شكوى من اجل الحوار 1

[مجرد سفير]

المشكله الاولى هي اني رحت الموارد البشريه عشان يرشحون لي مدرسه انتقل لها وبالفعل ما قصروا وعطوني مدرسه ابتدائية في المطار وعطوني كتاب رسمي موجه لها

ولما رحت لهم نقعوني وما عاملوني باحترام لاكثر من ساعتين وهم منقعيني في الصاله علما بأن المديره والنائية الاداريه والمنسقه كانوا يشوفوني بدون اهتمام


السؤال اشلون ممكن اجيب حقي ؟

[المسك1969]

عفوا حقج في شنو؟ أنهم نقعوج؟ طيب يالغلا أحسني الظن لعلهم شافوج صج لكن كانوا فعلا مشغولين

أحسني الظن وارتاحي ماصار شيء ربي يحفظج

عسى ربي يوفقج والله عبالي موضوع كبير

[chillis]

صرنا على كل شي نشتكي ونسئ الظن

[khalid525]

ما فهمنا هل رشحوك للتوظيف ولا تنقل عيالك لها ، ياليت توضح السالفة؟

[حـ ن ـيـ ن]

اختي اغلب ادارات المدارس مشغولين مابين تعاميم وطلاب مستجدين وغيرها من الامور

الادارية التي لا نعلم بها ، ولعلّ هذا السبب ...

[qatarshark]

اولا انتي قلتي عندي كتاب للنقل وترشيح من الموارد البشرية ورحتى المدرسة وما استقبلوج على قولتج
المفروض انتي على طول تروحين للسكرتيرة لانها هي الي عندها السوالف هذي وبالتالي راح تكلم النائبة او المديرة ولا تكبرين السالفة ترى هاليومين مشغولين بدوشة الطلاب وتوزيع الكتب الخ.
احسني الظن بارك الله فيج وخلج وسيعة صدر ترى الضيقة ما تنفع خصوصا بالمجال هذا
وتقبلي تحياتي

[intesar]

:secret::secret::secret:

[مجرد سفير]

تهمني اراءكم

ويهمني ردج اختي انتصار


لاني بعدين بحط طريقه تعامل مديرتين بنفس أليه المقابله

وبحط اسماء المدارس واسماء المديرات اللي تمت معهم المقابله



قريبا ....

[intesar]

مالي بهذا الموضوع.. لأني ما عرف فيه..

[الزعفراني]

اتصل على 155 المجلس الاعلى واطلب مكتب شؤون المدارس المستقلة .. وقولهم اسم المدرسة وبيحولونك على الموظفة المنسقة بين المدرسة والمجلس الأعلى .. بس ما ادري اذا كان مضمون الشكوى اللي تتحدث عنها ممكن يفيدونك فيها والا مالهم خص بمثل هالشكاوي .

طبعا اذا حد رد على اتصالك تأكد انك انسان محظوظ :)

[ولد العلي]

طبعا اذا حد رد على اتصالك تأكد انك انسان محظوظ :)

:nice:

[الحريّه]

أخي مجرد سفير ,
تختلف إدارات المدارس باختلاف البشر . فهناك إدارات تربوية و أخرى تسيّر الأمور فقط , و البعض الآخر يعجز حتى عن هذا .
و قد ذكر البعض هنا انشغال الإدارات ببداية العام الدراسي و المقابلات و أمطار تعاميم المجلس الأعلى التي لا تنتهي , بل هي في هطول يستمر حتى أثناء الإجازة .
إلا أن وجود شخص في مكانٍ ما من إدارة المدرسة عادةً ما يكون وجوداً مكشوفاً , بمعنى أن الجميع يراه . و بما أن شكواك للمجلس الأعلى قد لا ترأب صدعاً , فنصيحتي لك و لغيرك بالعمل بالمثل القائل " إن كان ما لَكْ من ذراعك نَيْده ( نجده ) / شربك من كفوف لرجال هماي ( هماج أي الماء الخريج المالح ) . يعني لا تنتظر , بل إسأل عن حاجتك مباشرة بدون انتظار خاصة إذا أحسست أنك أصبحت كمّاً مهملاً غير منظور . خذ الجواب سيده , ثم قرر الإنتظار من عدمه .
تحياتي:victory: