تسلط اصحاب التراخيص

[دانة الطواش]

اخواني وأخواتي تصوروا ان تسلط اصحاب التراخيص وصل لدرجة ان إحداهن تتوعد مدرساتها لمحاسبتهم في التقييم في بند مظهر المدرسة اذا ارتدت المدرسة العباءة ( الجلباب )وتطلب خلعها اثناء الدوام ووضع مساحيق التجميل وخاصة الروج حتى تكون محبوبة من قبل الطالبات ، وتجبرهم بحفظ محتوى رؤية المدرسة وتحفيظه للطالبات ، اين المسؤولين عن هذه المديرة أليس لباس المدرسة حرية شخصية علما بانها أجبرت عاملات الباص أيضاً بتوحيد لباسهم ، فهل تعي ما تفعله وهل لها الحق في ذلك ؟؟؟؟؟؟ أفادونا ودمتم .

[كازانوفا]

لا والله ما لها حق
ويا ويلها لو رفعت وحده من هالمدرسات ايديها ودعت عليها واستجاب الخالق لهاا ايش بيكون مصيرها ما فكرت ؟؟؟
حسبنا الله ونعم الوكيل في كل ظالم

[FAUCHON]

اي صحيح الكلام وصاحبة الترخيص لها الحق .. والعباءه والجلباب ممنوعين داخل المدرسه

واللي في المدرسة كلهم نساء ماشوف فيهل شي غلط .. وانا سمعت هالكلام في مدارس وايد

ومن كذا سنه

وبخصوص العاملات تبي توحد الزي يكون شكلهم مرتب


شكراً

[بوحنان]

زين شالهدف انها تلزم المدرسات ما يلبسن العباءه والجلباب

[دانة الطواش]

من قال ان العباية ممنوعة هل في قانون يمنع لبس العباية في العمل ؟؟ طبعا لا لانه حرية شخصية ، والظاهر انت مب مدرسة لان المدرسة في وقتنا الحاضر تعج بالعمال وابشرج يدخلون ويطلعون وكان البيت بيتهم لا احم ولا دستور مثل ما يقولون إخوانا المصريين وبدون استاذان او حد يبلغ بوجود عمال واحيانا وهذا صار معاي يوصل لين باب الفصل ويبي يدخل يشوف الكهرباء او الشبابيك او او المهم عنده شغلة والمدرسة موجودة طيب في هالحال وين تروح !!!!!!!؟؟؟؟؟؟؟ لا والله حتى لو في قانون يمنع ماراح أتنازل عن لبسها مادام العمال داخلين وطالعين على كيفهم ، وبالنسبة للعاملات المفروض انها بدل ماتطلب منهم لبس لون معين هي تدفع لهم وتشتري لهم وتوفر لهم الخام بدل ما تجبرهم على انهم يلبسون نفس اللون ، ودمتم .

*

[ali.rabbah]

لا والله ما لها حق
ويا ويلها لو رفعت وحده من هالمدرسات ايديها ودعت عليها واستجاب الخالق لهاا ايش بيكون مصيرها ما فكرت ؟؟؟
حسبنا الله ونعم الوكيل في كل ظالم

:nice::nice::nice::nice::nice:

حسبنا الله ونعم الوكيل في كل ظالم
حسبنا الله ونعم الوكيل في كل ظالم
حسبنا الله ونعم الوكيل في كل ظالم
حسبنا الله ونعم الوكيل في كل ظالم

[شبل الجزيره]

بالأمس حفلة خمور نسائيه.

وقبلها منعو بنت من دخول المدرسه بالحجاب..

واليوم ممنوع لبس الجلباب ووضع مساحيق تجميل...

طبعا كل هذا عشان يعلمون بناتنا على المصخره وقلة الحيا ويكونون مستعدات للأنفتاح الجاي عشان يوم يجون يصورون حق 2022 يقولون واااااااااااااااااو شوفو التطور والتقدم ترى ماتوقعناكم جيه!! بنات من غير حجاب وتنانير قصيره وليجينج هذيلا مستحيل قطريات

والين الحين المجلس الاعلى ولا كنه صار شي!

