شــارع 22 فبرايـــر والـــدرابــيـــل ........... مهم للجميع

[بومحمد المطاوعه]

بسم الله الرحمن الرحيم

السلام عليكم ورحمة الله وبركاتة .

تحيه طيبه وبعد ....

اعضاء منتديات شبكة الأسهم القطرية ... المحترمين

شخباركم يا اخواني وخواتي..

موضوعي اليوم عن شارع 22 فبراير ومشاكله ..

كلنا عارفين ان هالشارع
HighWay هاي وي

يعني طريق سريع وشارع يكون لتيسير الزحمه داخل المدن وسهوله الوصول للمكان الي نبيه

بس لاكن الي احنا نشوفه العكس

مانشوف تسهيل صار تصعيب والسبه مرتادي هذا الشارع وللأسف ...

بطرح لكم حدث من الحوادث الي تصير في هذا الشارع ...

اذا صار حادث لاقدر الله في هذا الشارع والحادث بسيط والمتضررين واقفين يمين الشارع

يتفاهمون وينتضرون الشرطه

الزحمه ليش اتصير ........؟

تدرون ليش

لان العالم تخفف السرعه وتطالعهم :eek5: :eek5: :eek5: :eek5:

تطالع بنظرات مالها داعي

انزين وقف واسعفهم ولا ساعدهم لو يبون شي

ليش تخفف السرعه وتضرب بريك وتسبب زحمه وعرقله سير ويمكن حادث ثاني

والسبه نظرات الي مالها داعي والدرابيل الي نشوفها :eek5:

يعني مستغرب من هالشي يمسك بريك ويفر راسه بالقو يقعد يطالع انزين ليييييش ...؟

شنو مستفيد من هالنظره

ادري ان الكل وده يشوف وهالشي طبيعي في الانسان ان الواحد يطالع بس طالع بكل احترام ولا تسبب زحمه لغيرك وقف يمين وياهم وتمتع بتظراتك

ولا تقعد تسبب مشاكل لغيرك و تاخذ حق غيرك ياخي

ترى الشارع مب لك وحدك حق الناس عامة

اتمنى من جميع الاشخاص الي يسوون هالحركه والي يقعد يناظر والي يقعد يشوفك وانت واقف يمين ومنقهر من الدعمه يقعد يطالع ويضحك

استغفرالله من هالبشر

وكلنا عارفين ان هالشارع كل يوم حادث وتصير حوادث قويه

نسأل الله السلامه

ادري في ناس بترد بردود مب طيبه وبيتقدون

بس اعتقد الفاهم والي يمكس هالشارع الصبح والظهر بيحس وبيعرف ان كلامي صح ولا غلط

وجزاكم الله خير وان شاءالله نشوف النقاش وياكم

والله يحفظني ويحفظكم ويحفظ اهلي واهلكم والمسلمين جميعا من الحوادث

تحياتي لكم


اخوكم : بومحمد المطاوعه :)

[عيون الدوحة]

صح كلامك امك قبل المغرب كان في حادث مادري سيارة متعطلة صوب سوق العلي
وأخذ يا زحمة

[كبير المتداولين]

عندي اقتراح لاداره المرور


وضع 5 دوريات و 5 سيارات اسعاف ثابته على طول هذا الطريق من نفق السد الى جسر الدحيل بحيث يتسنى لسيارات الشرطه سرعه الاستجابه للحوادث المروريه ويتسنى لسيارات الاسعاف سرعه اسعاف المصابين ...

[Scout Sniper]

عندي اقتراح لاداره المرور


وضع 5 دوريات و 5 سيارات اسعاف ثابته على طول هذا الطريق من نفق السد الى جسر الدحيل بحيث يتسنى لسيارات الشرطه سرعه الاستجابه للحوادث المروريه ويتسنى لسيارات الاسعاف سرعه اسعاف المصابين ...

