حقوق المواطن القطري في طواريء حمد ..!!!

[بصمة قطرية]

بسم الله الرحمن الرحيم
السلام عليكم و رحمة الله و بركاته


سمعنا في الآونة الأخيرة أن طواري حمد راح يتبع سياسة مختلفة
نوعاً ما عن السابق ..
بحيث تكون الأولوية للقطري ،،
طبعاً وقتها الكثير إعترض على هالقرار
و قالوا ليش الأجنبي ما له حق يتعالج و و و و إلخ
من التساؤلات اللي طرحوها ،،

هذا مش موضوعنا
و أتمنى نبتعد عن هالكلام اللي ذُكر سابقاً ..

كوني قطرية توقعت مثل ما قريت و سمعت إن القطري
ما راح يضطر ينتظر ( بالساعات )
لين يتعالج في الطواريء ..

و لا تنسون القطريين صاروا أقلية ...!!!
و الدليل ..
أمس كنت القطرية الوحيدة اللي تنتظر في الطواريء
من بين ما يزيد عن 20 حالة غير قطرية وقتها ..
بعدها جات كم قطرية
و ما تعدينا الخمس حالات ..!!!


يعني اللي كنت مفتكره انه بيصير
إن في طبيب للقطريات
و طبيب للجنسيات الثانية
يوم استفسرت أمس عن عدد الأطباء الموجودين في قسم الطواريء
قالت لي الممرضة إنهم ( اربعة )
يعني لنفرض واحد للقطريات
و ثلاث للجنسيات الأخرى ..

لكن و للأسف الشديد
ما كان في أولوية للقطريين
حالنا حال باقي الجنسيات
إضطرينا ننتظر ساعات لين ندخل على الطبيب ... !!!!

أطرح هالسؤال للمسؤولين في طواري حمد ..
وين حقوق المواطن القطري ..
سمعنا بس ما شفنا شي ...!!!!

رجاءاً لحد يقوللي عنصرية ما عنصرية
الحمدلله عمري ما كنت عنصرية
و لو كان دوري و شفت حالة طارئة غير قطرية
و تتألم أبديها على نفسي
الحمدلله أكثر من مرة سوينا هالشي ..

إحنا نتكلم عن حقوق المواطن القطري مثل ما سمعنا من فترة ...!!

[طبيب قطري]

طوارئ حمد كل يوم عليهم شكاوي اما بالمنتدي او بالجريدة ومافي منهم اي رد
( اليوم مقاله للاستاذه امل عبدالملك بعنوان : إيقاعات مستشفي حمد في اسبوع )

الشكوى لله

[بصمة قطرية]

طوارئ حمد كل يوم عليهم شكاوي اما بالمنتدي او بالجريدة ومافي منهم اي رد
( اليوم مقاله للاستاذه امل عبدالملك بعنوان : إيقاعات مستشفي حمد في اسبوع )

الشكوى لله

يعني هالمسلسل ما راح ينتهي ...!!!؟؟
و التصريحات اللي نسمعها مجرد حبر على ورق ...!!!

[eXpert*]

يمدحون (الإيثار). :)

[Scout Sniper]

سمعنا ... من وكالة يقولون ..
انه المستشفى الجديد بيكون في طواري خاصه للقطريين ..

[وليف قطر]

يمدحون (الإيثار). :)

أحسنت

[بصمة قطرية]

يمدحون (الإيثار). :)

أكيد ..
إقرأ مشاركتي و شوف إني ولله الحمد يا ما آثرت غيري على نفسي ..!!

أنا أتكلم عن حقوقنا كقطريين ..!!!

[بصمة قطرية]

سمعنا ... من وكالة يقولون ..
انه المستشفى الجديد بيكون في طواري خاصه للقطريين ..

للأسف يا ما سمعنا و قرأنا ...!!!!!

[Abdulraman]

ان شاءالله الامور بتتعدل وعليكم بالصبر:)

[بومحمد المطاوعه]

اول شي

اجر وعافيه وماتشوفون شر

والله اختي

أطرح هالسؤال للمسؤولين في طواري حمد ..
وين حقوق المواطن القطري ..

حقوق فالمشمش

ياما تبهدلنا ف الطواري

قسم بالله 4 ساعات نقعد وننتظر واخرتها بندول من دكان حمزه احسن من بندولهم

اقولهم انا قطري خلصوني يقولون لي انتظر

حاطين علي السيلان وقاصين علينا

السيلان خلص من 3 ساعات

اسحبو الابره وخلوني طايح على الأفراش

صك وحك وياهم بالقوه خلصوني وقالو زحمه

قلت وانا مريض مب فاضي امرض ازيد

اقولهم وين حقي كـ قطري ليش تخلوني انتظر مع المقيمين والاجانب

مافي رد منهم

بغض النظر كلنا مسلمين واخوان وعرب الحمدلله

بس احنا في بلادنا ومالنا حقوق عيل وين حقوقنا ...؟

الله يعطيج العافيه اختي

وتحياتي للجميع

[cavok]

It will never end

[مبتدئه]

اختي بصمه انتي تقولين بعيده عن العنصريه وموضوعج اكبر عنصري تتكلميين عن طوارئ يعني من يضطر يروحه الا والحاله طارئه يعني مافي فرق ولا عنصريه في مثل تلك الحالات

[وليف قطر]

^

المفروض تقولي لها غلط تروح المستشفى
المفروض .. يطرشون لها الطاقم الطبي للبيت ..

يكفي المرض .. بعد بتروحين للمستشفى .. وين حقوق الانسان : )

[بعيد النظر]

بلا اولوية بلا خرابيط !!
جيتهم بيد مكسورة " بين الكتف والكوع " ويدي ورا ظهري دخلت عندهم 4:45
وطلعت 11 ونص .. طبعا" الشغل كله بو ساعة بس النطرة الزامية !!

وابشركم جبسولي يدي شهرين غلط !
ويوم شالو الجبس .. قالو شكلها عملية !!

وسويت عملية وهذا انا لي يومكم اتعالج بسبة ذكائهم !!
تخيلو بس 60 يوم بمعاناتهم .. راحو ع الفاضي !!
و60 يوم غيرهم علاج من عقب العملية !!




الحمدلله على كل حال .. كانت غلطتي يوم رحت لهم !

[بومحمد المطاوعه]

بلا اولوية بلا خرابيط !!
جيتهم بيد مكسورة " بين الكتف والكوع " ويدي ورا ظهري دخلت عندهم 4:45
وطلعت 11 ونص .. طبعا" الشغل كله بو ساعة بس النطرة الزامية !!

وابشركم جبسولي يدي شهرين غلط !
ويوم شالو الجبس .. قالو شكلها عملية !!

وسويت عملية وهذا انا لي يومكم اتعالج بسبة ذكائهم !!
تخيلو بس 60 يوم بمعاناتهم .. راحو ع الفاضي !!
و60 يوم غيرهم علاج من عقب العملية !!




الحمدلله على كل حال .. كانت غلطتي يوم رحت لهم !

اجر وعافيه اخوي

اي والله ياخوي المفروض ماتروح لهم

والله تدخل صاحي تطلع مكسر

وبعدين بقولك شي مستشفى حمد لو ماعليه شكاوي والعالم ماتتأذى منه مابتسمع صياح الناس على وطني الحبيب

الحمدلله على كل حال بس

[خليفـة]

في انتظار رد من الجهات المختصة في حمد الطبية
الله يديم عليكم الصحة والعافية اختي بصمة
:)

خليفـــة

[رجل الجزيرة]

الحمد لله على السلامة يا أخت : بصمة

سامحيني على هذي الكلمة " رجاء بدون عنصرية"


كلنا واحد أبونا آدم وأمنا حواء عليهما السلام من لحم ودم وروح ونسأل الله حسن الخاتمة.

[بصمة قطرية]

أحسنت

شكراً لوجودك ،،

[بصمة قطرية]

ان شاءالله الامور بتتعدل وعليكم بالصبر:)

إن شاء الله
نأمل و نتمنى ،،

[بصمة قطرية]

اول شي

اجر وعافيه وماتشوفون شر

والله اختي

أطرح هالسؤال للمسؤولين في طواري حمد ..
وين حقوق المواطن القطري ..

