[ كيف تتعامل مع زوجتك إذا اكتشفتها تفتش جوّالك ؟! ]

[الزعفراني]

http://rahimh4up.com/upload/wh_73252906.JPG

بعض الأزواج يمثل الجوّال بالنسبة له " خط احمر " او " قنبلة موقوتة " لا يجب الاقتراب منها كائن من كان بما في ذلك الزوجة !

فما بالك في ظل انتشار أجهزة البلاك بيري و الأيفون و الجلاكسي ، حيث ترفع هذه الأجهزة درجة الفضول عند الزوجة للبدء في التفتيش فيه !

ويبرر البعض منهم هذا الحظر والاحتراز إلى الخصوصية التي يتمتع بها الزوج وإن كانت هذه الكلمة مطاطة بعض الشيء !


هل من حق الزوجة " تفتيش " جوال زوجها ؟

وكيف تتعامل مع زوجتك إذا اكتشفتها تفتش جوّالك ؟

والعكس صحيح هل يحق للزوج " تفتيش " جوال زوجته ؟

ماهي آرائكم في الموضوع :)

[chillis]

انااشوف الطرفين مالهم حق لازم في ثقه من بينهم وهم هي لازم ما تخش جوالها ويخلونه طبيعي قدام بعض وبدون الباسورد :)

[غايه الطواش]

هو صحيح مافي شي ,بس اعتبره من الخصوصيات الي ماحب حد يتطاول عليها او انا بنفسي اتطاول عليها .
ماحب سالفه التفتيش ولكن احترام الخصوصيات مطلوب .
وبعدين ليش الغثى والتفتيش الواحد يعيش مرتاح ابرك له :)

[رذاذ]

عادي ما في شي اشوفه عيب ولا اخشه عن ام عيالي .

بالعكس اقعد وفرفر الجوال واطلع اصور لها ذكريات وانتم نسولف بالساعات ..

طبعا مستحيل احد يسوي كذا بس عندي عادي ومع هالاسلوب بتحرم تشوف وتاخد الجوال لني واثق من نفسي واثق من تصرفها ان كانت قصدها التفتيش او تحويل رصيد ^_^ .

مع الاسلوب تقدر تخليها تنحرج من داخل نفسها لو بتعمد تفتش الجوال.

[بصمة قطرية]

بصـــراحة ..
أحس التفتيش يعني ( إنعــدام الثقــة ) .
ليش من الأســاس الواحد بيفكر يفتش إلا إذا كان يشك ..!!!
الجــوال أعتبره ملكية خاصـــة ..
و ما أحــب حد يمسكــه و يفتش ..
يطلب مني بكل سهولة أقول له تفضل ..
بس بعد في خصوصيات بيني و بين صديقاتي ما أحب حد يتعداها ..!!!

[روح الاطلس]

اللي خايف من شي بيخاف يتفتش جواله


اماا اللي واثق من نفسه عادي

[وطن]

هل من حق الزوجة " تفتيش " جوال زوجها ؟

أنا اشوف انها من الخصوصيات
وما يحق لها تفتش
وبعدين شلها بعوار الراس !! فتشت وطاحت على شي
الغثا وعوار القلب لها
لان هو ماراح يهتم :)

يعني تتجاهل و تكبر عقلها احسن لها



وكيف تتعامل مع زوجتك إذا اكتشفتها تفتش جوّالك ؟

اذا في المستقبل اكتشفت زوجي يفتش جوالي
راح اوضح له ان مب صح
لان في سوالف وأسرار صديقاتي
ومب عدله ان يطلع عليها


والعكس صحيح هل يحق للزوج " تفتيش " جوال زوجته ؟

:)

ليش يفتش ما يثق ؟؟
الرجال او المرأه اللعوبين لو يبون يسون شي غلط
يعرفون شلون يخشوونه
الله لا يبلينا بحد من هالنوع في حياتنا

[وثائقي]

يجب أن أثق بها ولما التفتيش طالما هي في حياتي وماستوسط الشك في شيء إلا شانه لن أتعرض لجهازها إطلاقاً وبالمقابل أسمح لها بتفتيش جهازي بل أقدمه لها على طبق من ذهب لا يوجد ما أخفيه عنها بل أبحث عما يطمن قلبها ويبعث الإطمئنان في جوفها وليس الذكر كالأنثى فالمرأه حساسة تقودها العاطفة يجب على الرجل تقدير ذلك وعدم تضخيم هذا الأمر فهي شريكة حياته مابقيا ..

وفق الله الجميع لما يحبه ويرضاه ..

[الزعفراني]

مب شرط يكون انعدام ثقه .. ولكن من باب الفضول .. خصوصا أجهزة الجوال الحديثة مثل الايفون والجلاكسي والبلاك بيري .. تخلي الزوجه او الزوج يفتش فيهم

[سهم سهم]

والله عادي دايم ام لعيال اشوف الصور الجديده الي بجوالي

والرسايل وكل شي لان جوالي مافيه شي محرم ولا مب عدل

الاشياء الي فيه عاديه ولا عندي اي مانع اشوفه

انا واثق في نفسي والحمد لله

وجوالها تحت امري في اي وقت

@@

[الزعفراني]

انااشوف الطرفين مالهم حق لازم في ثقه من بينهم وهم هي لازم ما تخش جوالها ويخلونه طبيعي قدام بعض وبدون الباسورد :)

شكرا لج للمداخلة

[وثائقي]

سهم سهم أشكر لك رقي تعاملك مع شريكة حياتك وهو كما أسلفت أمر أقل من عادي ولا يعني شيئاً وعلى العكس فهذا يزيد المرأه حباً وثقةً ووداً لزوجها وأعتقد الوصول إلى قلبها هو مانطمح إليه ..

وفقك الله ..

[خفيف الروح]

عادي جدنا مافية شي تفتش جوالي او افتش جوالة يمكن هذا فضول عند المرأة. ههههه

[حبر وقرطاس]

http://rahimh4up.com/upload/wh_73252906.jpg

بعض الأزواج يمثل الجوّال بالنسبة له " خط احمر " او " قنبلة موقوتة " لا يجب الاقتراب منها كائن من كان بما في ذلك الزوجة !

فما بالك في ظل انتشار أجهزة البلاك بيري و الأيفون و الجلاكسي ، حيث ترفع هذه الأجهزة درجة الفضول عند الزوجة للبدء في التفتيش فيه !

ويبرر البعض منهم هذا الحظر والاحتراز إلى الخصوصية التي يتمتع بها الزوج وإن كانت هذه الكلمة مطاطة بعض الشيء !


