بالله عليكم هل هذا الشارع سيخدم 10 سنوات ....((((( صور )))))

[مستثمر رشيد]

للاخوة في اشغال ... شارع 22 فبراير ... او مايعرف بطريق الدوحة (( البطيء ))....

تم افتتاحة منذ سنوات معدودة ليخدم 10 سنوات على اقل تقدير .....

الا انه يشهد يومياً اختناقات مستمرة .... تزداد يوما بعد يوم....

مالفت انتباهي عصر هذا اليوم السبت عندالساعة الخامسة مساء

هو توقف الشارع من كلا الجانبين ....

بالرغم من ان السبت يعتبر اجازة لمعظم وزارات ومدارس الدولة

واليكم هذه الصور التي قمت بأخذها عصر هذا اليوم


http://im29.gulfup.com/2012-09-15/1347729166781.jpg



http://im16.gulfup.com/2012-09-15/1347728996121.jpg

[كاتم الاسرار]

يعطيك العافيه يالغالي المشكله ان الشارع ما نجح كلش ولا تنسى اكثر الزحمه فالشارع من الباصات وسيارات الوقود وسيارات الأسمنت الكبيرة مافي فايده منهم ويتحدوووون القانون الي اخبره مصرحيين. باصات المدارس مب باصات الشركات ولا يحترموووون القانون وبالنسبة للشارع فاشل والسموحه طولت فالكلام

[ذيب ازغوى]

اوصخ شارع والشركه اللي خذتها حراميه وسيء

وفي الامارات الشارع نفس هذا 7 شوارع وهذا 3 شوارع

[الزعفراني]

أحد أسباب الحوادث في هالشارع .. هو بطء السرعة المحددة للسير في هذا الشارع .

اقترح زيادة السرعة الى 120 .. والغاء الرادارات اللي فوق النفق عند تقاطع محطة بترول الجيدة سابقا .

الناس تحاسب للرادار وتخفف من السرعه .. في شارع حيوي وسريع

اعتقد زيادة السرعة جزء من حل المشكلة .

[الموضوعي]

سبب فشل الطريق هو سوء المخارج والمداخل للتقاطعات فيجب ان تكون التقاطعات مثال ذلك تقاطع الغرافة فالقادم من الشمال ويريد ان يتجه لدوار المرخية بدل ان يدخل في الدوار لغير اتجاهه كان بالإمكان بناء جسر علوي فوق التقاطع باتجاه دوار المرخية وهكذا جسور في كل التقاطعات لكن عندنا غباء مستحكم في هيئة أشغال والدليل مشروع طريق الشحانية سيبنون انفاق في وسط الصحراء لا أدري ماذا سيفعلون عندما ستمطر

[رُفق المجنّا]

ويقولون تخطيط ودراسة

خزينة البلد تستنزف ع مشاريع لا تفي بالغرض لخمس سنوات قادمة ، وإلاعداد في تزايد

مشكلتنا في سوء التخطيط قبل ان نأتي للتنفيذ ، اتمنى من المسؤولين اخذ كورسات في دبي ولا أبوظبي يا مال الغناه

[فارس قطر]

مشكلتنا مب التخطيط مشكلتنا

وضع الرجل الغير المناسب في المكان المناسب

اشغال والمرور بحاجة رجال مثل اكبر الباكر وال سعد.

[البدع]

ال سعد ؟؟

لو قبل 4 سنوات كنا قلنا كلامك سليم

الحين صعبة تنبلع

الحل بسيط

ألغوا هيئة الأشغال

وأعطوها لقطر للبترول

وشوفوا الفرق

[برويقن]

اشغال والتخطيط والمرور يحتاجون دماء جديدة

[عيون الدوحة]

كل ما امر هذا الشارع. تجئني الضحكة
الدولة حاطة مهندسين خططهم ل ٥ سنوات جدام بس

[سعادة الوزير]

عرفتو الحين نتيجة سحب المشروع من شركة عريقة وعالمية وفيها مهندسين "يفهمون" ، والي هي شركة بلفنجر الالمانية ، واعطاءه "لشلة" من ل\الشركات المحلية التعيسة؟؟؟؟

[عنيــــد]

عرفتو الحين نتيجة سحب المشروع من شركة عريقة وعالمية وفيها مهندسين "يفهمون" ، والي هي شركة بلفنجر الالمانية ، واعطاءه "لشلة" من ل\الشركات المحلية التعيسة؟؟؟؟

خبز خبزتيه ......... :omen2:

[NeverLand]

عرفتو الحين نتيجة سحب المشروع من شركة عريقة وعالمية وفيها مهندسين "يفهمون" ، والي هي شركة بلفنجر الالمانية ، واعطاءه "لشلة" من ل\الشركات المحلية التعيسة؟؟؟؟


عاد بلفنجر اكبر حرامية

واشغال سكتت عن تأخيرهم واستغلالهم ومصاريفهم اللي بحق وبدون حق لين ما لاعت جبدها

لايغرك شركة عالمية وما عالمية .. خذها مني اخوي انا داومت عندهم بمكاتبهم وعارف عن ايش اتكلم :)

[بوجاسم566]

ع اليسار و اليمين بيـوت

وين يودونها !!!