حقوق فالمشمش

ياما تبهدلنا ف الطواري

قسم بالله 4 ساعات نقعد وننتظر واخرتها بندول من دكان حمزه احسن من بندولهم

اقولهم انا قطري خلصوني يقولون لي انتظر

حاطين علي السيلان وقاصين علينا

السيلان خلص من 3 ساعات

اسحبو الابره وخلوني طايح على الأفراش

صك وحك وياهم بالقوه خلصوني وقالو زحمه

قلت وانا مريض مب فاضي امرض ازيد

اقولهم وين حقي كـ قطري ليش تخلوني انتظر مع المقيمين والاجانب

مافي رد منهم

بغض النظر كلنا مسلمين واخوان وعرب الحمدلله

بس احنا في بلادنا ومالنا حقوق عيل وين حقوقنا ...؟

الله يعطيج العافيه اختي

وتحياتي للجميع

الله يعافيك أخوي ولد المطاوعه ..
أجر و عافية يارب ..
أخوي أنا أعاني من الصداع النصفي
و كل اللي ابيه ( أبرة ) دقيقة ما آخذ
حالتي معروفة ..
كل مرة أضطر انتطر ثلاث اربع ساعات عشان بس
آخذ الأبرة ..
ومرات من كثر الإنتظار الحالة تسوء و أدخل تحت الملاحظة ..!!

[بصمة قطرية]

it will never end

الظاهر جذي ..
الله يكون بالعون ..!!

[بصمة قطرية]

اختي بصمه انتي تقولين بعيده عن العنصريه وموضوعج اكبر عنصري تتكلميين عن طوارئ يعني من يضطر يروحه الا والحاله طارئه يعني مافي فرق ولا عنصريه في مثل تلك الحالات

ياليت ترجعين تقرين الموضوع عدل إختي مبتدئه
قبل لا تتهميني بالعنصرية ..!!!
احنا نتكلم عن حق من حقوقنا كمواطنين قطريين
ما طالبنا بحرمان غيرنا من العلاج..!!!

[بصمة قطرية]

^

المفروض تقولي لها غلط تروح المستشفى
المفروض .. يطرشون لها الطاقم الطبي للبيت ..

يكفي المرض .. بعد بتروحين للمستشفى .. وين حقوق الانسان : )

لا تعليق ...!!!

[alsoq]

بسم الله الرحمن الرحيم
السلام عليكم و رحمة الله و بركاته


سمعنا في الآونة الأخيرة أن طواري حمد راح يتبع سياسة مختلفة
نوعاً ما عن السابق ..
بحيث تكون الأولوية للقطري ،،
طبعاً وقتها الكثير إعترض على هالقرار
و قالوا ليش الأجنبي ما له حق يتعالج و و و و إلخ
من التساؤلات اللي طرحوها ،،

هذا مش موضوعنا
و أتمنى نبتعد عن هالكلام اللي ذُكر سابقاً ..

كوني قطرية توقعت مثل ما قريت و سمعت إن القطري
ما راح يضطر ينتظر ( بالساعات )
لين يتعالج في الطواريء ..

و لا تنسون القطريين صاروا أقلية ...!!!
و الدليل ..
أمس كنت القطرية الوحيدة اللي تنتظر في الطواريء
من بين ما يزيد عن 20 حالة غير قطرية وقتها ..
بعدها جات كم قطرية
و ما تعدينا الخمس حالات ..!!!


يعني اللي كنت مفتكره انه بيصير
إن في طبيب للقطريات
و طبيب للجنسيات الثانية
يوم استفسرت أمس عن عدد الأطباء الموجودين في قسم الطواريء
قالت لي الممرضة إنهم ( اربعة )
يعني لنفرض واحد للقطريات
و ثلاث للجنسيات الأخرى ..

لكن و للأسف الشديد
ما كان في أولوية للقطريين
حالنا حال باقي الجنسيات
إضطرينا ننتظر ساعات لين ندخل على الطبيب ... !!!!

أطرح هالسؤال للمسؤولين في طواري حمد ..
وين حقوق المواطن القطري ..
سمعنا بس ما شفنا شي ...!!!!

رجاءاً لحد يقوللي عنصرية ما عنصرية
الحمدلله عمري ما كنت عنصرية
و لو كان دوري و شفت حالة طارئة غير قطرية
و تتألم أبديها على نفسي
الحمدلله أكثر من مرة سوينا هالشي ..

إحنا نتكلم عن حقوق المواطن القطري مثل ما سمعنا من فترة ...!!

لا اختي ليس فيه عنصريه وهذا ابسط حق من حقوقك في بلدك المفروض القطرين يكون لهم معامله خاصه بكل مكان الدول الثانيه تعطي الاولويه للمواطن حتى الهند وبنجلادش

[بصمة قطرية]

بلا اولوية بلا خرابيط !!
جيتهم بيد مكسورة " بين الكتف والكوع " ويدي ورا ظهري دخلت عندهم 4:45
وطلعت 11 ونص .. طبعا" الشغل كله بو ساعة بس النطرة الزامية !!

وابشركم جبسولي يدي شهرين غلط !
ويوم شالو الجبس .. قالو شكلها عملية !!

وسويت عملية وهذا انا لي يومكم اتعالج بسبة ذكائهم !!
تخيلو بس 60 يوم بمعاناتهم .. راحو ع الفاضي !!
و60 يوم غيرهم علاج من عقب العملية !!




الحمدلله على كل حال .. كانت غلطتي يوم رحت لهم !

ما عليك شر ان شاءالله اخوي
أجر و عافية يارب ..

ذكرتني يوم تنكسر ايد ولدي
قالوا محتاج عملية عاجلة الكسر مضاعف
و الطاقم اللي كان موجود في العمليات أطباء صغار في السن ...!!!
رفضنا و طالبنا بإستشاري
قالوا مافي
الحمدلله كنا عارفين ان من حق المريض القطري يطلب الدكتور اللي بيه
مش من حقهم يجبرونا بدكنور معين ..!!
قلنا لهم اطلبوا الدكتور قالوا ما يرد ..
لنا معرفة شخصية بأحد قرايبه عرفنا وقتها انهم ما اتصلوا في الدكتور ..
الحمدلله ما استعجلنا و الا كانوا بيسوون له عملية خاطئة ...!!!!

[بصمة قطرية]

اجر وعافيه اخوي

اي والله ياخوي المفروض ماتروح لهم

والله تدخل صاحي تطلع مكسر

وبعدين بقولك شي مستشفى حمد لو ماعليه شكاوي والعالم ماتتأذى منه مابتسمع صياح الناس على وطني الحبيب

الحمدلله على كل حال بس
الحمدلله على كل حال ..
المشكلة نسمع راح يصير تعديل و تطوير
و ما زلنا ننتظر ...!!!

[BO SAUD]

ياااااااااااجماعه والي يسلمكم فرقوا بين العنصريه والحقوق الاخت ماطالبت بشي معجزه او شي مستحيل
الي اطلبته حق من حقوق المواطن بحكم لانه معروف عدد القطريين المراجعين وصعبه اذا بتخليه ينتظر مع الوافدين الي أعدادهم بالمئات بطوارئ حمد والجماعه الي مشتطين عن العنصريه اذا سووا مكان مخصص للقطريين وحصلت لك مراجعه للطواري خلك مع الوافدين علشان ماتحس انك عنصريوخلنا احنا العنصريين.
والسلاااام ختاام

[بصمة قطرية]

في انتظار رد من الجهات المختصة في حمد الطبية
الله يديم عليكم الصحة والعافية اختي بصمة
:)

خليفـــة

الله يعافيك أخوي خليفه ..
نتمنى نسمع رد من الجهات المختصة ..

[بصمة قطرية]

الحمد لله على السلامة يا أخت : بصمة

سامحيني على هذي الكلمة " رجاء بدون عنصرية"


كلنا واحد أبونا آدم وأمنا حواء عليهما السلام من لحم ودم وروح ونسأل الله حسن الخاتمة.

الله يسلمك أخوي رجل الجزيرة ..
كلنا واحد ياخوي
الله يرضى عليك ركز في كلامي
نطالب بحقنا لا أكثر ..
ما ذكرت عنصرية او تفرقة ..
يعني أمس الأطباء الموجودين في الطواري اربعه
قلت لو خلوا واحد للقطريين ..
كنا معدودين على الأصابع يعني ساعة بالكثير ما راح ياخذ الكشف لكل الحالات ..
و ثلاث اطباء لباقي الحالات ..!!!

