شنو افضل طريقة لتحويل مبلغ الى السعودية ؟؟؟

[BoFahed]

السلام عليكم يا الربع

يا ليت الشباب اللي شروا اثاث وتشطيب من السعودية يدلوني افضل طريقة اشيل مبلغ كبير (مية الف ريال) بدال الكاش توفر الوقت وسريعة وسهلة الاجراءات هناك في الرياض

الصراحة ما اقدر احط المبلغ في طبلون الموتر ولا في مخباي

[العربية نت]

اتوقع ان مافيه الا انك تاخذ المبلغ معك او تحويل بنكي للشركة المستفيده من خلا لالصرافات الي بالدوحة
وان شاء الله الاخوان يفيدونك
بالتوفيق ....

[جمال اليافعي]

جرب الخليج للصرافة صوب سوق الذهب وكلم الشيبة الي داخل وما بيقصر معاك .. الوالد متعامل معاهم بصفقات للصين وأموره طيبة

[السهم الشمالي]

وعليكم السلام ورحمة الله وبركاته

عندك شركة الدار للصرافة ولهم افرع كثيرة في الغرافة وفي السد وفي المطار
وممكن تحول المبلغ عن طريقهم .
أو حتى البنك اللي حسابك فيه بعد .

[بو خليفه 123]

حطها في البطاقه الائتمانيه (كريدت كارد)

و كان الله غفور رحيم

[بن غيث]

شيك سياحي من بنكك الى اقرب بنك في المنطقة القريبة منك بالسعودية
وفي الف طريقة ثانية ...

[الزعفراني]

أخوي ما يبي لها شي .. خمسين في مخباك وخمسين في مخبى اللي معاك .. الموضوع سهالات :)

[حسن]

السلام عليكم يا الربع

يا ليت الشباب اللي شروا اثاث وتشطيب من السعودية يدلوني افضل طريقة اشيل مبلغ كبير (مية الف ريال) بدال الكاش توفر الوقت وسريعة وسهلة الاجراءات هناك في الرياض

الصراحة ما اقدر احط المبلغ في طبلون الموتر ولا في مخباي


ياخوي بوفهد اذا الفلوس مضايقتك وماتقدر تشيل حاضرين برسم الخدمه اجيك لين مكانك


شوف سو مثلي انا ساعات اسحب مبالغ ضخمه من البنوك هني قبل لااركب السياره انظر تظره خفيفيه

غير مقصودده حولي ومن قريب وبعيد للتاكد مافي حد يراقبني هذا الحس الامني عندي جدا عالى

بحسب خبرتي وتاسيسي

وثانيا احط الفلوس تحت الدواسه وانثرها افصد افرشها مهب تحطها في ضرف في الدرج الحرامي

ماعنده وقت يفتش على طول فكره في الدرجين التكايه واللى في الطبلون ولاتحطها تحت الكرسي

مثل ماوصيتك فرشها علشان الحرامي مهب زبال جاي يبنظف الدوسه:victory:

ان شاء الله اكون قد افدتك وبالتوفيق

اما الحلول الاخري عندك الصراف ويحولك تبي وستر يونيون وغيره

[BoFahed]

بيض الله وجوهكم يالربع انا انشا الله بروح محل الصرافة وبسال عن شيك سياحي واقرب صراف للخرج لاني الصراحة اسمع سوالف السطو من اخوانا في المنتدى علا المواتر القطرية زاد هاليومين

[BoFahed]

ياخوي بوفهد اذا الفلوس مضايقتك وماتقدر تشيل حاضرين برسم الخدمه اجيك لين مكانك


شوف سو مثلي انا ساعات اسحب مبالغ ضخمه من البنوك هني قبل لااركب السياره انظر تظره خفيفيه

غير مقصودده حولي ومن قريب وبعيد للتاكد مافي حد يراقبني هذا الحس الامني عندي جدا عالى بحسب خبرتي وتاسيسي

وثانيا احط الفلوس تحت الدواسه وانثرها افصد افرشها مهب تحطها في ضرف في الدرج الحرامي

ماعنده وقت يفتش على طول فكره في الدرجين التكايه واللى في الطبلون ولاتحطها تحت الكرسي

