التداول في المساء

[madia]

لماذا لا يكون التداول في المساء بدل التداول في الصباح
الحين التداول من الساعة 9 ______ 11.30
يخلونه من 3 ________ 5.30
يعني نفس الشي كله ساعتين ونص
شنو الايجابيات
ان الناس بتركز في شغلها
والناس الي ماتقدر تدخل السوق بسبب اشغالها بتدخل العصر وبتزيد السيولة
والوقت بيكون مناسب
اتمنى يطبقون هالقرار
انا عن نفسي متلعوزه مع السوق واكثر الايام ماقدر اتابعه لاني اكون في الشغل واحيانا تكون عندي فلوس وابي اشتري بس ما احب اشتري الا لما اشوف الشاشة والاسعار كلها قدامي مادي اشرايكم

[mghat]

والله فكره جيدة.. وتستحق الدراسه..
.. ولو بعد هالوقت..

[سهم123]

مع أحترامي لوجهات النظر

لا أحبذ التداول المسائي أو الداول على فترتين

الا اذا زادت فترة التداول الصباحية إلى 12 أو 12.30 يكون أفضل

حتى يركز الشخص في أتخاذ قرار البيع أو الشراء ، وعدم التهور و الأستعجال

[Unti_Jewish]

بسم الله الرحمن الرحيم

اخي الفاضل madia

مع الفكرة ... يكون موعد افتتاح بورصة قطر من بعد صلاة العصر الى صلاة المغرب
خلونا نشعر بذاتنا


معلومات

اذكر بورصة قطر كانت تفتح طوال اليوم عن طريق الدلالين , وكان البيع والشراء في اى وقت
والتسجيل فقط الصباح في مقر الشركة صاحبة الأسهم .

وفي السعودية مع بداية السوق السعودي كان افتتاح بورصة السعودية بعد الظهر.

[سهم قوي جدا]

اخالفك في الرأي لأن الواحد يرجع من الدوام اقل شي الساعه 1 ونص ولين مايتغدى قول بينام الساعه 2 ونص صعبه صعبه يقوم الساعه 3 ونص

[مراقب السوق]

جود مجنونك لا يجيك الي أجن منه

مانبغي شي .. بس نص ساعه ازياده .. يخلونا مثل ما أحنا .. ويخلون التداول لين الساعه 12

وانشالله خير .. :)

حتى العصر .. والمغرب بيروح وقت بيتك واعياك اذا بتقعد اتابع حلالك في السوق ..


انا اشوف يخلونا مثل ما احنا اخير .. واذا تكرمو علينا لين الساعه 12 الظهر

[الأختصاصي]

اقتراحاتي نشوف تعديل بالسوق اول شي
وبعدها نفكر بالوقت ان كان صباح او مساء
بس من مجرد الفكره هي طبعا حلوه

[madia]

اخالفك في الرأي لأن الواحد يرجع من الدوام اقل شي الساعه 1 ونص ولين مايتغدى قول بينام الساعه 2 ونص صعبه صعبه يقوم الساعه 3 ونص
استغفر الله العظيم
اخوي الانسان لازم يقوم يصلي العصر ونوم العصر يكون نص ساعة قيلولة مب اكثر

[madia]

مع أحترامي لوجهات النظر

لا أحبذ التداول المسائي أو الداول على فترتين

الا اذا زادت فترة التداول الصباحية إلى 12 أو 12.30 يكون أفضل

حتى يركز الشخص في أتخاذ قرار البيع أو الشراء ، وعدم التهور و الأستعجال
تداول فتره واحده وليس فترتين
يعني بدال الفتره الصباحية تصير فتره مسائية ساعتين ونص وهالشي له فوائد كبيرة

[سهم123]

تداول فتره واحده وليس فترتين
يعني بدال الفتره الصباحية تصير فتره مسائية ساعتين ونص وهالشي له فوائد كبيرة

أخي لا أرى تلك الفائدة الكبيرة

بيتم الواحد مشغول طول يومه

الصباح في الشغل و بالمساء بالبورصة

اعتقد الواحد لن يتفرق للأمور الأخرى ولن يكون هناك متسع للراحة