موقف غريب تعرضت له [الأرشيف] - منتديات شبكة الأسهم القطرية

ام علي1981

12-09-2012, 08:26 PM

عندما كنت ابحث عن فيلا للشراء
وجدت فيلا مناسبة وان كانت لا تخلو من بعض العيوب التي يمكن التغاضي عنها
ولكن مااثار دهشتي ان عمر بناء الفيلا يقارب العامين ومع ذلك لم يتم إيصال الكهرباء لها مع انها في موقع جيد والخدمات موجودة في المنطقة والسمسار رافض شرح الموضوع بانه بعد إتمام البيع بإمكاننا التقديم ورافض رفضاً تاماً بالإدلاء باي معلومات تخص المالك وسبب عدم تمديد الكهرباء للفيلا
يعني بالعربي في إنّ بالموضوع

وحبيت أخذ مشورتكم او اي تعليق على الموضوع *

حسن

12-09-2012, 08:29 PM

حركات نصابين والفلل الله مكثرها بس حبيت اعرف اي منطقه

ابداع قلم

12-09-2012, 08:36 PM

خذي رقم العداد والكهرباء وعندك كهرماء ممكن يفيدونك

khalid525

12-09-2012, 08:38 PM

شيك عند كهرما افضل ، سنتين وايد

اداري

12-09-2012, 08:41 PM

شيكي عند كهرماء

انا شريت فيلا ما فيها كهرباء وبعدين مددنا عند كهرماء

اهم شي تودين رقم الكهرباء والماي اللي على الفيلا وهم يقولونلج متى توصل الكهربا

alsoq

12-09-2012, 08:43 PM

ما فيه الى تفسير واحد ان الفلا مخالفه للشروط وفي ها الحله لا يتم توصيل الكهرباء

شموخ دائم

12-09-2012, 09:15 PM

,

,

مرحبا

الله يوفقك لك يارب

الاحتمال الاول انه يبي يحملك رسوم الكهرباء ( 20 الف )
لانه فيلا يسمونها تجاري للبيع ورسومها عاليه

الاحتمال الثاني في مشكله مع البلديه ( اتمام بناء )
الورقه هذي ضروريه اذا ما طلعها مايقدر يدخل الكهرباء

الاحتمال الثالث ان في مشكله مع الكهرباء
وهذا الامر سهل تتاكدون منه من رقم الكهرباء والماء

الخلاصه
طلبي شهاده اتمام البناء
وطلبي كرت الكهرباء
وطلبي شهاده ضمان العازل للبيت

هذي الامور المهمه في كل فيلا

بالتوفيق لك

,

,

اخوك

شموخ دائم

ام علي1981

12-09-2012, 09:15 PM

المشكلة ان مافي رقم للعداد والسمسار مب صريح
والفيلل ياكثرها بس كنت متعجبة من الموقف

خليفـة

12-09-2012, 09:25 PM

السالفة واضحه اختي
البايع يبيج تتحملين رسوم توصيل الخدمة
20.000 ريال
:)

اذا الفله مناسبه لكم وعاجبتكم .. وافقوا
بس اشرطوا على البايع ان مبلغ توصيل الرسوم تنخصم من قيمة الفيلا

وبالتوفيق ان شاء الله

خليفــة

النهار

12-09-2012, 09:26 PM

الفله مخالفه للشروط
1- بنيت من غير ترخيص
2-غير مطابقه للمواصفات المطلوبه
3-بنيت على ارض الغير ( وضع اليد )
4-مشاكل قضائيه تنازع على الارض او تنازع على الورث
هذه اربع حالات لايتم توصيل الكهرباء الى العقار الا بعد حل هذه المشاكل

عنزي قطر

12-09-2012, 09:35 PM

الفلل وايد وانا اخوج ونصيحه دام فيها مشاكل والبيع ماهو على وضح النقاء ابعدي عنها

الخزرجي قطر

12-09-2012, 09:36 PM

الاعضاء ماقصوا في الرد وقبل كل شي التاكد عدم وجود اية مخالفات بدلا من الدخول في مشاكل الواحد في غنى عنها بالتوفيق ان شاءالله

ام علي1981

12-09-2012, 10:00 PM

مشكور اخوي شموخ بس المشكلة البيت ماعليه رقم كهربا
ولين سألنا السمسار عن الكرت الابيض مال الكهربا رفض
وقلت له ما حد يشتري سمك في ماي

