جامعة قطر ونكتة الموسم

[فرهود]

تخيلوا ان جامعة قطر انذرت الطلاب الجدد المسجلين بمادتين او ثلاث اذا ماسجلوا على الاقل 4مواد بيتم انذارهم وطردهم . المضحك ان المجموعات مغلقه ومافي تسجيل اصلا لكبر عدد الطلاب .يعني شنهو ذنب الطلاب اذا ماحصلوا مواد ينعطون اذارات وينطردون وهم مساكين ماصدقوا يدشون الجامعه بعد الغاء الايلس والتوفل .



بدال الطرد والتهديد ليش ماتفتحون مجموعات جديده اويتم التعاقد معا دكاتره جدد . ليش امور التعليم اصبحت متلخبطه وماشيه عالبركه .

[شبل الجزيره]

نظام دكتاتوريه

[بو شريم]

موضوع طبيعي وعادي جداً الهدف منه اعلام فقط يوجد تعليم وجامعات

والباطن غير الظاهر

بالاخير


ستبكي وحدك

وبالاخير

حققوا اهدافهم

[الجوكر90]

ماعليه الشيخ خل يحذفون هالكورس ويسجلون الكورس الجاي
وهاي نصيحه لان وايد طلاب مسجلين وفي تخبط واضح
عشان جي ينطرون كورس واحد احسن من الانذار
وبالتوفيق

[بـارود]

أكبر مقلب من جامعة قهر

:(

[اداري]

اذا عندك مشكلة في التسجيل خل المرشد يساعدك والقسم

القسم له القدرة على رفع السقف للمجموعات المغلقة

ويوجد طلب رفع سقف عند كل قسم

[basma222]

انا بنتي عندها مشكلة من التسجيل
ولا حلواا لها المشكلة اسبوع واحنا من مكتب الى مكتب
ما اقول الا حسبي الله ونعم الوكيل

[die 4 qtr]

يوجد مجاميع جديدة مفتوحة

[الموضوعي]

الشعب يريد استقالة شيخة المسند

[khalid525]

اذا النظام جذيه لازم تنفذونه ، بعد شبابنا يبون كل شي على مزاجهم ،

[ملك المشاعر]

الجامعة قراراتهم وقوانينهم متناقضة

[عزووز قطر]

نظام تبي ولا كيفك !!!

[الخـود]

المجموعات زحمة جدا.. في مجموعات تحتوي على اكثر من 70 طالبة.. إذا فعلا الطالب ما لقى مجموعات ومواد،، يقدر يبلغ الجامعة ،، واعتقد ما راح يعطونه انذار...

[basma222]

اذا عندك مشكلة في التسجيل خل المرشد يساعدك والقسم

القسم له القدرة على رفع السقف للمجموعات المغلقة

ويوجد طلب رفع سقف عند كل قسم

لا مرشد ولا مدير قسم ولا عميد كليةحل مشكلة التسحيل عند بنتي من 8 ايام واحنا من مكتب الى مكتب ولا فيه فائدة

والقاعات زحمه العدد واصل 100 طالبه

[مابدل العادات]

انا مستغرب من نظام جامعه قطر المفروض المواطن يسجل الي يبيه حتى لو ماده وحده فقط موب مشكله

لأنه في امريكا المواطنين يقدرون يسجلون علي كيفهم حتى لو ماده وحده في السمستر ماعندهم مشكله ولاكن الطالب الأجنبي لازم اقل شيء 12 ساعه

[طير]

والله المقيمين هم ما كلينها لو على المادة الوحدة بو ثلاث ساعات ب 1500
في ناس ظروفها المادية صعبة تاخذ مادتين باليالله او 3 مواد
الله المستعان