المجلس الاعلى دمر التعليم وجاء الدور ليدمر الاسرة ، اتق الله

[qatar6]

انتهاء دوام المدرسات الساعة الثانية ظهرا
انتهاء دوام اطفال الروضة الثانية عشر والنصف

ساعة ونصف تجلس معلمة الروضة نظام المسارات يعني تدريس ساعتين ونص الى ثلاث ساعات ناهيك عن حصص الاحتياط والتحضير للحصة القادمة اثناء تدريس المسار الثاني

اضف الى هذا ، الطفل يجلس بالبيت بانتظار امه
على الزحمة ما توصل امه الا ثنتين ونصف وطالع

تكون منتهية من متطلبات الروضة.
واكيد بيفتقد الطفل وجميع الابناء امهم على مائدة السفرة ، والطامة الكبرى يجي اليوم الثاني تطرح علية المعلمة متى تجتمع الاسرة ؟

طيب هل تمدي السويعات القليلة ان تعطي طفلها حقة. اضافة الى تدريس جميع الابناء ومراعاة باقي حقوق الابناء والزوج والاهل

طيب فالشتاء ما تدخل الام الا على اذان العصر وكلها ساعتين الا وحل الليل

حسبي الله على من حط هذا القرار وتاكد ان الدوحة كلها تفوض امرها لله فيك
اتق الله

[حسن]

متابع

[خليفـة]

الله المستعان
المشكلة مهما تكلمنا .. مافيه نتيجه من طرفهم !
بالتالي .. الواحد ما بيده غير يقول :
الله يزينها
:)

خليفـــة

[qatarshark]

اي والله
الله يازينها ايام الوزارة نطلع 12.30
وتتغدى مع الأهل والعيال لا وتقيل بعد
مب الحين مايمديك تبلع لقمة الا مآذن العصر
الله المستعان

[حميداني]

ذكرتوني بايام زمان لما كنا نتيمع على سفره وحده :)

[شيزكيك]

مب بس المدارس يطلعون الامهات الساعة 2 كل الاشغال في الدولة الدوام من 7 الى 2 ولا في مستشفى حمد لين 3 بعد

[qatara]

مثل الي يبط عينه بصبعه

فالاسره والتعليم هم لبنات= اساس المجتمع

[volcano1]

مب بس المدارس يطلعون الامهات الساعة 2 كل الاشغال في الدولة الدوام من 7 الى 2 ولا في مستشفى حمد لين 3 بعد


ليسوا سواء .



المتفق عليه والمعروف أن المجهود العقلي والنفسي الذي يبذله المدرس أو المدرسة كبير ومركز إلى درجة الإرهاق (الإرهاق وليس مجرد التعب) . ولذلك تجد في جميع دول العالم أن أقل ساعات الدوام عند المدرسين والمدرسات وهي الأقل على الإطلاق وإجازاتهم هي الأطول .
كما ثبت في دراسات يابانية متقدمة أن الطالب لا يستطيع أن يركز بكامل طاقته أكثر من 40 دقيقة في اليوم . ولذلك يجب تقصير ساعات تعلمه الرسمي إلى أدنى مدى ممكن لأن تطويل الوقت عليه مجرد هباء بالإضافة إلى أنه يدفعه إلى النفور من التعلم ويقلل عنده الاستيعاب .
وتأكد أن من أولى أوليات مؤسسة راند هو تفكيك الأسرة وتربية نشء متميع تشرف على تربيته أغلب الوقت خادمة لا تمت له حضارة ولا دينا ولا لغة . لأن في تفكيك الأسرة تفكيكا أوتوماتيكيا للمجتمع خاصة وأن نسبة كبيرة من نسائه العاملات يشتغلن بمجال التعليم ذو الساعات الطوال الذي كان يوما ما تربية وتعليما .

[volcano1]

4 ساعات في المدرسة تربية وتعلم تتخللها 3 فواصل إستراحة قصير كافية وزيادة لطالب المرحلة الإبتدائية لتكوين جيل تم تأسيسه جيدا دون إهمال الجانب العاطفي - النفسي - العائلي فيه لأن كل وقت إضافي لطفل في هذا العمر بعيدا عن أهله هو سرقة من مخزونه العاطفي والنفسي .

[كازانوفا]

شي يقهر والله
حسبنا الله ونعم الوكيل

[بومحمد المطاوعه]

الله المستعان
المشكلة مهما تكلمنا .. مافيه نتيجه من طرفهم !
بالتالي .. الواحد ما بيده غير يقول :
الله يزينها
:)

خليفـــة

بااااااااااااالضبط ياخوووي

مهما تكلمنا مابيسوون شي

الله كريم

[دااانة قطر]

مب بس المدارس يطلعون الامهات الساعة 2 كل الاشغال في الدولة الدوام من 7 الى 2 ولا في مستشفى حمد لين 3 بعد

:weeping::weeping::weeping:
الله المستعاان

[essa66]

هههه وتبون الحريم يتولون القيادة هذي اخرتها

[بيرق_المجد]

والله لو تكتبها بالبنط العريض قدام مبناء المجلس الاعلى متأثر فيهم قلوبهم ميته

[الزعفراني]

كل شيء وله ثمن .. وهذا الثمن غالي .. كان الله في العون

[Scout Sniper]

يستاهل البرد من ضيع ادفاه

[معطاب]

ياجماعه الخير صعبه والله عيالنا يرجعون حتى الغدا مايتغدون على طول يحطون روسهم من التعب الروضه 12ونص والابتدائيه 1 و35 يعني من الساعه سبع ويقومون قبلها بساعه مايسسوى عليهم هالتعليم ياليته بعد مثمر يجي الواحد منهم مايعرف يقرا كلمه على بعضها ابي اعرف اللي حط القرار عنده عيال عشان يحس بتعب عيالنا ومعاناتهم بعدين حتى من ناحيه الاختناقات المروريه المدارس مع الدوائر الحكوميه في وقت واحد بتزيد الطين بله الله يعين واتمنى منهم يرجعون عن قرارهم على الاقل المرحله الابتدائيه والروضه

[امنة]

السلام عليكم . ارجوا من المجلس الاعلى ان يتابع مدرسة عبدالله بن جاسم النموذجية للبنين وما ادراك ما هذه المدرسة من استهتار باابناءنا بعدم الاهتمام وهروب المعلمات القطريات من المدرسة كلة المدرسة مدرساتها من المقيمين للاسف . شكوى من المدرسات القطريات السابقات في المدرسة من النائبة الاكاديمية وعدم رغبتها في انضمام القطريات الى المدرسة وتعسفها اتجاهم بشتى الطرق . والان الطلاب لم يستلموا الى كتابين او ثلاث .
ولا الادارة الصفية للمعلمات تعبانة جدا لدرجة ان طلاب يشتكون احنا ما نفهم الدرس من الاولاد الذين يلعبون في الحصة ولا حياه لمن ينادي مع ها الادارة اوكيه ولا نشوف شي . ارجوا متابعة الامر بسرعة للاسف انة توجد مدرسة بهذه النظام السيء.

[intesar]

صباح الخير..
يعني ما أدري.. حتى بهذا بتتذمرون..
الدوام الحكومي أعتقد 7 أو 8 ساعات..

خير إن شاء الله.. وليش تبون ساعات أقل.. طيب الموظفين والموظفات بنفس حالتكم.. وعندهم عيال..

إللي بيشتغل من النساء.. هذا معناته يتنازل عن بعض الأشياء.. يعني السبب المذكور غير مقنع..

بصراحة.. الموضوع برمته غلط.. بمقابل تعبكم اللي تستاهلون عليه أعلى راتب.. بس ما أشوفه ظلم..

يا إدارة.. ليش ماتسوون موضوع مثبت عن المدارس والمجلس.. كثرت مثل هذي المواضيع.. خصصوا موضوع لمشاكل المجلس والمدارس..

ودمتم بحفظ الرحمن..

[شبل الجزيره]

الله يذكرك بالخير يا محمد بن حمد

http://gallery.qcat.net/data/media/100/MH_Thani2.jpg

والله يرحم زمان اول

[الكنترول]

متابعععععععععععععععععع

[واثق بالله]

دوام الامهات مفترض اربع ساعات فقط

يعني اللي عندها عيال

[لولو2022]

صباح الخير..
يعني ما أدري.. حتى بهذا بتتذمرون..
الدوام الحكومي أعتقد 7 أو 8 ساعات..

خير إن شاء الله.. وليش تبون ساعات أقل.. طيب الموظفين والموظفات بنفس حالتكم.. وعندهم عيال..

إللي بيشتغل من النساء.. هذا معناته يتنازل عن بعض الأشياء.. يعني السبب المذكور غير مقنع..

بصراحة.. الموضوع برمته غلط.. بمقابل تعبكم اللي تستاهلون عليه أعلى راتب.. بس ما أشوفه ظلم..

يا إدارة.. ليش ماتسوون موضوع مثبت عن المدارس والمجلس.. كثرت مثل هذي المواضيع.. خصصوا موضوع لمشاكل المجلس والمدارس..

ودمتم بحفظ الرحمن..


ههههههههههه
انتي عجيبه ، ولاهمج شىء، اكيد انتي مديره

[مسك روز]

في وحده هني خالف تعرف
حمدلله والشكر

الظاهر ايدها في الماي

[لولو2022]

في وحده هني خالف تعرف
حمدلله والشكر

الظاهر ايدها في الماي


وانتي ايدج في النار
حاسبي لتحترقين

[{ام غاليه}]

الله يعين جميع الموظفين والموظفات

وحسبي الله ونعم الوكيل في اللي يحط القرارات ولا يفكر في الغير

^_^

[دانة الطواش]

دوام المستقلة شتت وفك شمل الاسرة والصراحة بهدلنا تبهدل ، تصوروا نرد البيت الساعة تقريبا 2 ونص ونبدأ اعداد وجبة الغدا للعيال لأنهم ما يحبون طباخ الشغالة تصوروا يتغدون الساعة 3 ونص تقريبا وحالتهم حاله عقب الغداء يبغون ينامون ومافي وقت للزيارات وتقضية الحاجة وهذي حالة الأغلبية والله يعينا .

[kitmat]

المشكلة الحين في رياض الاطفال يبون يفصلون اللغة الانجليزيه بروحها تدخل المدرسه اتدرس وبعدين الرياضيات والعلوم بروحة انا مب عارفة ليش يفصلون وين الطفل يقدر يستوعب اويقعد على السجادة كل هالوقت مايراعون انهم اطفال صغار مهتمين بالانجليزي يبونه بروحة ومطنشين للعربي اللي اهيه لغتنا بس صدقوني فصل الدروس عن بعضها البعض في الروضة شي غير طبيعي ذيله اطفال مايقدرون العام يقولون لنا لاتشرحون اكثر من ٢٠ دقيقة والسنه ايش صار والله ارحمونا من قراراتكم اللي كل ٥ دقايق تتغير شلون تبون في رياض الاطفال ٣ مدرسات يدخلون على كل صف ارحمونا من الناس اللي ماتفهم بس تبون لغة نب علرفين ايش تسوون

[مسك روز]

وانتي ايدج في النار
حاسبي لتحترقين



حد كلمج؟

او يمكن على راسج بطحه !

[مسك روز]

الله يعين المدرسات على هالدوام الممل والمتعب

انا كنت مدرسه وحاسة فيهم

ارجع البيت قريب العصر

المجلس الاعلى من جهه ، والناس اللي مايحسون بجهه ثانيه

الله يعينكم يالمدرسات ..

[ام محمد2012]

حسبي الله ونعم الوكيل

[قطرية كشخه]

انا فيني حرررره عليهم هالمجلس خصوصا بعد ما صار دوام الطلاب لين 1:35 اللي ما يخافون الله
خلني ساكته احسن ..

