الهروب من العمل

[latof]

اليوم اكتب عن التامين الصحي والضمير الغائب لكثير من الموظفين وخاصه للأسف القطريين والفطريات الذين يجب ان يكونوا عبره لغيرهم من الوافدين وغياب ضمير بعض العيادات وانا لا اذكر الاسم وهي مستشفى معروف للأسف ويقوم بالعمليات الجراحيه والكل يعرفها والله انه يعطي اجازات مرضيه احيانا اسبوع واحيانا اربعه ايام اذا الموظف يريد السفر يذهب الى هذه العياده والله مرة عندي احتقان وذهبت لهم والله اعطوني ادويه أنا ليست في حاجه لها عند عودتي للبيت جلست احسب اسعار الادويه والله أربعمائة ريال قالوها مال عمك شو همك حسبي الله عليهم اتمنا في ضوء زيادة الرواتب ان يكون قانون لا تقبل الإجازة المرضيه فقط من المراكز الصحيه ومؤسسة حمد لانه اغلب الناس ضميرهم ميت وذمتهم وآسعه"...............الله يا عمري قطر

[الخيالة]

شلون يعني مافهمت !!!!!!

[مستر بن]

الله المستعان ..

[khalid525]

كلام صحيح

[نورالهدى]

ايه بعد الضماير عليها السلام

من لا يراقب نفسه ويتقن عمله ويخلصه لوجه الله عز وجل

ماذا تتوقع منه ؟؟!!

[النهار]

الله المستعان الحين قاموا يقبلون اي اجازه حتى لوكانت من عند الخباز خليها على الله وصل الحال ببعض الموظفين الاجازات المرضيه في السنه اكثر من 90 يوم طبعا متفرقه من اسبوع وانت طالع حسب السفره وهالعيادات همها الماده قبل كل شي ليش اهل الاختصاص مايراقبون مثل تلك العيادات
والله اعرف اكثر من واحد من الي يأخذون ايجازات بأستمرار الله باليهم فعلا بأمراض لم تكن في اسلافهم
لاتتمارضوا وتمرضوا وتمتوا

[ام ناصر1]

خاطري اسوي هالحركة من زمان ...ايش اسم الدكتور ..او وين الاقي شرواه

[captin]

ضيعت الأمانة


للأسف هذا الواقع
وصار الموظف يدور أي طريقة
للتهرب من العمل بأعذار واهية ووهمية
ومنها الإجازات الطبية من بعض العيادات
والمستشفيات الحكومية والخاصة.

واللي يساعد على هاذي الظاهرة وجود بعض عديمي الذمة
والضمير من الدكاترة والاداريين بالعيادات من اللي يصدر
الاجازات الطبية للموظفين دون وجه استحقاق.

يغيب يقولك مريض ويقدم إجازة طبية وتكتشف انه مسافر كم يوم
مع ربعه او في رحلة قنص او يتسكع في المولات والاسواق.

المطلوب التشديد على منح الاجازات الطبية ووضع شروط اكثر صرامة
بحيث ما تعطى الا للي فعلا مريض ويستحقها.

[المسك1969]

والله يالغلا كل انسان وضميره ومحد راح يقدر يغير اعطاء الاجازات او تقنينها في الخاص...

ولكن والله يالغلا أني أروح وقت حاجتي وأكون منتهيه للمركز الصحي مثلا وحرارتي 41 وأخرج بلا إجازة وعندما أعود أطلب أجازة تقول الدكتورة لا عادي تقدرين تداومين أن كان الشخص حرارته 38 و39 يكون طايح شلون بو 41 درجه... فأضطر أن أغيب على حسابي وفي هذا ظلم وكله يكذبون أن ما نقدر نعطي أجازات ممنوع... ليش وأنا مريضة والاجازة أصلا تخصم من راتبي؟

