اقتراح سريع لحل مشكلة ازدحام السيارات

[ابن الرومي]

اقتراح سريع لحل مشكلة الشوارع
لاحظنا اليوم مع بداية اليوم الدراسي الفعلي
ازدحام غير طبيعي بمعظم الشوارع

والحل ازالة الجزيرة المتوسطة وتصغيرة واضافة مسار على الخط اليمن والايسر

ارجوا من وزارة البلدية وهيئة التخطيط النظر بهذا الحل السريع
والامر متروك لاعضاء المنتدى اذا كانت هناك حلول لهذا الوضع

[chillis]

لازم في حل اليوم الكورنيش من اوله لاخره مسكر من الزحمه :(

[ابوالعبد]

الحل هو الاكثار من الكوبريااات الجسووورر لانه سيارات الان في قطر بكثره جدا جدا وشوارع معظمها

ضيقه

[ابن الرومي]

والله اليوم ساعة وربع لين وصلت الدوام
طالع من 6.45 وصلت 8

[عزووز قطر]

انا مااشوف الزحمة مشكلة كثر البطء في السواقة
والتجاوزات الخاطئة والبريكات المفاجئة

انا اقترح بتشديد اختبارات السواقة ،،، ووضع المتدرب في شوارع رئيسية للتأكد من استحقاقه للرخصة

ومنع الوااااسطاااات للحصول على الليسن

[الشلهوب]

الحل السريع هو عمل جسور على الدوارات من ا لايبيم التركيب مثل الصين وتايلند والجسر لا ياخذ اكثر من 6 شهور وهذا اسرع شى واقل تكلفة

[ابن الرومي]

الحل السريع هو عمل جسور على الدوارات من ا لايبيم التركيب مثل الصين وتايلند والجسر لا ياخذ اكثر من 6 شهور وهذا اسرع شى واقل تكلفة

اي والله انا شفت جسور في الصين تركيب ما ياخذ وقت
في التركيب تكون العمدة والارضيات جاهزة وتتركب بوقت قياسي وسريع
وما يحتاج سنتين ولا ثلاث

[فنان الدوحه]

والله نفس تايلند وماليزيا مسوين شارع طابقيين يسونه طابقين اتحسن من نزع ملكيه لتوسعة الشوارع

[Scout Sniper]

يالربع مافي الا حل واحد !!
زيادة باصات كروة
وتسحيب لياسن ومواتر الهنادوه والبنقال والفلبن ..والاجانب اللي درجتهم اقل من سينير ..

[ابن الرومي]

يالربع مافي الا حل واحد !!
زيادة باصات كروة
وتسحيب لياسن ومواتر الهنادوه والبنقال والفلبن ..والاجانب اللي درجتهم اقل من سينير ..




اي والله كل من جاء الدوحة خذله ليسن وسيارة
والله في بلادهم ماعندهم غير السياكل
والمشكلة من الشركات كل شركة تعطي كل موظف سيارة
حتى لو تلاحظون الشوارع كلهم اجانب هندية وفلبينية

[Scout Sniper]

اي والله كل من جاء الدوحة خذله ليسن وسيارة
والله في بلادهم ماعندهم غير السياكل
والمشكلة من الشركات كل شركة تعطي كل موظف سيارة
حتى لو تلاحظون الشوارع كلهم اجانب هندية وفلبينية

صادق ..
كلن يخبر الدوحة وشلون كانت قبل كم من سنه .. ومن كان يدرول ذيك الايام ..
وشحلاتها الشوارع , ماتقعد في الدوار اكثر من دقيقتين , لا وبعد مافيها اشارات ...

خلها على ربك صارت روحة الدوام والرده منه هم مايعلم به الا الله ...
لولا اذاعة صوت الريان تحط لك فيروز على الصبح تروق النفسيه .. كان استوى جنجال كبير :nice:

[ابن الرومي]

والله الحين صارنا نحاتي متى نوصل ومتى نرجع
ومن يلف عليك ومن يتجاوز صارنا نحل لغز المتاها

[بعيد النظر]

انا اطلع من بيتنا .. 6 الا 5 دقايق !!
واوصل لفان 7 الا 5 !

لو تاخرت وطلعت 6 ودقيقتين اوصل 7 وخردة !
لو تاخرت ربع ساعة زيادة ! اوصل 8 او 8 و10 !