[حميداني]

الاولويه للحاله الاخطر
ساوء كان اجنبي او قطري

هم محتاجين توسعه من قلب لان الدوحه مو مثلها مثل ما كانت قبل 10 سنوات

[essa66]

الافضل يغيرون اسم المستشفى الى مستشفى الجاليات

[بصمة قطرية]

لا اختي ليس فيه عنصريه وهذا ابسط حق من حقوقك في بلدك المفروض القطرين يكون لهم معامله خاصه بكل مكان الدول الثانيه تعطي الاولويه للمواطن حتى الهند وبنجلادش

للأسف البعض إتهمنا بالعنصرية بس عشان طالبنا بحق من حقوقنا كمواطنين ...!!!
كل ولة تعامل مواطنيها معاملة خاصة
و تعطيهم الأولوية في كل شي ..!!!

[بصمة قطرية]

ياااااااااااجماعه والي يسلمكم فرقوا بين العنصريه والحقوق الاخت ماطالبت بشي معجزه او شي مستحيل
الي اطلبته حق من حقوق المواطن بحكم لانه معروف عدد القطريين المراجعين وصعبه اذا بتخليه ينتظر مع الوافدين الي أعدادهم بالمئات بطوارئ حمد والجماعه الي مشتطين عن العنصريه اذا سووا مكان مخصص للقطريين وحصلت لك مراجعه للطواري خلك مع الوافدين علشان ماتحس انك عنصريوخلنا احنا العنصريين.
والسلاااام ختاام

يا ليتهم يفرقون بين العنصرية و حق المواطن ..!!
العنصرية لما نقول ما يتعالجون في طواري حمد ..
لكن انا كالبت ان يتم تخصيص طبيب للقطريين
و ثلاث اطباء لغير القطريين ..!!
طبيب بس وين العنصرية ...!!!

[بصمة قطرية]

الاولويه للحاله الاخطر
ساوء كان اجنبي او قطري

هم محتاجين توسعه من قلب لان الدوحه مو مثلها مثل ما كانت قبل 10 سنوات

صحيح الأولوية للحالات الأخطر سواء قطري أو أجنبي ..
الحوادث لها مدخل خاص ..
و الحالات الثانية هم يصنفونها اذا طارئة او عادية ..!!!
كمثال أمس أجنبية تتألم فوق الساعه راحت قطرية كلمت الممرضة
و قالت لها المرة وايد تعبانة
دخلوها على طول ..!!

[بصمة قطرية]

الافضل يغيرون اسم المستشفى الى مستشفى الجاليات

شكراً لوجودك أخوي ..

[دلة الرسلان]

ابدا يابصمة ما قلتي شيء غلط من حقنا الحصول على بعض الحقوق المسلوبة خاصة في

الطوارىء وأذا ما حصلنا ها الشي البسيط بيكون الردى من مسؤليننا .

[عليه العوض]

الكل له حق في العلاج ما دامه عايش في البلاد ويعمل فيها وعنده اقامه قانونيه لكن المشكله ان اعداد السكان زاد وتضاعف ممااثر على المواطن اكثر شي وهذا من حقه يطالب بعلاج افضل وخدمة طبية ممتازه
وتطوير قسم الطواري وزيادة فيه الكادر الطبي والممرضيين وكل الخدمات الطبيه باحسن من ماهو فيه الان
حتى يستوعب الجميع ومن حق القطري ان ينفعل اذا لم يجد من يعالجه في بلاده لكن لا ينساء ان المقيم ضيفه
وله حق ان يتعالج وان لايهمل الاجنبي المقيم بسبب جنسيته ويترك ينزف دم او يتالم لا بد ان يعتنى فيه كان من باب الانسانيه والرحمه

[chillis]

بس قبل فتره سمعنا انهم قسموا الطوارئ للقطرين غير عن الاجانب

[حميداني]

اللي مستغربه ليش فيه قسم واحد للطواري واللي بيته في اخر الدنيا شيسوي
المفروض يوزعون اماكنهم ويوسعون مستشفياتهم ويكثرون عدد اطباءهم

الدنيا قاعده توسع ما يصير نوقف مكانا

[chillis]

اللي مستغربه ليش فيه قسم واحد للطواري واللي بيته في اخر الدنيا شيسوي
المفروض يوزعون اماكنهم ويوسعون مستشفياتهم ويكثرون عدد اطباءهم

الدنيا قاعده توسع ما يصير نوقف مكانا

ليش في طواري الخور الوكره

[حميداني]

اوه .. ولا انا داري هه
بس بعد زحمه , خلهم يسوون اقسام ثانيه في المناطق الداخليه أحسن من الحكره هذي

[وطن]

كانت لي تجربة ايجابية مع الطوارئ في رمضان
والله يجزاهم خير ما قصروا

بس مشكلة الانتظار مثل ما ذكرتي
صادفتني مره معاهم
وصج تنرفزت
وما قصروا معاي اللي يشتغلون هناك
لو ما كسرت خاطرهم كان نطرت ساعة زيادة بدون فايدة

الخلل في النظام من وجهة نظري اللي هو "ان لازم كل المرضى يكشف عليهم الطبيب العام المناوب و بعدها يحوله على الأخصائي المناسب (المناوب ) "

طيب انا فرضا حالتي أنف أو عيني فيها شي
المفروض من الاستقبال الممرض الموجود يحدد الحاله ويحولها على الطبيب المختص
اسرع لهم
ويخفف الضغط على الطبيب العام المناوب

لكن الظاهر انهم يحبون يضغطون نفسهم و يزيدون الشغل :secret:

[مبتدئه]

ياليت ترجعين تقرين الموضوع عدل إختي مبتدئه
قبل لا تتهميني بالعنصرية ..!!!
احنا نتكلم عن حق من حقوقنا كمواطنين قطريين
ما طالبنا بحرمان غيرنا من العلاج..!!!


فديتش انا قرأت الموضوع عدل لو موضوعج عن العيادات الخارجيه او عن اي قسم اخر وطالبتي الاولويه للقطريين او يخصصوون دكاتره للقطريين كان ممكن اقول من حقكم. وتستاهلووون لكن انتي اتكلمتي عن قسم الطوارئ يعني الحالات الطارئه واللي مفروض مافيها اي تميييز ولا فرق بين القطري والمقيم حبيبتي احنا في بلد مسلم وكلنا مسلمييين احنا في القرن االواحدوالعشرين وللحين نتكلم بعنصريه والرسول صلى الله عليه وسلم قال لا فرق بين عربي عن اعجمي الا بالتقوى يعني مافي فرق هذا المقيم اللي تتكلمون عنه جاي هاد بلاده وعايش فقطر يخدم ويساعد بتنمية البلد بأي منصب كان من دكتور لعامل النظافه اذا كانت حالته طارئه وين يتعالج يسافر بلده يتعالج فيها او يموت لين يالقطري يخلصدوره وبعدها تتكرمون بعلاجه ،انا متابعه لج اختي بصمه وماشاء الله عليج والنعم فيج. لكن بصراحه صدمني موقفج من طوارئ حمد والتمييز فيها لكم الحق تتميزون والاوليه في كل شي وهذا حق من حقوقكم الا في الحالات الطارئه للعلاج هنا كل حسب دوره وحالته الصحيه

[بومحمد المطاوعه]

الله يعافيك أخوي ولد المطاوعه ..
أجر و عافية يارب ..
أخوي أنا أعاني من الصداع النصفي
و كل اللي ابيه ( أبرة ) دقيقة ما آخذ
حالتي معروفة ..
كل مرة أضطر انتطر ثلاث اربع ساعات عشان بس
آخذ الأبرة ..
ومرات من كثر الإنتظار الحالة تسوء و أدخل تحت الملاحظة ..!!

ماتشوفين شر ان شاءالله

اذا حالتج معروفه ليش ماتسافرين للخارج

سوي كتاب للديوان وان شاءالله على طول بيردون عليج

او لللجنه الطبيه

وان شاءالله خير

اجر وعافيه والله يعينج على مستشفى حمد

[ام ناصر1]

اختي بصمة إذا من القمة للقاع ...معظم المستشفى اجانب ...والي يسوون خطط التطوير اجانب
اشلون تكون الاولوية للقطريين ...عندهم معتقدات انكم كستمر ولازم تقدم لكم خدمات عادلة ( انتم والاجانب سواء ) ...
وليس مواطنين لكم اولوية بالحقوق ...
يعني بيفكرون كيف يخففون ساعات الانتظار للمرضى ...وبس
وبيقولن لج القطريين مب قادرين ينتظرون ساعة لساعتين حالهم حال خلق الله ...