وللأسف بعض الدكاترة ما عندهم أمانه ولا يفرق بين المريض وغيره ... وأحيانا يمر الانسان بظروف نفسية من ضيق وخلافه وهنا أيضا هو في حاجة ليوم أو يومين إجازة بس والله ما نلقاها إلا بطلعه الروح أو ناخذها من أجازتنا

وكلها بسبب أن هناك من يتلاعب ويكذب من أجل إجازة يغش فيها ليسافر ...ولا يدري هذا المسكين/ة أنه قد يصيبه هذا المرض فيمرض (يفول على روحه)

جزاكم الله خيرا

[w.qatar]

للاسف المستشفيات صارت تعطي الصاحي اللي عنده دكتور يعرفه او اللي عيار يعرف يمثل عدل على طول يعطونه الاجازات

و اللي صج مريض يبهدلونه لين ياخذ يوم واحد :weeping:

هالشي يصير معاي دايما بما اني اعاني من الجيوب و التهاب الاذن والاحتقانات بشكل متكرر:(

[الكنترول]

والله كلامك صحيح ....

مع زوجتي بالعمل مدرسة أخذت إجازة سنة والراتب ينزل كامل لان أخوها دكتور طلع لها إجازة

وبعد ماحتجة إحدى المدرسات للي ماسكة منهجها عند المدير بالغت المديرة الجهة المختصة ورجعوها العمل

بمدرسة مستقله والحين خل تأخذ إجازة

[chillis]

خاطري اسوي هالحركة من زمان ...ايش اسم الدكتور ..او وين الاقي شرواه

اي عياده خاصه من المستشفيات الكبيره :) كلها تعطي مهب بس مستشفى واحد لا الكل

[Al- noor]

هو على الانسان نفسه وترا هاذي مسالة ضمير الاجازة المرضية اذا خذاها وهو مب مريض ولا يستحقها يعتبر غش وغيرهذا راتب هاليوم حرام في ذمته يكون ... والله ماتسوى 1000 ريال اكلها بالحرام خل يخصمونها ابرك ..
انا كل اجازاتي بدون راتب مع اني اقدر اخذها مرضية ولكن السالفه سالفة مبدا.. وفيه ناس يعتبرون انه الراتب من الحكومة ومن حقهم يمشى لهم حتى لو كانوا مايستحقون ... مايفكرون اذا هو حلل هالراتب او لا !!!!

[captin]

هو على الانسان نفسه وترا هاذي مسالة ضمير الاجازة المرضية اذا خذاها وهو مب مريض ولا يستحقها يعتبر غش وغيرهذا راتب هاليوم حرام في ذمته يكون ... والله ماتسوى 1000 ريال اكلها بالحرام خل يخصمونها ابرك ..
انا كل اجازاتي بدون راتب مع اني اقدر اخذها مرضية ولكن السالفه سالفة مبدا.. وفيه ناس يعتبرون انه الراتب من الحكومة ومن حقهم يمشى لهم حتى لو كانوا مايستحقون ... مايفكرون اذا هو حلل هالراتب او لا !!!!

بل الغالبية تعتبر الوظيفة الحكومية إعانة إجتماعية
يعني حق مكتسب وما عندهم مشكله يغيبون أو يتاخرون
او يحضرون ومن مال الحكومة فيجوز التمادي والتساهل فيه.

بعضهم بكل برود يقوم الصبح وماله مزاج يروح يكمل نوم وعلى مكتبه
معاملات الناس وبعضهم مسكين مستأذن من شغله عشان يروح ينجز المعاملة
والأخ ماله مزاج يدوام قال في نفسه باريح اليوم وبكرة باروح اقدم اجازة مرضية.


ناسين أن الله بيحاسبهم على مثقال الذرة

[ساس الوفا]

انا معاك في موضوع منح الاجازات ..

