مطلوب حليب مطايا و عسل اسود طبيعي

[مــاي ورد]

السلام عليكم


مطلوب حليب مطايا اللي عنده لا يبخل علينا لي قريبة مصابة باللوكيميا الله يكافيكم ويعافيكم من شره وسمعنا ان حليب المطايا جيد للمناعة

واللي يعرف وين ينباع العسل الاسود او عسل السدر الاصلي المخلوط بغذاء ملكات النحل و الجنسنغ

ياريت يكون اصلي او من مشتل معروف حتى


والله يجزيك خير جزاء

[ن.سهيل]

بالتوفيق

[Ali A]

العسل الاسود موجود في تسجيلات اسلاميه

[Ali A]

اللي في العزيزيه - تسجيلات ذو النورين على ما اعتقد

[مــاي ورد]

الله يجزيك خير

مافي مكان ثاني لاني ما ادل هالمحل

[ms-qtr]

إخوي بالنسبة للحليب ممكن تسأل اي حد عنده مزرعة

وراح يساعدك لأن يكون عندهم الحليب فايض

وينتهي بسرعة فأحسن لهم ان حد ياخذه

[داعم طوفه]

حليب عند سوق الغنم صوب المطايا

[Qtrـطر]

الحليب موجود والعسل طال عمرك العسل دامه في ذي النورين . مافيه مشكله . ^_^

تحياتي

[bojassem13]

اسمح لي اخوي اللي كاتب الموضوع
بس أنا بعد ادور حليب مطايا

ولقيت شباب قالو لي اروح صوب العزب والمزارع وبيعطوني الرعيان بس ما حبيت اروح بدون استأذن من راعي الحلال علشان ما تدخل في ذمتي و يا ليت اللي يعرف يدلنا جزاكم الله خير

[hamad aaa]

بالنسبة للحليب اي عزبه بتعطيكم وراعي الحلال يفرح بالي يجونه للحليب ولا حد يستحي

[شقران قطر]

الحليب موجود عندي والله يشفي مريضكم طرشلي رقم على الخاص اوصفلك العزبه ومر عليهم وفالك طيب

[الرويـس]

الله يشفي مريضكم

[قطري10]

العسل عندي مضمون عسل سدر طبيعي عند واحد مطوع أعرفه أخوه عنده توكيل عسل

[(العديم)]

الله يشفي مريضكم ومرضى المسلمين

[بوعامر]

الله يشفي مريضكم

[حياة]

العسل مع الغذاء في سوق واقف وفيه شيبه يمني ثقه اللي يبيع