[ هل لاحظتم زيادة الأسعار وإلا أنا يتهيأ لي ؟ ]

[الزعفراني]

http://www.deretna.com/vb/attachment.php?attachmentid=54760&stc=1&d=1302125101


أسعار المواد الاستهلاكية زادت في شهر 9 وإلا أنا يتهيأ لي ؟!

:omen2:

[غايه الطواش]

والله ياخوي الكريم مادري :)

[الزعفراني]

والله ياخوي الكريم مادري :)

من قال لا أدري فقد أفتى :secret:

[chillis]

انا اشوفها هي هي

[موووج قطر]

شنو بالضبط اللي زاد ...
في الجمعيات ولا في المولات
ملابس و اغراض المدرسه .. ولا اكل و خضره ؟
انا اشوف زياده بسيطه في الاغراض المدرسيه في المكتبات ...
بس لازم لانه موسم

[العلم]

مسلسل عمر بن الخطاب


والمعنى في بطن حماية المستهلك :victory:

[كازانوفا]

مستلزمات المكتبه فرق كبيرر بالاسعااااربالنسبه للاغذيه مش كل شي علو على السعرر

[بصمة قطرية]

امممممم
شهر تسعة
بعد رمضان والعيد والسفر
جاتنا المدارس
و طلباتها اللي ما تخلص ..
جهزت للمدارس قبل العيد
بس باقي المكتبة ..
إختي تقول لي إن الأسعار غلت ...!!!!

[khalid Qtr]

بصراحة الغلاء عندنا متزايد بشكل كبير وفي اشياء كثيرة

الله يستر بس

[بـــــدوي]

مب ملاحظينها إلا شايفينها منذووو مبطي :thumbdown:

[فيروزه]

اي زادت الاسعار على سبيل المثال تجليد الكتب المقطع كنت اشتريه العام الي فات من رامز ب 5 ريال امس شريته ب 8 ريال

[العربية نت]

ارتفاع الاسعار امر لايمكن لاحد ان لايشعر به خاصه لذوي الدخل المحدود وهذا امر طبيع نظراً لزيادة القوة الشرائية لدى المجتمع والتي هي نتاج زيادة الروابت
يعني بالمختصر زادوا روابتكم وتبغونهم ما يرجعونها الا بيرجعونها ونص وباي طريقة حتى لو كانت بالمخالفة على الارصفة :omg:

بس مثال على موضوعك انا كنت اخبر تفصيل الثياب على 150 الى 170 لفترة قريبة مضت لكن الحين اقل شي 270 واكثر :eek5::omg:

[khalid525]

لا اكيد يتهيأ لك ، الاسعار صار لها 10 سنين ما تغيرت :tease:

[خــالــد]

الزل السعودي والزل البلجيكي
السعودي المتر = 500 ريال
والبلجيكي المتر = 530 ريال

والله لعبة ومسخرة

[مبارك سعد]

مسلسل عمر بن الخطاب


والمعنى في بطن حماية المستهلك :victory:

ممكن توضح أكثر .

[الزعفراني]

لا اكيد يتهيأ لك ، الاسعار صار لها 10 سنين ما تغيرت :tease:

:weeping:

[qtr1]

ووش اقوول وش اخلي ياخي التجار واغلب الناس مب كلهم ع بالهم كل قطري موظف وراتبه فوق العشرين قبل كم يوم اجدد استمارة سياره دفعت 2500 قوول 1600 مخالفات لكن تامين 750 او 800 وفحص زادو 5 ريال وصارت 80 يعني في ساعات دفعت هالمبلغ اقوووول الله يعين اهل الشوون مدري شلووون يمشون اعمارهم ع هالغلاء وجشع التجار

[الدوحه1]

نعم اسعار بعض المواد الغذائيه ارتفعت وراح ترتفع اكثر والاسباب كثيره منها الجفاف اللي ضرب امريكا واللي بدوره رفع سعر القمح.
واسعار بعض الفواكه ارتفعت بسبب الأوضاع في سوريا واللي بدوره ادى الى وقف الصادرات السوريه والتركيه(المرور عبر سوريا)
مثلا سعر الكوسا وصل 10 ريال/كيلو !!!

[moonبنتnight]

اي زادة الاسعار من يوم عيد 00

[شراع]

ما لاحظته زيادة اسعار قطع غيار السيارات والاطارات اما المواد الغذائيه كالخضروات والفواكه الاحظ تذبذب في الاسعار ولكن التذبذب واضح انه في المسار الصاعد كمثال سعر نوع من انواع الفواكه 3 ثم 4. ثم 5.5 ثم العوده للنزول لسعر 4 ويستقر على هذا السعر ليكون ادنى سعر 4 ريال اذن في خلال فتره وجيزه ذاد السعر بنسبة 30% بدون ان يشعر المستهلك

[باراكودا]

بحكم اني رياضي لاحظت الارتفاع المستمر في الركن الرياضي وبشكل شهري
لذا قررت المقاطعة والبحث في الاسواق المجاورة عن بديل مناسب.

