المساعد الشخصي الرقمي

مشاهدة النسخة كاملة : ماهو الافضل البلاط الشعبي او الانترلوك


مضارب دوسري
15-09-2012, 04:43 PM
السلام عليكم
يا اخوان بغيت استفسر ماهو الافضل البلاط الشعبي ولا الانترلوك
وماهي ايجابيات وسلبيات كل نوع ؟
لاني ناوي احجز كميه من الحين واخليها فالستور لين يجي وقت التركيب
وشكرا
مضارب دوسري
15-09-2012, 10:25 PM
بانتظار ارائكم
ولد المنصور
16-09-2012, 12:28 AM
هلا اخوي فيك
البلاط الشعبي صار قديم,, والنوعيه الزينه صار مقارب سعرها الانواع الثانيه الجديده اللي فيها اشكال والاوان الانتر لوك افضل من البلاط الشعبي , بس فيه نوع من الانتر لوك يتحفر مع الوقت اسال عن النوع الزين ...
عندك مصنع سمسمه ,,,, وبيت الاحسا وانا اشوف ممتاز ,,, وبعد مصنع دانه الخليج ش12 باب 84 مشاهد الجنوب عنده اشكال ممتازه ....
وبالتوفيق
مضارب دوسري
16-09-2012, 02:08 AM
هلا اخوي فيك
البلاط الشعبي صار قديم,, والنوعيه الزينه صار مقارب سعرها الانواع الثانيه الجديده اللي فيها اشكال والاوان الانتر لوك افضل من البلاط الشعبي , بس فيه نوع من الانتر لوك يتحفر مع الوقت اسال عن النوع الزين ...
عندك مصنع سمسمه ,,,, وبيت الاحسا وانا اشوف ممتاز ,,, وبعد مصنع دانه الخليج ش12 باب 84 مشاهد الجنوب عنده اشكال ممتازه ....
وبالتوفيق

هلا اخوي انا سمعت ان الانترلوك يجمع النمل هل هذا الشي صحيح ؟
w.qatar
16-09-2012, 07:43 AM
من تجربتي الشخصية في بيتنا الحالي الانترلوك ماساه كله بيوت نمل و مع الوقت ترا لونه يروح ويصير باهت

ان شاء الله بيتنا الجديد بنحط بلاط شعبي قطري كان في بيتنا القديم و الله من اكثر من 20 سنه و هو صامد ما شاء الله و كل ما غسلت الحوش شفته يلق و لا يتغير و لا شي

مع ان في الانتر لوك ميزه حلوه ابوي يحبها و هي انك تقدر تشيله وقت الحاجه اذا مثلا بتسوي
حوض زراعة اضافي و لا قاعدة بلاط للخيمة اي عامل يشيله بسهوله و تسوي مشروعك فالمكان
almaf1a
16-09-2012, 07:58 AM
البلاط حق السياكل ولعب الكورة للعيال
IT Engineer
16-09-2012, 01:03 PM
السلام عليكم
يا اخوان بغيت استفسر ماهو الافضل البلاط الشعبي ولا الانترلوك
وماهي ايجابيات وسلبيات كل نوع ؟
لاني ناوي احجز كميه من الحين واخليها فالستور لين يجي وقت التركيب
وشكرا

مرحبا اخوي احسن من البلاط الشعبي ما في اولا سهل في التنظيف ثانيا حلو في شكله بس لما تركب البلاط الشعبي او حتى الانترلوك لازم تسوي لك صبيه علشان في المستقبل ما ينزل في مستوى الأرض من وقوف السيارات او من من المياه يعني الغسيل اذا كنت تبي تغسل الصبية يحافظ على مستوى الأرض ثابته وشكرا لكم وان شاء الله منزل مبارك
فارس قطر
16-09-2012, 01:29 PM
البلاط الشعبي لة مميزات كثيرة

سهولة غسل الحوش

عدم تجمع الاتربة والغبار

من ناحية الجمالية فهوا اجمل

والاسعار متقاربة بين 20 ---50

على حسب الحجم وشكل.
معماري قطري
16-09-2012, 01:55 PM
شفت إنترلوك مركب بطريقة متساوية ومرصوص عدل وأتوقع ما يستوي بهالطريقة الا إذا كانت تحته صبية إسمنت .. وكان من نوعية ممتازة .. هذا الكلام في ساحة مول مفتوح وكبير في أمريكا
اللوز
16-09-2012, 05:50 PM
البلاط الشعبي افضل بكثير
مع ملاحظة اختيار البلاط اللي فيه كسر رخام
وعندك محل بيت الاحساء نوع البلاط اماراتي
captin
16-09-2012, 07:51 PM
مرحبا أخوي ,,,

اثبت البلاط الشعبي أنه فعلا هو الأقوى واللي يدوم لفترة أطول
بالنسبة للتركيب في البيوت في قطر .

أولأ شكله ما يتغير ويدوم لفترة طويلة

وسهل الغسل ويستحمل الثقل والسيارات

لو صار وخفق جزء من البيت او تكسر لسبب أو لآخر
تقدر تغيره بسهولة .

يوجد من البلاط الشعبي أنواع كثيرة وفي منها تجاري تكون
كسر الرخام ولونه مائل للبياض اكثر وهذا النوع تجاري
وبسرعة يتحفر مع الغسيل والماء والشمس وهو ارخص نوع في السوق.
وسعره في حدود الـ 22 ريال للمتر او أكثر شوية

ونوع ثاني لونه ابيض لكن كمية الرخام المكسر به أكثر
وسماكته أكبر قوي ويستحمل وهو موجود بمعظم مصانع البلاط بالصناعية.
وهذا سعره يترواح بين 26 إلى 28 ريال للمتر

يوجد ايضا البلاط السعودي عند بيت الإحساء ومنه الوان الأبيض والأصفر الفاتح
والمائل على الاحمر او الوردي واللون الأخضر وهي نوعيات ممتازة وقوية
في منه مربع او مسدس انا اشوف المربع أفضل وأسهل للتركيب والتغيير اذا اضطريت
لو عزمت تاخذ منها اخذ لك امتار زيادة نخليها عندك في المخزن احتياط .
وعندهم في بيت الاحساء ايضا البلاط الاماراتي بانواعه المختلفه.





بالتوفيق ان شاء الله .
مضارب دوسري
16-09-2012, 10:48 PM
البلاط الشعبي افضل بكثير
مع ملاحظة اختيار البلاط اللي فيه كسر رخام
وعندك محل بيت الاحساء نوع البلاط اماراتي

عندج فكره عن سعره ؟
مضارب دوسري
16-09-2012, 10:50 PM
مرحبا أخوي ,,,

اثبت البلاط الشعبي أنه فعلا هو الأقوى واللي يدوم لفترة أطول
بالنسبة للتركيب في البيوت في قطر .

أولأ شكله ما يتغير ويدوم لفترة طويلة

وسهل الغسل ويستحمل الثقل والسيارات

لو صار وخفق جزء من البيت او تكسر لسبب أو لآخر
تقدر تغيره بسهولة .

يوجد من البلاط الشعبي أنواع كثيرة وفي منها تجاري تكون
كسر الرخام ولونه مائل للبياض اكثر وهذا النوع تجاري
وبسرعة يتحفر مع الغسيل والماء والشمس وهو ارخص نوع في السوق.
وسعره في حدود الـ 22 ريال للمتر او أكثر شوية

ونوع ثاني لونه ابيض لكن كمية الرخام المكسر به أكثر
وسماكته أكبر قوي ويستحمل وهو موجود بمعظم مصانع البلاط بالصناعية.
وهذا سعره يترواح بين 26 إلى 28 ريال للمتر

يوجد ايضا البلاط السعودي عند بيت الإحساء ومنه الوان الأبيض والأصفر الفاتح
والمائل على الاحمر او الوردي واللون الأخضر وهي نوعيات ممتازة وقوية
في منه مربع او مسدس انا اشوف المربع أفضل وأسهل للتركيب والتغيير اذا اضطريت
لو عزمت تاخذ منها اخذ لك امتار زيادة نخليها عندك في المخزن احتياط .
وعندهم في بيت الاحساء ايضا البلاط الاماراتي بانواعه المختلفه.





