البحرين

[PrivateHeart]

السلام عليكم اعضاء المنتدى
بروح البحرين سياحة عسريع تغيير جو ثلاث ايام
شنهي الاماكن اللي تنصحون فيها

[أبو راكان]

خلك فالدوحة ابرك

[.. الكاش ..]

اي والله صدقت يابوراكان مازالت الاوضاع غير مطمئنه لو في مجال غير الرحله

[الفهد1]

وضح السفر باالطيارة والا باالسيارة

[م. عبدالعزيز]

البحرين فيها مشاكل، خصوصا بالمناطق اللي فيها شيعه

[وطن]

سلّم على البحرين وأهلها :(
اشتقت لها

اخوي حاول ما تدخل مناطق الشيعة هناك
و امورك طيبة

بخصوص الأماكن السياحية
شنو جوك ؟
يعني تبي مجمعات
ولا تبي تروح عذاري ؟؟
ولا تبي منتجعات ؟؟!!
تبي مطاعم ؟

[PrivateHeart]

بروح بالسيارة وشنهي اماكن الشيعة حتى ابعد عنها

[محمد الجفيري]

بخصوص البحرين انا من الاحداث وانا دايما اروح لان زوجتي بحرينية واهل زوجتي هناك
مافي اي مشاكل دامكم في المدن الرئيسية - المنامة ومحرق والحد والرفاع كلها مدن امنة
والمناطق الي فيها مشاكل ما راح تتاذى فيها باذن الله لانها مجرد امور غريبة تشوفها جدامك
تاير محروق او درام ماي او مسكرين الشارع
في كل الحالات باذن الله ما راح تتاثر روح وغير جو

بالنسبة للاماكن الحلوة هي الستي سنتر
مجمع السيف
مجمع الماركات جنب الشيراتون مودا مول
عندك شارع الجفير التجاري مطاعم حلوة
عندك خلف فندق الخليج كوفي شوبات رائعة (ليلو ومجموعة مطاعم اخرى حلوة ما اعرف اسمها)
عندك ايضا جزر امواج فيها مطاعم جميلة
مجمع العالي
شارع بوكوارة في الرفاع
شارع عراد جنب جسميز
مطعم جسميز لازم تمره لانه شي حلو ومميز (مثل المطاعم السريعة الامريكية)
شارع المعارض خذلك لفتين فيه حلو وفيه عندك بعد مجموعة مطاعم هناك
ايضا عندك فندق الكمبنسكي وهو فندق لاصق في ستي سنتر البحرين
روح الحدائق المائية مثلا عندك جنة دلمون المفقودة
وعندك حديقة مائية ثانية نسيتها
وداخل الستي سنتر في بعد مدينة العاب مائية
في عندك شارع العدلية حلو خذلك لفه فيه
شارع محرق التجاري خذلك لفة
سوق محرق عبارة عن سوق قديم ورخيص (نسبيا)

واخيرا استمتع :)

[هارودز]

روح دبي افضل لك

[theeb_qatar]

روح واستمتع ومثل ماقالك الجفيري بتشوف اشياء غريبه ومحد بيضرك

لان شغلهم مع حكومتهم مب معاك ..

وانجووي

[PrivateHeart]

مشكوريين اعزائي الاعضاء
شكر خاص للجفيري حمستني زيادة اروح
واللي يبي شي حاضريين :)

[captin]

البحرين ما فيها شيء الإ اهلها الطيبين :)



موفق إن شاء الله

[العملة النادرة]

البحرين مثل ماقال اخوي الجفيري مافيها شي كنت في فترة العيد هناك زحمه في كل المجمعات ابتعد عن مناطق الشيعه واصلا الشرطه في كل مكان في الشوارع الرئيسية

من الاماكن الي اقترحها عليك كالاتي
المجمعات الستي سنتر وايد حلو كل شي فيه
جزر امواج فيها مطاعم جميلة بالتحديد في اللاغون Tea club
ايضا عندك فندق الكمبنسكي وهو فندق لاصق في ستي سنتر البحرين المطعم الي في الطابق الارضي حلو
فندق السوفتيل الزلاق منتجع حلو وفيه بيج وبرك سباحه وايد حلو والمطاعم الي فيه حلوة خصوصا السرايا والايطالي
فندق الخليج البوفيه فيه خطير في مطعم الواحه كل الاكل لذيذ
عندك كوفي شوب ليلو بالقرب من مجمع العالي انصحك تتريق فيه خطير
وعندك مطعم زعفران في دواعيس محرق شي خيال اكل شعبي بس الكوفي شوب جديد قديم جديد شي خيال
جنه دلمون المفقوده مثل الواد وادي في دبي وفي بعد حديقه مائية داخل الستي سنتر الواهووو ايضا جميله
في فندق البنيان تري او العرين حاليا فيه فيلا مع المسبح ممكن تستمتع فيه لو بتروح مع المدام منتجع صحراوي
وايد في اماكن حلو حتى الستي سنتر داخل وايد اماكن حلوة كوفي شوب وسينما وبولينغ وفي منطقه العدليه بالقرب من فندق الخليج فيها ايضا كوفي شوب

[للصبر اخر]

بالسلامه
جيب لي معااك جزميييس

[باراكودا]

توني جاي من البحرين بالسيارة والاماكن التي زرتها
السيتي سنتر أفضل مول حاليا في البحرين وعندك سوق المحرق الشعبي
للبهرات والحلويات أفضل محل في السوق جمال شويطر وأفضل محل متاي
مقابل محل جمال المحل على اليمين أفضل من المحل الى على اليسار
وحاسب تقرب من البوابة الرئيسية لعين عذارى وزرت الحديقة المائية
جنة دلمون وشليت عليه .

[بوخالد911]

بالسلامة

وخلك بمحرق والمنامة والرفاع

وابعد عن : جد حفص و سنابس و كرباباد و سترة و النبيه صالح و دمستان
وغيرها من القرى الشيعية

[بوخالد911]

بالسلامة

وخلك بمحرق والمنامة والرفاع

وابعد عن : جد حفص و سنابس و كرباباد و سترة و النبيه صالح و دمستان
وغيرها من القرى الشيعية

[المسعف]

اخوي توكل على الله ولافيها شي
غير المجمعات عندك جنة دلمون المفقودة وعندك جزر امواج (لجون) ودرجن و محمية العرين متحف البحرين ..... والله انك بتستانس والديرة رخيصة مقارنه مع دبي والله انه مافيها شي واذا تبي شي حا

[intesar]

لا تروح البحرين.. ما أحسها دولة سياحية..
تراني رايحتها أكثر من مرة..

[حفيد الأنصار]

توني من اسبوعين راجع من هناك
جلست اقل من يوم فيها بس :rolleyes2:
كان عندي كورس في الشرقية وقلت اسير عليهم :victory:
الديرة حلوة اسواق ومجمعات يعني تغيير جو :nice:

[Abdullah_89]

روح جنه دلمون

الستي سنتر

السف


هاي البحرين :)


وابتعد عن مناطق وقرى الشيعه

انصح بالسكن في فندق الدبلومات او فندق الخليج او كراون بلازا

[ريتويت]

دبي ابرك

[alsndbad-q8]

دبي ابرك


والله ياطويلة العمر دبي صحيح ابرك لكن اغلى نار وشرار شدعوة نتعشى شخصين بمطعم في دبي ب800 وشي لييييش؟
وبأقل من هالسعر تقريبا تتغدين في لندن هارودز مثلا او في بنصف السعر في افضل مطاعم الستيك الامريكي في لوس انجلوس.
صراحه انا ماقمت اروح دبي وكرهت بسبب الغلاء الغير معقول ماعندنا مشكلة لو الفاتورة ب500 درهم مثلا .. لكن 800 وزود تقريبا سعر غرفة بأحدى الفنادق الخمس نجوم. مو معقول
الله يخلي قطر مشاءالله توني زايركم هالويك اند كتارا وسوق واقف وبيلاجيو ومجمع اللاندمارك من احلى الاماكن والمطاعم ممتازة جدا واسعارهم معقولة نفس الكويت تقريبا وخل دبي تستريح
تقبلي رايي وانا خوج وتحياتي لج.
بالتوفيق لكاتب الموضوع واعتذر اذا طلعت من صلب الموضوع.

[بوالبيض]

روح وريح بالك ما في مشاكل بس ابتعد عن مناطق الشيعه
الستي والسيف وكم لفه في شارع المعارض والجفير والعدليه
وخلصت البحرين .. الله يوفقك

[ابداع قلم]

عادي خذ لك لفة وين ماتبي بس خل معاك صور لحسن نصر الله احتياط في حالة انك دخلت مناطقهم بالغلط !!

[مرت محمد]

معقوله اروح اغير جوو في البحرين عشان مجمع السيف ولا حلوى ومتاي مع احترامي لهل البحرين الطيبين بس بصراحه مفيها شي يعني يستاهل اذا تبي مجمعات عندك الخبر

اذا صج تبي تغير جو عندك دبي فيها اماكن كثيره حلوه

وفي النهايه المكان الي تفضله وترتاح فيه

[Melamode]

thanx

[Melamode]

بالتوفيق