وين اقدر اشتكي على مكتب للخدم؟

[لبتونه]

السلام عليكم


اخواني واخواتي طلبت خادمة اندونيسية بعد 30 يوم وصلت بالسلامة

اسبوع بالظبط جاني مسج من القمسيون الطبي انها مريضه رجعتها المكتب شكوا فيها السل من اشعه الصدر تمت في المكتب عشرة ايام عقب قلت لهم خلاص مابيها ابي الفيزا وبطلب ثانيه وسويت ورقه تنازل للخادمه على اساس موظفه قالت خلاص بننقل فيزا على كفالة صاحب المكتب وعلى هالكلام انا وافقت

موظفة كذبت علي كل اسبوع الي بعده بينقلون كفالتها

والخادمه تحولت للعلاج برميله وتمت في المكتب عندهم للعلاج

شهر ونص وانا اتهاوش مع مدير وكل اسبوع راح ينقل كفالتها او يدبر لي خادمة مؤقتة
نقلوا كفالتها عقب اجازة عيد الفطر باسبوع يعني فوق شهرين مكتب استغل فيزتي ويكذب علي واستغل فيزتي والحين نقل خادمة حق عايلة ثانيه وربح من ورا فيزتي

هل اقدر اشتكي عليهم يعطوني تعويض عن الوقت الضائع او خلاص راحت علي ؟


ابي ردود مضمونة

مابي حد يقولي انتي غلطانه وليش مااشتكيتي من البداية؟ عارفة اني غلطانه والمفروض من البداية من عرفت انه كذاب اشتكي

[حسن]

وزاره العمل

[BUHASSEN]

الشكوي لله

[مبارك سعد]

وزاره العمل


صحيح 100 %

[طبيب قطري]

اختي جربي حماية المستهلك التابعة لوزارة العمل
الخط المجاني : ٨٠٠٥٠٠٠
الخط الساخن :٤٤٩٤٥٥٠٠ و ٤٤٩٤٥٥٥٠
هاتف الوزارة : ٤٤٩٤٥٥٥٥

[بصمة قطرية]

سؤال ..
دام طلعت مريضة مش المفروض يسفرونها ..!!!
ليش ينقلون كفالتها لشخص ثاني ....!!!!

[حراير قطر]

روحي وزارة العمل اللي بالمنتزة

وتكلمي مع فارس الكعبي ...

[essa66]

روحي وزارة العمل واذا ماخلصوج افضحيهم في وطني الحبيب

[basma222]

اخذي فلوسج وتوكلي على الله وروح مكتب ثاني واختاري خادمه
ولا تاخذني تعويض على التأخير
الله يعوضج
و يبارك لج في اعيالج

[بن غيث]

نفس سؤال الاخت بصمة ..؟؟ اشلون وصلتش مسج من القومسيون .. وشلون نقلوا كفالتها ؟؟؟؟
الموضوع مب واضح ..
المهم .. الجهة الرسمية المسئولة عن هذه النوعية من المشاكل هي ادارة الاستقدام ( العمل سابقا ) بالمنتزة
وهي جهة تحل الشكاوي بالطرق الودية وفي حالة عدم الاتفاق على حلول مناسبة يتم تحويلها للقضاء ..

[وحيد-الشوق]

الشباب ماقصروا روحي ادارة العمل اعتقد اسمه قسم الاستقدام او ماشابه بعد برج التويوتا صوب المنتزه

انا رحت قدمت شكوى بعد مماطلة صاحب المكتب القطري والهندي وبعد الشكوى خذت حقي ورجعوا لي الفلوس وتسكر مكتبه ههههههههههههههه لأنه الشكاوي زادت عليه

[الصغيره]

وزارة العمل والجرايد وحذري منها وانشري اسم المكتب بكره بيعطيها حد لين يرد خسارته

حسبي الله عليهم

[بوخالد911]

روحي وزارة العمل اللي بالمنتزة

[الريـــاني 1]

موقع ادارة الاستقدام ( وزارة العمل ) مقابل جريدة الراية الاخوان فارس الكعبي وابراهيم المعضادي ما يقصرون وبالذات هالايام عندهم حملات علي المكاتب

[alwahesh]

لا وزارة العمل ولا اصلا الموضوع محتاج شكوى

الا اذا قال لج مدير المكتب روحي اشتكي علينا او قل ادبه او شي من هالقبيل


حاولي معاهم تحليل المشكله بشكل ودي احس وابرك

[حراير قطر]

لا وزارة العمل ولا اصلا الموضوع محتاج شكوى

الا اذا قال لج مدير المكتب روحي اشتكي علينا او قل ادبه او شي من هالقبيل


حاولي معاهم تحليل المشكله بشكل ودي احس وابرك

ليش اخوي ما تشتكي اتقولك مريضة :rolleyes2:

يعني عادي اتروح نفس المكتب وينقلونها على كفالتك

دامها مريضة لازم تتسفر :anger1:

ويستفيد منك 1000 لنقل كفالة مع ان النقل على ما سمعت في حدود 300

ومن الباقي وعقب يطلع قيمة تذكرتها ويسفرها واهل البيت ينعادون منها

الله لا يطيحك بهالاشكال 9 والا 10 مب شيء بسيط يندفع لهم ...