شر البلية مايضحك .... حرامي فمدينة الوكرة !! شوفوا شيبوق ..!

[خليدان]

السلام عليكم ورحمة الله وبركاته

شحالكم :shy:

البارحه عطيت موتري واحد من الربع ونزل فيه الدوحه
رجع وخذت موتري ورحت الميلس كنا طالبين من المطعم .. يوم وصل راعي المطعم طلعت له ورحت صوب موتري آخذ بوكي لفت انتباهي شي فالموتر متغير طالعت فالرنقات أشوف الطوس محد !!؟؟
شيكت على كل التواير أشوف الحبيب شايل عليهم كلهم حتى السبير شايل طاسته :anger1: ..

المهم إن الشي قهرني يعني مالقى شي يبوقه غير الطوس
دخلت داخل الميلس وقلت يمكن واحد شايلهم من باب الغشمره :anger1:

كلمني واحد من الربع قالي اشتكي عليه فكرت فيها وترددت وقلت سبحان الله يمكن فالدوحه باقوا الطوس يوم كان الموتر عند رفيجي :rolleyes2:


المهم رحت البيت ورقدت قمت اليوم الظهر رحت صليت ورحت اشتري طوس ومالقيت فالوكاله رحت محل زينه سألته عن الطوس قال ماعندي قلت له أمس بايقين الطوس من عندي :anger1: فاجئني وقالي ياني واحد نفس رنقاتك وبعد بايقين طوس موتره ظحكت وقبل لا أوصل حق هالمحل مر علي واحد نفس الرنقات وبدون طوس :eek5:

المهم بعد صلاة العشاء كلمني واحد من الربع يقولي باقوا طوس موتري عند باب البيت :eek5:

وعقبها بربع ساعه تقريباً اتصلي وقالي في موترين جدامي نفس الرنقات وبدون طوس :eek5:

هني أنا ظحكت :tease:

طرشت برودكاست عن هالموضوع إلا دخل علي واحد وقالي بعد أخوي بايقين طوس موتره ومن نفس النوع :eek5:

هني ظحكت وتنرفزت وقلت لازم أروح المركز :telephone:

المهم رحت المركز وكانت المفاجأه إن واحد قبلي بشوي بعد مبلغ وراحوا يبون يطلعون البصمات ومالقوا شي :rolleyes2::tease:

طبعاً نوع الرنقات (( ديزل )) :nice:

أتمنى بس أشوف هالشخص والله ماراح آخذ الطوس ولا راح أطالبه بشي لأن قدر ويهة يبوق طوس بس اللي أبيه إني أقوله كمٍ كلمه يمكن تأثر فيه شوي ويستحي على ويهة :victory:

أترك لكم التعليق ،،،

[Lili2005]

هههههههه،، شر البلية ما يضحك

والله مادري شقول،، شكلها موضه هالايام

الله يعوض عليك اخوي

[الخزرجي قطر]

الله يعوضك خير ان شاءالله

[ام ناصر1]

صراحة هو شر البلية ما يضحك ...بس اعتقد هاي من العمالة السايبه بالوكره
واكيد في حد ياخذهم من البايق او مجموعة اللصوص حد وازهم ايسون هالشي ...يبي لكم كونان

[روح الاطلس]

يمكن بعدً فتره يطلعون نفس اشاعة الزئبق مال ماكينة الخياطه واللي عنده هالطوس يفتح المزاد عليها :)

[الدوحة قطر]

دام ان كل البوقات هي حق نفس النوع من الطوس اكيد السالفة فيها سر ؟؟؟؟

[بوخالد911]

الله يعوضك خير

[qtr qtr]

بتعينهم عند محلات التواير في فريج المره

[khalid525]

اتوقع هالحرامي عنده عقدة نفسية ، اعتقد بتحصل هالطوس في غرفته وصابغهم الوان ومعلقهم على الطوفه ..

[Sari]

أتوقع اذا أنصاد بيطلع بنغالي

[بـن عدوان]

نفس حالتك بس من زمان ههههه

[مستجدة]

بتعينهم عند محلات التواير في فريج المره


شمعنى فريج المرة ...؟!!!