[البيت بيتك]

اي والله
الله يازينها ايام الوزارة نطلع 12.30
وتتغدى مع الأهل والعيال لا وتقيل بعد
مب الحين مايمديك تبلع لقمة الا مآذن العصر
الله المستعان

اي والله صح كلامك والله

[محاسب]

واضح من كم المواضيع والمشاركين. '''' ان المشكله دخلت اغلب البيوت القطريه برايي : لصاحب الموضوع وكل المشاركين والمتابعين ""نفتح موضوع جديد بعنوان استفتاء

نعلن فيه رأي الأغلبية """ونتشارك في تجديده

لعل وعسى

[qatar6]

من متى والمجلس يفيد فيه الاستفتاء او كلام الاعلام
حسبي الله ونعم الوكيل

[بوخالد911]

الله يهديهم

[محاسب]

أأأأأأأأمين

[al_maystro]

الله يخلف على وزاره المعارف سابقا كانوا فيها رجال يسدون عين الشمس

[الكنترول]

اللي حطوا القرار نائمين في بيوتهم

ومخلين القرعى ترعى ,,,, ولا هامهم شيء عيالهم في مدارس خاصة

وآخر السنة ناجحين بمتياز ,,

[بنت الطائي]

طلعنا من سالفة الرواتب دخلنا على الوقت أنا مش في مدرسة ويخلص دوامي الساعة ثنتين

[بنت الطائي]

بالمناسبة اوقات الدوام الرسمي لجميع الدوائر الرسمية في الدولة يقرها مجلس الشورى
يعني المجلس ماله خص

[لمعة الالماس]

قرارات اجنبية !!!

ياليت تقل ساعات الدراسة لان مب عدله الطلبه يرجعون البيت وما يمديهم يريحون الا واجبات وغير المدرس الخصوصي ( يعني من زين شرح بعض المدرسين ) للاسف ضياع وقت الطالب والاهل على الفاضي.

وما يصير بس المجلس الاعلى يحط قرارات رضينا والا ما رضينا نرضى بالامر الواقع :(

[مجرد سفير]

حسبي الله على كل يد دمرت التعليم

[observer]

سبحان اللة امس قاعد مع ابوي نسولف عن هالموضوع



ولكن نامل تتدخل مجلس الشورى لتعديل اوقات الدوام الرسمي وتمديد الاجازة الصيفية كما في السابق ايام الوزارة

ولو ناديت حيا لاجابك ولكن لاحياة لمن تنادي

[ام محمد2012]

ياريت لويصير تغيير وتنظيم في اوقات الداوم
المرحلة الابتدائية من 7:15
المرحلة الاعدادية 7:30
المرحلة الثانوية 7:45
الجامعات والجهات الحكومية 8:00
اول شي بتخف الزحمة بدل ما الكل يصارع علشان يوصل عياله وطبعا مايقدر لازم حد يتاخر خصوصا اذا كانوا في مراحل ومدارس مختلفة ويتسابق مع السيارات علشان مايتاخر ويوصل الدوام

[dream~qa]

في حد قال أن أيام الوزارة كنا نطلع 12 ونص ؟؟؟؟؟؟؟

دوام الطلاب أيام الوزارة كان لين وحدة إلا خمس من صف أول ابتدائي يعني نوصل بيوتنا وحدة ونص .

عموما كنا سمعنا عن دراسة أن المعلمات يكون لهم نظام نص دوام وعليه نص راتب ليش للحين ما تطبق اعتقد بيحل أمور كثيرة .

[همر]

الله يخلف على وزاره المعارف سابقا كانوا فيها رجال يسدون عين الشمس



ركز على رجال..



وبعدين انتوا اشتبون ؟!! القرار مناسب جداً حق طوني وجوني وعوني وكريستيانو رونالدو وقلبي الصغير لايتحمل المساكين اللي يشتغلون شفتين في اليوم..