هل من حق الزوجة " تفتيش " جوال زوجها ؟

وكيف تتعامل مع زوجتك إذا اكتشفتها تفتش جوّالك ؟

والعكس صحيح هل يحق للزوج " تفتيش " جوال زوجته ؟

ماهي آرائكم في الموضوع :)

مب من حقها ابدا تفتش جوال الزوج ، اساسا ليش تفتش ؟
التفتيش في حد ذاته اهانه له وعدم احترام من الزوجه لزوجها
واذا كانت تحس في شي فالمصارحه هي الاهم واهل مكه ادرى شعابها
، ممكن في جواله امور عائليه تخص اسرته مايحق لها تطلع عليها او مسائل ذكوريه تختص باصدقائه
هي عليها من زوجها فالبيت هل يحسن معاملته مامقصر فيها بشي ، عدى ذلك كل انسان له خصوصيات
لا يحق لحد المساس بها الا برضاه ، سواء ام ب اخ اخت صديق زوجه، وحركه التفتيش هذه معناته انت متهم حتى تثبت براءتك ، ممكن حد من اهله يراسله ويحش فيها كحوار جانبي ههههه ، بصراحه اي زوجه تفتش جوال زوجها وتلقى شي مايعجبها تستاهل . واذا الزوج بي ينكد عليها ترى يقدر م بس يفتش جوالها الا يقلب حياتها جحيم ويشكك فيها نفس ماتسوي فيه ويشربها من نفس الكاس.
الزبده ....الشر موجود في نفس كل انسان وهذه دعوه للازواج لا تخسرون الود بينكم بسبب شبهات وشكوك
عالاقل عطيه على راسه لما تثبت ادانته مب تفتشين جواله عيني عينك

[بويعقوب]

مب من حقها ابدا تفتش جوال الزوج ، اساسا ليش تفتش ؟
التفتيش في حد ذاته اهانه له وعدم احترام من الزوجه لزوجها
واذا كانت تحس في شي فالمصارحه هي الاهم واهل مكه ادرى شعابها
، ممكن في جواله امور عائليه تخص اسرته مايحق لها تطلع عليها او مسائل ذكوريه تختص باصدقائه هي عليها من زوجها فالبيت هل يحسن معاملته مامقصر فيها بشي ، عدى ذلك كل انسان له خصوصيات
لا يحق لحد المساس بها الا برضاه ، سواء ام ب اخ اخت صديق زوجه، وحركه التفتيش هذه معناته انت متهم حتى تثبت براءتك ، ممكن حد من اهله يراسله ويحش فيها كحوار جانبي ههههه ، بصراحه اي زوجه تفتش جوال زوجها وتلقى شي مايعجبها تستاهل . واذا الزوج بي ينكد عليها ترى يقدر م بس يفتش جوالها الا يقلب حياتها جحيم ويشكك فيها نفس ماتسوي فيه ويشربها من نفس الكاس.
الزبده ....الشر موجود في نفس كل انسان وهذه دعوه للازواج لا تخسرون الود بينكم بسبب شبهات وشكوك
عالاقل عطيه على راسه لما تثبت ادانته مب تفتشين جواله عيني عينك

ههههههههههه

أحلى رد الصراحه

نفس الكلام اللي في خاطري

وكلمة " تفتيش " بروحها مشكله

[بومحمد المطاوعه]

[

هل من حق الزوجة " تفتيش " جوال زوجها ؟

وكيف تتعامل مع زوجتك إذا اكتشفتها تفتش جوّالك ؟

والعكس صحيح هل يحق للزوج " تفتيش " جوال زوجته ؟

ماهي آرائكم في الموضوع :)


جزاك الله خير ياخوي على طرح هالموضوع وبارك الله فيك


عن جابر بن عبد الله قال : قال صلى الله عليه وسلم في حجة الوداع : " فاتقوا الله في النساء فإنكم أخذتموهن بأمان الله واستحللتم فروجهن بكلمة الله ولكم عليهن أن لا يوطئن فرشكم أحدا تكرهونه فإن فعلن ذلك فاضربوهن ضربا غير مبرح ولهن عليكم رزقهن وكسوتهن بالمعروف " .

رواه مسلم ( 1218 ) .



[

هل من حق الزوجة " تفتيش " جوال زوجها ؟
size][/color]

بالنسبه لي عادي لأني الحمدلله ماعندي شي في الجوال يغضب الله ولا يغضب الزوجه بس بطلب الاستأذان اعطيها والامور طيبه الحمدلله

لأن من حقها اذا كانت تغار على زوجها وتخاف عليه من اي شي كان

صج الواحد بيقول ليش تفتشين مافيج ثقه فيني

موضوع الثقه موضوع ثاني بس مافيها شي لو تنبش ف الجوال :)



[


وكيف تتعامل مع زوجتك إذا اكتشفتها تفتش جوّالك ؟

size][/color]

انا اذا خذت جوالي وفتشت بدون لاتستأذن يمكن ازعل او اعصب على حسب

بس الحمدلله ولا مره صارت وياي وان شاءالله مايصير


[


والعكس صحيح هل يحق للزوج " تفتيش " جوال زوجته ؟
size][/color]


اي نعم له الحق ان يفتش جوالها اعتقد مافيها شي بوجهه نظري

وليش تتضايق الزوجه اذا زوجها فتش

اذا اهي متأكده انها مب غلطانه في شي مابتزعل ولا بتعصب

بس اذا عصبت وتقعد تتحندى الله يستر شنو عندها ف الجوال


عن أبي هريرة رضي الله عنه قال : قال رسول الله صلى الله عليه وسلم : " إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح " رواه البخاري ( 3065 ) ومسلم ( 1436 ) .

يعني بتسوي مشاكل على الفاضي عطها الجوال وفك نفسك ههههههه


تحياتي لك يالغالي ماتقصر[/SIZE][/COLOR]

[حبر وقرطاس]

في شي في خاطري ابي اقوله ..الرجل اللي الله بلاه بزوجه تنبش اغراضه وخصوصا الجوال
اقول له معليه تحملها ترى دافع المراه وسلوكها هذا من حبها لك وخوفها عليك ومعزتك عندها
ولو ما تحبك وتعزك ماخافت حد يستحوذ على مشاعرك واهتمامك غيرها " رفقا بالقوارير يا الربع

[ريتويت]

الله المستعان

[حبر وقرطاس]

ههههههههههه

أحلى رد الصراحه

نفس الكلام اللي في خاطري

وكلمة " تفتيش " بروحها مشكله

:shy: many thanks

[ريم 28]

عادة الزوج الذي يخربط ان كان ذكي فيكون عنده جوال سري

والغبي يخربط وواثق ومب حاط باسورد

ونفس الشي للمراه

والتفتيش هذا شي قديم


الان اي زوجه او زوج يعرفون بعض جيدا كل واحد فيهم عن طريق البرامج راح يعرف اذا عنده تويتر فيسبوك امستغرام
يشوف الايميل وفي برامج اظهر الارقام والاسامي المسجله علئ هذا الرقم طبعا كيوتل امنعته الحين وما ينفتح

