المساعد الشخصي الرقمي

مشاهدة النسخة كاملة : غير متوفر في الصيدليه


مستثمر_
14-09-2012, 08:01 PM
السلام عليكم

تروح اتعالج في المركز الصحي والوصفه الطبيه نصها مب موجود في الصيدليه
شغله تنرفز

متى التأمين الصحي يا مسؤلين
الحكومه وفرت مباني جديده ودكاتره بس العلاج ليش نصه موجود ونصه لا
الدكتور مايدري مثلا او الصيدلاني خاشه او وين الخلل
بن غيث
14-09-2012, 08:49 PM
مع كثر مراجعاتي للمستشفى والمراكز الصحية لم اصادف هذا الموقف ابدا
لان الطبيب لا يمكن يعطيك وصفة طبية مب موجودة في الصيدلية
ومرات يقولي في ادوية بس مب متوفرة من الصحة موجودة في الصيدليات الخاصة ومفعولها اقوى ..

وما تشوف شر ان شاء الله
الصغيره
14-09-2012, 10:47 PM
تصير كثير معي واشتري من برا

الله يسهلها علينا
قلبي الطيب
15-09-2012, 01:51 AM
أدوية المراكز الصحية مفعولها ضعيف اخوي عنده حساسية وكانوا يوصف له أدوية مفعولها ما يدوم بس لما وديناه على الخاص ويشرينا ادويه من الصيدلية حالته تحسنت وايد عن قبل
هارودز
15-09-2012, 01:57 AM
ابرة فيتامين دال غير متوفره وحتى الحبوب بعض الادوية غير متوفرة
angelicheart
15-09-2012, 02:39 AM
لا حول ولا قوة الا بالله ، يعني لازم الواحد يدور ع كل الصيدليات الخاصة لعدم توفر الأدوية


اخوي ممكن تقدم شكوى في المجلس الاعلى للصحة اذا عندهم رقم او فورم للشكاوي
PrivateHeart
15-09-2012, 02:48 AM
ليش مستعجلين على التامين

بكرة بتطلع مشاكل التامين وبلاويه

هذا المرض لا يغطيه التامين ولا الاحلى يقلك هذا عيب خلقي مب مرض وماله تامين

بكره نشوف العجب
غرِيبهـ
15-09-2012, 11:56 AM
هالموقف مر علي من يومين في صيدلية مستشفى حمد الدور الثاني
انتظر اخذ دواء للوالدة
لاحظت كل وحده لازم يكون في دوا مب موجود ومايعرفون متى يتوفر
يقول لها راجعي الصيدلية لين يتوفر

طيب اذا الدوا مو متوفر لازم يوجدون اليه للمريض عشان يعرف متى يراجع
او متى يوصل الدوا مع هالزحمة وقلة المواقف في حمد كيف يبون
الناس تتردد بنفسها اكثر من مره عشان يوفرون لهم الادوية الناقصة .

المضحك لما جا دوري عطوني دوا يكفي شهر فقط والمكتوب في الوصفة دوا لمدة ٣ اشهر
قالو مافي كمية راجعي بعد شهر .


ملاحظة: محد اشار في موضوع الى النظام الجديد لصرف الادوية تكرار الدواء في مستشفى حمد في السابق في غرفة مختصة لصرف الادوية تكرارها دون الرجوع للدكتور
ولكن الان اللغوها واذا تبي دوا لازم تدخل على الدكتور
طيب اذا في قانونهم يصرف الدوا لمدة ثلاثة اشهر فقط
وانت موعدك مع الدكتور بعد بعد ستة اشهر لان مافي مواعيد قريبه
شالحل ؟
Locale
15-09-2012, 09:26 PM
أدوية المراكز الصحية مفعولها ضعيف اخوي عنده حساسية وكانوا يوصف له أدوية مفعولها ما يدوم بس لما وديناه على الخاص ويشرينا ادويه من الصيدلية حالته تحسنت وايد عن قبل

صحيح كلامج هالشي لاحظته
كتكوت الوحش
15-09-2012, 10:45 PM
تصير كثير معي واشتري من برا

الله يسهلها علينا

وانا نفس الشي وايد اتصير معاي
وبالذات بمستشفى العمادي