بنك الدوحة والازعاج بالأتصالات طلباً للتحويل للفرع الربوي

[الواعد]

السلام عليكم

بنك الدوحة ازعج العملاء ( عملاء الدوحة الاسلامي سابقا )

لمن لديهم مديونيات بكثرة الاتصالات طالبا منهم التحويل للفرع الربوي

هل وصلتكم اتصالات من بنك الدوحة ؟؟ وهل صحيح ان المصرف المركزي

ارسل للبنوك خطابات لتبليغ العملاء اما بالنقل لبنك آخر أو التحويل لبنك الدوحة العادي ؟

المشكلة انهم يحاولون باصرار عجيب حتى انهم يقولون راح نخصم لك من المديونية


السؤال : هل هناك بنك اسلامي يقبل بشراء المديونية بدون اي زيادة على العميل ؟

ولو رفضت احول ايش راح يسوون بنك الدوحة ؟؟


مش هم في بداية التغيير اللي صار قالوا ان العميل ماراح يلحقه اي ضرر

وان المديونية راح تبقى كوديعة لحد ماتخلص ؟

[اوف ليميت]

اذا تم ازعاجك بالهاتف
روح سجل بلاغ على الرقم او جهة الرقم
وانتظر تجيك من عقب البلاغ مايعادل 3 اتصالات بمعدل اتصال كل يوم

اذا صار هالشي
ارجع للعاصمه وارفقلهم نسخه من الفاتوره تثبت ازعاجك من قبل هالارقام من تلك الجهه
واذا رقم تعبئه..هم بيتكفلون بالمراقبه وبيطلبون من كيوتل نسخه من الداتا او المكالمات الواردة لجهازك في الفتره المطلوبه

عقب شوف شتبي تسوي
تحلها ودي
تحولها نيابه
ترفع قضيه

انت حر

لكن خلك حريص انك ترد على اتصالهم لمره وحده بالاول وتقولهم بصريح العباره (لو سمحتوا انا ما ابي كذا كذا ولحد يتصل على هالرقم مره ثانيه.وشكرا)

:]

[عقار]

مصرف قطر الاسلامي كان مسوي عرض حلو وهو 2.5 % من فتره اغلب عملاء بنك الدوحة الاسلامي نقلوا للمصرف ،،، وحتى بنك بروه
وانا واحد نقلت المديونية للمصرف بدون زيادة ولا ريال ،، الا بالعكس المرابحة قلت ( لان نسبة المصرف اقل من بنك الدوحة الاسلامي )

[سهيمان]

اي نعم انا من الناس اللي ازعجوني وتوي من شوي راجع من مقابلة واحد من موظفي الدوحة الاسلامي

حاولوا يضحكون علي بموضوع النقل وتخفيض الارباح

لكن لما اطلعت على التفاصيل والطريقة فالعملية ليست نقل وانما تسديد مديونية الدوحة الاسلامي

بقرض ( ربوي ) تاخذه من جديد لتسدد السلفة السابقة

هذه الطريقة ((( ربوية ))) والكلام المنمق مجرد فخ ليقع العميل فيه

[الواعد]

اي نعم انا من الناس اللي ازعجوني وتوي من شوي راجع من مقابلة واحد من موظفي الدوحة الاسلامي

حاولوا يضحكون علي بموضوع النقل وتخفيض الارباح

لكن لما اطلعت على التفاصيل والطريقة فالعملية ليست نقل وانما تسديد مديونية الدوحة الاسلامي

بقرض ( ربوي ) تاخذه من جديد لتسدد السلفة السابقة

هذه الطريقة ((( ربوية ))) والكلام المنمق مجرد فخ ليقع العميل فيه

اخيرا طلع واحد زيي

يعني طلعوا كذابين مافيه كتاب من المصرف المركزي يجبر العميل على التحويل

[وحيد-الشوق]

الله يكون بعونكم

احسن حل تنقلون للمصرف الاسلامي

[الزعفراني]

مثل ما ذكر اخوي عقار .. المصرف كان مسوي عرض اظن شهر واحد اللي راح .. حاول تتصل للمصرف وأعرض عليهم نقل المديونية .. صحيح ممكن يضربون عليك في الأرباح بس على الأقل بتعرف انه في التاريخ الفلاني السنه الفلانيه قرضك راح يخلص .. غير انه بنك اسلامي وغير ان الارباح وحده مش فوائد متغيره مثل البنوك الربوية ..

[سهيمان]

اخيرا طلع واحد زيي

يعني طلعوا كذابين مافيه كتاب من المصرف المركزي يجبر العميل على التحويل

مافي قانون يجبرك

هم يبغون يتخلصون من عملاء الفرع الاسلامي بتحويلهم الى الربوي

لذلك اسقطوا عنك الارباح في المدة المتبقية

ومن ثم يعطونك قرض جديد بفوايد جديدة

مع توقيعك على تعهد على انك ماتسدد القرض ولا تحول لاي بنك ولمدة عامين

وللتأكيد الموضوع مب تحويل ولكن قرض ربوي ولكن بفوايد أقل

وتقدر تقعد على قلوبهم لين تخلص مديونيتك وتطلع من هالبنك

[مرحوم قطر]

بنك الدوحه يلبيه عليه

خذت لي رقم من كيوتل على اساس انه جديد

و شريت لي تلفون و قلت هلرقم مب معطيه احد الا اشخاص محددين

يعني اخواني القراب مني و لين ابي اختلي ابنفسي و ابند تلفوني الرسمي

اشغل هلرقم عشان اذا في شي طارئ


لاكن للاسف كيوتل قصو علي و طلع رقم مستعمل و كان حق واحد انقليزي

و يلبيه السنداره كل يوم يتصلون لي و كل ما يتصلون اتهاوش معاهم

و ماتم احد ما كلمته و قالي واللهي يا فندم دا اخر اتصال و اني عملت كنسيل ررقم


و اتصلت كيوتل و اتصلت الشرطه ولا في فايده ما افتكيت من المسجات و المكالمات

و كل ما اشغل التلفون توصلني رسايل انهم متصلين لي 4 او 5 مرات و فوق 10 مسجات

لين كنسلت الرقم



اما بخصوص المديونيه الحمدلله

رفعة القسط و خليته اعلى شي ممكن على حسب راتبي

و كل ما جاتني فلوس قطيتها في المديونيه


و الحمدلله قريب قريب قريب بتخلص

و مب مفكر ارجع حق موضوع الديون مره ثانيه نهائياً حتى لو كانة مسالة حياة او موت


و سكرت ((( كل الفيز الي عندي ))) و افتكيت منهم و البنك التجاري

بهدلني تم يسويلي افلام و شوي و اللبنانيه تقولي بروح اتقهوا معاك بس لا تكنسل الفيزا

اخر شي يو وصلة لدرجة انها خلتني اتنرفز و كانها تقولي لو شتسوي مب ماخذه منك الفيزا

كسرتها قدامها و قطيتها على الطاوله و قلت لها هذي فيزتكم و خلصنا

و عليت صوتي و خليتها تعطيني اورقه انه خلاص الفيزا تكنسلت و تسددت نهائياً

و حطيت الورقه في ملف و حطت الملف في التجوري

عشان ما يرجعون لي بعد كم سنه يقولون عليك متاخرات ولا انت ما كنسلتها


لان ترى هذي لعبة البنوك