لا يخوك فالك ماقبلناه !
هذيلا وقت الفضاوه بيخالفون العالم :nice:
هذا مالبس حظام , وهذا استمارته منتهيه .. ومسج مطراش شقال طيط طيط طيط :telephone:

[بومحمد المطاوعه]

صح كلامك امك قبل المغرب كان في حادث مادري سيارة متعطلة صوب سوق العلي
وأخذ يا زحمة

اي والله لازم عند كل حادث تصير زحمه

حتى لو واحد مبنجر واقف يمين بعد تصير زحمه

[بومحمد المطاوعه]

عندي اقتراح لاداره المرور


وضع 5 دوريات و 5 سيارات اسعاف ثابته على طول هذا الطريق من نفق السد الى جسر الدحيل بحيث يتسنى لسيارات الشرطه سرعه الاستجابه للحوادث المروريه ويتسنى لسيارات الاسعاف سرعه اسعاف المصابين ...

صحيح

واقتراح جميل جدا

المفروض يصير هالشي

بس وين

اذا خط الشمال بكبره مافيه اسعاف

بس فيه دوريات الفزعه او امن الشمال

وحتى خط بوسمره

الله المستعان

[بومحمد المطاوعه]

لا يخوك فالك ماقبلناه !
هذيلا وقت الفضاوه بيخالفون العالم :nice:
هذا مالبس حظام , وهذا استمارته منتهيه .. ومسج مطراش شقال طيط طيط طيط :telephone:

مب مشكله بس خلهم متواجدين انا راضي اتخالف لو مب رابط حزام

بس يكونون موجودين

[لاجئ عاطفي]

النظرات مالها خص في الزحمه المشكله في هالشارع تصميمه وضيق مخارجه امصمم اي كلام لا مخارج مثل المعترف عليها دوليا ولا غيره شارع فيه مسارات تتغير كل اشوي مرات 3 مسارات ومرات 4 مسارات والجسور مسارين فالشارع من اوله لاخره غلط مادري على اي اساس سموه هاي وي !!

[بومحمد المطاوعه]

النظرات مالها خص في الزحمه المشكله في هالشارع تصميمه وضيق مخارجه امصمم اي كلام لا مخارج مثل المعترف عليها دوليا ولا غيره شارع فيه مسارات تتغير كل اشوي مرات 3 مسارات ومرات 4 مسارات والجسور مسارين فالشارع من اوله لاخره غلط مادري على اي اساس سموه هاي وي !!

صحيح اخوي المخارج والشارع ضيق

وبعد ترى النظرات وتخفيف السرعه له دور كبير

الله يهديهم

[عزووز قطر]

اقترح برفع السور بين الشارعين

لان اللي يسلك الطريق يومياً يلاحظ بأن لو صار حادث في الشارع الثاني تصير الزحمة من الاتجاهين

واذا رفعوا السور ماراح يبين شي وبتصير الزحمة من الاتجاه اللي فيه الحادث :victory:

[ali.rabbah]

اقترح برفع السور بين الشارعين

لان اللي يسلك الطريق يومياً يلاحظ بأن لو صار حادث في الشارع الثاني تصير الزحمة من الاتجاهين

واذا رفعوا السور ماراح يبين شي وبتصير الزحمة من الاتجاه اللي فيه الحادث :victory:
:nice::nice::nice::nice:

[بومحمد المطاوعه]

اقترح برفع السور بين الشارعين

لان اللي يسلك الطريق يومياً يلاحظ بأن لو صار حادث في الشارع الثاني تصير الزحمة من الاتجاهين

واذا رفعوا السور ماراح يبين شي وبتصير الزحمة من الاتجاه اللي فيه الحادث :victory:

اقتراح حلو

وبالنفس الوقت اذا موتر انقلب مايروح الشارع الثاني

[مزعله النساء]

السلام عليكم
تصميم الشارع اثبت بالخمس انه سيى ويحتاج اعاده النظر فيه
من زياده عدد الحارات والأكتاف الجانبيه للالتفاف
ياليت يطبق على شارع سلوى

الصراحه الزحمه الي عليه لاتطاق

[مشاكل]

الحل يتكنسل هالشارع وترجع التحويلات القبليه
لان ماشفنا من هالشارع الا الزحمه والحوادث والعاهات والاموات والتأخير والمرض والاعصاب
هالشارع صار فلم رعب لازم اتشهد وتودع هلك قبل لاتدشه
قسم بالله ماله داعي كلش

[essa66]

شفت الجمهور اللي وقف عند كيمرة التلفزيون خلف المذيع وهو منصدم وايشر
هذيله هم نفسهم اللي يوقوفون يطالعون الحوادث الله لايبلينا

[بـارود]

بس لو يضيفون مسار واحد نفس طريق الشمال
الوضع بيكون أحسن ؛

وأتفق معاك حول مسألة التقزقز
كأنه فلم هندي :nice:

[Miss Model]

الحل يتكنسل هالشارع وترجع التحويلات القبليه
لان ماشفنا من هالشارع الا الزحمه والحوادث والعاهات والاموات والتأخير والمرض والاعصاب
هالشارع صار فلم رعب لازم اتشهد وتودع هلك قبل لاتدشه
قسم بالله ماله داعي كلش

بالضــبـــط :victory:

[بومحمد المطاوعه]

الله يهديهم

متابع

[الرويـس]

الخطأ من الشركة المنفذه للمشروع كان المفروض يحطون خط خاص ( لاخوانا المشاهدين والمشاهدات )
ويتمنون لهم وقت ممتع وشيق

وشكرا

[بوغانم995]

أتمنا من المخططين للشوارع ...زيادة الحارات ....في الطرق الجديده التي لم تنشاء الى 6 + 1 مسارات ذهلباً وأياباً ...و السابع شارع خدمات ...يعني لعطل السيارات ...او لحادث يقف في الحاره السابعه على جنب الطريق .....توسيع الشوارع ....حتى لا نصبح يوم 2022 وقد .....اصبح طابور السيارات من مسيعيد للخور .

[بومحمد المطاوعه]

السلام عليكم
تصميم الشارع اثبت بالخمس انه سيى ويحتاج اعاده النظر فيه
من زياده عدد الحارات والأكتاف الجانبيه للالتفاف
ياليت يطبق على شارع سلوى

الصراحه الزحمه الي عليه لاتطاق

وعليكم السلام ورحمه الله وبركاته

صحيح اختي

والحين طريق سلوى بيتعدل ان شاءالله

ونتمنى مب مثل خط 22 فبراير

[بومحمد المطاوعه]

الحل يتكنسل هالشارع وترجع التحويلات القبليه
لان ماشفنا من هالشارع الا الزحمه والحوادث والعاهات والاموات والتأخير والمرض والاعصاب
هالشارع صار فلم رعب لازم اتشهد وتودع هلك قبل لاتدشه
قسم بالله ماله داعي كلش

اي والله ياخوي

والله ان هلي كل يوم يستخدوم هالشارع

والله اني احاتيهم

[بومحمد المطاوعه]

شفت الجمهور اللي وقف عند كيمرة التلفزيون خلف المذيع وهو منصدم وايشر
هذيله هم نفسهم اللي يوقوفون يطالعون الحوادث الله لايبلينا

ههههههههههههههههه

ذبحتني والله ياخوي من الضحك

ياخي اليوم بعد نفس الشي هههههههههه

ودي اوقف يمين وابيع علوج هههههه

[بومحمد المطاوعه]

بس لو يضيفون مسار واحد نفس طريق الشمال
الوضع بيكون أحسن ؛

وأتفق معاك حول مسألة التقزقز
كأنه فلم هندي :nice:

ههههههههه

الله يهديهم

والله مشكله ياخوي

مايقدرون يضيفون صعبه

[بومحمد المطاوعه]

الخطأ من الشركة المنفذه للمشروع كان المفروض يحطون خط خاص ( لاخوانا المشاهدين والمشاهدات )
ويتمنون لهم وقت ممتع وشيق

وشكرا

الله المستعان

ههههههههه والله لو يحطون بعد لازم حركه الابريك

[بومحمد المطاوعه]

أتمنا من المخططين للشوارع ...زيادة الحارات ....في الطرق الجديده التي لم تنشاء الى 6 + 1 مسارات ذهلباً وأياباً ...و السابع شارع خدمات ...يعني لعطل السيارات ...او لحادث يقف في الحاره السابعه على جنب الطريق .....توسيع الشوارع ....حتى لا نصبح يوم 2022 وقد .....اصبح طابور السيارات من مسيعيد للخور .

الله كريم

المشكله ان السيارات كل يوم تتزايد ماشاءالله

[بومحمد المطاوعه]

للـــرفع ...

[اليحصبي]

حركه .. حركه .. فجأه ، ستوب :$
http://www.mrusf.com/imgs/bbm/straight-face.png

[بومحمد المطاوعه]

حركه .. حركه .. فجأه ، ستوب :$
http://www.mrusf.com/imgs/bbm/straight-face.png

اي والله ياخوي

[BoAof]

وراء كل بريك صعيدي
شخصين معروفه سواقتهم
ودوم هم ابطال اول سياره في الحادث
لانهم يمشون في سبحانيتهم دون الاعتراف بالمرايه الجانبيه والوسطيه
من اليمين لاقصى اليسار تشووووووو
والمشي مايعجبهم الا على الخط السريع

[بومحمد المطاوعه]

وراء كل بريك صعيدي
شخصين معروفه سواقتهم
ودوم هم ابطال اول سياره في الحادث
لانهم يمشون في سبحانيتهم دون الاعتراف بالمرايه الجانبيه والوسطيه
من اليمين لاقصى اليسار تشووووووو
والمشي مايعجبهم الا على الخط السريع

يالذيب اهم شي تشووووو

متأكد انه تشوووو مب شتتشوووو

ههههههه

والله ياخوي تعبنا

اليوم دوريه الفزعه ماسك خط السريع ويمشي 80 انزين لييش ؟؟؟

المهم وصلت وراه وكبست له ليين وخر يمين مريت جنبه سلمت عليه خخخخ

ماقصر زين ماخالفني

[M O H A D]

يالذيب اهم شي تشووووو

متأكد انه تشوووو مب شتتشوووو

ههههههه

والله ياخوي تعبنا

اليوم دوريه الفزعه ماسك خط السريع ويمشي 80 انزين لييش ؟؟؟

المهم وصلت وراه وكبست له ليين وخر يمين مريت جنبه سلمت عليه خخخخ

ماقصر زين ماخالفني

يخالفك لانك كبست له ؟ :/

[lule]

اليوم زحمة مش طبيعية في هالشارع. من بداية الاشارات بعد دوار العبيدلي لين مدخل السد. السيارات ما تتحرك.

[مخطط قطري]

والله انك صادق واليوم متصل في 999 وقلت المكالمه مسجله قالي ايه قلت وصل صوتي لراس الدولة لسمو الامير ووزير الداخليه من يوم الاحد الحواث في هالشارع بمعدل 3 في اليوم انا دوامي لازم امر على الخط امس واليوم لازم حوادث الصبح وانا رايح والظهر وانا راجع
شوفلنا حل في هالشارع الشارع يصيده شلل اذا صار حادث يعني ساعه كامله تضيع عليك بس على هالخطط
المصيبه مش بس في ثقافه مرتادين الطريق اذا حصل حادث في احد المسارات ويتعطل المسارين الاخريين
بسبب تطفل السائقين المصيبه في الشارع نفسه الي يتعطل
وهو شريان وريدي تاجي في شبكه الشوارع الرئيسيه ف الدوله
اشغال المرور المكتب الهندسي الخاص جهاز المواصفات القطري بليز ارحمونا وخلكم قد الامانه والمسؤلية
نبي تدخل مباشر لحل هالمشكله الي كل يوم تكبر وكرهنا الشارع هذا وصرنا نتاخر ع اشغالنا بسبتة تخيلو واحد يبي يجيب هله الظهر ولا يبي يطلع عياله من المدارس ولا عنده حاله طارئه
مايصير يوميا هالشي يتكرر

[sahrleel]

صح لسانك وانا معاك في كل الكلام الي قلته

وجزاك الله خير على الموضوع

[بومحمد المطاوعه]

اليوم زحمة مش طبيعية في هالشارع. من بداية الاشارات بعد دوار العبيدلي لين مدخل السد. السيارات ما تتحرك.