وهالبرامج اعرف وحده اطلبت الانفصال بسبته لان رقم زوجها مسجل حبيبي فراحت تساله من ومن ولينما اقادت ببيت اهلها والله يصلح بينهم جابت. لنفسها المشاكل

وهالبرامج ما جلبت الا المشاكل للي عقولهم خفيفه ويشكون ويحبون عوار الراس

فرضا يا الزوجه صدتي شي طبعا وبعدين بيندم يعني بيترك هالشي لعيونك يعني بتموتين قهر وبتروحين بيت هلك وبس

اشتري راحتك ولا عليك من اللي يصير من وراك

ما بيترك هالشي الا من نفسه واذا هداه الله




اما بخصوص الزوجه ما يحق له يفتش لان اكيد عندها خصوصيات مع اهلها صديقاتها يمكن كانت اتحش فيه ههه المهم العاقل ما يفتش ابدا



بالنسبه لي لا افتش ولا هو يفتش زوجي اذكئ من اني اصيده بشي ههههههههه.


الله يعين المتزوجين بعد هالبرامج المدمره وتانغو وفايبر وواتس اب


والله يستر علينا جميع ويحفظنا ويبعد الخلافات عن كل زوجين

[قطريه أصيله]

عيب اصلاً استحي امسك جواله :omg:

[ريم 28]

في شي في خاطري ابي اقوله ..الرجل اللي الله بلاه بزوجه تنبش اغراضه وخصوصا الجوال
اقول له معليه تحملها ترى دافع المراه وسلوكها هذا من حبها لك وخوفها عليك ومعزتك عندها
ولو ما تحبك وتعزك ماخافت حد يستحوذ على مشاعرك واهتمامك غيرها " رفقا بالقوارير يا الربع

وانا اضيف واقول له ان هذا يعتبر مرض
وحط باسورد صعب صعب جدا

وحاول تمتص هالغيره وتجعلها تثق فيك

ولا اتزيدها مثلا انك تريد ان تتغير

لن تتغير اذا زدتها فقط حاول تطمن قلبها وان لديك خصوصيات مع الرجال وهكذا

افضل من انك اتعقد الامور معها واشتري راحتك في النهايه

[حبر وقرطاس]

بخصوص الحديث الشريف اللي داش عرض
عن أبي هريرة رضي الله عنه قال : قال رسول الله صلى الله عليه وسلم : " إذا دعا الرجل امرأته إلى فراشه فأبت فبات غضبان عليها لعنتها الملائكة حتى تصبح " رواه البخاري ( 3065 ) ومسلم ( 1436 ) .

الملائكه تلعنها لانها حرمته من اعفاف نفسه اذا بيصير سلوكها كذا معاه في كل مره يحتاجها كرجل لان اغلب الرجال اذا مرته اذا ماتعطيه اللي يبي راح يلجأ لاساليب لن تقبلها هي على نفسها اطلاقا.
وراح يحدث بينهم شقاق وفرقه وتباعد نفسي ، عشان كذا يسمون الزواج نصف الدين .لانه يمس المشاعر والجسد
بس مب معناته يا شباب اذا هي مرهقه و متعبه او مريضه او مزاجها تعبان لازم تستجيب له ترى في هالاحلات ماتلعنها الملائكه الا تلعن الزوج اللي ما يرحم ويكون يلين المعشر . اصلا مابتتحمل سلوكه اي امراه بيظل في حاله ضياع بين الحريم ههههه
حبيت اثقفكم شوي

[الزعفراني]

هو صحيح مافي شي ,بس اعتبره من الخصوصيات الي ماحب حد يتطاول عليها او انا بنفسي اتطاول عليها .
ماحب سالفه التفتيش ولكن احترام الخصوصيات مطلوب .
وبعدين ليش الغثى والتفتيش الواحد يعيش مرتاح ابرك له :)

كلام جميل :)

[الزعفراني]

عادي ما في شي اشوفه عيب ولا اخشه عن ام عيالي .

بالعكس اقعد وفرفر الجوال واطلع اصور لها ذكريات وانتم نسولف بالساعات ..

طبعا مستحيل احد يسوي كذا بس عندي عادي ومع هالاسلوب بتحرم تشوف وتاخد الجوال لني واثق من نفسي واثق من تصرفها ان كانت قصدها التفتيش او تحويل رصيد ^_^ .

مع الاسلوب تقدر تخليها تنحرج من داخل نفسها لو بتعمد تفتش الجوال.

يعطيك العافية أخوي رذاذ .. وفي مثل يقول لا تبوق لا تخاف .. بس تدري أحيانا الخصوصية تلعب دور في هالموضوع .. يعني مثلا حد من الربع مطرش مثلا نكتة ع الواتس أب وتخص الشباب أكثر فـ مش حلوه مثلا انه الزوجة تقرأ هالنكتة ..

[الزعفراني]

بصـــراحة ..
أحس التفتيش يعني ( إنعــدام الثقــة ) .
ليش من الأســاس الواحد بيفكر يفتش إلا إذا كان يشك ..!!!
الجــوال أعتبره ملكية خاصـــة ..
و ما أحــب حد يمسكــه و يفتش ..
يطلب مني بكل سهولة أقول له تفضل ..
بس بعد في خصوصيات بيني و بين صديقاتي ما أحب حد يتعداها ..!!!

صحيح هالكلام .. الخصوصيات لازم تحترم لهذا قلت ان الفضول يلعب دور ومش بالضرورة يكون هالشيء من مبدأ انعدام الثقه ..

[الزعفراني]

اللي خايف من شي بيخاف يتفتش جواله


اماا اللي واثق من نفسه عادي

كلام جميل طيب اذا في شي خاص ومنعت حد يفتش جوالي هل هذا دليل عدم الثقة ؟

[شبل الجزيره]

التلفون يعتبر خصوصيه..

