طالبـــة مشورتكم .. نصيحتكم..يا اهل قطر

[همس الشمال]

السلام عليكم ورحمة الله وبركاته

انا عندي مبلغ زوين فوق الـ مليون بشوي و ابي استغلهم بتجاره او اي شي يكون مدخول

غير الراتب وبصراااحه ماااعرف شاللي اسويه وشالمناسب في قطر

طالبة مشورتكم ونصيحتكم لي يا أهل الخبـــره ممكن تفيدوني

[eXpert*]

أحنا حالياً في الربع الأخير من السنة المالية للشركات القطرية ، ممكن تستثمرين في الأسهم و خلال 6 شهور بتحققين مكاسب جيدة.

أو تدخلين شراكة في العقارات إذا لك ميول في هذا المجال .

أو تفتحين نشاط تجاري ، طبعاً في المجالات عدة والتفاصيل على حسب الرغبة .

وعلى حسب ميولك ممكن أفيدك أكثر .

[ummalaz]

أحنا حالياً في الربع الأخير من السنة المالية للشركات القطرية ، ممكن تستثمرين في الأسهم و خلال 6 شهور بتحققين مكاسب جيدة.

أو تدخلين شراكة في العقارات إذا لك ميول في هذا المجال .

أو تفتحين نشاط تجاري ، طبعاً في المجالات عدة والتفاصيل على حسب الرغبة .

وعلى حسب ميولك ممكن أفيدك أكثر .

مرحبا اخي الكريم لو عندي مبلغ بسيط 10 او 15 الف هل الاستثمار في الاسهم يجدي في مثل هذه المبالغ البسيطه وهل هنالك اسهم معينه ترشحها لي

[قطري !]

السلام عليكم ورحمة الله وبركاته

انا عندي مبلغ زوين فوق الـ مليون بشوي و ابي استغلهم بتجاره او اي شي يكون مدخول

غير الراتب وبصراااحه ماااعرف شاللي اسويه وشالمناسب في قطر

طالبة مشورتكم ونصيحتكم لي يا أهل الخبـــره ممكن تفيدوني



أختي الأستثمار في اي مشروع يجب على صاحبه متابعته بكل تفاصيله



هل يوجد عندك الوقت الكافي للمتابعه ؟ هذا اولا


ثانيا ,,, افضل مشروع هو الاستثمار في العقار ,,, لو تشوفين احد تشاركينه في شراء عقار يكون افضل


الاسهم ,, مشروع سهل جدا ولا يحتاج لوقت او روحه و جيه ... بس يعتبر مغامره ... وركزي على الشركات العقاريه والبنوك الاسلاميه



وعسى ربي يرزقك من واسع فضله ويغنيك بحلاله عن حرامه

[doha1]

العقار

او محل اكسسوارات نسائيه بما انه الاقبال عليه كبير

[همس الشمال]

أحنا حالياً في الربع الأخير من السنة المالية للشركات القطرية ، ممكن تستثمرين في الأسهم و خلال 6 شهور بتحققين مكاسب جيدة.

أو تدخلين شراكة في العقارات إذا لك ميول في هذا المجال .

أو تفتحين نشاط تجاري ، طبعاً في المجالات عدة والتفاصيل على حسب الرغبة .

وعلى حسب ميولك ممكن أفيدك أكثر .

مرحبا اخوي :

انا ماعندي اي ميول .. ولا عندي اي خلفيه عن اي شي وحبيت تفيدني اكثر ولا عليك امر

شلون استثمرهم في الاسهم عن طريق الدلاله اللي هناك يقومون بهالشي والا انا بنفسي ؟ واحتمال يكون فيها خساره صح ؟

[همس الشمال]

أختي الأستثمار في اي مشروع يجب على صاحبه متابعته بكل تفاصيله



هل يوجد عندك الوقت الكافي للمتابعه ؟ هذا اولا


ثانيا ,,, افضل مشروع هو الاستثمار في العقار ,,, لو تشوفين احد تشاركينه في شراء عقار يكون افضل


الاسهم ,, مشروع سهل جدا ولا يحتاج لوقت او روحه و جيه ... بس يعتبر مغامره ... وركزي على الشركات العقاريه والبنوك الاسلاميه



وعسى ربي يرزقك من واسع فضله ويغنيك بحلاله عن حرامه

مرحبا اخوي :

عندي وقت ممكن اخصص وقت معين اتابع فيه .. لكن شاللي اسويه

مشروع الاسهم حلوو وفيها مغامره وطولة بال

و العقار بعد حلوو لكن على حسب المكان

[همس الشمال]

العقار

او محل اكسسوارات نسائيه بما انه الاقبال عليه كبير

مرحبا اخوي :