يطلع من الشركه الساعه 1 يمر ياخذ ولده من الروضه اللي توه مخلص دوامه يوصل مدرسة عياله عالوحده ونص في الوقت المناسب يطلعون العيال اللي كل ابوهم في مدرسه وحده ابتدائيه اعداديه ثانويه اولاد بنات همبرجر بيض مكس .. مب انتوا اللي كل ورع في فريج.. يوصل بيته الساعه 2 يتغدا هو وعياله لا ويحل معاهم الهوم وورك بعد.. والساعه 4 يرجع الشركه والشوارع فاضيه والرغيف كبير والاشيا معدن ..

تبون تخربون عالاجانب جدولهم ؟!!

بدال ما اتحلطمون.. بسكم 8 ساعات و60٪ وروحوا اشتغلوا قطاع خاص..

خاصة الحريم..

ترى قعدتكم في البيت تؤرق المرقوق اكثر .. بسكم عادات وتقاليد..

[الأصيلة]

صباح الخير..
يعني ما أدري.. حتى بهذا بتتذمرون..
الدوام الحكومي أعتقد 7 أو 8 ساعات..

خير إن شاء الله.. وليش تبون ساعات أقل.. طيب الموظفين والموظفات بنفس حالتكم.. وعندهم عيال..

إللي بيشتغل من النساء.. هذا معناته يتنازل عن بعض الأشياء.. يعني السبب المذكور غير مقنع..

بصراحة.. الموضوع برمته غلط.. بمقابل تعبكم اللي تستاهلون عليه أعلى راتب.. بس ما أشوفه ظلم..

يا إدارة.. ليش ماتسوون موضوع مثبت عن المدارس والمجلس.. كثرت مثل هذي المواضيع.. خصصوا موضوع لمشاكل المجلس والمدارس..

ودمتم بحفظ الرحمن..

اوافقك الراي يا انتصار
يعني الدوام لـ 1ونص مافيها شي
منهج ودروس وأنشطة متى بيخلصون منه إذا تبون الكل يطلع 12 ونص...
وبعدين مافيه شيء يقعد على حاله
كل شيء يتغير ...
ونظام دوام لـ 1 ونص صار يمكن 12 سنة أو أكثر مب جديد
الجديد إنه بعض الأحيان يكون فيه التزامات في المدارس المستقلة ويتأخرون ...
وكل الدول نظامها جذيه مش بس قطر
في الإمارات يرجعون الساعة 3 أو أكثر مثل ما قرأت في حادث الطفل والخادمة...
يعني هذا نظام معمم على الكل... وخاصة إن الرواتب الكبيرة لها ثمن ..والساعات معدودة...
والتعليم يحتاج جهد ووقت...

[الأصيلة]

لازم الإنسان يكييف نفسه مع التغييرات اللي تصير
لن التذمر والتحلطم مايجيب نتيجه أبدا وإنما يوتر الشخص نفسه
ويضايق على العيال ,,,ويملأ المكان طاقات سلبية تأثر على كل من حولك...
لازم نرضى بالواقع ونسايره ...ونثق إن كل شيء يسير إلى الزوال والتغيير مع الوقت...
والحمدالله الدوام الحين يكون في مدارس مكيفه مغلقة لاشمس ولا لواهيب...
يعني كل شيء للأفضل...
وسالفة الوقت والدوام المتأخر تناقش فيها الجميع من زمان ومن سنوات عدة وماصار تغيير
فليش نستمر على نفس المنوال...؟

[ساحل الشمال]

فعلا دوام الطلاب والمدرسين يجب اعادة النظر فيه بجد .

[بومحمد المطاوعه]

المجلس الاعلى للتدمير

اصلن المدارس المستقله كلها خربطه

يعني الحين صاحبه الترخيص من وين متعلمه

مب على ايام وزاره التربيه والتعليم...

ولا كان في شي اسمه مستقله

ازيد لكم من الشعر بيت

ام العيال مدرسه

صادت عند ولد في الصف الثالث ابتدائي

تدرون شنو يبيع .......؟















ســويـــكه و زقـــاير

الزقاره حبه مع ولاعه بــ 10 ريال

باع 15 حبه من الحصه الأولى لين الفسحه وصادوه

ف الفسحه واحد اشتكى عليه

شفتو لين وين وصلو

قمه المصخره

نسأل الله ان يحفظ الجميع