واذا قصوها يعني الفلوس بتكفي ان يلقى بيت بنفس الحجم !!

او بنفس المواصفات

[abo0o0od QtR]

هالشارع وما ادارك ما هالشارع انا شخصيا مسوي حادث سبع سيارات في بعض


انا شخصيا اشوف انه اساس المشكلة المخارج يعني انت تمشي في الشارع كل شي تمام توصل مخرج اللولو الخط اليمين والوسط يقفلون بعدها مخرج اللاند نفس الشي عقبها مخرج دوار الجوازات نفسي الشي هني تبتدي البريكات الي ماتعرف شلون وحوادث تقريبا الشارع يوقف لين ما اطوف المخرج


ماعرف شلون يسمونه خط سريع وكل هالمخارج والمداخل عليه ومافيه خط خدمي يمين ويسار علشان ما يصير اختناق عند كل مخرج

[hot2000]

مشكلتنا. ان الكل يعمل لصالحه

ومديرأشغال السابق لدية اكثر من عشر شركات

واغلب المشاريع تحت اسم شركته او احد أقاربه

هل سنجد يوما ما مسؤول في أشغال يعمل لصالح الوطن

هل سنجد يوما لمسؤول في أشغال سيقول لا وكلمة حق في مشروع لا ينفع

اللي قالوها


الحين وين مكانهم

الله المستعان

[لمعة الالماس]

المخرج في الشارع هو سبب المشكلة

المخرج ضيق ويكون حارة او حارتين

وثاني شي الاشارة اللي في كل مخرج تطول لين تفتح والناس طبعا ما راح تكمل سيدة لازم بتلف يمين

وانا اشوف في مساحة كبيرة مخلينها رصيف فالافضل يوسعون المخارج ويخلونها تاخذ اكثر من سيارة

[<اضرب واشرد>]

أحد أسباب الحوادث في هالشارع .. هو بطء السرعة المحددة للسير في هذا الشارع .

اقترح زيادة السرعة الى 120 .. والغاء الرادارات اللي فوق النفق عند تقاطع محطة بترول الجيدة سابقا .

الناس تحاسب للرادار وتخفف من السرعه .. في شارع حيوي وسريع

اعتقد زيادة السرعة جزء من حل المشكلة .

مايقدرون يزيدون السرعة

الشارع 3 مسارات فقط

ويتخلله الكثير من الجسور والدوارات واللفات الجانبية

سرعة الشوارع يتم تصميمها حسب عدد المسارات وانحناء الشارع وعدد اللفات الجانبية وكثافة حركة المرور في الشارع إلخ

كل هذي المعاملات تدخل في قوانين لتخرج لنا سرعة الشارع.

الحين السرعة 100 والحوادث زايدة فيه بسبب الزحمة وتوقف المرور المفاجئ عند اللفات

[Q-tr]

صباح الخير،،،

أتفق معاك وأضم صوتي مع بعض الأخوان،،،
!
!
!
!
!
!
!
!

السؤال اللي جه في بالي انت اشلون مصور الصور وجايبهم من فوق؟

يعطيك العافية

[البيت بيتك]

الاسباب التي تودي الى الزدحام في هذا الشارع
الردار كل 200 متر والناس من تشوف العلامه تخف السرعه واصلن اهم يمشون ببط
والمخارج حق سيارة جسر الشمال فيه مساحه حق اربع مخارج لازم يوسعون المخارج حق الطريق

[Dana’1]

ال سعد ؟؟

لو قبل 4 سنوات كنا قلنا كلامك سليم

الحين صعبة تنبلع

الحل بسيط

ألغوا هيئة الأشغال

وأعطوها لقطر للبترول

وشوفوا الفرق
*


اايد بالذات ما كتب بالون الاحمر
لان لنا تجربة بالشرقية فيما يتعلق بمدينة الجبيل الصناعية طبعا هي بميزانية في يد الهيئه الملكة في الجبيل بس طبعا من انتاجة شركات سابك وغيرها من الشركات الامريكية او السعودية الامريكية
روح شوف الجبيل الصناعية مشاءلله شواع وشواطئ ماعليها اي كلام


وحتى حي ارامكوا على انة صغير الا انة وردة حسب ما وصفوة
وكانت ارآمكوا تبغى تاخذ الاحساء والدمام والخبر وواغلب مدن الشرقية وبتسوي طرقها ومشاريع ضخمة ترفيهية بالذات عند جبل قاره بالاحساء وغيرها طبعا كانت بتصير قمة ... لا تقول دبي ولا غيرها هههه
بس في ناس مسؤلين رفضوا اتوقع لمصلحتهم الخاصو وطمعهم والنحاسة ياكافي الشر

[حسن]