[OREO]

الدولة من واجبها تقدم كل سُبل الراحة للمواطن القطري مهما كلف الثمن و بالاخص في مجالي الصحة و التعليم وهذا حسب الدستور القطري المنصوص ،،

لكن حال المواطن القطري في أردى حالاته اذ قارننا بالنسبة و التناسب و دخل الفرد السنوي و خيراتها التي غطت العالم من مشارقها الى مغاربها وفي نفس الوقت قطر تفتقر مستشفياتها من رعاية مواطنيها و تستر نساءها في حالات الولادة بسبب قلة الغرف المتاحة وتتم المواطنة مرمية في ممرات المستشفى الى ان يتكرم عليها احد لاجل حصولها علي غرفة ،،


يا حكوتنا العزيزة لماذا كل هذا الاهمال اتجاة المواطنيين !! هل لان القطري لا يتكلم و لا يطالب بحقه المشروع في التعليم و الصحه بالطرق القانونية ؟ ام إن المواطن من الطبقة المتوسطة لا يستحق جزئ من خيرات البلد وينعم بها مثل الطبقة المخملية ؟؟


يا حكومتنا اذا إن الصحة و التعليم كاهل كبير عليكم وعدم مقدرتكم بتقديم سبل الراحه في هاذين المجالين ،، اقترح عليكم بتقليل عدد السكان و ارجاعنا الى ما كنا عليه من عشرون سنه لاجل لا نتذمر اكثر من ما نحن عليه وحلال عليكم خيرات بلادنا الى يوم القيامة ،،


يا حومتنا تنكري بثوب الفقير و انزلي الي ممرات مستشفى النساء و الولادة و طوارئ حمد لاجل تعلمي ما هي متطلبات المواطنين ،،،


اختي بصمة ،، الله يعينج و يعين كل مواطن و مواطنة وربي يلطف بالحال ان شاءالله و مالج الا الدعاء ،،

[OREO]

فديتش انا قرأت الموضوع عدل لو موضوعج عن العيادات الخارجيه او عن اي قسم اخر وطالبتي الاولويه للقطريين او يخصصوون دكاتره للقطريين كان ممكن اقول من حقكم. وتستاهلووون لكن انتي اتكلمتي عن قسم الطوارئ يعني الحالات الطارئه واللي مفروض مافيها اي تميييز ولا فرق بين القطري والمقيم حبيبتي احنا في بلد مسلم وكلنا مسلمييين احنا في القرن االواحدوالعشرين وللحين نتكلم بعنصريه والرسول صلى الله عليه وسلم قال لا فرق بين عربي عن اعجمي الا بالتقوى يعني مافي فرق هذا المقيم اللي تتكلمون عنه جاي هاد بلاده وعايش فقطر يخدم ويساعد بتنمية البلد بأي منصب كان من دكتور لعامل النظافه اذا كانت حالته طارئه وين يتعالج يسافر بلده يتعالج فيها او يموت لين يالقطري يخلصدوره وبعدها تتكرمون بعلاجه ،انا متابعه لج اختي بصمه وماشاء الله عليج والنعم فيج. لكن بصراحه صدمني موقفج من طوارئ حمد والتمييز فيها لكم الحق تتميزون والاوليه في كل شي وهذا حق من حقوقكم الا في الحالات الطارئه للعلاج هنا كل حسب دوره وحالته الصحيه


بصمة قطرية لم تطلب بطرد او بتقديم المواطن القطري على الاجنبي في مجال الصحة و بالاخص في قسم الطوارئ ،،

بصمة قطرية كونها مواطنة قطرية تطلب من حكومتها بجزئ من حقوقها وهي تميز المواطن في بلده و لا اكثر ،،

بصمة قطرية طالبت دكتور للقطريين و ثلاثة للاجانب وهذا يعني لا انتقاص للاجنبي و لا التعدي على حقوقه ولا اهماله ،،

بصمة قطرية ذكرت بأن الموضوع لا دخل له بالعنصرية ولا فرق بين عربي ولا قراشي ولا ابيض و لا اخضر ،،


فأتمنى الفكرة وصلت بارك الله فيك ،،

[مبتدئه]

بصمة قطرية لم تطلب بطرد او بتقديم المواطن القطري على الاجنبي في مجال الصحة و بالاخص في قسم الطوارئ ،،

بصمة قطرية كونها مواطنة قطرية تطلب من حكومتها بجزئ من حقوقها وهي تميز المواطن في بلده و لا اكثر ،،

بصمة قطرية طالبت دكتور للقطريين و ثلاثة للاجانب وهذا يعني لا انتقاص للاجنبي و لا التعدي على حقوقه ولا اهماله ،،

بصمة قطرية ذكرت بأن الموضوع لا دخل له بالعنصرية ولا فرق بين عربي ولا قراشي ولا ابيض و لا اخضر ،،


فأتمنى الفكرة وصلت بارك الله فيك ،،

اوريو اول نقطه من ردك راح ارد عليها لو تراجع اول الموضوع ماراح تلومني على ردي او توضح لي ماقصدته الاخت بصمة لان الموضوع واضح مثل الشمس بدايت الطرح كان مطالبتها بتقديم المواطن القطري واعطاءه الاولويه في العلاج بقسم الطوارئ وهنا حط خط احمراستغرب في ناس ممكن تفكر هكذا لان قسم الطوارئ تعبت اوضح اختلافي معها لكل الحالات الطارئه كان قطري او اجنبي الاولويه لصاحب الحاله الحرجه( اتمنى وضحت لك الصوره)وفهمت ما قصدت بردي

اما تبقى من طلبها فلها الحق كونها مواطنه قطريه لها كامل الحقوق

[£عبدالعزيز£]

اعتقد نفس هالامور ممكن تصير في اي مكان الا المستشفى .. وخصوصا الطواري

صعبة الصراحة

ولا تنسين اختي ان احنا ماندفع شي والمقيمين يدفعون

قد يكون هذا نوع من التميز اللي تطالبين فيه

[بصمة قطرية]

ابدا يابصمة ما قلتي شيء غلط من حقنا الحصول على بعض الحقوق المسلوبة خاصة في

الطوارىء وأذا ما حصلنا ها الشي البسيط بيكون الردى من مسؤليننا .

صدقتي اختي ..
حق من حقوقنا و مب غلط لما نطالب بحقوقنا ،،

[بصمة قطرية]

الكل له حق في العلاج ما دامه عايش في البلاد ويعمل فيها وعنده اقامه قانونيه لكن المشكله ان اعداد السكان زاد وتضاعف ممااثر على المواطن اكثر شي وهذا من حقه يطالب بعلاج افضل وخدمة طبية ممتازه
وتطوير قسم الطواري وزيادة فيه الكادر الطبي والممرضيين وكل الخدمات الطبيه باحسن من ماهو فيه الان
حتى يستوعب الجميع ومن حق القطري ان ينفعل اذا لم يجد من يعالجه في بلاده لكن لا ينساء ان المقيم ضيفه
وله حق ان يتعالج وان لايهمل الاجنبي المقيم بسبب جنسيته ويترك ينزف دم او يتالم لا بد ان يعتنى فيه كان من باب الانسانيه والرحمه

ما طالبنا غير بشي بسيط
كمثال اربع أطباء مناوبين في الطواري
نطلب يكون واحد فقط للقطريين
واحد من أصل اربعه
هل فيه هضم لحقوق غيرنا ...!!!
الحالات الطارئة ما فيها قطري أو أجنبي
في كل مكان الأولوية للحالات الطارئة ..
الانسانية والرحمة موجودة في قلوبنا ولله الحمد
يا ما بدينا حالات كثيرة ( أجانب ) على نفسنا ..

[بصمة قطرية]

بس قبل فتره سمعنا انهم قسموا الطوارئ للقطرين غير عن الاجانب

سمعنا بس للأسف ما شفنا شي ..!!!!

[بصمة قطرية]

اللي مستغربه ليش فيه قسم واحد للطواري واللي بيته في اخر الدنيا شيسوي
المفروض يوزعون اماكنهم ويوسعون مستشفياتهم ويكثرون عدد اطباءهم

الدنيا قاعده توسع ما يصير نوقف مكانا




ليش في طواري الخور الوكره

صحيح
في طواري الخور و الوكره
بس الضغط الكبير على طواري حمد
بحكم انه المستشفى الوحيد في الدوحة ...!!!
و كلنا عارفين تركز السكان في الدوحة اكثر من اي مكان ثاني ..

[بصمة قطرية]

اوه .. ولا انا داري هه
بس بعد زحمه , خلهم يسوون اقسام ثانيه في المناطق الداخليه أحسن من الحكره هذي

محتاجين توسعة
و أقسام ثانية ..
المستشفى ما عاد يسد الأعداد الكبيرة من المرضى ...!!!

[بصمة قطرية]

كانت لي تجربة ايجابية مع الطوارئ في رمضان
والله يجزاهم خير ما قصروا

بس مشكلة الانتظار مثل ما ذكرتي
صادفتني مره معاهم
وصج تنرفزت
وما قصروا معاي اللي يشتغلون هناك
لو ما كسرت خاطرهم كان نطرت ساعة زيادة بدون فايدة

الخلل في النظام من وجهة نظري اللي هو "ان لازم كل المرضى يكشف عليهم الطبيب العام المناوب و بعدها يحوله على الأخصائي المناسب (المناوب ) "

طيب انا فرضا حالتي أنف أو عيني فيها شي
المفروض من الاستقبال الممرض الموجود يحدد الحاله ويحولها على الطبيب المختص
اسرع لهم
ويخفف الضغط على الطبيب العام المناوب

لكن الظاهر انهم يحبون يضغطون نفسهم و يزيدون الشغل :secret:
صدقتي الخلل في النظام المتبع ..
في حالات معروفة لازم يتم تحويلها دايركت بدون إنتظار الطبيب العام المناوب ..!!!
مثلاً مريض ربو
معروف محتاج جهاز الربو يتم تحويله على طول بدون إنتظار
لأن علاجه معروف ...!!!

[بصمة قطرية]

فديتش انا قرأت الموضوع عدل لو موضوعج عن العيادات الخارجيه او عن اي قسم اخر وطالبتي الاولويه للقطريين او يخصصوون دكاتره للقطريين كان ممكن اقول من حقكم. وتستاهلووون لكن انتي اتكلمتي عن قسم الطوارئ يعني الحالات الطارئه واللي مفروض مافيها اي تميييز ولا فرق بين القطري والمقيم حبيبتي احنا في بلد مسلم وكلنا مسلمييين احنا في القرن االواحدوالعشرين وللحين نتكلم بعنصريه والرسول صلى الله عليه وسلم قال لا فرق بين عربي عن اعجمي الا بالتقوى يعني مافي فرق هذا المقيم اللي تتكلمون عنه جاي هاد بلاده وعايش فقطر يخدم ويساعد بتنمية البلد بأي منصب كان من دكتور لعامل النظافه اذا كانت حالته طارئه وين يتعالج يسافر بلده يتعالج فيها او يموت لين يالقطري يخلصدوره وبعدها تتكرمون بعلاجه ،انا متابعه لج اختي بصمه وماشاء الله عليج والنعم فيج. لكن بصراحه صدمني موقفج من طوارئ حمد والتمييز فيها لكم الحق تتميزون والاوليه في كل شي وهذا حق من حقوقكم الا في الحالات الطارئه للعلاج هنا كل حسب دوره وحالته الصحيه

حبيبتي وين العنصرية لما أطالب بحق من حقوقي
و دستور البلد ينص على هالشي
و المسؤولين بنفسهم صرحوا ...!!!
وين العنصرية لما أطالب بطبيب من أصل أربعة ...!!!
ما طالبت بالثلاثة مقابل واحد
طالبت بواحد فقط على إعتبار القطريين صاروا أقلية ..
أعتقد إختي إنتي ما جربتي الطواري و لا عانيتي
و أتمنى إنج ما تجربينه عشان ما تكرهين اللحظة اللي دخلتي
فيها للطواري ..
في كل دول العالم الأولوية للمواطن ..
ليش تحاربون هالشي هني ..
أرد و أكرر الحمدلله ما فيني عنصرية و مب محتاجة أبرر بأدلة ..

اللي يقرا ردج ( يسافر بلده و يتعالج )....!!!
يقول بصمة طالبت بطرد الأجانب من الطواري .....!!!!!!!

[بصمة قطرية]

ماتشوفين شر ان شاءالله

اذا حالتج معروفه ليش ماتسافرين للخارج

سوي كتاب للديوان وان شاءالله على طول بيردون عليج

او لللجنه الطبيه

وان شاءالله خير

اجر وعافيه والله يعينج على مستشفى حمد

الشر ما يجيك يارب أخوي ولد المطاوعه ..
الله يجزاك خير ..
الحمدلله على كل حال ،،

[بصمة قطرية]

اختي بصمة إذا من القمة للقاع ...معظم المستشفى اجانب ...والي يسوون خطط التطوير اجانب
اشلون تكون الاولوية للقطريين ...عندهم معتقدات انكم كستمر ولازم تقدم لكم خدمات عادلة ( انتم والاجانب سواء ) ...
وليس مواطنين لكم اولوية بالحقوق ...
يعني بيفكرون كيف يخففون ساعات الانتظار للمرضى ...وبس
وبيقولن لج القطريين مب قادرين ينتظرون ساعة لساعتين حالهم حال خلق الله ...

للأسف إختي أم ناصر هذا اللي حاصل ..
متأكدة أغلب اللي إتهموني بالعنصرية
ما عمرهم دخلوا طواري حمد ...!!!

[حسن]

[FONT="Verdana"][COLOR="Black"][SIZE="4"][B]صباح الخير اخت بصمه وخطاك الشر

قبل فتره راجعت الطوارى والحمدلله انهم سوو مكان خاص لنا وفرحت لذالك وكان عددنا بسيط مانتجاوز 3 اشخاص
وحالات عاديه كان في شوي تاخير بس الوضع عادي كان عندي لان حالتي بسيطه وتقبلت الامور على الا قل هدو
ولا مع العمال لازم نوسع صدرنا لان اللي يحز في الصدر اكبر من ذالك
واتمنى لك الصحه والعافيه وعلى فكره هذا حق على الكل لك ولكل قطري وكافتله الدوله للمواطنين درسنا برع
وشفنا شلونالعنصريه انت لك مكان اخر وتدفع مبالغ خياليه ومواطنهم ببلاش ويختلف عنك حتى بعض الدول
من مطاراتهم تلقى لهم كانترات خاصه فيهم ومثل ماذكرت بلادنا احن اولى بها اللي عاجبه يقعد واللي مهب
عاجبه يختار اي منفذ حدودي يطلع منه ولو يطلع عن طرق الرويس بعد احسن وانقوله بالسلامه

[بصمة قطرية]

الدولة من واجبها تقدم كل سُبل الراحة للمواطن القطري مهما كلف الثمن و بالاخص في مجالي الصحة و التعليم وهذا حسب الدستور القطري المنصوص ،،

لكن حال المواطن القطري في أردى حالاته اذ قارننا بالنسبة و التناسب و دخل الفرد السنوي و خيراتها التي غطت العالم من مشارقها الى مغاربها وفي نفس الوقت قطر تفتقر مستشفياتها من رعاية مواطنيها و تستر نساءها في حالات الولادة بسبب قلة الغرف المتاحة وتتم المواطنة مرمية في ممرات المستشفى الى ان يتكرم عليها احد لاجل حصولها علي غرفة ،،


يا حكوتنا العزيزة لماذا كل هذا الاهمال اتجاة المواطنيين !! هل لان القطري لا يتكلم و لا يطالب بحقه المشروع في التعليم و الصحه بالطرق القانونية ؟ ام إن المواطن من الطبقة المتوسطة لا يستحق جزئ من خيرات البلد وينعم بها مثل الطبقة المخملية ؟؟


يا حكومتنا اذا إن الصحة و التعليم كاهل كبير عليكم وعدم مقدرتكم بتقديم سبل الراحه في هاذين المجالين ،، اقترح عليكم بتقليل عدد السكان و ارجاعنا الى ما كنا عليه من عشرون سنه لاجل لا نتذمر اكثر من ما نحن عليه وحلال عليكم خيرات بلادنا الى يوم القيامة ،،


يا حومتنا تنكري بثوب الفقير و انزلي الي ممرات مستشفى النساء و الولادة و طوارئ حمد لاجل تعلمي ما هي متطلبات المواطنين ،،،


اختي بصمة ،، الله يعينج و يعين كل مواطن و مواطنة وربي يلطف بالحال ان شاءالله و مالج الا الدعاء ،،



اللهم آمين
الله يعيننا أجمعين أخوي أوريو ..
أبسط حقوقنا كمواطنين ( الصحة و التعليم )
للأسف صاروا بالنسبة لنا أصعب شيين ..!!!!

