أنا اللي يوم تمنيتك ، ترجيتك و ناديتك

[عضو قديم]

أنا اللي يوم تمنيتك ، ترجيتك و ناديتك
أنا اللي قلت لك كل الفرح بيتك
تعب صوتي و مليتك ، تعب قلبي و خليتك
حبيبي لا أبد مو إنت ذاك اللي تمنيتك
أنا آسف أنا آسف إذا في يوم حبيتك

نثرت الروح في كفك أماني
و قلت اطلب كل الأرض مفروشه بحناني
و كل الشوق سويته أغاني
لا إنت صوبي ولا يمي و لا حسيت في همي
و جيت ألحين ترعاني؟*
تصورت الجروح تطيب في لحظه و ثواني؟
تعب صوتي و مليتك ، تعب قلبي و خليتك
حبيبي لا أبد مو إنت ذاك اللي تمنيتك
أنا آسف أنا آسف إذا في يوم حبيتك

أنا إللي قبلك مضحي ولا تحتاج حق شرحي
تدري يا سبب يأسي وسبب جرحي*
إنت أدرى و الله أدرى ولا تحتاج حق شرحي
إيدي اللي اكتبت اسمك بدت تمحيه
تعب صوتي و مليتك ، تعب قلبي و خليتك
حبيبي لا أبد مو إنت ذاك اللي تمنيتك
أنا آسف أنا آسف إذا في يوم حبيتك

زيروخ 16/09/2012

[ali.rabbah]

مشكور عالكلام الطيب وصح لسانك

[intesar]

شكرا على الكلمات المؤثرة.. ماعرفت أختار..
فاخترت منها هذي الأبيات..

تعب صوتي و مليتك ، تعب قلبي و خليتك
حبيبي لا أبد مو إنت ذاك اللي تمنيتك
أنا آسف أنا آسف إذا في يوم حبيتك

لأن بالفعل فيه ناس ماتستحق إنك تعل قلبك عليهم.. مايستاهلون.. هذي الدنيا.. لقاء وفراق وربما لقاء.. لكن بالأخير أكيد فراق.. إذا أحدهم مات.. والموت حق..

هل ما تخطه يمينك.. من وحي قلمك..
إذا كان كذلك.. فهنيئا لك.. ولقلمك الصادق والمعبر..

ودمت بحفظ الرحمن..

[عضو قديم]

اخوي علي
اختي انتصار

شاكر لكم مروركم
تقبلوا تحيتي