ياخي صغر الصور ولا شيلها احولبنا


شوف التخطيط من سيئ الى اسوئ وتخطيط المرور مايدري وش السالفه

للاسسف هناك فوضى الطرق لو الامر في يدي لتشوفون المشانق على الكورنيش لمخططي الشوارع

ليكونون عبره لغيره حرام اللي قاعد يسير كارثه

[اللوز]

الشارع من احلى ما يمكن
المشكلة في بعض السواقين من شرق آسيا

[حسن]

الشارع من احلى ما يمكن
المشكلة في بعض السواقين من شرق آسيا

تصدق ياللوز اليوم الصبح نيبالي كان يلف مره وحده علي ويم وقف عند الدوار كان الصق الصدام فييه وادفه شوي
ويحول يطالع وجاني يقولي شنو قلت له اركب لايجيك كف على وجهك واللع لو عندي خيزرانه كان لشطه على وجهه
هذولا في بلادهم يسوق حمار الله يعزكم هني يركب سياره اكبر شنب عنهم مايركبه
والمشكله في اختبار السواقه ضعيف جدا جدا المفروض يودونه في وسط الدوحه ويختبرونه
سواقه الاجانب رايححه في خرايطها من الفوضى شوف دبي كلى كثرهم ماشين مثل الالف
الخلل وين شمعنا هناك اللتزام بدون شرطه وهني بشرطه غير ملتزمين
الو الخرجي ممكن توضح:telephone:

[almaf1a]

الشارع هذا خطر جدا يجب ان تتركب مسافة كيلو بينك وبين السيارة الي قدامك تحسبا لاي بريك طارئ

[عزووز قطر]

شوف باصات العمال في الصورة الاولى والثانية
والله هم سبب من اسباب الزحمة
المفروض ادارة المرور يمنعون الشاحنات وباصات العمال من دخول شارع 22 فبراير ،،،

ولاحظت شي ثاني ،،، بما ان الحوادث شبه يومية على هالطريق ،،، ومن يصير حادث يتوقف الشارع من الجهتين مع ان الحادث في اتجاه واحد فقط ،،، والزحمة سببها (( لقافة )) بعض السائقين ،،،

اقترح برفع سور الحاجز بين الاتجاهين ،،،

[طويل الرمح]

جنسنا لعيبه و ما منهم فايده

ليش ما نجنس كم مهندس محترف عبقري يخطط البنية التحتية

و اذا معارضين على التجنيس تعطيهم رواتب من فلوس المنتخب المجنس اللي ما منه فايده على الاقل نطلع بتخطيط ممتاز

[بومحمد المطاوعه]

الله المستعان

حوادث وزحمه يوميه

والله مشكله هالشارع وتخطيط غلط

شارع 4 خطوط بعدها يتحول الى 3 خطوط

ومخارج حاده

نسأل الله السلامه

[وطن]

الحل انهم يسوونه بفلوس
مثل سالك

:secret:

[بومحمد المطاوعه]

الحل انهم يسوونه بفلوس
مثل سالك

:secret:

الله لايقوله

بعد بفلوس

كل شي صار بفلوس

اخاف يوم من الايام احك اذوني لازم ادفع نص :weeping:

[قطري !]

مجموعة أبن لادن


إذا فعلا يبون طرق سنعه ومرتبه يتعاقدون مع شركة بن لادن على جميع الطرق والجسور والانفاق

ويرتاحون اشغال ومهندسيهم

[SLICK]

من افضل الحلول المؤقته

فتح السرعه في اوقات الذروة فقط

[كبير المتداولين]

مجموعة أبن لادن


إذا فعلا يبون طرق سنعه ومرتبه يتعاقدون مع شركة بن لادن على جميع الطرق والجسور والانفاق

ويرتاحون اشغال ومهندسيهم

كذا خلصت المشاريع ومافي حفريات وماعاد صارت اسمها الدوحه ... لا ماتخيل شوارعنا من دون حفريات وخربطه ..خلونا كذا احسن وناسه يقومونك على صوت البوكلين ...

[كبير المتداولين]

من افضل الحلول المؤقته

فتح السرعه في اوقات الذروة فقط


افضل حل لخط 22 فبراير

يحطون دور ثاني فوق الخط السريع فيه 8 * 8 مسارات سريعه يفتكون من الزحمه


انت شوف طريق سلوى بس يخلصون منه بتصير حفله

[sahrleel]

احس ان اشغال ما تستخدم شوارع الدوحة

يا انه الغلط فينا احنا ولازم نركب سياكل

الصراحة قهررررررررر

[عزووز قطر]

الحل انهم يسوونه بفلوس
مثل سالك

:secret:

مواااافق وبشدة
لان ماراح نشوف الباصات الكبيرة والبياكم وبعض الاجانب اللي سواقتهم صفر على الشمال ،،،،

واللي مايبي يدفع يروح من صوب الغرافة والوعب وطريق سلوى والصناعية

اقتراح ممتااااااااااااااز :nice: :nice: :nice: