ما أدري شسوي مع النت

[ms-qtr]

بسم الله الرحمن الرحيم

جهاز الوايرلس في بيتنا واااااايد يقطع:weeping:

وما أعرف شالسبب الرئيسي مع إنا غيرنا الجهاز اكثر من مره والجهاز بيني وبينه غرفه

يمكن لأن أخوي واصل جهاز الوايرلس بوايرات حق لابتوبه وأجهزته فهو مستمتع بالنت وباقي البيت متأثر:secret:

أبي أعرف شنو أفضل طريقة لتقوية النت ؟؟؟

كل ما أكلم الوالد يقولي بيركبون الفايبر قريب بس مادري متى قريب :rolleyes2:

هل أنطر الفايبر؟؟؟
أو أركب جهاز ثاني بخط ثاني؟؟
أو أركب مقوي للجهاز؟؟

[روح الاطلس]

نفس حالتي :(

لا والحين الوايرلس كله مقطوع واشبك ع الثري جي للايفون وكل يومين ساحبين علي ٢٠٠ ريال من كرتي .. بسكم نصب ياكيوتل فقرتونا :(

[monatee]

اعتقد من كيوتل دامك تقول ركبت اكثر من جهاز

قبل فتره يوم نقلنا بيتنا اليديد صار ان النت يفصل فجاه ويرجع

حول الثلاث شكاوي سجلتها في كيوتل ولا في فايده

وكنت وقتها مركبه مزاييك تي في من يفصل تشير عندي القنوات ولازم اسوي رستارت

اخر شي قلت لهم شيلوا مبلغ الفاتوره كله عني انا مب دافعه في شي انا ماستفدت منه

بعدها كلومني الاي تي وقالولي فعلا يبين عندنا انج تعملين وايد رستارت حق الوايرلس وطرشولي فني ومن بعدها انحلت المشكلة

لازم تكبر الموضوع وياهم عشان يهتمون للمشكلة ويطرشون فني فاهم في الشغل

اما اذا اتهاون معاهم يخلصونك باي كلام ويعطونك حلول واهيه

[خليفـة]

الحل الأول :
ركبي جهاز لنكسس
وايد زين .. ومداه بعيد
والاشارة ماتقطع ابد

الحل الثاني :
عيدي تحميل جهاز الواير لس مرة ثانية
فيه مكان في الجهاز تضغطين عليه بالابرة يسوي نفس الرستارت لنفسه
وتردين تعرفينه وتحملينه من جديد
لان مرات يخرف الجهاز من دون سبب

الحل الثالث :
طالما ان غرفتج قريبه من الجهاز
مدي واير واشبكيه بشكل مباشر
وانا اضمن لج ان تكون قوة الاشارة عندج100%
وما ينقطع أبد

بالتوفيق ان شاء الله
:)

خليفـــة

[المبرمج صلاح]

اذا كنتي غيرتي الجهاز اكثر من مرة فالمشكلة تكون من كيوتل وهذه حصلت لواحد اشتغلت عنده مرة
كان في اليوم يفصل اكثر عشرين مرة ولا يوجد احد سواه يستخدم النت

وفي الاخير اكتشفنا ان ويرات كيوتل اللي بين البيت والمجمع حق كيوتل متالهكة جدا وبعد الشكوي لكيوتل تم تغيير الوايرات كلها الخاصة بها من المجمع اللي بره البيت واللي جوة البيت وتم حل المشكلة

حالة اخري يتم فصل النت فيها اذا كان هناك ضغط كبير على الرواتر وسرعة النت ضعيفة فيفصل تلقائي
اذا كان اخوكي يستخدم النت في التحميل وهناك اكثر من جهاز في البيت وسرعتكم من كيوتل 1 ميجا
فمن الطبيعي يفصل بعد الضغط

الحلول رواتر قوي من شركة لنكسس adsl 320n
والاتصال بكيوتل وطلب منهم تشييك ويرات خاصة المجمع اللي بره البيت
رفع سرعة النت بما يتناسب مع عدد الاجهزة اللي تشبك عليه

بالتوفيق للجميع ان شاء الله

[الزعفراني]

اذا ما يقطع عند اخوج .. المشكلة من نظام التشغيل في جهازج .. اي ويندوز مركبه على جهازج ؟

[ms-qtr]

اذا ما يقطع عند اخوج .. المشكلة من نظام التشغيل في جهازج .. اي ويندوز مركبه على جهازج ؟

المشكلة مب من جهازي لأنه اختي عندها نفس المشكلة

ولما نسكر كهربة الوايرلس ونبطلها

يرجع النت مره ثانية

وبعدها يتم شغال فتره قصيرة ويرد ينقطع

[الزعفراني]

المشكلة مب من جهازي لأنه اختي عندها نفس المشكلة

ولما نسكر كهربة الوايرلس ونبطلها

يرجع النت مره ثانية

وبعدها يتم شغال فتره قصيرة ويرد ينقطع

انا كانت عندي نفس المشكلة كنت منزل ع الجهاز ويندوز فيستا .. وعقب فرمت الجهاز ونزلت ويندوز7 بس مواصفات الجهاز قديمه اشوي .. وكانت تصير لي مشاكل كثيرة مع النت والكيبورد ومع التصفح ، وديته عند خلدون في اسوفتيل وقالي انزل بعض الملفات اللي يتوافق فيها نظام ويندوز 7 مع الهاردوير في الجهاز .