أتمنى اللي يعترض على كلامي يكون مجرب و عارف المعاناة في طواري حمد
قبل لا يتهم بالعنصرية
و يوصفنا بكلام ماله داعي ..
الحمدلله الإنسانية والرحمة مب محتاجين نتعلمها من حد
تعلمناها من ديننا و رسولنا عليه الصلاة والسلام ..
شاكرة إضافتك أوريو ،،

[بصمة قطرية]

بصمة قطرية لم تطلب بطرد او بتقديم المواطن القطري على الاجنبي في مجال الصحة و بالاخص في قسم الطوارئ ،،

بصمة قطرية كونها مواطنة قطرية تطلب من حكومتها بجزئ من حقوقها وهي تميز المواطن في بلده و لا اكثر ،،

بصمة قطرية طالبت دكتور للقطريين و ثلاثة للاجانب وهذا يعني لا انتقاص للاجنبي و لا التعدي على حقوقه ولا اهماله ،،

بصمة قطرية ذكرت بأن الموضوع لا دخل له بالعنصرية ولا فرق بين عربي ولا قراشي ولا ابيض و لا اخضر ،،


فأتمنى الفكرة وصلت بارك الله فيك ،،

كفيت ووفيت أخوي أوريو ..
بارك الله فيك ،،

[بصمة قطرية]

اوريو اول نقطه من ردك راح ارد عليها لو تراجع اول الموضوع ماراح تلومني على ردي او توضح لي ماقصدته الاخت بصمة لان الموضوع واضح مثل الشمس بدايت الطرح كان مطالبتها بتقديم المواطن القطري واعطاءه الاولويه في العلاج بقسم الطوارئ وهنا حط خط احمراستغرب في ناس ممكن تفكر هكذا لان قسم الطوارئ تعبت اوضح اختلافي معها لكل الحالات الطارئه كان قطري او اجنبي الاولويه لصاحب الحاله الحرجه( اتمنى وضحت لك الصوره)وفهمت ما قصدت بردي

اما تبقى من طلبها فلها الحق كونها مواطنه قطريه لها كامل الحقوق

اختي مبتدئه ..
مش تقديم المواطن القطري ..
قلت لج إنتي ما فهمتي الفكرة عدل
ضربت مثال
أربع أطباء كانوا مناوبين ذيك الليلة ..
لو تم تخصيص طبيب واحد للقطريات
و الثلاث أطباء للجنسيات الثانية
الأطباء كلهم يستقبلون الحالات في نفس الوقت
وين تقديم القطري ...!!!؟؟؟

أتمنى وضحت الصورة ..!!!!

[بصمة قطرية]

اعتقد نفس هالامور ممكن تصير في اي مكان الا المستشفى .. وخصوصا الطواري

صعبة الصراحة

ولا تنسين اختي ان احنا ماندفع شي والمقيمين يدفعون

قد يكون هذا نوع من التميز اللي تطالبين فيه

وين التمييز لما نطالب بحقوقنا..!!!
الأجانب يدفعون أسعار رمزية جداً
كم مرة خذت خدامتي للطواري و دفعت عارفة المبالغ اللي تندفع
و الدفع يكون بس للدوا ...!!

يا ما طلعنا من الطواري بسبب الزحمة والإنتظار
و دفعنا آلاف في مستشفيات خاصة ...!!!!

مش الأولى إني أتعالج في مستشفى حكومي و علاجي يكون مجاني ...!!
بدل ما أروح و أدفع بالآلاف في مستشفيات خاصة ...
غالبية القطريين ما عندهم تأمين صحي ..!!!

[بصمة قطرية]

[font="verdana"][color="black"][size="4"][b]صباح الخير اخت بصمه وخطاك الشر

قبل فتره راجعت الطوارى والحمدلله انهم سوو مكان خاص لنا وفرحت لذالك وكان عددنا بسيط مانتجاوز 3 اشخاص
وحالات عاديه كان في شوي تاخير بس الوضع عادي كان عندي لان حالتي بسيطه وتقبلت الامور على الا قل هدو
ولا مع العمال لازم نوسع صدرنا لان اللي يحز في الصدر اكبر من ذالك
واتمنى لك الصحه والعافيه وعلى فكره هذا حق على الكل لك ولكل قطري وكافتله الدوله للمواطنين درسنا برع
وشفنا شلونالعنصريه انت لك مكان اخر وتدفع مبالغ خياليه ومواطنهم ببلاش ويختلف عنك حتى بعض الدول
من مطاراتهم تلقى لهم كانترات خاصه فيهم ومثل ماذكرت بلادنا احن اولى بها اللي عاجبه يقعد واللي مهب
عاجبه يختار اي منفذ حدودي يطلع منه ولو يطلع عن طرق الرويس بعد احسن وانقوله بالسلامه

صباح النور أخوي حسن ..
الشر ما يجيك يارب ..
الله يجزاك خير
و ما تشوف شر إن شاءالله ..
هل تطبق هالشي في قسم الرجال فقط ...!!!؟؟؟
صدقت هم يتعاملون بعنصرية
و في كل مكان ..
للأسف اللي مش مستوعبين الفكرة
بس يتهمونا بالعنصرية
وهاذي ابسط حقوقنا كمواطنين ..

[حسن]

صباح النور أخوي حسن ..
الشر ما يجيك يارب ..
الله يجزاك خير
و ما تشوف شر إن شاءالله ..
هل تطبق هالشي في قسم الرجال فقط ...!!!؟؟؟
صدقت هم يتعاملون بعنصرية
و في كل مكان ..
للأسف اللي مش مستوعبين الفكرة
بس يتهمونا بالعنصرية
وهاذي ابسط حقوقنا كمواطنين ..

شوفي قبل سنتين راجعتهم ودخلت عادي الى مال التسجيل قام يتلفت وعقب قالي روح مناك هناك حق القطريين
قلت الحمدلله
وقبل شهرين راجعتهم كان شوكه في يدي وماقدرت اطلعها جبت سكين:eek5: شفت شفرتها كبيره وجبت موس وقمت اشقق يدي ماني باقدر عليها وزعجتني اسابيع كان اروح الطواري
ويوم دخلت الى المكان غير صحيح صغير بس زين يكفي من كثرنا هبابه لهم المستشفى
تاخر شوي بس انه عادي حالي طبيعيه حتى قلت لطبيب عطني مشرط وانا باشق يدي:eek2:
اذكره كان من الصعيد القواني مش البراني يحليله هم البركه شعب طيب وحمي وشكور
فقام بنج اليد واشتغل المشرط:omg:دورنا الشوكه ماشفناها امهم حاس يمين يسار تقول وحد
من الهشباب قاعد يخمس في يدي خيطها وقالي قوم بالسلامه اللى بعدو:omg:

واقولك ماعليك منهم دام دمك عنابي:victory:

[عساف]

صارت الحين عنصرية اذا المواطن يطالب بابسط حقوقه... نعم انا عنصري ومن حقي اكون عنصري حالنا حال كل الدول مع مواطنينها لهم اولوية في كل شئ والاقربون اولى بالمعروووف وين المشكلة الدولة ما عليها قصور بنت بنت جبيل بكل خدماتها .....الخ ماهيب عاجزة تخصص لنا مستشفى بالكامل فقط للقطرين

[بصمة قطرية]

شوفي قبل سنتين راجعتهم ودخلت عادي الى مال التسجيل قام يتلفت وعقب قالي روح مناك هناك حق القطريين
قلت الحمدلله
وقبل شهرين راجعتهم كان شوكه في يدي وماقدرت اطلعها جبت سكين:eek5: شفت شفرتها كبيره وجبت موس وقمت اشقق يدي ماني باقدر عليها وزعجتني اسابيع كان اروح الطواري
ويوم دخلت الى المكان غير صحيح صغير بس زين يكفي من كثرنا هبابه لهم المستشفى
تاخر شوي بس انه عادي حالي طبيعيه حتى قلت لطبيب عطني مشرط وانا باشق يدي:eek2:
اذكره كان من الصعيد القواني مش البراني يحليله هم البركه شعب طيب وحمي وشكور
فقام بنج اليد واشتغل المشرط:omg:دورنا الشوكه ماشفناها امهم حاس يمين يسار تقول وحد
من الهشباب قاعد يخمس في يدي خيطها وقالي قوم بالسلامه اللى بعدو:omg:

واقولك ماعليك منهم دام دمك عنابي:victory:
أجر و عافية إن شاء الله اخوي حسن ..
على كثر ما اروح الطواري ما شفت اي تغيير ..!!!
قبل هالمره رحت و كان في تغيير في كل شي
استانست افتكرت انهم غيروا
و على الأقل بيعطونا غرفة بس لكن للأسف ...!!!

