ايهما افضل جالكسي3 او ايفون5 او نوت2؟؟؟

[مثير للجدل]

مثل ماهو باين بالعنوان نبي نشوف مقارنه عادله بين هذه الاجهزه ومن ضمنها الصوت اثناء التكلم وعلى السبيكر وجودة التصنيع والبرامج الموجوده بالماركت ودرجة حمايتها والامان وسرعة الجهاز وستجابته لك وسهولة الاستخدام


واترك لكم المقارنه العادله لكي يستفيد الكل منها

[رجل الجزيرة]

هذا بين الأيفون 5 والنوت 2



http://www.androidauthority.com/apple-iphone-5-vs-samsung-galaxy-note-2-114698/

[حميداني]

على حسبك انت , ان مالك بارض تبتدي تتعلم شي يديد ومتعود على الايفون
فلا بأس بالايفون خاصه ان كنت تميل لحجم الشاشه الصغير وطريقة قبضة الايفون

اما من صوبي

النوت 2 طبعاً بكل المقاييس بدايه من 2 قيقا رام اللي تسمح لي اشغل ملفات الاكسل العملاقه من غير لاقز ولا مشاكل مثل اللي صادفتها بالايفون 4 اس

الى سعة البطاريه الى انك تعتمد عليه عليه في كل شي من بلوتوث وغيره من تقنيات ذكيه ومش مغلق على نفسه وتستطيع تسوي ما تسوي فيه فهو فعلاً لك ان اشتريته

مب محتكر نفسه ومن مميزاته بعد اللي هي على حسب الذوق الخاص حجم الشاشه وانسيابتها
في العرض والقلم صار شي ما استغني عنه بشغلي

والمحول علشان الشحن تقريباً بتحصله بكل مكان فان انت برى ما تتعطل
كل العالم هاليومين عندهم على الاقل بلاك بيري اما وصله مميزه فهذي الله يكون بعونك
تقدر تشغل العاب القيم بوي والنينتدو وكثير على الجالاكسي نوت ومع معالج اقوى وسعة رام اكبر
بيكون شي رهيب وفيه حريه كبيره بالسيستم ونظام انك تختار كل الاشياء بزر يوفر عليك وقت بالهبل وحتى الاوفر كيل
وان بتنزل بلا ايتونز بلا برامج خارجيه بلا خرابيط , ايزي وين ما تكون او على كمبيوتر من يكون
من صوبي شفت فرق شاااسع بين الجالاكسي والايفون

ان كنت يديد بين هالتلفونين .. فبكل ثقه أقولك
اختار الجالاكسي اس 3 او الجالاكسي نوت 2 على حسب ذوقك لانهم أفضل بأميال

صراحه ما شفت شي يديد في الايفون غير تطويلة الشاشه اللي هي كانت حركه حلوه المسجات والماسنجر
غير جذي مافيه شي الا اللهم بالسرعه

واللي ضحكني انهم مسويين سالفه على الاتصال فيس تو فيس .. اللي بالفيديو انها تشتغل على ال3g
وهاي يمكن كان موجود بالاجهزه من سنة جدي ومن زمان الجوالات تستعمل هالقنيه فهي مب يديده الا عندهم وفكرة انه بلوتوثهم محتكر شي جداً استأت منه من هالشركه

على كل حال , مهما تختار فالله يبارك لك في اللي تشتريه

[المبرمج صلاح]

اذا هقارن الايفون 5 بجالاكسي اس 3 سوف يكونون متعادلين مع الميل الي اس 3

اما اذا اقارن الايفون 5 بالنوت 2 طبعا النوت متفوق بشدة كما ذكر اخونا حميداني

بصراحة كنت هاقتنع بالايفون لو كبرو الشاشة واستغنو عن الايتونز

انا قررت اني اشتري الجالاكسي نوت 2 وابيع الاس 2 اللي عندي مع انه جهاز جبار هالاس 2 بس حابب اجدد :shy:

[puree]

http://aboflan.com/wp-content/uploads/2012/09/Samsung-I9300-Galaxy-S-III-vs.-Apple-iPhone-5-GSMArena.com_1-595x898.png

http://aboflan.com/wp-content/uploads/2012/09/iPhone-5-vs-Galaxy-S3-spec-comparison-ITProPortal.com_-595x1378.png

[اليحصبي]

مع اني كنت شبه متوقع ان الايفون يخطف الانظار لكنه خيب الظن ،
https://fbcdn-sphotos-g-a.akamaihd.net/hphotos-ak-ash3/523236_466345090065388_567566452_n.jpg

حاليا بالنسبه لي آخذ Nokia Lumia 920 (http://www.nokia.com/mea-ar/products/phone/lumia920/specifications/) ولا ايفون
،
شكلي بحول صوب الـ نوت 2
http://www.mrusf.com/imgs/bbm/angel.png

[مثير للجدل]

الله يجزيكم كل خير متابع لردودكم

بالنسبه لي عندي ايفون وماشوف في فرق يستحق المغامره

اعتقد بحول للنوت ٢ مع الاحتفاظ بالايفون ٤ اس