ام علي1981

12-09-2012, 10:03 PM

ماقصرتو إخواني في الرد رايتكم بيضة
وعساني ماانحرم من مشورتكم

خزامئ

12-09-2012, 10:04 PM

اختي الله يرزقش رزق ماحتسبتي عليه

باب يجي منه ريح سده واستريح

ANONYMOUS

12-09-2012, 11:20 PM

مش معقول ان السبب ال 20 الف

انا كمالك مابعطل فيلا سنتين عشان 20 الف

حسستوني ان المبلغ مليونين مش 20 الف

في سنتين اقل شي ممكن يطلع 200 الف ايجار..

هالفيلا اكيد فيها إن

شوفي لج فيلا جاهزه ابرك

(محمد)

12-09-2012, 11:27 PM

نصيحة اختي

ابعدي عنها

واضح انه فيه شي كبير .... وشرعا لا يجوز اخفاء أي عيوب .. وهذا من الغش في البيع.

وفقكم الله وسدد خطاكم

meandme

13-09-2012, 01:46 AM

الظاهر إنه الفيلا مسكونه بالجن...كل مايوصلونلها الكهرباء ينقطع التيار ههههههههههههههه

ام علي1981

13-09-2012, 08:39 AM

بارك الله فيكم اخواني

اخوي meandme انا بعد شكيت بنفس الموضوع

qatari911

13-09-2012, 10:40 AM

اختي ام علي
يمكن هذا نصاب
بلغي الشرطة وخليهم يكونون موجودين معج اذا قابلتي السمسار
لانه يمكن يطلع نصاب وياكثرهم
لن كل ماقلتيله شي رفض
والمفروض يوصلج بالمالك علشان تكونين على بينه

Abdulraman

13-09-2012, 10:47 AM

هل هو طلع اتمام بناء اذا طلع خذي صوره منها وراجعي كهرماء وهم بخبرونج بالموضوع
اذا عنده اتمام بناء يعني ماعنده مشكلة مع البلدية وانا اتوقع هو حاط حمل اكثر من اللي عطته كهرماء يعني في غرامه ماليه

ام علي1981

13-09-2012, 11:03 AM

المشكلة ان السمسار رافض اعطاء الورقة

بس الحمدلله ماتورطنا

راشد محمد

13-09-2012, 11:13 AM

:nice:
الفله مخالفه للشروط
1- بنيت من غير ترخيص
2-غير مطابقه للمواصفات المطلوبه
3-بنيت على ارض الغير ( وضع اليد )
4-مشاكل قضائيه تنازع على الارض او تنازع على الورث
هذه اربع حالات لايتم توصيل الكهرباء الى العقار الا بعد حل هذه المشاكل

:nice:

مستثمر 999

13-09-2012, 11:17 AM

عادي جدا والموضوع ماله علاقه بالمخالفات

كل السالفه ان تركيب العداد يكلف حسب استغلال العقار

من 3000-5000 حسب القوة

والمالك ما يقدر يركب العداد ويدخل الهكربا والماء الا بعد التأكد من الغرض من الاستخدام ( للسكن - للايجار- او يمكن تكون اداريه )

ام علي1981

13-09-2012, 11:40 AM

المشكلة اخوي مستثمر 999 انه رافض التصريح بالسبب
ولو ذكر ان هذا هو السبب كان تقبلنا رايه
المشكلة الثانية انه السمسار الثاني اللي معاه قال ان الكهربا ممدوددة بس يفصلونها بالليل
معنى هذا انه مافي صراحة بالموضوع
لكني احمد الله اننا ماتورطنا معاه بحسن النية
وانشالله الله يكفي الجميع شر المحتالين

ام علي1981

15-09-2012, 07:09 PM

ولين سألناه وين ورقة اتمام البناء قال موجودة بس مابعطيكم إياها
الموضوع اثر فيني لان السماسرة لعبو فينا والملاك مايعرفون شي عن اللي يصير

وحيد-الشوق

15-09-2012, 10:38 PM

الظاهر إنه الفيلا مسكونه بالجن...كل مايوصلونلها الكهرباء ينقطع التيار ههههههههههههههه

ههههههههههههههههه :nice:

حاسبي هالدنيا فيها ناس همها الفلوس وبس مايهمهم حرام ولاغيره

الله ييسر امورج وتحصلين فيلا غيرها