لاكن اذا تبي تفتشه خلها تفتشه عشان تسكت وانت ترتاح من الشكوك والحنه.. ما يخاف الا الي خاش شي وعنده فضايح

او انك تقدر تقولها طيب ... فتشي جوالي وانا افتش جوالج

[نوار قطر]

الريال اللي يقول خط احمر لاتمسكين جوالي هاي عنده بلى وبلاويه كلها في هالتلفون اما الريال الي واثق من نفسه عادي بيخلي مرته تشوف تلفونه لانه واثق من عمره

[alnaseer555]

السبب الواضح اللي يخلي الزوجة تفتش في جوال زوجها انو وضع الجوال مريب مره في السياره ومره عليه باسوورد ومره مخشوش اكيد الزوجه بتشك انو يكلم حد واذا يكلم حد غيرها هذي خيانه زوجيه لكن بعد يمكن لها مبررات بالنسبه للزوج

الواثق من نفسه بالعكس يعطي الباسوورد زوجته ويخليها تحوس وتتمشى فيه وفي دواخله واضافاته وبالعكس لو هو قابض خط مثلا يقول لزوجته دوري حبيبتي على الاسم الفلاني وعطيني ياه قمة الثقه ولايخاف لانه مو مسوي شي غلط ولا يمكن يسوي شي غلط

ونفس الشي بالنسبه للزوجه وبالمناسبه نصيحه للزوجات وكل الحريم والبنات لاتصورون نفسكم اقصد بكامل الزينه ورفيجاتكم بجوالاتكم ولا تطرشونها لاحد واذا بتطرشون لازم تمسحون خاصة انو الايفون على طول يحفظ في الصور عن طريق الوتس اب والجالاكسي نوت ألعن منهم ماتنمسح منه البيانات والله أعلم

بس انتي يالزوجه بعد لازم تكونين واثقه من نفسج اذا زوجج بيفتر في دواخل جوالج من غير الصور يعني خلج واثقه من روحج ولاتتلفتين يمين ويسار كأنج ياهل صايدينه مسوي شي


تحياتي للجميع ولحد يزعل

[Scout Sniper]

عادي

امسح كل شي اول باول , وخلها تشوفه براحتها ...

صج مالي بالخربطيشن , بس لو اعرفت رصيدي بالبنك ... بوووت مشكل !

[الزعفراني]

عادي

امسح كل شي اول باول , وخلها تشوفه براحتها ...

صج مالي بالخربطيشن , بس لو اعرفت رصيدي بالبنك ... بوووت مشكل !

هاهاهاها اهم شي الرصيد

[الكنترول]

إذا انا واثق من نفسي عادي ومافيه باسورد وكل منا يشوف تلفون الثاني

وجذي تستمر الحياة أما أحط باسورد وممنوع أحد يشوف تلفوني أكيد المرأة بتشك

[حبر وقرطاس]

ترى بعد مش من حق الزوج يشوف جوال زوجته والاولى مايمد يده عليه في حضورها وغيابها لان في جوالها اعراض وحرمة صديقاتها وخواتها واغلب البنات يتراسلون عالواتساب بالصور ممكن كون في جوالها صور خواتها بفساتين سهره او صور لصديقاتها .يمكن صديقتها حلى منها ههههه

[الزعفراني]

هل من حق الزوجة " تفتيش " جوال زوجها ؟

أنا اشوف انها من الخصوصيات
وما يحق لها تفتش
وبعدين شلها بعوار الراس !! فتشت وطاحت على شي
الغثا وعوار القلب لها
لان هو ماراح يهتم :)

يعني تتجاهل و تكبر عقلها احسن لها



وكيف تتعامل مع زوجتك إذا اكتشفتها تفتش جوّالك ؟

اذا في المستقبل اكتشفت زوجي يفتش جوالي
راح اوضح له ان مب صح
لان في سوالف وأسرار صديقاتي
ومب عدله ان يطلع عليها


والعكس صحيح هل يحق للزوج " تفتيش " جوال زوجته ؟

:)

ليش يفتش ما يثق ؟؟
الرجال او المرأه اللعوبين لو يبون يسون شي غلط
يعرفون شلون يخشوونه
الله لا يبلينا بحد من هالنوع في حياتنا

يعطيج العافية على الاجابة على الاسئله وعلى المشاركة اللي اثرت الموضوع .. شكرا لج :nice:

[الزعفراني]

يجب أن أثق بها ولما التفتيش طالما هي في حياتي وماستوسط الشك في شيء إلا شانه لن أتعرض لجهازها إطلاقاً وبالمقابل أسمح لها بتفتيش جهازي بل أقدمه لها على طبق من ذهب لا يوجد ما أخفيه عنها بل أبحث عما يطمن قلبها ويبعث الإطمئنان في جوفها وليس الذكر كالأنثى فالمرأه حساسة تقودها العاطفة يجب على الرجل تقدير ذلك وعدم تضخيم هذا الأمر فهي شريكة حياته مابقيا ..

وفق الله الجميع لما يحبه ويرضاه ..

وجهة نظر طيبة اخوي وثائقي والله يوفق الجميع :nice:

[الزعفراني]

والله عادي دايم ام لعيال اشوف الصور الجديده الي بجوالي

والرسايل وكل شي لان جوالي مافيه شي محرم ولا مب عدل

الاشياء الي فيه عاديه ولا عندي اي مانع اشوفه

انا واثق في نفسي والحمد لله

وجوالها تحت امري في اي وقت

@@

يعطيك العافيه اخوي سهم :victory:

[الزعفراني]

عادي جدنا مافية شي تفتش جوالي او افتش جوالة يمكن هذا فضول عند المرأة. ههههه

صحيح يمكن من باب الفضول .. خصوصا مع انتشار الاجهزة الحديثه بس بعضهم بعد ما يقبل بمثل هالتصرف :telephone:

[رامي خوري]

أنا مابحب أدور بغرض مو الي ولابحب حد يدور في غرض الي
زوجتي - أخي - أختي - صديقي ..... في هذا الموضوع كلهم متل بعض عندي
لكن الحمد لله بيني وبين زوجتي في ثقة وقلب أبيض كمان ولكل منا خصوصيته الى حد ما

حلو موضوعكم وشكرا لكم

[abdo222]

انا اشوف ان دام الشخص مسك تلفون عشان "يفتش" فيه اكيد بيصيد شيء ما يعجبه
كان شات في واتس اب او بي بي واكيد في اشياء بيتم فهمها غلط

او كان رقم تلفون غريب يتصل كذا مره و مب محفوظ باسم

ان الزوجه تمسك جوال ريها عشان "تفتش" هذا خط احمر (تشوف الاسامي اسم اسم, والمكالمات الصادره والوارده و النوتز والشات تفتحه واحد واحد وتقراهم) ,, اما تقلب بين الصور او تدور على صوره حلوه ترسلها لتلفونها او مسج حلو هذي مافيها مشكله

[النهار]

ياويلي الحرمه تفتش جوالي اعتقد بتقوم القيامه

[intesar]

هل يحق للزوج " تفتيش " جوال زوجته ؟

مو عن من حق ولا مو من حق..

ولكن عادي لو فتشه.. ايش المضره اللي بتجي من وراه للزوجة..
إذا الزوجة واثقة من نفسها.. عادي..

ما أشوفه كارثة.. ومو شرط أن الزوج يفتح تلفونه ويدور فيه معناته يشك فيها.. يمكن يكون فضل.. شاف مسج مو مفتوح.. وفتحه وقراه..