صحيح طحت فيها والله امس نفس الحاله

الله كريم

[بومحمد المطاوعه]

يخالفك لانك كبست له ؟ :/

اي عادي والله مب بعيده عليهم

[بومحمد المطاوعه]

والله انك صادق واليوم متصل في 999 وقلت المكالمه مسجله قالي ايه قلت وصل صوتي لراس الدولة لسمو الامير ووزير الداخليه من يوم الاحد الحواث في هالشارع بمعدل 3 في اليوم انا دوامي لازم امر على الخط امس واليوم لازم حوادث الصبح وانا رايح والظهر وانا راجع
شوفلنا حل في هالشارع الشارع يصيده شلل اذا صار حادث يعني ساعه كامله تضيع عليك بس على هالخطط
المصيبه مش بس في ثقافه مرتادين الطريق اذا حصل حادث في احد المسارات ويتعطل المسارين الاخريين
بسبب تطفل السائقين المصيبه في الشارع نفسه الي يتعطل
وهو شريان وريدي تاجي في شبكه الشوارع الرئيسيه ف الدوله
اشغال المرور المكتب الهندسي الخاص جهاز المواصفات القطري بليز ارحمونا وخلكم قد الامانه والمسؤلية
نبي تدخل مباشر لحل هالمشكله الي كل يوم تكبر وكرهنا الشارع هذا وصرنا نتاخر ع اشغالنا بسبتة تخيلو واحد يبي يجيب هله الظهر ولا يبي يطلع عياله من المدارس ولا عنده حاله طارئه
مايصير يوميا هالشي يتكرر

اي والله ياخوي صدقت

الله يحفظك ويحفظنا ويحفظ الجميع ان شاءالله

والله كل يوم حادث وبريكات تعبنا والله

[بومحمد المطاوعه]

صح لسانك وانا معاك في كل الكلام الي قلته

وجزاك الله خير على الموضوع

الله يجزاك خير

وبارك الله فيك

ماقصرت

[lule]

للحين بعض الناس مفتقد لجانب التوعية المرورية . المفروض مع تدريب السياقة يعطونه دروس وخاصة بعض النسوان !! اهم درس لا تمسكين حارة اليسار وانتي ماشيه ٦٠ !!!! من فترة كانت جدامي وحده اوروبيه ماسكه اليسار والناس وراها مسيرة وتعطيهم اشاره انها بتلف يسار ! من عند اشارات المنتزه لين دوار القوس !!!!!!!!

[بومحمد المطاوعه]

للحين بعض الناس مفتقد لجانب التوعية المرورية . المفروض مع تدريب السياقة يعطونه دروس وخاصة بعض النسوان !! اهم درس لا تمسكين حارة اليسار وانتي ماشيه 60 !!!! من فترة كانت جدامي وحده اوروبيه ماسكه اليسار والناس وراها مسيرة وتعطيهم اشاره انها بتلف يسار ! من عند اشارات المنتزه لين دوار القوس !!!!!!!!

الله المستعان

والله وايد من هالنوعيه

الله يحفظنا منهم

[رامي خوري]

هذا الموضوع صعب جدا لأن الفضول عند البشر أقوى من أن تضبطوه

[بومحمد المطاوعه]

هذا الموضوع صعب جدا لأن الفضول عند البشر أقوى من أن تضبطوه

صحيح

بارك الله فيك اخوي

بس بعد لازم نشوف حل

[al_maystro]

طبيعي يصير زحمه المؤسسات الحكوميه والوزرات والمدارس حتى الروضه
واغلب الشركات الدوام الساعه 7 صباحا

[هتان]

والله صح كلامك لويحطون اشارات بعد ابرك لا هاي وي وله بطيخ

[رجوان]

وانت الصاج يتطالعون الحمد لله والشكر صج صايرين هنود خخخخخخخخ

[كبير المتداولين]

جاتني امس فكره قبل انام بشوي واتمنى من اشغال يطبقونها

يحفرون نفق تحت الارض على امتداد خط 22 فبراير يخففون الزحمه اشوي

[مشاكل]

جاتني امس فكره قبل انام بشوي واتمنى من اشغال يطبقونها

يحفرون نفق تحت الارض على امتداد خط 22 فبراير يخففون الزحمه اشوي

الحل شبكة قطارات ( مترو ) بجسور معلقه نفس اللي في دبي
على ان تغطي تلك القطارات اغلب المناطق الحيوية

[بومحمد المطاوعه]

طبيعي يصير زحمه المؤسسات الحكوميه والوزرات والمدارس حتى الروضه
واغلب الشركات الدوام الساعه 7 صباحا

صحيح
بس لازم يشوفون حل

تحياتي لك