القطري سعرة غير والاجنبي حسب الجنسية سعر غير

[خــالــد]

اذكر صديق لي سئالتة قلت لة فلان ليش ماتسافر البلد الفلاني قال من صجك لو يموتون ما اروح سياحة لهذا البلد وانا ادري انهم بيستغلوني وبيضربون علي الاسعار دبل الدبل عينك عينك الحين للاسف صار هذا الشي وبداء بالتفشي في بعض المحلات...


انا استغرب لما ادخل محل مثل معصرة يسوي شباتي وكيماء وكرك واطلب يطلع لي سعر لما اكون بالثوب والغترة ولما يدخل واحد من جنسيتهم يدفع سعر غير يعني الي هو يشترية بنص ريال انت تشترية من نفس المكان بريالين والله صرنا ندفع ضرايب في بلدنا اتمنى من ادارة المستهلك عمل كماين من هذا النوع حتى يشوفوا الموضوع بنفسهم.

[مبارك سعد]

ياحبـــــــــــــــــــــــــــــــــذا .

[بوحمد111]

الله يكفينا شر الحساد والكل يعتقد ان القطري عنده بير بترول في بيته

حسبنا الله وهو نعم الوكيل

[بصمة قطرية]

من شموا ريحة الزيادة و هم مستخفين و يستغلون القطري ..
فعلاً سعر القطري غير
( عنده فلوس ) ..!!!!!
الله يكفينا شرهم ،،

[qatar-2022]

اي زيادة؟؟؟؟؟؟؟

[qatar-2022]

اي زيادة؟؟؟؟؟

[khalid525]

واحنا بعد غلطانين لاننا ندفع اي سعر ينقال لنا ، خصوصا اذا كانت المبالغ صغيرة .

[بصمة قطرية]

الزيادة الأخيرة :secret:
:eek5:
مافي شي جديد :tease:

[@north_star@]

حتى الحلاليق نفس الشي يحلقون لنا بسعر وللهندي بسعر أقل ومرة سالت الحلاق ليش يقولي هذا نفر مسكين !!!!!!

[qatar-2022]

على بالي بعد زيادة يديدة بتنزل

[كازانوفا]

قديمممممممممممممممممممممممه

[الزعفراني]

أعتقد هالموضوع أحد أسبابه غياب الثقافة الاستهلاكية لدى الناس اللي عندها فلوس ومش مفتكره بالأسعار .. وهالشي من حقهم .. لكن هالأسلوب او السلوك الشرائي لهالفئة أثر على الفئة اللي من ذوي الدخل المحدود فصار العرف عند البائع او التاجر ان القطري عنده فلوس ومستعد يدفع وعادي ينقص عليه .. والأمثلة كثيرة و موجوده مع الأسف ..

[خليفـة]

كلامك صحيح اخوي
السعر للقطري يختلف عن سعر الأجنبي

ثلاث اشياء فقط .. يكون فيها السعر واحد للجميع :
اسعار المحلات الي سعرها ثابت
البترول
الجريدة

والله المستعان على بعض البائعين

خليفــة

[المواطن]

الله يكفينا شر الحساد والكل يعتقد ان القطري عنده بير بترول في بيته

حسبنا الله وهو نعم الوكيل

ما تشوف الدريولية هالايم شمسوين في أهل قطر عقب ما فتحت المدارس يا زيادة راتب او بكل حقاره يقولك سفّرني

[Scout Sniper]

البلا من اللي طمعهم فينا ...
اللي يطلب بريالين , ويعطيه عشره .. ويقول خلي الباقي رفيق :)

[باراكودا]

الزيادة الأخيرة :secret:
:eek5:
مافي شي جديد :tease:

الخاروف المدعوم
مايسوى علينا هالخاروف طلع علينا أكثر من بيع السوق

[الغني بالله]

الغالي للغالي يا غالي

[tawareq]

يعني شنسوي نلبس لهم قميص بنطلون على طول
وللا نطرشلهم السواقين والخدامات

حسبي الله ونعم الوكيل

[لمعة الالماس]

المفروض تتدخل وزارة التجارة وحماية المستهلك

وتكون هناك اسعار ثابتة وقوائم واضحة بالاسعار في كل المحلات التجارية والصوالين والمطاعم والمعاصر والداكين

عشا الكل يعرف السعر الحقيقي وما يصير تلاعب

*

[Cooki]

ياحي اللي بو ريال وريالين ..