ودمتم بحفظ الرحمن..

[بومحمد المطاوعه]

والله ياشباب وبنات

ترى مافيها شي اذا فتشت

بس مافي زوجه تمسك وتفتش في جوال زوجها

ولا زوج يفتش في جوال زوجته

الا اذا شاكين من بعض وانعدام الثقه من بعض

الحمدلله اني مالي بهالسوالف

ولو طاح جوالي ف يد من مايهم عادي

لاخصوصيات ولا شي

ارقام ربعي وصور شباب وصور مواتر وصور عيالي

لاتنسوووون

كما تدين تدان

[بوغانم995]

الحمدلله رب العالمين ......الصراحه ...اتكلم عن نفسي ....وانا أعلم ان هذا الكلام يمكن لالالا.. يعجب بعض الشباب ...ولا ..اعمم .
الصراحه انا من اول يوم خطبه ...قلت للغاليه من اول يوم خطبه شوفي عسى ربي يخليك ....انا ماعندي حاجه اخشها عنك .....والشفافيه عندي مبداء .....بالمختصر المفيد ...في البيت لا توجد اسرار خاصه ...عندنا شفافيه ...محد يخش على أحد ...و فيه مره قالت لها امها لا تعلمين زوجك رفضت وقالت يمه انا وزوجي واحد .....مافيه حاجه أغبيها عنه وهو كذلك ....
فكل الحريه لها ان تفتش في جوالي والآي فون ...ايش رايكم ان بعض المكالمات اذا انا نايم بعد العمل ....أذا كانت من العمل تقولي قم اتصل بك فلان من العمل ...واذا صديق لا تصحيني بس تقول اتصل بك واحد وانته نايم ....والتلفون على الهزاز ...وبس ....وكذلك انا اذا أحد متصل على الغاليه ...اشوف الأسم اذا كانت امها ..,او أخونها أرد ....اما أذا أصدقائها فلا ارد ....وتمشي حياتنا بلا شكوك .....وتبتعد المشاكل ...والصراحه ..اتمنى ان لا أحد يحط او يشيل في خاطره ...لأن الصراحه رررررررررررراحه ...وبس ..واللهم لاحسد آآآمين

[بـن عدوان]

الحمدلله مب متزوج ههههههه

[qatara]

مايخاف الا البايق

ولا يشك في الطرف الاخر الا الي هو مهب خالي

[عاهد بن علي]

الثقه لابد منها
يقول المثل ( واثق الخطوه يمشي ملكآ )
لكن التفتيش عيب ثم عيب ثم عيب على الطرفين

[ريتويت]

استغرب من جمله الحمدلله انا مب متزوج!!! وليش تعمم!!! وهل الزواج نقمه لهالدرجه!!!

[لولو2022]

انا وحده عادي عندي ، مابيني وبين زوجي خصوصيه
بس اذا زعلانه .. ماخليه يمسك تلفوني ..كنه عندي سر

[qatara]

انا وحده عادي عندي ، مابيني وبين زوجي خصوصيه
بس اذا زعلانه .. ماخليه يمسك تلفوني ..كنه عندي سر

بالعكس هنا مكمن الخطر والخطاء
حتى وان زعل لابد ان تكوني معه
اشد عطفا وتقربا وجربي وشوفي الفرق
لانه سيكون اسعد وبسعادته انتي المتساعده

[بو شريم]

أنا اشوفها قلة أدب ((( التخوين )))
ماله داعي الزواج من اصلة اذا كانت المعيشه بهذه الطريقة

آسف

[ريم 28]

أنا اشوفها قلة أدب ((( التخوين )))
ماله داعي الزواج من اصلة اذا كانت المعيشه بهذه الطريقة

آسف

بالضبط الصراحه يعتبر تخوين

المفروض الازواج اكبر من هالامور

التجسس والتفتيش

ما صار زواج

[حسن]

الثقه لابد منها
يقول المثل ( واثق الخطوه يمشي ملكآ )
لكن التفتيش عيب ثم عيب ثم عيب على الطرفين

اوه المزيون وين طالع هل الحزه

واثق الخطوه مشي ملكا كم عرضه وطوله وفرخ ولا جرناس
باين انه جرناس هوا

صحيح كلامك التفتيش الذاتي عيب ومايسر
وانا ايد كلام اخونا عاهد

[qatara]

بعضهم يفتش
طيب قد يكون هناك كروت اخرى
او جولات اخرى مثل ما يفعل البعض يتركونها بدرج المكتب الين يرجعون لها

والواتس اب شغال مايكلف فلوس وستير

[مدرسة]

انا ما اشجع الجولات التفتيشية لا من قبل الزوج ولا من قبل الزوجة !!

لان العلاقة بينهم يجب ان تكون مبنية على الثقة واحترام

[الشيخة شيوخة]

يعطيها طراق يعنى كف راشدي يعنى الم بالمصري يعنى يخرط اسنانها
الرجل الى يحب زوجته يشوف تفتيشها عسل على قلبه
لكن اذا كارها طبعا بيفتعل لهواش علشان ينفرها منه

[خليفـة]

بصراحة موضوع تلفون الزوج سالفة معقدة .. ومحد يقدر يفهمها غير الزوج نفسه
اشلون !
انا اقول لكم اشلون
يعني مب شرط يكون الزوج هذا مغازلجي وراعي سوالف .. ويكون خايف ان زوجته
تشوف مسجات الحب والغرام الي بينه وبين الي يعرفها
من الممكن ان يكون عنده بعض النكت الخارجه عن الحياء والأدب .. وما يبيها تقراها
مثال آخر ممكن يكون عنده صور فاضحة خذها من حد يعرف ان من النت مثلاً
ممكن يكون عنده مقاطع تسود الوجه
ممكن تكون عنده بعض المسجات والي فيها حوارات خاصة مع اخوانه
او زملائه او قرايبه ومايبي أي حد يقراها .
ممكن وممكن وممكن الخ ...
اشياء كثيرة غير مسألة معرفته وحده ثانية

وللأمانة .. انا واحد من الناس .. لا أقبل ان يشوف جوالي أي انسان
سواء قريب او بعيد
والسبب اني اعتبر الجوال ومافيه من خصوصياتي
والي يدخل نفسه في خصوصياتي اوقفه عند حده وما اسمح له .. ويقول الي يقوله .
ولأكون صادق سمحت لشخص واحد فقط يشوف جوالي
وذلك لأني حسيت اني بخسره لو ماخليته يشوفه
ولكن من دون فايدة .. لانه بعد فتره هو الي خسرني
:)

وحتى نكون صريحين مع انفسنا .. الأزواج في نهاية المطاف هم بشر
يصيبون ويخطئون مثلهم مثل باقي الناس
فيهم الي تغير تغيير كبير ايجابي من بعد الزواج
وفيهم الي ما زال على حركاته الصبيانية
وفيهم وفيهم الخ
الناس أجناس

خليفـــة

[حميداني]

هل من حق الزوجة " تفتيش " جوال زوجها ؟
لا

وكيف تتعامل مع زوجتك إذا اكتشفتها تفتش جوّالك ؟

اقعد احذاها اخليها تكمل اللي تسويه بعدين اخذه من عندها واخبرها ان ترى يضايقني لما اشوف حد يتعبث فاغراضي واقوم عادي
ما أكبر الموضوع ...

