ارجو الافاده في مدرسة مسافره للعلاج في الخارج

[Aaziz]

السلام عليكم

اخواني من يفيدني في وضع زوجه تعمل مدرسة في مدرسه مستقله تابعه للمجلس الاعلى مسافره علاج مع زوجها للخارج على نفقه الدوله بخصوص علاج للانجاب.
الكتاب الي طلع من الصحه على انها مرافقه مريض (الزوج)

القانون ايش يقول .. هل فيه مده زمنيه وبعدها لازم ترجع ؟ هل راتبها ينقطع او يخصم جزء الراتب ؟

[ضوى]

اللي اعرفه انه ست شهور براتب ، وست شهور الثانية بنص راتب ومابعد هالست شهور استثناء من الوزير باحتسابها مدة علاج

[Aaziz]

اللي اعرفه انه ست شهور براتب ، وست شهور الثانية بنص راتب ومابعد هالست شهور استثناء من الوزير باحتسابها مدة علاج

مشكوره يا ضوى .. لكن هل انتي متاكده .. تعرفين مدرسة راحت علاج و تطبق عليها هذا القانون

[غايه الطواش]

اخوي الكريم كتب الانجاب تطلع للزوجه والزوجه الاثنين مرضى
غريب تصرف المكتب الطبي ...

الله يوفقكم

[بوطويشم]

السلام عليكم

ان شاء الله يفيدونك الأعضاء

و الله يرزقكم بالذرية الصالحة ان شاء الله

[حـ ن ـيـ ن]

اخوي الكريم كتب الانجاب تطلع للزوجه والزوجه الاثنين مرضى
غريب تصرف المكتب الطبي ...

الله يوفقكم

صح كلامك... المفروض تطلع للزوجين

والله يرزقكم الذرية الصالحة

[Aaziz]

طيب لنفرض كان فيه خطا و تم تعديل الكتاب بحيث تعتبر الزوجه مريضخ ... قانون المجلس الاعلى ايش يقول في حالت كانت الزوجه مسافره علاج برى

اشكركم جميعا .. و ارجو اني القى الجواب الشافي

[die 4 qtr]

اذا كانت الزوجة مرافقة فست شهووور ينزل الراتب والست اخري ينزل الاساسي ثم ينقطع الراتب ولكن اسمها كموظفة موجود بالمدرسة حتي لو توقف نزول الراتب

[qatarshark]

اخوي المجلس الاعلى للتعليم يتبع الموارد البشرية
شوف قانون الموارد البشرية وبتلاقي الي تبيه
واكثر من الاستغفار لانه سبب من اسباب الإنجاب
واسأل الله ان يرزقك الذرية الصالحة

[qatarshark]

اخوي المجلس الاعلى للتعليم يتبع الموارد البشرية
شوف قانون الموارد البشرية وبتلاقي الي تبيه
واكثر من الاستغفار لانه سبب من اسباب الإنجاب
واسأل الله ان يرزقك الذرية الصالحة

[شموخ-qtr]

الله يرزقكم الذريه الصالحه ..

[زقرتي ومزاجي]

عليكم بكثره الاستغفار ... ابحثوا عن فائده الاستغفار تلقون العلاج والقصص الواقعيه
الله يرزقكم الذرية الصالحة

[Aaziz]

الله يرحم والديكم جميعا ويجزاكن الف خير. على الاجابه و الدعاء الطيب