بالتوفيق ان شاء الله .
يعطيك العافيه كفيت ووفيت اخوي
الله يجزاك خير
مضارب دوسري
16-09-2012, 10:52 PM
يعطيكم العافيه
قررت ان شاء الله اخذ بلاط شعبي

لان بصراحه بيت الوالد الله يطول ف عمره انترلوك مسوي معاناه مع النمل بين البلاطات

فقلت يمكن للانترلوك انواع ومنها الافضل ولكن قررت ان شاء الله اروح للبلاط الشعبي
مضارب دوسري
16-09-2012, 10:54 PM
انا حاط في بالي 30-40 للمتر هل هناك محل ممتاز والنوعيه اللي عنده ممتازه جدا ؟
ولا الافضل هو بيت الاحساء ؟
مضارب دوسري
16-09-2012, 10:57 PM
من تجربتي الشخصية في بيتنا الحالي الانترلوك ماساه كله بيوت نمل و مع الوقت ترا لونه يروح ويصير باهت

ان شاء الله بيتنا الجديد بنحط بلاط شعبي قطري كان في بيتنا القديم و الله من اكثر من 20 سنه و هو صامد ما شاء الله و كل ما غسلت الحوش شفته يلق و لا يتغير و لا شي

مع ان في الانتر لوك ميزه حلوه ابوي يحبها و هي انك تقدر تشيله وقت الحاجه اذا مثلا بتسوي
حوض زراعة اضافي و لا قاعدة بلاط للخيمة اي عامل يشيله بسهوله و تسوي مشروعك فالمكان


البلاط حق السياكل ولعب الكورة للعيال


البلاط الشعبي لة مميزات كثيرة

سهولة غسل الحوش

عدم تجمع الاتربة والغبار

من ناحية الجمالية فهوا اجمل

والاسعار متقاربة بين 20 ---50

على حسب الحجم وشكل.

يعطيكم العافيه وبيض الله وجوهكم
هذا اللي كنت خايف منه فالانترلوك
مضارب دوسري
16-09-2012, 10:59 PM
شفت إنترلوك مركب بطريقة متساوية ومرصوص عدل وأتوقع ما يستوي بهالطريقة الا إذا كانت تحته صبية إسمنت .. وكان من نوعية ممتازة .. هذا الكلام في ساحة مول مفتوح وكبير في أمريكا

تعتقد العماله اللي ف امريكا نفس اللي عندنا في قطر ؟
اللوز
17-09-2012, 01:18 AM
انا حاط في بالي 30-40 للمتر هل هناك محل ممتاز والنوعيه اللي عنده ممتازه جدا ؟
ولا الافضل هو بيت الاحساء ؟

بصراحة لفينا طريق سلوى والصناعية مصنع مصنع
ما لقيت الا بيت الاحساء

وعندك محل ثاني للمقارنة
طريق المطار - بعد معرض العمادي للسيارات
يوجد محل للبلاط اعتقد اسمه الاماراتي وهو بجانب صالح كمشكي

وبالتوفيق
مضارب دوسري
17-09-2012, 10:51 AM
يعطيك العافيه ياللوز
اللوز
17-09-2012, 10:55 PM
يعطيك العافيه ياللوز

الله يعافيك
وعقبالي وعقبالك ما انلاقي شخص محترم لتركيب البلاط
مع ملاحظة ترك فواصل بين البلاط كل 3 * 3 متر ( فواصل التمدد ) والتاكد من عمل سلوب الماي

:victory::victory::victory::victory:
زقرتي ومزاجي
17-09-2012, 11:12 PM
البلاط افضل