انا رحت احد المستشفيات الخاصه والمعروووفه ( على التأمين ) وقلت حق الدكتور احس بألم في ظهري الظاهر انها العضله من المكيف .. والله يا جماعة الخير قبل يكشف علي قالي كم يوم تبي اعطيك إجازة ؟!!!!

مثل ما تفضلت يجب الإعتراف فقط بإجازة مستشفى حمد او المراكز الصحيه لانها صعب تطلع للشخص اللي يدعي المرض ..

والقصد مب التعجيز او او او ..

يا جماعة الخير نبي نواكب التطور والرقي .. الدوله قاعده تنهض واحنا للحين على الروتيين القديم والإجازات الغير قانوينه والتهرب من إنجاز الأعمال المطلوبة وغيرها من تأخير مصالح الناس ..

لو نزل قانون رادع الكل بيستئ .. الواحد يقول الحمدلله على التساهيل الموجوده .. صح البعض يعاني من ضغط او طول وقت الدوام لكن الحمدلله رواتبنا من اعلى الرواتب على مستوى العالم ..

ودمتم سالمين

[عيون الدوحة]

والله كلامك صحيح ....

مع زوجتي بالعمل مدرسة أخذت إجازة سنة والراتب ينزل كامل لان أخوها دكتور طلع لها إجازة

وبعد ماحتجة إحدى المدرسات للي ماسكة منهجها عند المدير بالغت المديرة الجهة المختصة ورجعوها العمل

بمدرسة مستقله والحين خل تأخذ إجازة

مستحيل سنة العيادات الخاصة ما تقدر تعطي اكثر من اسبوع ل 10 ايام

ومستشفى حمد أسبوعين ومش من اي دكتور لازم دكتور استشاري وختم المستشفى

[الشيخة شيوخة]

اليوم اكتب عن التامين الصحي والضمير الغائب لكثير من الموظفين وخاصه للأسف القطريين والفطريات الذين يجب ان يكونوا عبره لغيرهم من الوافدين وغياب ضمير بعض العيادات وانا لا اذكر الاسم وهي مستشفى معروف للأسف ويقوم بالعمليات الجراحيه والكل يعرفها والله انه يعطي اجازات مرضيه احيانا اسبوع واحيانا اربعه ايام اذا الموظف يريد السفر يذهب الى هذه العياده والله مرة عندي احتقان وذهبت لهم والله اعطوني ادويه أنا ليست في حاجه لها عند عودتي للبيت جلست احسب اسعار الادويه والله أربعمائة ريال قالوها مال عمك شو همك حسبي الله عليهم اتمنا في ضوء زيادة الرواتب ان يكون قانون لا تقبل الإجازة المرضيه فقط من المراكز الصحيه ومؤسسة حمد لانه اغلب الناس ضميرهم ميت وذمتهم وآسعه"...............الله يا عمري قطر

اذا غاب الدين بتلاقي مثل هذا وازود

[الخيالة]

مستحيل سنة العيادات الخاصة ما تقدر تعطي اكثر من اسبوع ل 10 ايام

ومستشفى حمد أسبوعين ومش من اي دكتور لازم دكتور استشاري وختم المستشفى

صح مايعطون هالكثر
أنا مره عشان الم الظهر الدكتور الاستشاري في حمد عطاني أجازه 10 ايام لان قال لازم ارتاح

[غايه الطواش]

انا. مرتين سويت عمليه عطوني أسبوعين وقالي الدكتور الموعد الجاي نجدد الاجازه
الاجازه الي ممكن تكون طويله عمليات الظهر

[qatara]

ويقولون رواتبنا لاتكفي الحقيقه مهب لاتكفي الحقيقه انها ممحوقة البركه
كيف يبارك الله برزق مسروق من وقت العمل
وهم يبحثون عن الحيل للهروب من
العمل قد يستطيعون خداع رب العمل

لاكن الله بهم عليم فكيف تحل البركه بالراتب والرزق

الله يصلحنا اجمعين

[حقيقه]

زين وين هالعياده