ليه مب شارع بن محمود ولا الصناعيه او تقول في محلات التواير اشدخل الفرجان

[امـ حمد]

لاحول ولا قوة الا بالله

الله يعوض عليك يارب

[captin]

حرامي قنوع

وعارف ومحدد شيبي يبوق
يقول لك الشهر الياي بيمر يبوق التواير
جهز نفسك
:nice:

الله يعوض عليك

[<اضرب واشرد>]

شكلها عصابة

[مساهم الشبكه]

الغالي انا من هل الوكره واخوي لصغير صار له نفس الموقف ونباقت الطوس عنده مرتين في ثلاث ايام اول مره ظن انها غشمره لكن المره الثانيه قال لا والله شكلها السالفه صج سرقة طوووس يعني الموضوع فيه شي

[بصمة قطرية]

الله يعينكم ..
يعني هي تجارة مربحة ولا شالسالفة ..!!
لهالدرجة الطوس مطلوبة ..؟:rolleyes2:

[همر]

الظاهر الحبيب زهق من كثر ما يجمع قواطي بيبسي.. قال يجمع طوس .. اكبر واثقل ..


واهد تاسه يجي أشره قوتي..



ويوم من الايام بيصير عنده هايبرماركت :nice:

[عزووز قطر]

الحمدالله جات على طوس
واحد من الشباب صاف موتره عند المجلس وانسرق من موتره الصيخ واريل جهاز
وكان توه مركبهم ،،،

وانا متأكد انه واحد مراهق لان مركز على طوس الجيات

[بعيد النظر]

الطاسة لو اصلية وجديدة سعرها 150 ريال !
فـ تخيل فايدته من كل موتر 400 ريال مستعملين او حسب النظافة !!
طبعا" لا ظمير ولا هم يحزنون !! دعوة وحدة تقلب بوقته ومربحه الحرام ..
الي استفاد منها الآلاف .. لعلاج بالآلاف !!

المفروض يتم التركيز على المنطقة الي تمت فيها السرقة !
واللي مركب نفس هـ النوع ينتبه او يراقب ..

[الحال مايساعد]

لاحول ولا قوة إلا بالله

[شبل الجزيره]

اعرفه الحرامي هذا...

اسمه

طاسه مان

[boamir]

شوف يالغالي
هالطوس السوده إلا تجي على رنقات ديزل غاليه
التجاريه الحبه منها ب100 ريال تاخذها
وثانيا مرغوبه يعني شوف كم بيطلع الحرامي لو يبيع كل هالطوس

للأسف ياما صارت يبوقون طوس ولا الإسبير إذا موترك سبير علاق ولا الصيخ
ماأقول غير الله يهديهم ويتركون هالسوالف وإن شاء الله الشرطه تصيدهم

[boamir]

شمعنى فريج المرة ...؟!!!

ليه مب شارع بن محمود ولا الصناعيه او تقول في محلات التواير اشدخل الفرجان

لأنه محلات الرنقات كلهم في فريج المره
السالفه مب سالفة فريج
بس في فريج المره عند دوار جسر الصناعيه كل محلات الرنقات ودايما تحصل عندهم كل انواع الرنقات والطوس :)

[وطن]

هاهاهاهاهاها

صج شر البلية ما يضحك

يمكن عنده مشروع
يزين بيتهم بالطووس
او شي

:secret:

[بويعقوب]

ركب خمس طوس جداااد

وثبت كيمرات داخل الموتر تكون في زاوية الباب من داخل 3 او 4 كيمرات

وباذن الله بتصيده من ويهه او من السياره اللي يسوقها :)

والله يعيينك

[حبر وقرطاس]

ممكن حد يحط لنا صوره الطوس المصون
عشان ناخذ فكره ونبوق بكره

[نوار قطر]

الله يعوضك خير اخوي وزين يات على الرنقات مب على السياره بكبرها

[الكنترول]

لاحولاولاقوةإلابالله

[™كاسـبر™]

والله شكيت في هالبتان او الايرانيين اصحاب محلات البنجرجية

هم مسوين هالشي لانك بالاخير راح ترجع لهم اكييييد وتشتري من عندهم :rolleyes2:

[جفى الجوارح]

مرده بيطيح وين بيروح يعني

الله يعوض عليك ان شاء الله

الحين المفروض من وزارة الداخليه اتعمم على المحلات اذا اي واحد جاب اطوس من نفس هالنوع ياخذون بياناته ويبلغون عنه

[خليدان]