ليش؟؟

من منه خايفين؟؟

رساله للمجلس الاعلى اوجها لهم من هذا المنبر:

اذا ماتقدرون حقوق الانسان وماتراعون ولا تخافون الله في عيالنا ولا تخافون على عاداتنا وتقاليدنا... خافو الله واستقيلو بالجمله ... او أوقفو وقفه وحده ووقفو الي يتدخل في شؤونكم وجاب لكم هل كلام

من الحين الين 2022 اذا ما خلطو جامعة قطر او المدارس اولاد وبنات مع بعض ماكون شبل الجزيره

[الشيخة شيوخة]

بالعكس انا افضل ان تعمل المعلمه وهى لابسه العباءه
لانها مو عباءة راس
بل في الحقيقه جلابيه
لونها اسود
و بذلك يكون عباره عن زى موحد للمدرسات
ويقلل الصرف على المعلمه
اليوم وش البس وبكره وش البس
وهى ملابس حشمه
وكذلك بالنسبه لملابس العاملات
يجب ان يكون لهم زي موحد
وايضا بالنسبه للسائقين وحراس المبنى
كما ذكرنا سابقا يكون لهم اوفر وارخص ويتميزون عن البعيدين عن المدرسه

[مدرسة]

العباءة ممنوعة داخل مدارس البنات و هذا مو شغل مستقلات بس ،، لا آنا اذكر وحدة من مديراتي في الحكومي كانت ما تسمح بالعباية داخل المدرسة و تقول كلنا حريم ..

رأيي الشخصي ان الملابس حرية شخصية ، و احترام قانون المكان اللي انا اعمل فيه ما دام ما يضر مصلحتي الشخصية واجب .

مافي داعي نبين ان صاحبة الترخيص خلعت عن الجميع رداء الحياء ! الفكرة ان المكان يكون مبهج و يقل فيه السواد اللي على قولة صاحبة ترخيصنا ( يجيب الكآبة :secret:) يدخلون العمال في اوقات و نلبس عباياتنا و يطلعون و خلصنا عادي فصخناها و علقناها نووو بروبلم ! اعتبروها رياضة :nice:

لازم الواحد يشوف له حل وسط ! لا نتم ساكتين كل ما عطونا اوامر و تكاليف بعقل او بينون >> ولا نقعد نناكف و نحتج على كل حاجة !
Choose Your Battles

( في وحدة أعرفها ودي تقرا و تفهم هالكلام علشان ترتااااح و تنشغل بشغلها و بحياتها بشكل أكثر سعادة و فعالية )

[خليفـة]

بعضهم مالهم ذمه .. وما يخافون الله
الله يهديهم لطريق الصواب

خليفــة

[مدرسة]

بالأمس حفلة خمور نسائيه.

وقبلها منعو بنت من دخول المدرسه بالحجاب..

واليوم ممنوع لبس الجلباب ووضع مساحيق تجميل...

طبعا كل هذا عشان يعلمون بناتنا على المصخره وقلة الحيا ويكونون مستعدات للأنفتاح الجاي عشان يوم يجون يصورون حق 2022 يقولون واااااااااااااااااو شوفو التطور والتقدم ترى ماتوقعناكم جيه!! بنات من غير حجاب وتنانير قصيره وليجينج هذيلا مستحيل قطريات

والين الحين المجلس الاعلى ولا كنه صار شي!

ليش؟؟

من منه خايفين؟؟

رساله للمجلس الاعلى اوجها لهم من هذا المنبر:

اذا ماتقدرون حقوق الانسان وماتراعون ولا تخافون الله في عيالنا ولا تخافون على عاداتنا وتقاليدنا... خافو الله واستقيلو بالجمله ... او أوقفو وقفه وحده ووقفو الي يتدخل في شؤونكم وجاب لكم هل كلام

من الحين الين 2022 اذا ما خلطو جامعة قطر او المدارس اولاد وبنات مع بعض ماكون شبل الجزيره

لبس الجلباب مو ممنوع ،، خل تلبس جلباب بألوان ثانية غير الأسود و تحقق نفس الهدف اذا هي قصدها الستر اما الحجاب فهو غير ممنوع طبعا ،، يعني جلباب و حجاب اذا هي حابة :victory:
و المكياج ،،،، المقصود في انها تكون مقبولة الشكل مرتبة اما المكياج الزايد فهو ممنوع من المجلس ! واقع الحال ان بعض الموظفات تجي حالتها حالة كأنها حياة الفهد في المسلسلات :secret: و ننحرج احيانا نكلمهم :shy: ،،، بعضهم حتى الشعر كشة فوق راسها :eek5: ،، على الاقل تغسل ويهها و روج والا جلوس خفيف ( ان الله جميل يحب الجمال ) ،،، شدعوه مضايقكم الروج هالكثر !!:omg:

[خليفـة]

اشوف بعض الردود التي تشجع عدم لبس العباية في المدرسة !
طيب ممكن حد يفهمني وين المشكلة لما تلبس المعملة عبايتها في المدرسة ؟

[مدرسة]

بعض القوانين ما تعجبني ،،، مثل قانون ان الواحد يتم واقف في الاشارة وهي حمرا حتى لو كان نص الليل و الشارع فاااااضي !!!
بس انا ملتزمة بالقانون ( طبعا :nice: ) و عندي أسبابي الخاصة :shy: منها ان القانون هو القانون عجبني والا لا ، و منها اني ماقدر اروح المرور اشتكي :secret: >> و منها ان عليها غرامة 6000 ريال :eek5: ......... ف اوقف وانا اضحك :nice:

في شي اسمه قانون المكان و صاحبة الترخيص لها الحق حسب القانون انها تمنع العباية بمسماها ووصفها من المدرسة خلال الدوام ( هذا واقع ) عادي حابين الستر الله يوفقنا واياكم و يستر علينا و عليكم ،، ترى الستر مو بس بالعباية !! لبسي جلباب واسع و لبسي حجابك الشرعي اذا تستحبين :discuss: حقك الطبيعي . و في نفس الوقت انتي مو مخالفة ،،، ولا خلص الددوام لبسي عبايتك و توكلي على الله

الزبدة ان المكان المناسب لهذا النقاش هو غرفة صاحبة الترخيص تناقشينها اذا حبيتي ،، و الله يوفقج و تقنعينها :nice: واذا ما حصل فأبواب الستر كثيرة لمن أراد والله يوفق الجميع

[خليفـة]

العباءة ممنوعة داخل مدارس البنات و هذا مو شغل مستقلات بس ،، لا آنا اذكر وحدة من مديراتي في الحكومي كانت ما تسمح بالعباية داخل المدرسة و تقول كلنا حريم ..

رأيي الشخصي ان الملابس حرية شخصية ، و احترام قانون المكان اللي انا اعمل فيه ما دام ما يضر مصلحتي الشخصية واجب .

كلامج هنيه في تناقض واضح
من شوي تتذكرين مديرة في الحكومي تمنع العباية
وفي نفس الوقت تشوفين ان اللبس حرية شخصية
:)

مافي داعي نبين ان صاحبة الترخيص خلعت عن الجميع رداء الحياء ! الفكرة ان المكان يكون مبهج و يقل فيه السواد اللي على قولة صاحبة ترخيصنا ( يجيب الكآبة :secret:) يدخلون العمال في اوقات و نلبس عباياتنا و يطلعون و خلصنا عادي فصخناها و علقناها نووو بروبلم ! اعتبروها رياضة :nice:

انتي يمكن تعتبرينها رياضة
وغيرج يعتبره احتشام احتياطي
:)
حصلت عشرات المرات ان دخلوا رجال سواء عمال
او غير عمال دون علم بعض المعلمات والأداريات
لذلك ما فيها شي لو ترك الخيار للموظفة .. سواء تلبس العباية على طول
او تتركها داخل المدرسة
:)
لازم الواحد يشوف له حل وسط ! لا نتم ساكتين كل ما عطونا اوامر و تكاليف بعقل او بينون >> ولا نقعد نناكف و نحتج على كل حاجة !
choose your battles

العقل ان تحترم كل مديرة قرار وحرية موظفاتها
:)

( في وحدة أعرفها ودي تقرا و تفهم هالكلام علشان ترتااااح و تنشغل بشغلها و بحياتها بشكل أكثر سعادة و فعالية )
احتمال تكون مرتاحه في حياتها اكثر منج .. الله العالم
:)



بعض القوانين ما تعجبني ،،، مثل قانون ان الواحد يتم واقف في الاشارة وهي حمرا حتى لو كان نص الليل و الشارع فاااااضي !!!
بس انا ملتزمة بالقانون ( طبعا :nice: ) و عندي أسبابي الخاصة :shy: منها ان القانون هو القانون عجبني والا لا ، و منها اني ماقدر اروح المرور اشتكي :secret: >> و منها ان عليها غرامة 6000 ريال :eek5: ......... ف اوقف وانا اضحك :nice:

المقارنة هنا هزيلة .. او بمعنى أصح ضعيفة
فرق بين قوانين يتم وضعها من قبل الدولة لحماية ارواح الناس
وبين قوانين تضعها مديرة من راسها .. وبدون أي استناد رسمي
القوانين الي واجب الكل يتبعها هي تلك القوانين والتعليمات الصادرة من المجلس الأعلى للتعليم
والي على المديرة نفسها اتباعها واحترامها والالتزام بها كموظفة مثلها مثل باقي الموظفات بالمدرسة
:)
في شي اسمه قانون المكان و صاحبة الترخيص لها الحق حسب القانون انها تمنع العباية بمسماها ووصفها من المدرسة خلال الدوام ( هذا واقع ) عادي حابين الستر الله يوفقنا واياكم و يستر علينا و عليكم ،، ترى الستر مو بس بالعباية !! لبسي جلباب واسع و لبسي حجابك الشرعي اذا تستحبين :discuss: حقك الطبيعي . و في نفس الوقت انتي مو مخالفة ،،، ولا خلص الددوام لبسي عبايتك و توكلي على الله