والعكس صحيح هل يحق للزوج " تفتيش " جوال زوجته ؟
لا

[qatara]

لابد من راي شرعي
بدل كل يدلي ويفتي

[intesar]

أنا أحس أن الزواج شراكة.. يعني أثنينهم كتاب مفتوح للطرف الآخر.. وما فيها شيء لو قعد أحدهم يتعبث بهاتف الآخر.. مو لازم يشك فيها.. ما أشوفها كارثة..

[qatara]

أنا أحس أن الزواج شراكة.. يعني أثنينهم كتاب مفتوح للطرف الآخر.. وما فيها شيء لو قعد أحدهم يتعبث بهاتف الآخر.. مو لازم يشك فيها.. ما أشوفها كارثة..

هذا الصحيح
والغريبه تسمح للغريبات من صديقتها ولاخواتها عادي وزوجها لا

شي يثير الريبه

[intesar]

بصراحة.. إذا الزوجين مابينهم خلاف.. وبينهم حب واحترام..
ايش المانع.. ما أشوفها عيب..
اللي يعصب لما الطرف الثاني يفتش بجواله.. هني الواحد يشك.. وممكن يخلي الطرف الآخر يشك.. والوساوس تلعب براسه..

[ساس الوفا]

هل من حق الزوجة " تفتيش " جوال زوجها ؟

لا تسميها تفتيش .. سمها اطلاع لا اكثر ولا اقل .. وانا اشوف انه عادي تتعبث فالتلفون مدام انه انا ماشي صح .. بس مايكون تعبثها فالتلفون بقصد النيه السئية فيك كزوج .. واذا شافت حد مطرش برودكاست او حاط صورة طبعا مالها حق تزعل او تتكلم عن برودكاست جايني لاني مب مسؤول عن تصرفات الاخرين علي من نفسي

وكيف تتعامل مع زوجتك إذا اكتشفتها تفتش جوّالك ؟

كلمتين لا اكثر ولا اقل اذا كانت بقصد التفتيش النيه السئية - ( رجعي التلفون مكانه )

والعكس صحيح هل يحق للزوج " تفتيش " جوال زوجته ؟

يفتش ؟؟؟ هاي مب صاحي .. اذا ما امنت فيها على جوال اشلون بتامن حياتك المستقبليه وبتامن على عيالك عندها ..

الخلاصه : نصيحه عط زوجتك الثقه الكاملة .. وهي بكيفها يا تحافظ على الثقه وتكبرها وتحتفظ فيها .. او اهي بحياتها تدمر كل شي ..
ومن وجهة نظري اذا الشك دخل في اي علاقة بين اثنين ( على العلاقه السلام ) ..

ودمتم سالمين ..

تقبل مروري

[captin]

تفتيش الزوجة جوال الزوج أو العكس

بداية لتزعزع الثقة بين الطرفين ومع مرور الوقت
سيتم التفتيش على امور اخرى وسيعيش كل طرف في شك دائم
وتنحدر العلاقة بين الزوجين إلى أدنى درجات الثقة وربما تتطور
إلى ما لايحمد عقباه

[ريم 28]

تفتيش الزوجة جوال الزوج أو العكس

بداية لتزعزع الثقة بين الطرفين ومع مرور الوقت
سيتم التفتيش على امور اخرى وسيعيش كل طرف في شك دائم
وتنحدر العلاقة بين الزوجين إلى أدنى درجات الثقة وربما تتطور
إلى ما لايحمد عقباه

نفس رأيك

واقول أختي انتصار

أنا ارئ أن الرجل له خصوصيات مع الرجال عيب المراه تقرأها مثلا البلاك بيري وصور الرجال وغيرها طبيعي الرجل يرفض

ونفس السي الزوجه سؤالف نسائيه خاصه.

وما الهدف أني افتش في الجوال غير أني شاكه وأدور لي مشكله


معقوله يا انتصار الاحتراكم والحب يبين إذا فتش جوالي وخليته

هو أكبر من هالسوالف

واذا افترضنا الهدف ليس سي إذا أمام عينه واستئذن منه أني أريد صوره مثلا أو شيء


ما له داعي أبدا التفتيش هذا من فعل الشيطان ووسوسته

[intesar]

نفس رأيك

واقول أختي انتصار

أنا ارئ أن الرجل له خصوصيات مع الرجال عيب المراه تقرأها مثلا البلاك بيري وصور الرجال وغيرها طبيعي الرجل يرفض

ونفس السي الزوجه سؤالف نسائيه خاصه.

وما الهدف أني افتش في الجوال غير أني شاكه وأدور لي مشكله


معقوله يا انتصار الاحتراكم والحب يبين إذا فتش جوالي وخليته

هو أكبر من هالسوالف

واذا افترضنا الهدف ليس سي إذا أمام عينه واستئذن منه أني أريد صوره مثلا أو شيء


ما له داعي أبدا التفتيش هذا من فعل الشيطان ووسوسته


ليش.. ما أشوف فيها شيء.. يعني الحين أثير مشكلة لأن هو بيفتش جوالي..
آنا أشوف العكس.. ومافي خصوصيات بين الزوجين.. ولا هي آخر الدنيا لو فتح تلفوني وفرأ ما بداخلها..

لو كان شاك فيني.. هذا الشيء يمكن يخليه يوقف عن شكه.. الحياة الزوجية ماتقف عند هاتف يتفتش فيه.. أعتقد لو طرف رفض أن الطرف الآخر يتطلع على هاتفه.. هني الفار بيلعب في عبه..

يعني مو قضية.. حتى أسوي من الحبه أوبه..