الاكسسوارات كثيره بقطر ولازم مصممين وتفكير بموديلادت جديده تجذب يعني سالفه

وانا مالي بالتصاميم هاذي

[شبح الصمت]

نصيحة اخوي وباذن الله مافيها من وراها خساره بس تابعي السوق

اشتري سبائك ذهب والسعر نازل واول ما يترفع بيعي

السبائك تنباع في الفردان الي في شارع حمد الكبير

اخذيهم بسعر نازل وبالمره تابعي السوق اول ما يرتفعون عقب شهر شهرين بييعي وان شاء الله بيكون ربح طيب

الله يبارك لج ويزيدج

هالشيء الوحيد الي الواحد يقدر يضمن حلاله والضامن رب العالمين بس حاولي تحطينهم في امانات شيء فالبنوك

[bo_s3ood]

والله اذا لقيتي بيت زوووين حول المبلغ الي عندج اشتريه واجريه

[همس الشمال]

نصيحة اخوي وباذن الله مافيها من وراها خساره بس تابعي السوق

اشتري سبائك ذهب والسعر نازل واول ما يترفع بيعي

السبائك تنباع في الفردان الي في شارع حمد الكبير

اخذيهم بسعر نازل وبالمره تابعي السوق اول ما يرتفعون عقب شهر شهرين بييعي وان شاء الله بيكون ربح طيب

الله يبارك لج ويزيدج

هالشيء الوحيد الي الواحد يقدر يضمن حلاله والضامن رب العالمين بس حاولي تحطينهم في امانات شيء فالبنوك

مرحبا اخوي :

فكره السبايك مضمونه هذا اللي اعرفه .. ولو حبيت اشتري تنصحني من الحين اخذ والا انتظر شوي ؟

[شبح الصمت]

مرحبا اخوي :

فكره السبايك مضمونه هذا اللي اعرفه .. ولو حبيت اشتري تنصحني من الحين اخذ والا انتظر شوي ؟


ماشاء الله انتم حريم ادرى اكثر منا
:)
تابعي السوق شوفي اذا في نزول اخذي على طول او انتظري اشوي والله يزيديك من حلاله ويرزقك الرزق الطيب

في سبائك كيلوا على 25 الف او 45 بس انتي دوري الكبار في اكبر بعد

[همس الشمال]

ان شاء الله

ويعطيكم العافيه ماقصرتوووو

[خليفـة]

تبين يجيج مبلغ 2600 ريال شهريا .. وانتي حاطه رجل على رجل ؟
وراي المال مضمون ان شاء الله !

اذا عجبتج الفكرة .. تواصلي معي على الخاص لطفاً
:)

خليفـــة

[حقيقه]

أنا أنصحك فالعقار

[ولد العلي]

والله اذا لقيتي أرض أو بيت زوووين حول المبلغ الي عندج اشتريه واجريه

اتفق مع الاخ bo_s3ood

هذا رأيي مع احترامي للكل

[تاج المراجل]

تبين يجيج مبلغ 2600 ريال شهريا .. وانتي حاطه رجل على رجل ؟
وراي المال مضمون ان شاء الله !

اذا عجبتج الفكرة .. تواصلي معي على الخاص لطفاً
:)

خليفـــة


:app::app: ليش ماتحط فكرتك ع العام وتخلي غيرك يستفيد منها
ولك الاجر ان شاء الله ...



ع العموم اختي مثل ماقالوا الاخوان انصحـج تاخذين سبائـك ذهـب وتنتظرين يوم ينزل سعرهم
وبعدها اشتري .. ويوم ترتفع بيــعيهم والله يوفقج ...

[همس الشمال]

تسلمون وماتقصرون على النصايح الطيبه :)

[عيون الدوحة]

وديعة بالبنك أذا عندج مليون
وكل 3 أشهر بتحصلين 4000 ريال فائدة تقريبا

[رمــش الغلا]

تبين يجيج مبلغ 2600 ريال شهريا .. وانتي حاطه رجل على رجل ؟
وراي المال مضمون ان شاء الله !

اذا عجبتج الفكرة .. تواصلي معي على الخاص لطفاً
:)

خليفـــة

:shy: شنو فكرتك

[زمان]

اختي الكريمة

سألي في بنك قطر للتنمية عن المشاريع الي ممكن تسوينها

او الأقل خطراً الاستثمار في العقار

[تاج المراجل]

:shy: شنو فكرتك

الاخ اظاهر كل شي حصريا عنده ..:nice:
ويقول مضمون بعد الضمان بيد رب العالمين .. :shy:


:nice:

[سداوي&مدريدي]

خذ لك تريلتين وشغلهم

او اشتر لك بيت واجره على الاسكان

بالتوفيق