المشاركة السابقة ذكرتي ان علينا احترام حرية الاختيار
والآن تختارين لزميلاتج نوع معين من الملابس ( الجلباب )

وللعلم اختي .. انتي مخطئة .. صاحبة الترخيص مب على كيفها تخترع قوانين من راسها
القوانين هي الموضوعه من قبل المجلس الأعلى فقط .. واي شي آخر تفكر فيه المديرة
لابد عليها ان تاخذ الموافقة اولاً من المجلس الأعلى قبل تطبيقه على موظفات مدرستها .
:)
الزبدة ان المكان المناسب لهذا النقاش هو غرفة صاحبة الترخيص تناقشينها اذا حبيتي ،، و الله يوفقج و تقنعينها :nice: واذا ما حصل فأبواب الستر كثيرة لمن أراد والله يوفق الجميع

الزبدة وانتي الصاجة ان لج رأي وانا اول من يحترمه .. وهناك اخوات لهم رأي اخر عليج ان تحترميه .
اسأل الله ان لا يجعل مديرات المستقلات بنفس مستوى التفكير للمديرة المذكورة في الموضوع
:)

خليفـــة

[مدرسة]

احتمال تكون مرتاحه في حياتها اكثر منج .. الله العالم
:)



الزبدة وانتي الصاجة ان لج رأي وانا اول من يحترمه .. وهناك اخوات لهم رأي اخر عليج ان تحترميه .
اسأل الله ان لا يجعل مديرات المستقلات بنفس مستوى التفكير للمديرة المذكورة في الموضوع
:)

خليفـــة

ابدااااااااااااع حقيقي في الاستيعاب :rolleyes2:

صج فراغة هاد الموضوع و مجابل ردي علشان مخالف . مع اني كتبت في اوووول رد ان رايي الشخصي و كفله لي القانون و ماني ملزومة باي راي اخر

اللي اذكره ان المواضيع تطرح للنقاش بين الراي و الراي الاخر ،،،، الحين بعض الاعضاء يعتبرون كل رد لا يعجبهم و لا يمثل رايهم الشخصي هجوم مضاد بالصواريخ و حرب شعواء

اللهم لك الحمد . :)

بالتوفيق :nice:

[رجل الجزيرة]

اخواني وأخواتي تصوروا ان تسلط اصحاب التراخيص وصل لدرجة ان إحداهن تتوعد مدرساتها لمحاسبتهم في التقييم في بند مظهر المدرسة اذا ارتدت المدرسة العباءة ( الجلباب )وتطلب خلعها اثناء الدوام ووضع مساحيق التجميل وخاصة الروج حتى تكون محبوبة من قبل الطالبات ، وتجبرهم بحفظ محتوى رؤية المدرسة وتحفيظه للطالبات ، اين المسؤولين عن هذه المديرة أليس لباس المدرسة حرية شخصية علما بانها أجبرت عاملات الباص أيضاً بتوحيد لباسهم ، فهل تعي ما تفعله وهل لها الحق في ذلك ؟؟؟؟؟؟ أفادونا ودمتم .

أظن لهم موقع في تويتر فخليهم تكلمهم من هناك.

[خليفـة]

ابدااااااااااااع حقيقي في الاستيعاب :rolleyes2:

صج فراغة هاد الموضوع و مجابل ردي علشان مخالف . مع اني كتبت في اوووول رد ان رايي الشخصي و كفله لي القانون و ماني ملزومة باي راي اخر

اللي اذكره ان المواضيع تطرح للنقاش بين الراي و الراي الاخر ،،،، الحين بعض الاعضاء يعتبرون كل رد لا يعجبهم و لا يمثل رايهم الشخصي هجوم مضاد بالصواريخ و حرب شعواء

اللهم لك الحمد . :)

بالتوفيق :nice:


من قال لج اني هديت الموضوع وجابلت ردج الله يهديج ! اصلاً مافيه شي في الكلام الي ذكرتيه يستاهل ان حد يجابله
والدليل محد اهتم فيه هههههه
انا بس رديت على كلامج الي فيه تشجيع وتطبيل لترك العباية داخل المدرسة

وبعدين انتي قلتي رايج وانا قلت رايي الآخر
ولا القانون يسمح لج ولا يسمح لغيرج ؟؟
:shy:

الشي الأخير .. لا تعطين كلامج أكبر من حجمة
ولا تتوقعين صواريخ وحرب شعواء عليه .. لان حجتج في كلامج هزيلة وضعيفة
:)

كل الي اقوله .. اسأل الله ان لا يولي على بناتنا وحريمنا المعلمات
أي وحده مثلج تمنع لبس العباية في عملها .. وتشجع على تركها
تحت العذر السخيف : المنظر الجمالي داخل العمل
:)

الله يوفق الجميع على قولتج