طلب نصيحة - هل اشتري Bmw موديل 2002 ؟ ارجو من اهل الخبرة الدخول

[باحث علم]

الاخوة الكرام
ارجو ان لاتبخلو علي بالنصية

وجدت Bmw موديل 2002 اللون ابيض اعتقد الحجم730 ولكن مميزات افضل يعني فيه نفقيشن وفيه ابواب شفط .. الخ

كم المفروض يكون سعره ؟
وهل فيه عيوب ؟ سمعت ان صيانته مكلفه ولكن لا اعرف مدى تكلفتها ؟
هل فيه مميزات غير موجودة في اللكزس ؟

شكرا لكم مقدما

[@@ديزل@@]

لكزس وبس او تويوتاااااااااااااااااااااااا

[المنسى]

اخوى باحث علم اسئل مجرب ولا تسئل طبيب لاتاخذ سيارة غالية مثل بى ام او مرسيدس الى اذا كان عليها ضمان اقل شئ سنتين او بدوخ من اسعار القطع غيار وبالتوفيق

[doha_vip]

هالسيارات ماتنفع من غير ضمان والله يوفقك :)

[الأختصاصي]

اخوي اذ انت في قطر لازم تشوف السوق القطري وش الي مرغوب فيه
وبعدها انت تفكر وش تاخذ اذ كنت تفكر بالكشخه طبعا اكيد البي ام سياره حلوه ولاكن اتوقع انها وارد المانيا وصيانتها مكلفه اله اذ انت عندك فلوس وماتفكر بالتكلفه
وبعدين وينك عن الكزس او التويوتا بصراحه هذي الي شيك بالمخبى
اتمنى لك التوفيق

[Qtr]

مرحبا اخوي

انا ماانصحك فيها لانها طايفه الضمان وقطع غيارها غاليه
اما كخدمه مابعد البيع احسن شركه تهتم بالزبون
واذا شريت 2006 عليها ضمان 3 سنوات شامل كل شي حتى السفايف والادرام ويلات والايل
واذا دخلتها الصيانه تاخذ سياره بدالها لين اتخلص سيارتك


واذا في اي استفسار انا حاظر

[باحث علم]

شكرا لتجاوبكم شباب
بس محد جاوبني سعرها زين ولا لا؟ كم المفروض تكون 2002 ؟
ولاحد قال لي كم تقريبا صيانتها ؟ يعني اعمل حسابي على 3000 كل اربع شهور مثلا ؟
الكروزر مشكلته التجديد اخاف اشتري يديد ويطيح بجبدي عقب

[Aigner]

شكرا لتجاوبكم شباب
بس محد جاوبني سعرها زين ولا لا؟ كم المفروض تكون 2002 ؟
ولاحد قال لي كم تقريبا صيانتها ؟ يعني اعمل حسابي على 3000 كل اربع شهور مثلا ؟
الكروزر مشكلته التجديد اخاف اشتري يديد ويطيح بجبدي عقب

البي ام موديل 2002 يتفاوت سعرها حسب المواصفات والحجم عندك من 140000
الى 170000

[باحث علم]

الله يعطيكم العافيه
انا خلاص هونت مب شاري
سألت عن الموتر والكل يقول قطع غياره وصيانته غير معقولة ولا مقبولة
ولذلك صرفت النظر شاكر لكم حسن تجاوبكم