قطري يطلب اجنبي يتوسط له,,تعرفون حد ؟

[لمت اب]

="3"]اعزائي هذه قصه حدثت لصديق اعرفه شخصيا

صديقي لدية شركة نقليات ورآى قريب من مسكنهم مشروع كبير لاحدى الجهات الرسميه
مشروع حفر ودفان وماشابه ذالك وان هذا المشروع ماخذته شركه كبيره وتعطي الشركات الصغار مثل مايقال (صب كونتراكت) يعني قطاعات للشركات الاصغر
والذي يشتغل فيه باكستانين وسورين وسودانيين ( كلهم اجانب )
ذهب صاحبنا ليشتغل معهم قالوا له ان يذهب للشركه الام يقابل المدير
ذهب للمدير ولم يستطيع مقابلته بدون موعد
قالوا له ارسل بروفايل الشركه وسنعرضه على المدير وهو سيحدد موعد
كل يومين اوثلاثه يكلم السكرتير لتحديد موعد بدون فائده
لان المدير العربي (مع الاسف) لم يوافق على الموعد بعد
واخينا ينتظر والمشروع قرب يخلص
تعرفون حد ممكن يتوسط لاخينا يدخله يشتغل في المشروع؟؟؟؟؟[/color]--
--
اصبحنا غرباء في بلادنا؟؟؟؟؟؟

[بن غيث]

الله المستعان ..

[شموخ دائم]

,

,


مرحبا

اخوي الكريم

( التجاره مافيها قطري او اجنبي )

مثل السياسة تحكمها المصالح والمنافع المشتركة

اذا تريد تشتغل بالحلال بيكون هذا الوضع صعب والابواب مغلقة للاسف
واذا قال للمسئول او المهندس او السكرتير لك ( نسبه ) او ( كوميشن )
بعد ( خمس دقايق ) بيكون عند المسئول
:)
وبعد 24 ساعه بيوقع عقد سب كونتراكت او مقاول من الباطن

بهذي الطريقه يتم اخذ الشغل في قطر للاسف
طريقه ما كانت موجوده نهائيا
الان هي الطريقه الوحيده للعمل بالتجاره


اما الانسان الي ماشي سيده لازم يعمل الاتي :

انصحه يوظف لة هندي شاطر مدير للشركه لان الهنود يعطون شغل لبعض
من باب المساعده لبني جنسه او من خلال
مساعدات جانبية على سبيل المثال
يطلع له ( فيزه هنديه ) يجيب له احد قرايبه
او يعطيك رقم شخص يقرب له عنده شركه
اغذيه ويطلب منك تتعامل معاهم مقابل يعطيك عقد هنا
يعني علاقة تبادل مصالح


( اللهم اغننا بحلالك عن حرامك وبفضللك عمن سواك )


الله يعين صديقك وكل شخص يبي يشتغل بالحلال
يردد هذا الحديث عند كل صلاه والله يوفقه
ويرزقة


,

,



اخوك


شموخ دائم

[الزعفراني]

كان الله في عونه .. وشي يحز في الخاطر.. المشكلة عندنا في التجارة والمشاريع كل قطاع وله لوبي مسيطر عليه ويتحكم فيه ..

[(محمد)]

اتذكر على ايام بدايتي في شغل المقاولات


كان فيه مشروع ماخذينه ... واشتغلنا بذمة وضمير ... وتفاجأنا ان الاستشاري بدا يضيق علينا ... لدرجة انه طرد العمال من المشروع .


واحنا ولا ندري شالسالفة وليش هالمعاملة ... لدرجة ان الفنيين قالوا .. يعاملنا مثل الحيوانات.


والله ضاقت الدنيا علينا ولا عرفنا السالفة




وآخرتها قالي واحد من الخبراء في السوق




الظاهر الاستشاري يبيك تعطيه شي بجيبه .. (رشوة) عشان يمشي شغلك.




التجارة في هالزمن صعبه للي يخاف الله


ونسأل الله الثبات

[Ali A]

التجاره هالايام وسخه للاسف

بس بصراحه توصل ان المواطن يمنع من الشغل في بلده

واللي يمنعه اجنبي هذي مصيبه

وللاسف هذا بسبه بعض المشئولين

[Ali A]

انا لله وانا اليه راجعون

[مجرد سفير]

التجاره هالايام وسخه للاسف

بس بصراحه توصل ان المواطن يمنع من الشغل في بلده

واللي يمنعه اجنبي هذي مصيبه

وللاسف هذا بسبه بعض المشئولين


اللي يمنعه مب الاجانب

اللي يمنعه الهامور القطري المتجنس اللي جاء من بره وجاب ولد بلاده

[MAZEN37]

موضوع في الصميم
انا مع وجهة نظر شموخ دائم جاب الزبده

[لمت اب]

شكرا للاخوه الزعفراني
وشموخ
وبن غيث
ومحمد وعلي ومجرد سفير
ومازن

صراحه كلام الاخوان صحيح صار تلاعب ولوبيات ضد القطري
وهذا ماهو حق هل قطر ويجب ان لا يحصل
كلام شموخ ماهو صحيح ولا يجب ان يكون
التجاره تحكمها المصالح صحيح لكن مو اجنبي يجي ويطردك من بيتك
اذا انت ترضى غيرك مايرضى
ومع الاسف ان طيبة اهل قطر تمنعهم يشتكون ولكن الى مايستحون مايستحون
يعرفون ان القانون ضعيف جدا بهالمجال وغير مفعل
تجيهم المكتب حتى مايقابلونك
الى متى بنعيش على فتات الاجنبي
والمليارات تروح للخارج بين باكستاني ولبناني وكثروا الغلفج الي امس جايين وكلووا حقوقنا ومصالحنا

[Lavander]

( اللهم اغننا بحلالك عن حرامك وبفضللك عمن سواك )