والله معاناة .. الواحد ما يقدر يسوي سنوز للمنبه ولو مرة عن خاطره =(

[خليفـة]

اقتراح سريع لحل مشكلة الشوارع
لاحظنا اليوم مع بداية اليوم الدراسي الفعلي
ازدحام غير طبيعي بمعظم الشوارع

والحل ازالة الجزيرة المتوسطة وتصغيرة واضافة مسار على الخط اليمن والايسر

ارجوا من وزارة البلدية وهيئة التخطيط النظر بهذا الحل السريع
والامر متروك لاعضاء المنتدى اذا كانت هناك حلول لهذا الوضع

ملاحظتك طيبه اخوي
وممكن تطبيقها في بعض الشوارع .. ولكن ليس كل الشوارع اخوي بن رومي
الحزيرة الي في النص في احيان كثيرة يكون الهدف منها السلامة والحماية للطرفين
الجاي والرايح
وكثير من الحوادث حدثت كانت الجزيرة الي في النص سبب كافي بعد ستر رب العالمين
في سلامة اصحاب المركبات .

جزاك الله خير .. موضوعك طيب
:)

خليفـــة

[فارس الامة]

الحل حق زحام بسيط uxl ...تقليل من إشارة الضوئية

المقصود UXL

الحرف u مقصود زيادة في الاستدارة للوراء بدون انتظار الاشارة

الحرف x مقصود تقليل من وجود إشارات ضوئية على سبيل المثال من إشارات المناصير اتجاه إشارة السد حوالي تقريبا 7 إشارة ضويئة لو اختصرناه بجسرين جسر الاول عند إشارات المناصير والجسر الثاني عند شارع السد والباقي الاشارة تتطبق عليه يضرب خط اقرب جسر ويعمل u بدون تواجد إشارة..

حرف l يدل على المخارج ذو امتداد طوالي من بداية الشارع الى نهاية .. على سبيل معضم الاشارة الضوئية تعيق المخارج لان مخرج مصصم فقط اذا لم يكن زحام تقدر ان تخرج.. اما في حالة وجود الزحام عليك تنظر لين مايخف الزحام علشان تخرج مما يسبب الزحام على شارع الرئيسي.. في جدة على سبيل مثال مطبقين عندهم شوارع ذو مخارج المنتده الى نهاية الشارع.. وخذ عبرة من الغير..

[حميداني]

انا عندي اقتراح ثاني

لو يشلون عواميد ليتات الشوارع في الوسط ويضيقونها من الطرفين على اساس يكون لكل شارع منهم
شارع زياده ويركبون عواميد ليتات جانبيه مثل طريج سلوى على صوب فيلاجيو

والعواميد القديمه هذي يودونها في مناطق ثانيه وابعيده من المدينه علشان ما تكون خساره
وتبقى مستفاده منها

أو يشلونها يحاوطونها ويستعملونها كشوارع خاصه للاسعاف والحالات الطارئه وتكون مراقبه بالكيمرات علشان ما يكون فيه اي تعدي الا للطوارئ ..

اما يا شباب اننا نمنع العماله والاجانب من حق بشري مثل ركوب مواتر تسهل عليهم
فهذي عرقيه وطبقيه لازم نحاربها في مجتمعنا
كل انسان متمكن سواء من شركته او من نفسه انه يستعمل مركبه تشيله على امكانيته فهذا حق

الحلول كثيره ان شاءالله من كل شخص اقتراح ( ينظر فيه ) على وجه الجديه حتى لو هي مو منك
بتنحل كثير من مشاكلنا

[بـارود]

يا ليت قومي يعلمون :(
وحتى لو طبقوا فيومهم عن سنة :(

[essa66]

ههههه والله تضحكون أنتو تكلمون من صار لنا فوق العشر سنين واحنا ننبح ولاحد يسمعنا لا وابشركم ابتدو هالايام يستملكون اراضي وسط البلد حق المترو يعني وسط الدوحة بيسكرونها كلها لمدة عشر اسنين بعد *

[جنوب الدوحه]

نبي الديره طبقات ..

[♫ احسـاسـ طفلـهـ ♫]

يالربع مافي الا حل واحد !!
زيادة باصات كروة
وتسحيب لياسن ومواتر الهنادوه والبنقال والفلبن ..والاجانب اللي درجتهم اقل من سينير ..