[البحار00]

سله البرتقال العصير دائماً اشتريها ب ٢١ ريال

البارحة تفاجئت انها صارت ب ٣٥ ريال


وبعد البارحة شريت درزن دفاتر بو ٦٠ ورقه من مكتبه في مدينه خليفة الجنوبيه ب ٢٤ريال

ويوم رحت رامز تفاجئت انهم يبيعون نفس الدفاتر الدرزن ب ١٦ ريال

[الزعفراني]

ورق لف السندويشات قبل رمضان وفي رمضان كان بـ 11 ريال من يومين شاريه بـ 13 ريال :omen2:

لاحظت زيادة في بعض المواد الاستهلاكية بعضها ريال وبعضها ريالين وبعضها 4 ريالات

[الزعفراني]

ما لاحظته زيادة اسعار قطع غيار السيارات والاطارات اما المواد الغذائيه كالخضروات والفواكه الاحظ تذبذب في الاسعار ولكن التذبذب واضح انه في المسار الصاعد كمثال سعر نوع من انواع الفواكه 3 ثم 4. ثم 5.5 ثم العوده للنزول لسعر 4 ويستقر على هذا السعر ليكون ادنى سعر 4 ريال اذن في خلال فتره وجيزه ذاد السعر بنسبة 30% بدون ان يشعر المستهلك

صحيح في الفواكة والخضار التذبذب يكون كبير الموز على سبيل المثال أحيانا يصك 6 ريال ونص للكيلو ... الله يرحم أيام لريالين

:rolleyes2:

[غايه الطواش]

ورق لف السندويشات قبل رمضان وفي رمضان كان بـ 11 ريال من يومين شاريه بـ 13 ريال :omen2:

لاحظت زيادة في بعض المواد الاستهلاكية بعضها ريال وبعضها ريالين وبعضها 4 ريالات

من وين تاخذه ؟ :shy:

[نورالهدى]

من وين تاخذه ؟ :shy:

أنا أشتريه من اللولو موجود ورق السندويشات:victory:

[عليه العوض]

الاسعار في زياده مستمره لكن بشكل بطي وغير محسوس انا لي خبره كبيره من زمان الاحظ ومراغب الاسعار ان كانت الغذائيه او غيرها

[شراع]

انا ارى ان التضخم قادم وبقوة في جميع انحاء العالم ولكن تدريجي وربما يصل بسرعه جنونيه في الايام القادمه والله اعلم. والزيادة التي طالت الرواتب ما هي الا خطوة استباقيه حكيمه من سمو الامير الكريم هدفها وضع حواجز للاعصار قبل حدوثه لتخفيف الاعباء على الناس بشكل استباقي ولذلك يجب على كل الجهات التي لم يشملها القانون او لم تذيد موظفيها ( ان وجدت )ان تسارع في ذيادتهم فالتضخم عندما يأتي لن يفرق بين من تم زيادة رواتبهم وبين من لم تذد وما لذلك من تداعيات

[ابو عبد الله]

الا واضح ان في زياده في المواد الغذائيه اللي مش اساسية

[غايه الطواش]

أنا أشتريه من اللولو موجود ورق السندويشات:victory:

تقصدين الابيض
ماحبه احسه مال معصره
احب الملون

[ريم 28]

انا دايما اسمع ان في زياده في الاسعار

لكن ما لاحظت هالشي

لاني دائما انسئ السعر وما اركز

لكن حبيت اقول لك ان ما يتهيا لك

الموجودين عندي يقولون في زياده


طيب والحل ؟

[الزعفراني]

من وين تاخذه ؟ :shy:

من اللولو .. أنا كل أسبوعين تقريبا أمير البيت من اللولو أولا لقربه من السكن مقارنة مع المخازن الكبرى وثانيا لتنوع المعروضات مقارنة مع الميرة .. وثلاثا لان السعر مناسب مقارنه بكارفور :rolleyes2:

[الزعفراني]

تقصدين الابيض
ماحبه احسه مال معصره
احب الملون

ايوه هوا بزاتو بتاع المعاصر .. تدرين حنا الفقارى للحين ماوصلنا لمرحلة الملّون للحين أبيض وأسود :secret:

[الزعفراني]

الاسعار في زياده مستمره لكن بشكل بطي وغير محسوس انا لي خبره كبيره من زمان الاحظ ومراغب الاسعار ان كانت الغذائيه او غيرها

وهذا اللي خلاني استفسر واطرح الموضوع ، يمكن الأغلبية ما ينزل يشتري ، ويخلي الدريول او العجوز مع خدامتها ، عشان كذا ما يقدر يلاحظ الزيادة اللي تحدث في السعر لسلع كانت لوقت قريب بأسعار أقل .

[مضارب جديد]

ايوه هوا بزاتو بتاع المعاصر .. تدرين حنا الفقارى للحين ماوصلنا لمرحلة الملّون للحين أبيض وأسود :secret:

مالك حل

[غايه الطواش]

ايوه هوا بزاتو بتاع المعاصر .. تدرين حنا الفقارى للحين ماوصلنا لمرحلة الملّون للحين أبيض وأسود :secret:

ترى فيه ملون انا ماخذه مره من كارفور ومره من ميغا مارت
بس انت مشبص في اللولو للاسباب المذكوره اعلاه :shy:

[hamdy330]

ممكن تكون زادت و ممكن يكون بيتهيألك

بالتوفيق إن شاء الله