الله يجزيكم خير

ويعطيكم العافيه العافيه على الردوود الطيبه

وللي سأل عن شكل الطاسه

http://bb.ta7a.com/upfiles/ta7a-m6D85864.jpg

[قطري2012]

ايش نوع سيارتك اخوي ؟
انا اشوف بعض المواتر رابطين الطوس بحزام بلاستيك الحين عرفت ليش

[خليدان]

ايش نوع سيارتك اخوي ؟
انا اشوف بعض المواتر رابطين الطوس بحزام بلاستيك الحين عرفت ليش

جكسار

وبخصوص الربط هاي عشان الطاسه ماتطيح مب عشان السرقه

لأن سهل قطعها وسرقتها

[بونو]

هذي ميزة الرنقات ههههههههه

[كتكوت الوحش]

السلام عليكم ورحمة الله وبركاته

شحالكم :shy:

البارحه عطيت موتري واحد من الربع ونزل فيه الدوحه
رجع وخذت موتري ورحت الميلس كنا طالبين من المطعم .. يوم وصل راعي المطعم طلعت له ورحت صوب موتري آخذ بوكي لفت انتباهي شي فالموتر متغير طالعت فالرنقات أشوف الطوس محد !!؟؟
شيكت على كل التواير أشوف الحبيب شايل عليهم كلهم حتى السبير شايل طاسته :anger1: ..

المهم إن الشي قهرني يعني مالقى شي يبوقه غير الطوس
دخلت داخل الميلس وقلت يمكن واحد شايلهم من باب الغشمره :anger1:

كلمني واحد من الربع قالي اشتكي عليه فكرت فيها وترددت وقلت سبحان الله يمكن فالدوحه باقوا الطوس يوم كان الموتر عند رفيجي :rolleyes2:


المهم رحت البيت ورقدت قمت اليوم الظهر رحت صليت ورحت اشتري طوس ومالقيت فالوكاله رحت محل زينه سألته عن الطوس قال ماعندي قلت له أمس بايقين الطوس من عندي :anger1: فاجئني وقالي ياني واحد نفس رنقاتك وبعد بايقين طوس موتره ظحكت وقبل لا أوصل حق هالمحل مر علي واحد نفس الرنقات وبدون طوس :eek5:

المهم بعد صلاة العشاء كلمني واحد من الربع يقولي باقوا طوس موتري عند باب البيت :eek5:

وعقبها بربع ساعه تقريباً اتصلي وقالي في موترين جدامي نفس الرنقات وبدون طوس :eek5:

هني أنا ظحكت :tease:

طرشت برودكاست عن هالموضوع إلا دخل علي واحد وقالي بعد أخوي بايقين طوس موتره ومن نفس النوع :eek5:

هني ظحكت وتنرفزت وقلت لازم أروح المركز :telephone:

المهم رحت المركز وكانت المفاجأه إن واحد قبلي بشوي بعد مبلغ وراحوا يبون يطلعون البصمات ومالقوا شي :rolleyes2::tease:

طبعاً نوع الرنقات (( ديزل )) :nice:

أتمنى بس أشوف هالشخص والله ماراح آخذ الطوس ولا راح أطالبه بشي لأن قدر ويهة يبوق طوس بس اللي أبيه إني أقوله كمٍ كلمه يمكن تأثر فيه شوي ويستحي على ويهة :victory:

أترك لكم التعليق ،،،

:omg::omg::omg::omg::omg::omg::omg::omg::omg::omg: :omg::omg:نفس الشي بالوكره وسويت بلاغ
استاندر 2012 باقوا من عندي طوس الرنقات وطبعا ديزل نفس الشي وجبت البحث الجنائي وقالوا لي مافي بصمات شكلها ضاهرة وانباقوا من قدام بيتنا وانت بكلامك اكدت لي انه الحرامي موجود بالوكره لاني فعلا انا من سكان الوكره والحادثه الي صارت لي نفس الحادثه مالتك ونفس المسروقات بالضبط وللعلم انا الشخص الي قدمت بلاغ

[كتكوت الوحش]

مرده بيطيح وين بيروح يعني

الله يعوض عليك ان شاء الله

الحين المفروض من وزارة الداخليه اتعمم على المحلات اذا اي واحد جاب اطوس من نفس هالنوع ياخذون بياناته ويبلغون عنه

صحيح اقريب بيمسكونه