ههههههههههههههههههههههه .. بس الصراحه حل معقول :secret:

[أسد الجزيرة]

صادق ..
كلن يخبر الدوحة وشلون كانت قبل كم من سنه .. ومن كان يدرول ذيك الايام ..
وشحلاتها الشوارع , ماتقعد في الدوار اكثر من دقيقتين , لا وبعد مافيها اشارات ...

خلها على ربك صارت روحة الدوام والرده منه هم مايعلم به الا الله ...
لولا اذاعة صوت الريان تحط لك فيروز على الصبح تروق النفسيه .. كان استوى جنجال كبير :nice:

جرب اذاعة القران الكريم من الدوحة برنامج كيف اصبحت عقيل الجناحي و عبدالرحمن الحرمي عجيب و تروق مضبوط على موجة 102،6

[الجسراوي]

كل يوم ناس تنجح في امتحان رخص القياده وشوف كم مدرسه للقياده
والشركات كل يوم تبيع سيارات بالهبل
والباصات والشاحنات اكثر من عدد السكان

كل بيت فيه اكثر من سياره
والصراحه مهندسين اشغال ما يقصرون كل شارع يسوونه لازم مسارين وارض الله واسعه وهم يضايقون علينا

انا اقترح اي سياره موديلها مايزيد 10 سنوات يكنسلونها

واي شخص راتبه اقل من 5000 ممنوعع عليه يسوق

[رامي خوري]

مع احترامي لحلولكم لكنها كلها مكلفة جدا وتأخذ وقتا كبيرا
وأعتقد أن الحل البسيط والمجدي هو :

تأخير موعد بدء اليوم الدراسي لمرحلة أو مرحلتين ساعة أو أقل وبذلك يكون
خروج الناس من منازلها على دفعتين ..

[السكين]

واي شخص راتبه اقل من 5000 ممنوعع عليه يسوق


يالربع مافي الا حل واحد !!
زيادة باصات كروة
وتسحيب لياسن ومواتر الهنادوه والبنقال والفلبن ..والاجانب اللي درجتهم اقل من سينير ..


أتمنى منكم تفكروا في حلول منطقية !!

شدخل الراتب والجنسية والدرجات في السواقة ؟

ناقشوا بمنطقية يا جماعة .. في حال عدم احترافية بالسواقة الحل هو مثل ما ذكر الأخ عزوز


انا مااشوف الزحمة مشكلة كثر البطء في السواقة
والتجاوزات الخاطئة والبريكات المفاجئة

انا اقترح بتشديد اختبارات السواقة ،،، ووضع المتدرب في شوارع رئيسية للتأكد من استحقاقه للرخصة

ومنع الوااااسطاااات للحصول على الليسن

أو الأخ الشلهوب


الحل السريع هو عمل جسور على الدوارات من ا لايبيم التركيب مثل الصين وتايلند والجسر لا ياخذ اكثر من 6 شهور وهذا اسرع شى واقل تكلفة

[ابن الرومي]

ويستمر الاحال ونحن نتظر الفرج

يعني الواحد يقعد يفكر الحكومة القطرية
تصرف المليارات ومش مقصره في الدولة
وموظفين ومهندسين طرق في الوزارات والهيئات
بس معقولة محد فكر كيف التوسعة وليش هذا التاخير

[عساف]

مع احترامي لحلولكم لكنها كلها مكلفة جدا وتأخذ وقتا كبيرا
وأعتقد أن الحل البسيط والمجدي هو :

تأخير موعد بدء اليوم الدراسي لمرحلة أو مرحلتين ساعة أو أقل وبذلك يكون
خروج الناس من منازلها على دفعتين ..

وانا كذلك اؤيد هذا الرأي ولو كان كل المراحل يكون احسن

[ابن الرومي]

الصراحة
الف تحية لرجال الشرطة اليوم
ما قصروا يعطيهم العافية

[بويعقوب]

جرب اذاعة القران الكريم من الدوحة برنامج كيف اصبحت عقيل الجناحي و عبدالرحمن الحرمي عجيب و تروق مضبوط على موجة 102،6

جزاااك الله خير


للتصحيح تردد الاذاعة 103.4

[أسد الجزيرة]

جزاااك الله خير


للتصحيح تردد الاذاعة 103.4

صادق تردد ١٠٢،٦ للجزيرة

[Ahmed25]

لازم يكون في خطه كامله ،،، في جسر من دوار المحطتين فالريان لين دوار الرياضه ، لكن توصل على دوار الرياضه و تقعد ربع - ثلث ساعه عشان تعديه ، اذا الجسر ماله اي فايده فهالحاله

الموضوع لازم يدرس دراسه كامله و تدرس flow السيارات ، و تنربط الاشارات بأنظمه تحكم نفس الانظمه اللي تصممها siemens و اللي تقيسلك الزحمه على كل اشاره و تعطي اوامر بفتح و اغلاق الاشاره بناء على ذلك ،، و مب بس كذا ، الاشارات عند التقاطعات المختلفه تكون مرتبطه مع بعضها لضمان سيولة الحركه..

اما موضوع تصغير الجزيره ، اتوقع انه في ستاندرد عالمي للشوارع ، و الجزيره كل ما زاد حجمها مع المناظر الجماليه اللي فيها يزيد تقييم الشارع ،، و الله اعلم

[M.K.H]

ادري ان الاقتراحات كلها بتروح في الهوى بس يله خلني اشاركم فكرتي :d

تبون الصراحه .. انا اشوف سبب الزحمه هو عيالنا و المدارس ومش من الشوارع ولا شى

قبل لا تفتح المدارس انا اطلع من البيت و اوصل الداوم في 7-8 دقايق، الحين 35-40 دقيقه ..

الحل الي اشوفه ان جميع طلاب المدارس الزامي يركبون باص المدرسه عشان يروحون مدارسهم ..
ويسون نفس نقط تجمع في كل فريج ومنها تنطلق الباصات الى مدارسها المختلفه بدال لا كل واحد يروحه بسيارة بيتهم

احنا في بيتنا كل يوم الصبح تطلع 3 سيارات حق اخواني توصلهم مدارسهم الصبح ونفس الشى الظهر ،، فما بالك الدوحه كلها

مجرد رآي

[الموضوعي]

وزارة البلدية اصبح همها في الفترة الأخيرة المخالفات وحضور وانصراف الموظفين وهذي علامات الفشل

[فارس الامة]

ادري ان الاقتراحات كلها بتروح في الهوى بس يله خلني اشاركم فكرتي :d

تبون الصراحه .. انا اشوف سبب الزحمه هو عيالنا و المدارس ومش من الشوارع ولا شى

قبل لا تفتح المدارس انا اطلع من البيت و اوصل الداوم في 7-8 دقايق، الحين 35-40 دقيقه ..

الحل الي اشوفه ان جميع طلاب المدارس الزامي يركبون باص المدرسه عشان يروحون مدارسهم ..
ويسون نفس نقط تجمع في كل فريج ومنها تنطلق الباصات الى مدارسها المختلفه بدال لا كل واحد يروحه بسيارة بيتهم

احنا في بيتنا كل يوم الصبح تطلع 3 سيارات حق اخواني توصلهم مدارسهم الصبح ونفس الشى الظهر ،، فما بالك الدوحه كلها

مجرد رآي

انا معاك في الاقتراح حل هو تغيير اوقات العمل لدى موظفين من ساعة 9 الى ساعة 4 عصر والقطاع الخاص من 5 الى ساعة 12 ظهر.. موظفين المدارس والطلبة كل معتاد.. اسرع حل..

[ابن الرومي]

المفروض في هذا الوقت
عمل جسور فوق الدوارات مباشر
مثال طريق دوار الجوازات حتى المرخية جسر طالع فوق الدوار
ومن دوار المرخية حتى دوار التلفزيون جسر فواق الدوار
وجسر طلع فوق دوار المها اتجاه دوار مسرح قطر الوطني
وجسر طالع فوق دوار الديوان اتجاه دوار بنك قطر الوطني
هذا بيكون بعيد بس ياريت يكون في التخطيط الجاي

[ابن الرومي]

بعض الوزارات تفضلت بحل
هذه المشكلة باوقات الدوام
وقد صدر تعاميم بخصوص الحضور والانصراف

مثال :
1-عند حضورك في الساعة السادسة ونصف صباحا
يكون الخروج السعة الواحدة والنصف
2- عند حضورك الساعة الثامنة صباحاً يكون الخروج الساعة الثالثة عصراً

وانا اشوفه حل جزء من المشكلة .