياه ابار مالحة وانا شفت بعيني مع ان البيت يحتاج اكثر من 15 دنكر ماي.

مثال عندك اشياء بسيطة لكنها مهمة ومب مكلفة على المقاول لكن ما يحطونها من الطمع الزايد مثلا صبغ القواعد قبل دفن البيت وهي مادة عازله للقواعد اكثر المقاولين ما يحطها واذا حطها يحط ريحة منها من الطمع.

عندك نوع الطابوق في مصانع تبيع الطابوقه بريال وسبعين درهم وفي مصانع تبيع الطابوقة بريالين ونص.
في اشياء وايد من بيبات ماي و وايرات الكهرباء .
اي استفسار انا حاضر
للعلم حتى الشركات الي تحط اسعار غاليه للمتر (خذ وخل) لازم يطوفون بعض الاشياء.

[بو الجوري]

و عليكـم السلام أخوي :..

صحيح كلامـك ، ودايماً أقول للشباب هالكلام :..
لكـن مع الأسف في ناس ماتفهم :)

عقب مايجيبلك الخرايط وتعطيه السعـر ، ويطلع مثلا المتر بـ 2100
بيقولك باااااال :omg: غالي فالجريده على 1750 و 1800 :..

ويهديك ويروح !!!

أنا مره تراهنت مع واحد وقلتله هالكلام :..
إتصلنـا في إحى الشركات اللي حاطه إعلان بـ 900 متر العظـم :..

قلتلـه كـم متر العظـم هل صحيح 900 ، قال تعال جيب الخرايط وبنشوف :..

قلتله أنا عندي شركـه وأدري إنه مب 900

قال يعني هالإعلانات بس لجذب الزبون ، وعقب لين جانا طبعاً السعر بيكون أكثر من 900 وبنقنعـه :)

يا جماعه والله محد يقدر يحدد سعر المتر للعظـم أو للتشطيب ،
نفس ماقال أخونا باتريوت ، يعتمد الموضوع على كثير أشياء :..



الله كريم والله يرزق كل راعي ضمير ، ويهدي النصابين :victory:

[almannai5433]

الله يجزاكم خير على الموضوع . وإن شاءالله الكل يستفيد

[مضارب دوسري]

انا بنيت بيتي والمتر ب 885 تقريبا
وحطيت شروط عن نوع الطابوق وسعر الطابوقه ب ثلاث ريال تقريبا وكل ما يخص البناء وبصراحه خلصت عظم بلاستر حاليا وشغل المقاول كان مايعلى عليه بصراحه لكن عيبه تاخر 100 يوم واتفقت فالاخير معاه اني اخصم 80 يوم فقط وخلصت معاه

[مضارب دوسري]

سعر متر البناء مب معناته لازم اخلي سعر المتر. ١١٠٠ او ١٢٠٠ عشان اوضح للمالك ان بنياني غير
مب كل من يعطيك سعر يكون شغله حسب سعره
انا متخذ في بيتي قانون المصري والشامي والبنغالي مايدخل البيت والحمدلله لحد الحين دخلوا مصريين للنجاره فقط
بصراحه مجال المقاولات النصب فيه كبير فالافضل الواحد يشوف له هندي او باكستاني

[ولد المنصور]

مشكوريييين جميعا ع الفايده الطيبه

[jassimqtr]

السلام عليكم ورحمة الله وبركاته ..
انا ممكن اعلق على هذا الموضوع بما اني صاحب شركة مقاولات ولاكن لا يقنعني السعر بالمتر لان هذه الطيرقة دخلت السوق سنة 2005 مثل ما تفضل اخوي كابتن فورمن سين من الجنسية العربيه كانت او الاسيويه هاده كفيله ويبي يترزق وفي النهاية مالك العقار الخسران لان البناء مواصفات وامور فنيه اذا لم يوجد مشرف على العمل من ناحية فنيه وهندسة ستظهر العيوب بعد سنه او سنتين او اقل على سبيل المثال هبوط فالاساسات بسبب لم تصب النظافه على الارض الطبيعيه او طبقه صلبه او نقص في صبية الاصقف سانتي او 2 سانتي على مساحة 200 متر او اكثر هنا وفر المقاول مبلغ وقدره من المال وكميه كبيره من الخرسانه هذا مثل بسيط لايفقه اي شخص غير مطلع على امور البنيان اول اصول الصنعه . وهنالك امور اخرى كثير تتعلق بهذا النوع من الغش .
انا دائما اخذ بمدأ حساب الكميات للمخطط ومن ثم احدد المربح والسعر النهائي . كثير من الزبائن لم يقتنعو بطريقة الحسبة الكل يبحث عن السعر الرخيص والاوفر وفي النهائية يفصخ العقد مع المقاول ويبحث عن غيره ويدفع مبالغ كي يكمل منزله . اتمنا من اخواني المقبلين على البناء قبل السعر المواصفات ولا يغترون بالاسعار الرخيصة لانها قد تتعب المالك اكثر من المقاول واشكر كل من شارك واوضح الصوره في هذا الموضوع .

[باتريوتP]

سعر متر البناء مب معناته لازم اخلي سعر المتر. ١١٠٠ او ١٢٠٠ عشان اوضح للمالك ان بنياني غير
مب كل من يعطيك سعر يكون شغله حسب سعره
انا متخذ في بيتي قانون المصري والشامي والبنغالي مايدخل البيت والحمدلله لحد الحين دخلوا مصريين للنجاره فقط
بصراحه مجال المقاولات النصب فيه كبير فالافضل الواحد يشوف له هندي او باكستاني


والله اخوي مضارب الدوسري اختلف معك
ان الهندي والباكساتني ما ينصب وانه هو الافضل
الي يبي ينصب ينصب لا اسيوي ولا عربي
بس انت فكر بالعقل وشوف الشركه الناجحه من خلال حديثك مع المسؤلين
وشوف بعينك صاحب الشركه متواجد ولا مطنش وتارك الخيط والمخيط بيد المهندسين
وبعد انت شوف المواقع السابقه
واخر شي صيغ العقد الي يحميك ويحمي المقاول
لكن اني اقول محد يدخل بيتي مصري او سوري ولا بنجالي ...
انت عليك بالعقد والشركه الناحجه وبس

[باتريوتP]

اشكر الجميع وكل من شارك بالموضوع
وان شاء الله اكون استفدت من ردودكم وانتوا استفدتوا من موضوعي

[خالد32]

اشوف الاسعار المرتفعه فيها لعبه و من الاصل ابي اعرف الي حط شروط البنيان و الاساسات و الصبيات عندنا من؟ عشان اعلمه الهندسه من اول و جديد ( انا مب معماري)
اكبر نصب عندنا في الكميات الي تبني بيتين بدل بيت و كلمة بيت تجاري. كل البيوت تجاريه. بس في بيت مغشوش و بيت جيد.
المقاول الي يقول ماعرف شلون المقاولين يحطون اسعار نازله اقول له شد حيلك ولا تروح لاغلى موزع و تاخذ منه. دور و اتعب شوي على مصادر ارخص و بنفس الجوده و بتلقى.