[بصمة قطرية]

صارت الحين عنصرية اذا المواطن يطالب بابسط حقوقه... نعم انا عنصري ومن حقي اكون عنصري حالنا حال كل الدول مع مواطنينها لهم اولوية في كل شئ والاقربون اولى بالمعروووف وين المشكلة الدولة ما عليها قصور بنت بنت جبيل بكل خدماتها .....الخ ماهيب عاجزة تخصص لنا مستشفى بالكامل فقط للقطرين

صدقت أخوي عساف ..
و اللي يعترض على هالشي
إذا تم إنشاء قسم للقطريين
أو تحديد طبيب للقطريين خله يقول لا للعنصرية و يرفض فحص الطبيب ...!!!!

[حبر وقرطاس]

الا العنصريه بعينها يا ختي. اللي قا كلامج يفكر الغير قطريين المتواجدين في الطوارئ مش متألمين
عيل ليش جاوا ؟؟ يدلعون مثلا؟ وش بيصير لو انتظرتي مثلج مثلهم كلن ياخذ دوره حس الحضور والاسبقيه
يا اهل قطر ارجوكم فتحوا عقولكم شوي وارتقوا ف دينكم الدين معامله مش جنسيه وقطري وغير قطري
للعلم انا قطريه وضد مبدأ القطريه يخلصونها بسرعه لانها قطريه ترى هذا مستشفى مب مطار الدوحه مدخل القادمون عشان يمررون القطريين في صوب الاجانب ف صوب.

[حبر وقرطاس]

صارت الحين عنصرية اذا المواطن يطالب بابسط حقوقه... نعم انا عنصري ومن حقي اكون عنصري حالنا حال كل الدول مع مواطنينها لهم اولوية في كل شئ والاقربون اولى بالمعروووف وين المشكلة الدولة ما عليها قصور بنت بنت جبيل بكل خدماتها .....الخ ماهيب عاجزة تخصص لنا مستشفى بالكامل فقط للقطرين

اخوي خلك عنصري في الارض والقروض والمناصب الوظيفه اما في المرافق الخدميه مثل المدارس والمستشفيات فالكل سواسيه محد احسن من حد

[حسن]

الا العنصريه بعينها يا ختي. اللي قا كلامج يفكر الغير قطريين المتواجدين في الطوارئ مش متألمين
عيل ليش جاوا ؟؟ يدلعون مثلا؟ وش بيصير لو انتظرتي مثلج مثلهم كلن ياخذ دوره حس الحضور والاسبقيه
يا اهل قطر ارجوكم فتحوا عقولكم شوي وارتقوا ف دينكم الدين معامله مش جنسيه وقطري وغير قطري
للعلم انا قطريه وضد مبدأ القطريه يخلصونها بسرعه لانها قطريه ترى هذا مستشفى مب مطار الدوحه مدخل القادمون عشان يمررون القطريين في صوب الاجانب ف صوب.

اشك في ذالك

محنا سبنالهم المستشفي بحاله لهم واخذنا غرفه ياشيخه بس سبنالهم الدار وقعدنا برع

سبنالهم الظل وقعدنا في الشمس

انصحك تشوفين كتاب السواعد السمر تاليف ناصر العثمان:victory:

[بـن عدوان]

شوفي اختي

قبل كان القطري والاجنبي الدكتور يكشف عليهم في نفس الغرفة للعلاج وكانت الاولولية للقطري عشان يشوف الدكتور ..

اخبر كان واحد تركي مع ابوه وكان ينطر وشاف انه في قطريين جوا بعده وشافهم الدكتور قبله

قام عصب وقال عنصرية وانا مريض ...

مع الوقت.. القطريين ودول مجلس التعاون يتعالجون في مبنى منفصل والحمدلله مافيه زحمة .. هاي بالنسبة للرجال طبعا

والاقامة القصيرة للقطريين بروحهم

الحريم قبل يتعالجون في نفس الغرفة والمكان بس اهلي امس راحوا الليل وصارت الاقامة القصيرة للقطريات بروحهم وللاجانب بروحهم مع العلم غرفة القطريات الاسررة فيها جديدة والمكان دايما معطر


فـ انتي انتظري شوي وكل شي بيصير

بس انا ضد لما القطري والاجنبي يكونون في مكان واحد والاولوية تكون للقطري في الكشف .. اسمحي لي هذي مافيها انسانية وشي غير اخلاقي

[بومحمد المطاوعه]

الشر ما يجيك يارب أخوي ولد المطاوعه ..
الله يجزاك خير ..
الحمدلله على كل حال ،،

جزاج الله خير

والحمدلله على كل حال

ان الله مع الصابرين

ولج اجر ان شاءالله

وربي يشفيج ويشفي جميع مرضى المسلمين يارب

[OREO]

شوفي اختي

قبل كان القطري والاجنبي الدكتور يكشف عليهم في نفس الغرفة للعلاج وكانت الاولولية للقطري عشان يشوف الدكتور ..

اخبر كان واحد تركي مع ابوه وكان ينطر وشاف انه في قطريين جوا بعده وشافهم الدكتور قبله

قام عصب وقال عنصرية وانا مريض ...

مع الوقت.. القطريين ودول مجلس التعاون يتعالجون في مبنى منفصل والحمدلله مافيه زحمة .. هاي بالنسبة للرجال طبعا

والاقامة القصيرة للقطريين بروحهم

الحريم قبل يتعالجون في نفس الغرفة والمكان بس اهلي امس راحوا الليل وصارت الاقامة القصيرة للقطريات بروحهم وللاجانب بروحهم مع العلم غرفة القطريات الاسررة فيها جديدة والمكان دايما معطر


فـ انتي انتظري شوي وكل شي بيصير

بس انا ضد لما القطري والاجنبي يكونون في مكان واحد والاولوية تكون للقطري في الكشف .. اسمحي لي هذي مافيها انسانية وشي غير اخلاقي

عجبني كلامك اخوي بن عدوان ،، و نحن نطالب بمستشفى خاص او بقسم خاص او بغرفة خاصه حتى لو بملحق مستشفى حمد و شخصيا ما عندي مانع ،، اما اني اجلس ببلادي انا و الغريب واحد ( نسبة الوافدين ثمانية اضعاف المواطن تقزيبا )!!! فلذالك اذا القطري كان في السابق يتلقى العلاج بربع ساعه ،، الان يتلقى العلاج بساعتين ،،،

انقولها من واحنا اصغار ،، اللي مافي خير بهله مافيه خير بالناس ،،

[استقرار]

عزيزي في مثل هذه الحالات .. التصرف والأولوية حسب الحالة

المريض أولاً

[حبر وقرطاس]

اشك في ذالك

محنا سبنالهم المستشفي بحاله لهم واخذنا غرفه ياشيخه بس سبنالهم الدار وقعدنا برع

سبنالهم الظل وقعدنا في الشمس

انصحك تشوفين كتاب السواعد السمر تاليف ناصر العثمان:victory:

للامانه امس انا كنت فالطوارئ لاخذ نتيجه فحص دم تاريخ ١٧.٩.٢٠١٢
وقسم لنساء فالنتظار حول ال٢٠ وحده الالغل قطريات ويمكن منهم ٧ غير قطريات الكل جالس ومعاه البطاقه الالكترونيه للرقم وعطوني رقم
بس كنت جايه اخذ دوا واطلع مب فحص وفعلا الدكتوره والممرضه المناوبين كانو جدا متفهمين
وكتبت لي لعلاج المناسب وناقشتني وشقحتني فوق كل المريضات مع العلم بعضهم كان يتالم ويبكي ويتذمر بس ملزومين بالدور ، انا اختلف عنهم انا مش جايه فحص انا جايه اشوف نتيجه التحليل واخذ الدوا فقط
وانا احييهم على عدم تركي انتظر الف وحده قبلي .لان الشغله ماتسوى انتظر .مب لاني قطريه .