[بومحمد المطاوعه]

انا عن نفسي الحمدلله زوجتي مب من هالنوع

بس لو قالت عطني جوالك بشوفه

بعطيها لانها ام عيالي

والحمدلله ماعندي شي غلط فالجوال

حتى المسجات محترمه بين الربع

تمتعي يازوجتي خخخخ

سبحان الله يمكن تقول ها بتبدل

بنبادل ليش لا ههههههه

بس لو اي شخص طلب مني الجوال

ما اعطيه لو يحب راسي

ولو شفت اي شخص مسك جوالي اعطيه كلمتين

ويرده غصبن عنه

المشكله الكبيره مب ف الزوج والزوجه

المشكله الجوال بعض الاحيان تعطيه للاطفال ويصورون بالغلط

صحيح بتمسح الصوره بس لو بعت الجوال

المحلات الاكثريه منهم يطلعون الاشياء الممسوحه

حسبي الله عليهم لاذمه ولا ضمير

انا عن نفسي اي جوال ما ابيه

يوم انزل البحر ف الاسكوتر احذف الجوال قطعه قطعه فالبحر

ههههههههههه

الي يبي اي جوال يروح من الابراج المتعرجه بأتجاه

جزيره السافليه

عاد غاوص ف هالاحداثيه خخخخخخ

الله يحفظنا جميعا من النصابين*

[ريم 28]

ليش.. ما أشوف فيها شيء.. يعني الحين أثير مشكلة لأن هو بيفتش جوالي..
آنا أشوف العكس.. ومافي خصوصيات بين الزوجين.. ولا هي آخر الدنيا لو فتح تلفوني وفرأ ما بداخلها..

لو كان شاك فيني.. هذا الشيء يمكن يخليه يوقف عن شكه.. الحياة الزوجية ماتقف عند هاتف يتفتش فيه.. أعتقد لو طرف رفض أن الطرف الآخر يتطلع على هاتفه.. هني الفار بيلعب في عبه..

يعني مو قضية.. حتى أسوي من الحبه أوبه..

اذا هو بيفتش وشخصيه شكاكه اقول لا حول ولا قوة الا بالله

اطمن قلبه لابعد الحدود واجعله يفتش من اليوم لين بكره لكن بالتاكيد باخذ فكره ان ليس هناك اي ثقه ولن اقول شي



ولكن هنا اقول للزوج والزوجه ان يتعاملون مع الشخص الشكاك بحذر ويطمنون قلبه ولو ان هذا الطبع غير لائق ابدا

وانا استنكره ولا احبه ومن الغباء اني اعملها قضيه وامنعه بالعكس اطمن قلبه اكثر واكثر

لكن الرجال لديهم امور تختلف عن النساء نوعا ما فانا اشوفه عيب وقلت من قبل الزوج يفهم ويطمن زوجته افضل من الشجار واتصير قضيه

[فارس الامة]

أنا أشوف زوج له حق يفتش جوال زوجته ولكن زوجه مالها حق تفتش جوال زوجها.. مثل ما الرجل له حق يأخذ اربع وهي واحد... فالطرف الثاني مفروض يكون صريح مايخون.. اما زوج من حقة ممكن تكون زوجتة الثانية من باب حذر ما يعطيها مجال تفتش وايضا زوجة من باب صدمة عليها تتفادى اي مشاكل مع زوجها.. بكون متزوج ثانية بطلقها علشان فضولها..

[ريم 28]

انا عن نفسي الحمدلله زوجتي مب من هالنوع

بس لو قالت عطني جوالك بشوفه

بعطيها لانها ام عيالي

والحمدلله ماعندي شي غلط فالجوال

حتى المسجات محترمه بين الربع

تمتعي يازوجتي خخخخ

سبحان الله يمكن تقول ها بتبدل

بنبادل ليش لا ههههههه

بس لو اي شخص طلب مني الجوال

ما اعطيه لو يحب راسي

ولو شفت اي شخص مسك جوالي اعطيه كلمتين

ويرده غصبن عنه

المشكله الكبيره مب ف الزوج والزوجه

المشكله الجوال بعض الاحيان تعطيه للاطفال ويصورون بالغلط

صحيح بتمسح الصوره بس لو بعت الجوال

المحلات الاكثريه منهم يطلعون الاشياء الممسوحه

حسبي الله عليهم لاذمه ولا ضمير

انا عن نفسي اي جوال ما ابيه

يوم انزل البحر ف الاسكوتر احذف الجوال قطعه قطعه فالبحر

ههههههههههه

الي يبي اي جوال يروح من الابراج المتعرجه بأتجاه

جزيره السافليه

عاد غاوص ف هالاحداثيه خخخخخخ

الله يحفظنا جميعا من النصابين*

مره لقيت بنتي امصوره خواتي كلهم في رمضان اذكر وهم علئ السفره

ومصوره فيديو بعد واحنا ما ندري

وكل مره اتصور


واذا قفلت الجوال كل مره تحرق لي الكرت


واتخيل زوجي يفتش وشاف الفيديو الحمدلله اني امسح اول باول
والحمدلله هذه الصفه لا توجد فيه

والواحد ما يضمن يضيع الجوال او شي

[qatara]

بختصار قالوها الاولين وماكذبو

(لاتامن المره لا على مالك ولا على سرك)

[حسن]

بختصار قالوها الاولين وماكذبو

(لاتامن المره لا على مالك ولا على سرك)


منهو ذي اللي قالها ياكتارا طيب الله ثراه


:eek5:

:secret:

:funny:

[qatara]

منهو ذي اللي قالها ياكتارا طيب الله ثراه


:eek5:

:secret:

:funny:

في قصص الانبياء عضه

وقالوها الطيبيين بزمن الطيبين وماكذبو

[ريم 28]

بختصار قالوها الاولين وماكذبو

(لاتامن المره لا على مالك ولا على سرك)

لا تامن المرء علئ مالك وسرك

الا العزيز القريب

[qatara]

لا تامن المرء علئ مالك وسرك

الا العزيز القريب

ههههههههه
يامكثر ما تحورون الحجي
الامثال معروفه للي يعرفون وهو مثل معروف
تحياتي لج

[حسن]

لا تامن المرء علئ مالك وسرك

الا العزيز القريب

اها هذا الكلام معقول المرء مهب المره انا بغيت اشك في المراه وخواتي
جزاك الله خير على التوضيح

[ريم 28]

ههههههههه
يامكثر ما تحورون الحجي
الامثال معروفه للي يعرفون وهو مثل معروف
تحياتي لج

لا انا ما اقول امثال لكن قلت كلام اراه صواب

وفي مثل يقول

يا مامن الرجاله يا مامن الماي في الغربال

وانا ضد هالمثل بعد بالعكس الرجل الزوج هو الصديق والحبيب ومحل الثقه كلها

[ريم 28]

اها هذا الكلام معقول المرء مهب المره انا بغيت اشك في المراه وخواتي
جزاك الله خير على التوضيح

مو بعيده المثل هذا من تاليف كتارا

عمرنا ما سمعنا فيه

بس تذكرت اغنية قديمه في افتح يا سمسم


تحفظ سري
احفظ سرك

ههههههه

[qatara]