معانا بالشغل واحد امريكي وصارت سالفه بالشغل وتكلفنا خساره 8 مليون وشي .. جان يقول عادي شنو 8 مليون .. انتوا عندكم وايد فلووس..

حسبي الله عليه تقول يعطينا من جيبه ..

والشرهه مب عليه على جايبينه ورازينه ويكتون عليه الفلوس كت ..

[meandme]

انا اشوف انه عادي...يمكن زباين يوميين يسوولهم خصم...العامل الي راتبه 2000 لازم الناس تحس وياه...هو أسعاره وحده للقطري او لغير القطري...ولو جاله هندي راكب لكزس اكيد بيحاسبه بالسعر الطبيعي...لكن فيهم خير لعيال ديرتهم المساكين الفقراء يسوولهم خصم وهذاماهو عيب...أنا معاكم بموضوع الرقابة على الأسعار ..لازم يكون في تشدد بموضوع التلاعب بالسعر...لكن دام انه البلدية موافقة على السندويتش ابو 7 ريال...ماتقدر انت تمنع البايع يعطيه ب 5 لغيرك

[hamdy330]

بالتوفيق إن شاء الله

[عيون الدوحة]

تعلمو دائماً قبل لاتطلب اسأل عن السعر قبل

[وثائقي]

نعم هذا ملاحظ للأسف وسأروي قصة حدثت معي شخصياً العام الماضي في أحد المطاعم في الدوحة ولا أعلم إن كانت قوانين المنتدى تمنع ذكر إسم المطعم بإختصار أردت تناول الغداء وتفاجأت بأسعار المطعم حيث أن له فرع في العاصمة الأردنية عمان وأسعاره أرخص مع أن الدينار الأردني يعادل خمسة ريالات ونصف الريال وبما أنني ذهبت إلى عمان كثيراً أردت أن أعرف السبب فسألته لما الأسعار هنا أغلى من فرعكم القاطن في عمان فتفاجأ من السؤال قال لي : ألست قطري ؟؟ قلت لا : أنا سعودي فقال في الحرف الواحد : كل بلد وله أسعاره والمواطن القطري يعتبر أكثر دخل في العالم لا تخشى عليهم لو ضاعفنا السعر سيدفعون !!!!

فقلت له إذاً أنا لست بحاجة لمطعم ياكل من خيرات بلد ويقابلهم بالإساءة فخرجت وذهبت إلى مطعم آخر .. هذا ماحدث معي شخصياً ..

[مجرد سفير]

الموضوع بسيط جدا

المكان اللي تشوفه غالي لا تشترون منه

وعن المفوشر

[مجرد سفير]

في مقاهي تسوي الشاهي بريالين

ومطاعم ب 25 ريال

ولك حريه الاختيار او المقاطعه

[غاردينيا]

هالقضيه من زمان معروفه

اغلب المحلات اللي ماعليها رقابه في السعر
القطري سعر غير عن العربي والاجنبي
كلام من احد التجار

جربوا البسوا بانطلون وتيشيرت ودشوا سوموا سعر غرض
وخلوا حد 2 بغتره وعقال يسومه

وبتنصدمون من الفرق

حتي في دوله مجاوره لبسك والعقال خخ يحدد السعر

[Cooki]

اعطيكم مثال ثاني .. مره كنت رايحه سوق بشتري ملابس شتويه .. سمت فانيله شتويه حق الشغاله قال لي الهندي 75 ريال قلت له غالي وطلعت .. وقبل لا اطلع قلت حق شغالتي روحي المحل هاتيها لاني عيزانه ارجع وعطيتها الفلوس .. تتوقعون بكم عطاها الفانيله... 35 ريال ... خذت 2 ورجعت لي 5 ريال ..
هدا خدامه مسكين ..
انتا كتري واجد فلوس ...
ولنا الله ... اللهم ادمها نعمه واحفظها من الزوال

[بوخالد911]

ونفس الشي بمحلات تصليح الراديوهات والفيديوهات

الله يعيينا بس