ملاحظه ... اخ حسن دع عنك اللغه الانهزاميه هذه ، هذا والله ما ابتلانا بنقص في الاموال والارواح والصحه مثل ما اتلى غيرنا ، ولله لحمد عايشين ومستورين وف عز وامن ورفاهيه ومحفوظه كرامه الجميع ، وغيرنا صاتهم البأساء والضراء ومازالوا اقويا متماسكين، لا تكون انهزامي وتتخلى عن حقوقك اذا كان هناك سفيه لا يعرف حدوده تطاول .

[حبر وقرطاس]

عجبني كلامك اخوي بن عدوان ،، و نحن نطالب بمستشفى خاص او بقسم خاص او بغرفة خاصه حتى لو بملحق مستشفى حمد و شخصيا ما عندي مانع ،، اما اني اجلس ببلادي انا و الغريب واحد ( نسبة الوافدين ثمانية اضعاف المواطن تقزيبا )!!! فلذالك اذا القطري كان في السابق يتلقى العلاج بربع ساعه ،، الان يتلقى العلاج بساعتين ،،،

انقولها من واحنا اصغار ،، اللي مافي خير بهله مافيه خير بالناس ،،





اذا تبي كل مرفق يسوون فيه قسم او مبنى خاص للقطريين فقط بعيد عن الاجانب فالمرافق الخدميه
شرايك بعد نقسم قطر نصفين احنا لنا الجنوب لان اهل الدوحه يعشقون الراحه ونخلي الشمال لهم حق المصانع والكرف
وعشان خاطر المواطن يرتاح ومايزاحمه حد في بلاده
بسكم كسل وتشكي

[وطن]

للامانه امس انا كنت فالطوارئ لاخذ نتيجه فحص دم تاريخ ١٧.٩.٢٠١٢
وقسم لنساء فالنتظار حول ال٢٠ وحده الالغل قطريات ويمكن منهم ٧ غير قطريات الكل جالس ومعاه البطاقه الالكترونيه للرقم وعطوني رقم
بس كنت جايه اخذ دوا واطلع مب فحص وفعلا الدكتوره والممرضه المناوبين كانو جدا متفهمين
وكتبت لي لعلاج المناسب وناقشتني وشقحتني فوق كل المريضات مع العلم بعضهم كان يتالم ويبكي ويتذمر بس ملزومين بالدور ، انا اختلف عنهم انا مش جايه فحص انا جايه اشوف نتيجه التحليل واخذ الدوا فقط
وانا احييهم على عدم تركي انتظر الف وحده قبلي .لان الشغله ماتسوى انتظر .مب لاني قطريه .


ملاحظه ... اخ حسن دع عنك اللغه الانهزاميه هذه ، هذا والله ما ابتلانا بنقص في الاموال والارواح والصحه مثل ما اتلى غيرنا ، ولله لحمد عايشين ومستورين وف عز وامن ورفاهيه ومحفوظه كرامه الجميع ، وغيرنا صاتهم البأساء والضراء ومازالوا اقويا متماسكين، لا تكون انهزامي وتتخلى عن حقوقك اذا كان هناك سفيه لا يعرف حدوده تطاول .

معليش اختي اسمحي لي بس اعلق على هالـشغله

تقولين طوفوج على الدور
بسبب ان بس بتشوفين التحاليل و يعطونج ادوية

فلنفرض هذه 5 دقايق
وفي غيرج كذا وحده سوو نفس الحركة كم 5 دقايق راحت ؟

والمرضى اللي ينتظرون بره واللي يتألمون شنو ذنبهم ؟؟
كل وحده ممكن تطوف دورها بسبب ان موضوعها سريع سواء قطرية او غيره
و الحالات اللي فعلا صعبة و تتألم ممكن تنتظر بره للأبد بسبب ان الدكتور مشغول مع الحالات السريعة !!!

هذي الحركة من وجهة نظرج صح اختي ؟؟
لو كنتي مكانهم وجات وحده طافت الدور لأي سبب كان
هل راح تعجبج الحركة و تحيينهم على اللي سووه ؟


:rolleyes2:

[حبر وقرطاس]

معليش اختي اسمحي لي بس اعلق على هالـشغله

تقولين طوفوج على الدور
بسبب ان بس بتشوفين التحاليل و يعطونج ادوية

فلنفرض هذه 5 دقايق
وفي غيرج كذا وحده سوو نفس الحركة كم 5 دقايق راحت ؟

والمرضى اللي ينتظرون بره واللي يتألمون شنو ذنبهم ؟؟
كل وحده ممكن تطوف دورها بسبب ان موضوعها سريع سواء قطرية او غيره
و الحالات اللي فعلا صعبة و تتألم ممكن تنتظر بره للأبد بسبب ان الدكتور مشغول مع الحالات السريعة !!!

هذي الحركة من وجهة نظرج صح اختي ؟؟
لو كنتي مكانهم وجات وحده طافت الدور لأي سبب كان
هل راح تعجبج الحركة و تحيينهم على اللي سووه ؟


:rolleyes2:

والله ماتفرق معاي ابد بنتظر وبرحابه صدر واذا انا تبي الصراحه مستعجله
واشعر ان حالتي جدا متعبه ماراح اجي طوارئ حمد بروح مستشفى خاص مثل
مستشفى الدوحه . للالم احتمال بس الواحد بفلوسه يرتاح صح والا ماصح يازول؟

[وطن]

والله ماتفرق معاي ابد بنتظر وبرحابه صدر واذا انا تبي الصراحه مستعجله
واشعر ان حالتي جدا متعبه ماراح اجي طوارئ حمد بروح مستشفى خاص مثل
مستشفى الدوحه . للالم احتمال بس الواحد بفلوسه يرتاح صح والا ماصح يازول؟

هاهاهاها
انا مب زول
انا اختج وطن :)

و في حالات المستشفيات الخاصة ما تصلح فيها
عن تجربة
ما نفعني الا طوارئ حمد والحمدلله

واختي ترى مب كل الناس عندها امكانية يروحون المستشفيات الخاصة

اذا انا وانتي و غيرنا يقدرون يروحون حق طبيب خاص كل يوم وما يأثر في ميزانيتهم
غيرنا ما يقدرون ترى

[خفيف الروح]

ايااااة. الله يزينة

[ابن مانع]

شوفي اختي

قبل كان القطري والاجنبي الدكتور يكشف عليهم في نفس الغرفة للعلاج وكانت الاولولية للقطري عشان يشوف الدكتور ..

اخبر كان واحد تركي مع ابوه وكان ينطر وشاف انه في قطريين جوا بعده وشافهم الدكتور قبله

قام عصب وقال عنصرية وانا مريض ...

مع الوقت.. القطريين ودول مجلس التعاون يتعالجون في مبنى منفصل والحمدلله مافيه زحمة .. هاي بالنسبة للرجال طبعا

والاقامة القصيرة للقطريين بروحهم

الحريم قبل يتعالجون في نفس الغرفة والمكان بس اهلي امس راحوا الليل وصارت الاقامة القصيرة للقطريات بروحهم وللاجانب بروحهم مع العلم غرفة القطريات الاسررة فيها جديدة والمكان دايما معطر


فـ انتي انتظري شوي وكل شي بيصير

بس انا ضد لما القطري والاجنبي يكونون في مكان واحد والاولوية تكون للقطري في الكشف .. اسمحي لي هذي مافيها انسانية وشي غير اخلاقي


تعقيب على كلامك ياخوي بن عدوان تم فصل علاج الخليجي ودمجه مع المقيم
مع انه في قانون واتفاقيه مجلس التعاون المعاملة في الصحه والتعليم للخليجي معاملة المواطن واعتقد ضمو اليمن والعراق في هالاتفاقية
بس ادارة جديده وغيرة الاتفاقيات
وانا مع الاخت بصمه واجب الدولة لازم تميز مواطنينها الا في الامور الخدمية كالصحه والتعليم مثل ماقالت الاخت حبر وقرطاس

[OREO]

اذا تبي كل مرفق يسوون فيه قسم او مبنى خاص للقطريين فقط بعيد عن الاجانب فالمرافق الخدميه
شرايك بعد نقسم قطر نصفين احنا لنا الجنوب لان اهل الدوحه يعشقون الراحه ونخلي الشمال لهم حق المصانع والكرف
وعشان خاطر المواطن يرتاح ومايزاحمه حد في بلاده
بسكم كسل وتشكي

باين من ردج مهب قادرة تفرقين يمينج من يسارج ،، فلذا عيب علي اني اجادلج ،،،

[متروس]

ببساطة ,,, الرياضة ومشاريعها اهم من الصحة والتعليم