احذركم من التعامل مع (( مكتب الحقيقه لجلب الايدي العامله ))

[احساس رابح]

بسم الله الرحمن الرحيم
‏​نصيـحه لكـم يـآ آهـل قطـر لا تتـعاملـون مع
(( مكتـب الحقيقه لجلب الأيدي العامله ))
مكـانه قريـب مـن جسـر الجيـده


قدمت على خادمـه بـ 9300 ريال ، شهـر 4 / 2012 وجاتني شهر 5 لـكن مـاتبـي تشتغـل ورجعتـها للمكتـب وتحايلو علـي علشان مـا آآخذ الفلوس ان اقـدم على غيـرها من عنـدهم وفعلاً قدمـت على خـادمـه غيـرهـا وتمنيت آآنـي ماقدمـت ، المهله المتفق عليها وصول الخادمه البديله هـي 20 يوم على أساس استثناء المهم تمت شهـرين ماجابـوها ورحت أراجعهم وكل يوم اجـي فيـه لمـديـر المكتـب / إسـامه ( سوري ) يقـول لي يـوم الاثنين واصلـه وأجيـه يـوم الاثنيـن ويقـول يـوم الخميـس بتكـون موجـوده وعلى هالموال لمدة 4 شهـور وكـل اعذاره انـا مريـض وإلا سـافرت وإلا إهمال الموظفيـن اللي عنـدي ، وأخيـراً إليـوم تاريخ 9 / 9 / 2012 استرجعت المبلغ » كل شغلهم كذب في كذب وعدم مصداقيه «

على هالاساس أحذركم منه <

# واللـه العظيـم ان مـأورد أعـلاه حقيـقه واللـه علـى مـا أقول شهيـد

[عيون الدوحة]

من اسمه الحقيقة
اكيد العكس

[nokia30]

وووين حمايه المستهك عن النصابين

[بن غيث]

المشكله ان كل بين فتره وفتره
هذه المكاتب التعبانه تغير الاسم التجاري لها .. وبعد تغير مكان المكتب
وينصبون على الناس من جديد ..
نفس المشكله في شركات المقاولات ..
حسبي الله ونعم الوكيل

[كتكوت الوحش]

المشكله ان كل بين فتره وفتره
هذه المكاتب التعبانه تغير الاسم التجاري لها .. وبعد تغير مكان المكتب
وينصبون على الناس من جديد ..
نفس المشكله في شركات المقاولات ..
حسبي الله ونعم الوكيل

حلو حلو :victory: افكار جديده يعني عندهم

[اللوز]

لا فض الله فوك
ونتمنى من الاعضاء ذكر اسماء المكاتب التي لا تلتزم بجلب الخدم خلال الفترة المحددة

[alwahesh]

اخوي العزيز

المشكله الي طرحتها مشكله عامه مع كل المكاتب لان السبب من مكاتبهم اليفي الخارج سواء كان في الفلبين او اندونيسيا او اي دوله كانت

وغير شروط الطفارات التعجيزيه وتدخلها في كل صغيره وكبيره

وكبر دليل على المصدافيه ان المكتب رد لك فلوسك كلها مع انه كان ممكن يعطيك نص المبلغ بحجة الرسوم والمصاريف والمكالمات والفاكسات الخ الخ

[mE mYself & i]

جزاك الله خير على التنبيه

[nawara2]

ولله كلهم حراميه ولا ليش سعر الخدم ٩٥٠٠وب ٩٨٠٠ليش انشاء لله لوجايب رجل الالي. ماكان ليكون سعره

[جفى الجوارح]

احسن حل شوف لك وحده من خدم اهلك وأسألها عندها اخت ولا صديقه تبي تشتغل وقولها (خلصي امورك مع مكتب الخدم الي في بلادك وعقبها طرشي لي اوراقك وباسوي لك فيزا واطرش لك تذكرة)

[مسمس12]

واحد من الاهل تعامل معهم من 4 شهور ونفس كلامك بالضبط

[كبير المتداولين]

تم اضافتهم للقائمه السوداء

[راشد محمد]

جزاك الله خير على التنبيه

[رذاذ]

... في مكاتب مسوين لها تقيم درجه اولى ودرجة ثانية ودرجة ثالثه في التعامل ---
مره شفته بالمنتدى .. عسا اتوفق انشالله

[بوخالد911]

تم اضافتهم للقائمه السوداء

[asulaiti]

احسن حل شوف لك وحده من خدم اهلك وأسألها عندها اخت ولا صديقه تبي تشتغل وقولها (خلصي امورك مع مكتب الخدم الي في بلادك وعقبها طرشي لي اوراقك وباسوي لك فيزا واطرش لك تذكرة)

والله يا ليت اخوي تصير هذه الطريقة، المشكلة أنها صارت صعبة ولازم موافقة السفارة المحلية، والسفارة يطلبون انهاء المعاملة عن طريق مكتب ..

ولد عمي من فترة حاول يجيب خادمة بهذه الطريقة، أو كأنه جابها لكن ماقدر يخلص اجراءتها إلا يوم راح مكتب ودفع لهم مبلغ .. وفي الاخير طلعت عليه التكلفة نفس الشيء لو اتفق مع مكتب يجيبها .. وطبعاً كلع تعب لكن في النهاية خسر مسألة الضمان ..

[سارونه]

كل مكاتب الخدم نصب واحتيال

ويتفقون مع الخدامة قبل ماتخلص 3 شهور قولي مابي اشتغل واحنا بندبر لج بيت احسن ههههههه

طيب الرجال الي طالب منكم خدامه ودافع دم قلبه والمبلغ الخيالي ليه تتحايلون عليه :(

ورب الكعبة حراااااااااام :(

[بوخالد911]

والضحية هو الزبووووون

[بنت الواصل]

معظم المكاتب ماعندهم مصداقية في التعامل مع الزبون الاهم دفع المبلغ وانت حظك

[عقار]

والله يا جماعه مثل مكتب القمه لجلب الايدي العامله انا ما شفت
قمه في التعامل وراعي المكتب / عبدالله العمودي بنفسه شايف ومتابع الشغل هو وموظف عنده اسمه فهد
الله يرزقهم ويرزقنا

[dm styal]

وانا ايضاً كنت ضحية لهذا المكتب خياسة نفس من ادارتها نصيحتي كلهم حرااااااااامــــــــــــــــــــــــــــــــــــــ ــــــــية

[نوار قطر]

مكتب الحقيقه وهو بعيد كل البعد من الحقيقه

[ضوى]

والله يا جماعه مثل مكتب القمه لجلب الايدي العامله انا ما شفت
قمه في التعامل وراعي المكتب / عبدالله العمودي بنفسه شايف ومتابع الشغل هو وموظف عنده اسمه فهد
الله يرزقهم ويرزقنا

عبدالله العمودي ؟؟؟

اقول خلني ساكتة بس

[السماج]

لاحول ولاقوة الا بالله

[لـبـيـه]

عبدالله العمودي ؟؟؟

اقول خلني ساكتة بس

لاتسكتين اكتبي تجربتج معاهم

[عذب الكلام 1]

مشكور اخوي على التنبيه ماقصرت

اما الشباب اللى كاتبين تم اضافتهم للقائمه السوداء اتمني منهم بتزويدنا بالقائمه السوداء حتي يتم الحذر منهم وتعد بادره طيبه منهم وشكراا

[بومحمد 00]

عبدالله العمودي ؟؟؟

اقول خلني ساكتة بس


شهادة لله

مع اني والله ماعرفه

جبت عن طريقه 5 فلبينيات علا مدا سبع سنوات

والله ماقد رجعت وحده فيهم للمكتب كلهم كملو سنتين وفوق

اذكر وحدة تمت عندي 3 سنوات

والحين وحدة فيهم 4 سنوات وشغاله عندي تبارك الله

[بوجاسم 75]

أقسم بالله حتى مكتب مانيلا لجلب الأيدي العاملة نفس الشئ كذب فى كذب

[ضوى]

شهادة لله

مع اني والله ماعرفه

جبت عن طريقه 5 فلبينيات علا مدا سبع سنوات

والله ماقد رجعت وحده فيهم للمكتب كلهم كملو سنتين وفوق

اذكر وحدة تمت عندي 3 سنوات

والحين وحدة فيهم 4 سنوات وشغاله عندي تبارك الله


انا أعرفه عز المعرفة ، وصديق حميم لابونا واخوي رحمة الله عليه ، يجب شغالات ماعليهم كلام بس اسلوبه مع الخدم مايعجبني

[بوحارب]

انا انصحكم في مكتب التقدم لجلب الأيدي العامله في شارع ال شافي

راعي المكتب علي الهاجري رجال والنعم به

اعرفه من ايام الدراسة وتعاملت مع مكتبه مره وحده وتعاملهم فوق الممتاز :)