مثل ماوصيتك فرشها علشان الحرامي مهب زبال جاي يبنظف الدوسه:victory:

ان شاء الله اكون قد افدتك وبالتوفيق

اما الحلول الاخري عندك الصراف ويحولك تبي وستر يونيون وغيره

ههههههه حلالك اخوي حسن وما قصرت علا النصايح الطيبة شكلي بسوي مثلك باخذ 20 الف علشان اعربن والباقي لما استلم البضاعة علا التريلا

[ابوالعبد]

تحمل تحطها في طبلون سياره لانه ههههههه سلم علي فلوسك عقب اسمع حطها بالبطاقه

او حطها بجيبك احسن لك لكن لاتحطها بسياره ترى انا نصحتك وانت حر

[بعيد النظر]

شلها كاش وسهلات ..
حطها ف مخباك ولا حد يكلمك !

واذا معاك احد وزع المبلغ ..

[ابداع قلم]

خل بجيبك 20 الف والباقي اسحبها من اي صراف للراجحي بالرياض ولا باي مكان
بس البنك اللي حسابك عليه بقطر بياخذ حول ال 450 ريال

[ابوفارس]

بطاقة الصراف الالي العادية تبع البنوك القطرية تقدر تسحب فيها من اي مكان في دول الخليج - بس مش متأكد

[مستثمر_]

عن نفسي باخذ نصهم كاش معاي
والنص الثاني بخليها في الحساب اذا الكرت يسحب ١٠ الف كل يوم
السبب ان المحلات في السعوديه ياخذون ال ٢٪ من العميل اغلب المحلات اذا فيها ماكينه سحب من الكردت
فا اخوي انت خل معاك كاش والباقي في حسابك الشخصي
وانت احسبها

وبنسبه للستفسارك عن التحويل
يعتمد اذا عندك رقم حساب بنكي تحول له فا اي صيرفه تحول لك ويوصل بعد يومين
واذا مافي حساب بنكي فا حول عن طريق الوستن يونيون وتوصل في نفس الدقيقه
والفرق بينهم التكلفه والوقت

[مستثمر_]

بطاقة الصراف الالي العادية تبع البنوك القطرية تقدر تسحب فيها من اي مكان في دول الخليج - بس مش متأكد

تقدر تسحب من ماكينه خليجيه اذا عليها شعار الشبكه الخليجيه

[رشدان]

وليش ماتفتح حساب في الراجحي او اي بنك سعودي وتخليها فيه ومتى مابقيت تسحبها او تسحب المبلغ المطلوب واذا خلصت اغلق الحساب أأمن

[bo_s3ood]

وليش ماتفتح حساب في الراجحي او اي بنك سعودي وتخليها فيه ومتى مابقيت تسحبها او تسحب المبلغ المطلوب واذا خلصت اغلق الحساب أأمن

ليه يسكره يخليه مفتووح يودع فيه 2000 ريال وكل شهرين او ثلاثه لازم يتحرك الاحساب عشان مايتسكر

[شراع]

ياخوي بوفهد اذا الفلوس مضايقتك وماتقدر تشيل حاضرين برسم الخدمه اجيك لين مكانك


شوف سو مثلي انا ساعات اسحب مبالغ ضخمه من البنوك هني قبل لااركب السياره انظر تظره خفيفيه

غير مقصودده حولي ومن قريب وبعيد للتاكد مافي حد يراقبني هذا الحس الامني عندي جدا عالى

بحسب خبرتي وتاسيسي

وثانيا احط الفلوس تحت الدواسه وانثرها افصد افرشها مهب تحطها في ضرف في الدرج الحرامي

ماعنده وقت يفتش على طول فكره في الدرجين التكايه واللى في الطبلون ولاتحطها تحت الكرسي

مثل ماوصيتك فرشها علشان الحرامي مهب زبال جاي يبنظف الدوسه:victory:

ان شاء الله اكون قد افدتك وبالتوفيق

اما الحلول الاخري عندك الصراف ويحولك تبي وستر يونيون وغيره


فكره رائعه ولكن لو الحرامي دخل المنتدى:omg: وشاف الفكره ماذا يكون الحل ؟ اكيد وقتها بيشتغل زبال بكل فخر :nice: