عااااجل جدااا استخراج فيزا للهند

[مساهم الشبكه]

السلام عليكم ورحمة الله وبركاته ..لو تكرمتوا ابي استخرج ثلاث فيز للهند مدينة بنجلور الهنديه لعدد ثلاث قطرين من يقدر يفيدني بمكتب سمعته ممتازه وسريع او شخص ممكن يستعجل في الفيز وجزاكم الله خير

[دااانة قطر]

اللي اعرفه الفيزا ماتخذ وقت تروح تقدم مع الاورااق المطلوبه وتااخذ الفيزا نفس اليوم العصر


http://www.indianembassyqatar.org/visainformation.html#top

[alwahesh]

السفاره الهنديه في الهلال القديم

من اشارات السينمات تدخل اللفه الي قبل جريدة الرايه

اول لفه يمين - اول لفه يسار

[مساهم الشبكه]

بيض الله وجيهكم وطول اعماركم

[خالد العمادي]

وعليكم السلام ورحمة الله وبركاته

أخوي تقدر تروح السفاره الهنديه بمنطقة الهلال وبتلاقي طباعين هناك بيعبون لك الأوراق المطلوبه وتفدمها الصبح وبعد الساعه ثلاث العصر تستلم التأشيره
قيمة التأشيره الواحده 160 ريال
ولكن يجب أن يكون معك نسخه من التذكره ونسخه من حجز السكن هناك وهذا شرط أساسي لدى السفاره الهنديه
السكن ممكن تكلم شركة سفريات وبيعطونك ورقة حجز بدون مقابل أذا كنت تعرفهم وهناك لما توصل بتلاقي شقق فندقيه ممتازه وأسعارها في حدود 400 ريال اليله ( غرفتين وصاله ومطبخ وحمامين أعزك الله )
وأذا حبيت تاخذ سايق ممكن أعطيك رقم سايق هناك الكل يتعامل معاه والرجل أمين وعنده شركه ومجموعه كبيره من السايقين وبينتظرك في المطار وبيوصلك الفندق وبيضبطلك مواعيد المستشفيات وبيكون هو المترجم وبيخلصلك كل أمورك من الألف الى الياء الى أن ترجع وكل هذا مقابل 120 ريال للسياره سبع أشخاص
وحوالي 90 ريال للسياره الصالون وكل شي عليه
والمستشفيات هو يعرف أفضل العيادات هناك
وأنصحك أذا بتروح لعلاج الأوزون تروح للدكتوره لانيكا وماتروح لأحمد الأنصاري لأن سمعته مب طيبه هناك وسعره غالي ومب متخصص عكس الدكتوره الهنديه اللي بتلاقي عندها أغلب الخليجيين وتعاملها جدا ممتاز
وأي أستفسار انا حاضر

وموفق أخوي

[suwaidi7]

بالسلامه عزيزي

[cavok]

صحيح انك فنان اخوي خالد العمادي

[ms-qtr]

فعلا نفس ما قالوا الاخوان
يطلعونلك الفيزا بنفس اليوم
بس لازم تودي كل طلباتهم

[دااانة قطر]

وأذا حبيت تاخذ سايق ممكن أعطيك رقم سايق هناك الكل يتعامل معاه والرجل أمين وعنده شركه ومجموعه كبيره من السايقين وبينتظرك في المطار وبيوصلك الفندق وبيضبطلك مواعيد المستشفيات وبيكون هو المترجم وبيخلصلك كل أمورك من الألف الى الياء الى أن ترجع وكل هذا مقابل 120 ريال للسياره سبع أشخاص


بعد اذن صااحب الموضوع ممكن رقم الساايق اخوي

[خالد العمادي]

بعد اذن صااحب الموضوع ممكن رقم الساايق اخوي

ان شاء الله أختي اليوم راح أحط لكم كل المعلومات المهمه اللي راح تفيدكم وتسهل أموركم هناك

مع أرقام الدكاتره الممتازين عن تجربه

[بوالبيض]

علي طول اهم شي تحجز الفندق والتذكره وفي نفس الوقت يطلعون لك الفيزا انا من اسبوع مطلع فيزا حق الهند

[بن السليم1]

بالتوفيق