المساعد الشخصي الرقمي

مشاهدة النسخة كاملة : ولي الأمر please!


lule
17-09-2012, 08:35 PM
بدا الاسبوع الثاني من العام الأكاديمي ومازال بعض الطلاب نايمين في العسل وما يداوم بحجة ما يعطونا شي!
لا تدرسون حق الاختبارات الوطنية ترى مش محسوبة!
ولي الأمر يستلم شهادة ولده اخر السنة ويقول ليش راسب! ولدك أي صف? مدري باسأله!
ولية أمر تقول ليش بنتي راسبة وبتعيدونها السنة? بنتي طول السنة درجاتها مرتفعة? شفتي تقاريرها طول السنة? لا بس هي تقول ناجحة! !

الزبدة! لا تلوم المجلس الأعلى!
عزووز قطر
17-09-2012, 08:45 PM
اللوم على اولياء الامور اللي يسمحون لعيالهم بالغياب

المفروض الدوام من اول يوم ،،، وكلنا نعرف هالاعذار وسويناها يوم كنا صغار ونقول مايعطونا شي ،،،

الله يهديهم وياليت يهتمون في عيالهم ويتابعون مستواهم وتحصيلهم العلمي
لولو2022
18-09-2012, 02:59 AM
ابله انتي وايد متحمسى
في ناس توها جايه من السفر ويبون يرتاحون
ليش مستعيلين عليهم
بو الجوري
18-09-2012, 07:41 AM
صادقه إختي

اللوم على أولياء الأمور أكثر شي ،، وعلى المَدرسـه أحيانا
لأنهـا ماتجيب مدرسات نفس الناس



ابله انتي وايد متحمسى
في ناس توها جايه من السفر ويبون يرتاحون
ليش مستعيلين عليهم

وليـش يرجعون من السفر قبل المدرسـه بكـم يوم !

حلوه هاي ههههههههههههههه
lule
19-09-2012, 11:46 PM
احنا في مرحلة مطلوب فيها نتعاون كلنا مع بعض . ادارة المدرسة -اولياء الامور -المجتمع .من المشاكل اللي تواجهنا التواصل مع ولي الامر واهمها حضوره لمجالس اولياء الامور واللقاءات التعريفية.
Lili2005
20-09-2012, 01:27 AM
اولاً المصيبه من اولياء الامور اهمال ما بعده اهمال،، واللي تهتم بتدريس الولد الشغااله،، واللي يوديه المدرسه الدريول،، الا من رحم ربي،، وبعدين لما تيجي النسبه زفت ولا راسب ،،تلاقي الأبو راز الويه عند المديره والسؤال اللي يفشل،، ليش ولدي رسب؟،،
ياريت الاهل يهتمون شوي ويقعدون لعيالهم،، وياريت بعد المدرسات يحببون العيال في المدرسه وما يطفشونهم،، ويصبرون عليهم المهنه هااي مهنه انسانيه،، وفميزان حسناتكم كلكم

طبعا لو كلنا نكون تييم وورك اكيد ما في اعيال بترسب ولا اعيال بتنطرد
فرجاءً تييم وورك بلييز
حميداني
20-09-2012, 01:43 AM
بس شقاعدين يسوون الطلاب من الساعه 7 وربع الى الساعه 2

يعني ساعة الدراسه اللي المفروض تكون في البيت وخذتوها منهم .. اللي المفروض تكون الاهل
ممكن حد يفهمني وشون قاطينها جذي بكلها على ولي الامر ؟؟

ولي الامر المفروض يتابع هو صح , بس هل معناته ان ماتابع او كان مهمل الولد يروح وطي ؟
Lili2005
20-09-2012, 02:06 AM
بس شقاعدين يسوون الطلاب من الساعه 7 وربع الى الساعه 2

يعني ساعة الدراسه اللي المفروض تكون في البيت وخذتوها منهم .. اللي المفروض تكون الاهل
ممكن حد يفهمني وشون قاطينها جذي بكلها على ولي الامر ؟؟

ولي الامر المفروض يتابع هو صح , بس هل معناته ان ماتابع او كان مهمل الولد يروح وطي ؟

اخوي حميداني الله يهدااك شلون يعني اذا الاب ما تابع او كان مهمل،، يا اخي اذا الولد دريس والاهل مهملين مافي مشكله ما بيرسب الولد لانه يهتم وهاي العنصر الاساسي لنجاح الطالب اما اذا كان الولد مهمل والاب مهمل اكيد الولد بيرسب،، يعني
اب او ام ما يتابعون( مهملين) + طالب ما يدرس( مهمل)= وطي ( رسووب):secret: ،، يعني الطالب بروح وطي في النهايه..

تحياتي لك
حميداني
20-09-2012, 02:14 AM
انزين شيسوي من الساعه 7 وربع لين الساعه 2 ؟
حميداني
20-09-2012, 02:32 AM
اوكي اعترف ... ماعندي سالفه وقاعد ارد من بطة جبدي من الدوام , مثل ماذكرتو
يتقاسمون المسؤوليه النص بالنص
Lili2005
20-09-2012, 07:27 AM
أحسنت ،، لانه ايد وحده ما تصفق

وتحياتي لك مره اخرى
lule
23-09-2012, 03:59 PM
انزين شيسوي من الساعه 7 وربع لين الساعه 2 ؟

تصحيح ! الدوام ينتهي 1:35 ! وحتى لو خلوا الدوام ساعتين بعد نفس الكلام بيصير ! انا اعتقد فيه طلاب للحين ما داوموا ! المشكلة مش في الدوام متى يبدا ومتى ينتهي .احنا في زمن الواحد ما تنفعه غير شهادته . اعتقد ان جيل المدارس اللحين معظم اولياء امورهم من حملة الشهادة الجامعية وهاي اللي نشوفه من خلال زياراتهم لنا . على ايامنا كانوا امهاتنا يضربونا اذا ما رحنا المدرسة وكانوا ما يعرفون يقرون ويكتبون
ام ناصر1
23-09-2012, 11:01 PM
أختي الكريمة
بغض النظر عن كون الاباء جامعيين او غيره ...
أظن الامر ينتج من دور المدرسة حيث هي عليها توعي وتفهم وتثقف الآباء والامهات
عن مايجب عليهم متابعته مع ابنائهم ...بخصوص كل مرحلة سنيه ...

لو تشرحون لهم في نقاط موجزه على ايش يركزون مع الطالب اثناء عودته للمنزل .....بيتعلمون
كيف يدققون مع اعيالهم ..
ولكن الغالبية تربط الاهتمام بموعد اختبار وهاي الحلقة الي لازم تكسرونها
حميداني
23-09-2012, 11:06 PM
تصحيح ! الدوام ينتهي 1:35 ! وحتى لو خلوا الدوام ساعتين بعد نفس الكلام بيصير ! انا اعتقد فيه طلاب للحين ما داوموا ! المشكلة مش في الدوام متى يبدا ومتى ينتهي .احنا في زمن الواحد ما تنفعه غير شهادته . اعتقد ان جيل المدارس اللحين معظم اولياء امورهم من حملة الشهادة الجامعية وهاي اللي نشوفه من خلال زياراتهم لنا . على ايامنا كانوا امهاتنا يضربونا اذا ما رحنا المدرسة وكانوا ما يعرفون يقرون ويكتبون

اقصد ان ما قاعد يدرس من هالساعه لهذي الساعه .. عيل شقاعد يسوي
lule
24-09-2012, 01:24 AM
أختي الكريمة
بغض النظر عن كون الاباء جامعيين او غيره ...
أظن الامر ينتج من دور المدرسة حيث هي عليها توعي وتفهم وتثقف الآباء والامهات
عن مايجب عليهم متابعته مع ابنائهم ...بخصوص كل مرحلة سنيه ...

لو تشرحون لهم في نقاط موجزه على ايش يركزون مع الطالب اثناء عودته للمنزل .....بيتعلمون
كيف يدققون مع اعيالهم ..
ولكن الغالبية تربط الاهتمام بموعد اختبار وهاي الحلقة الي لازم تكسرونها

اشلون نوعيهم اختي وهم ما يتواصلون معانا ولا يحضرون الاجتماعات واللقاءات التعريفية !! احنا نستخدم كل وسائل الاتصال : نبعث لهم دعوات مع عيالهم - نرسل رسائل نصية - نتصل مباشرة في ولي الأمر ونطلب حضوره ! الاسبوع اللي فات سوينا لقاء تعريفي وخليناه في الفترة المسائية عشان ما يتعذرون بالدوام . عندنا 700 طالبة واللي حضروا 100 أم بس أو أقل !
ام ناصر1
24-09-2012, 02:22 AM
اشلون نوعيهم اختي وهم ما يتواصلون معانا ولا يحضرون الاجتماعات واللقاءات التعريفية !! احنا نستخدم كل وسائل الاتصال : نبعث لهم دعوات مع عيالهم - نرسل رسائل نصية - نتصل مباشرة في ولي الأمر ونطلب حضوره ! الاسبوع اللي فات سوينا لقاء تعريفي وخليناه في الفترة المسائية عشان ما يتعذرون بالدوام . عندنا 700 طالبة واللي حضروا 100 أم بس أو أقل !
اعزموهم في قاعة بيون ركض :(
لا بعد اسبوعين قولوا فيه اختبار واسئله خاصه للمنهج الي حابه تستفر تحضر الاجتماع
ولد العلي
24-09-2012, 04:07 AM
اعزموهم في قاعة بيون ركض :(
لا بعد اسبوعين قولوا فيه اختبار واسئله خاصه للمنهج الي حابه تستفر تحضر الاجتماع

:nice:

وشهد شاهد من أهلها
lule
24-09-2012, 08:25 PM
اعزموهم في قاعة بيون ركض :(
لا بعد اسبوعين قولوا فيه اختبار واسئله خاصه للمنهج الي حابه تستفر تحضر الاجتماع

بنجرب هالمرة !
chillis
24-09-2012, 08:45 PM
وتالي يعاتبون المجلس الاعلى والمدرسه جزء من فشل عيالنا يتحملونه اولياء الامور