مو بعيده المثل هذا من تاليف كتارا

عمرنا ما سمعنا فيه

بس تذكرت اغنية قديمه في افتح يا سمسم


تحفظ سري
احفظ سرك

ههههههه

حشا والله والحشا عن الف يمين
مهب من تاليفي فهومثل معروف

شوفي لج قطري كبير عمر وابا عن جد
وساليه عن هذا المثل وشوفي وش يقولج

[قطري 777]

من حقها تفتش >>> :)

امممم افتش جوالها اممممم مب حلوة الرجال يحسس زوجنة انه شاك فيها جدا مب حلوة

وسلامتكممممممم:shy:

[ريم 28]

حشا والله والحشا عن الف يمين
مهب من تاليفي فهومثل معروف

شوفي لج قطري كبير عمر وابا عن جد
وساليه عن هذا المثل وشوفي وش يقولج

اخوي كتارا امزح معاك

اكيد موجود هالمثل

بس انا ضده

ورايك احترمه وتقبل مزحي

[الدوحة قطر]

بالنسبة لي جواويلي من يوم ما ادخل البيت محطوطة على الطاولة
ومرات اطلع من البيت واخذ معاي الجوال الرئيسي واخلي الجوال الثاني في البيت او العكس

الحمدلله جواويلي ما فيها اي شي اخاف ان غيري يشوفة او يطلع عليه

فزوجتي اذا بتاخذ التلفون وبتفرفر فيه بالنسبة لي اشوفه شي عادي جدا ما اعتبر هذا شي من خصوصياتي الي لازم محد يشوفها بالعكس اشوف ان ممكن تحصل في جوالي اشياء تسليها وتفيدها

وانا نفس الشي دايما اخذ الايفون مال زوجتي واقعد اللعب في الالعاب الي احبها وادش على النت واتصفح اذا كان مالي بارض اقعد على اللاب توب وعمري ما حسيت ان هالشي يضايق زوجتي بالعكس هي مرات تقولي دش على الصور شوف طرشولي صورة حلوة اليوم في الوتس اب او دش شوف مطرشين لي مقطع فيديو حلو

طبعا في ناس تقول ممكن يكون في صور خاصة في الجوال انا دايما اقول حق زوجتي او اي حد من هلي وانصح بعد ربعي وانصحكم انتو ان لحد يخزن صورة خاصة جدا او مقاطع فيديو خاصة جدا على الجوال لان محد يدري لا قدر الله الجوال يطيح في مكان او ينسرق او حتى يتعرض لبرامج اختراق وعقب تصير المصيبة ونتحسف

وبس هاذي مداخلتي في الموضوع

[سكتون]

رقم سري للجوال وخلاص
علشان يقدر يروح ويجي وجواله يضمن ان محد يقدر يفتحه

[بن جعران]

انا مره وصلني مسج مكتوب فيه انت اللي كنت فالمكان الفلاني !!!!

رديت عليها وقلت انا مالي في قلت الادب هذي !!!

وجوالي مايحفظ الرسايل المرسله !!!

وام العيال دوم تفتش جوالي وشافت المسج اللي وصلني!!!

وصرت كل مااكشخ وابي اطلع تقول اكيد رايح المكان الفلاني:rolleyes2:

[بومحمد المطاوعه]

مره لقيت بنتي امصوره خواتي كلهم في رمضان اذكر وهم علئ السفره

ومصوره فيديو بعد واحنا ما ندري

وكل مره اتصور


واذا قفلت الجوال كل مره تحرق لي الكرت


واتخيل زوجي يفتش وشاف الفيديو الحمدلله اني امسح اول باول
والحمدلله هذه الصفه لا توجد فيه

والواحد ما يضمن يضيع الجوال او شي

اوووه مشكله

عاد لاتبيعين الجوال

والله بيطلعون كل شي

حاسبي نصيحه

لو يسوى 5000 لاتبيعين

[ريم 28]

اوووه مشكله

عاد لاتبيعين الجوال

والله بيطلعون كل شي

حاسبي نصيحه

لو يسوى 5000 لاتبيعين

مشكور اخوي علئ التنبيه


لله الحمد ما نبيع الجوال ولا الايباد ولا الايبود

شكر لك

[بومحمد المطاوعه]

مشكور اخوي علئ التنبيه


لله الحمد ما نبيع الجوال ولا الايباد ولا الايبود

شكر لك


الشكر لله تعالى

انا يوم انزل ف سكوتري البحر

احذفهم ف البحر

حتى لو حد طلعهم بعد ساعه ماينفع بريال

لو تبين انا بحذفهم عطيني :tease:

[ريم 28]

الشكر لله تعالى

انا يوم انزل ف سكوتري البحر

احذفهم ف البحر

حتى لو حد طلعهم بعد ساعه ماينفع بريال

لو تبين انا بحذفهم عطيني :tease:

هههههه

مشكور ما تقصر

[بومحمد المطاوعه]

الشكر لله تعالى

[احمد1]

7000 مسج واتس اب ايجيني ودايمن ام العيال تشوف المسجات عادي

[لولو2022]

بالنسبة لي جواويلي من يوم ما ادخل البيت محطوطة على الطاولة
ومرات اطلع من البيت واخذ معاي الجوال الرئيسي واخلي الجوال الثاني في البيت او العكس

الحمدلله جواويلي ما فيها اي شي اخاف ان غيري يشوفة او يطلع عليه

فزوجتي اذا بتاخذ التلفون وبتفرفر فيه بالنسبة لي اشوفه شي عادي جدا ما اعتبر هذا شي من خصوصياتي الي لازم محد يشوفها بالعكس اشوف ان ممكن تحصل في جوالي اشياء تسليها وتفيدها

وانا نفس الشي دايما اخذ الايفون مال زوجتي واقعد اللعب في الالعاب الي احبها وادش على النت واتصفح اذا كان مالي بارض اقعد على اللاب توب وعمري ما حسيت ان هالشي يضايق زوجتي بالعكس هي مرات تقولي دش على الصور شوف طرشولي صورة حلوة اليوم في الوتس اب او دش شوف مطرشين لي مقطع فيديو حلو

طبعا في ناس تقول ممكن يكون في صور خاصة في الجوال انا دايما اقول حق زوجتي او اي حد من هلي وانصح بعد ربعي وانصحكم انتو ان لحد يخزن صورة خاصة جدا او مقاطع فيديو خاصة جدا على الجوال لان محد يدري لا قدر الله الجوال يطيح في مكان او ينسرق او حتى يتعرض لبرامج اختراق وعقب تصير المصيبة ونتحسف

وبس هاذي مداخلتي في الموضوع


انا مثلك عادي .. اصلا هو الي يشحن جوالي اذا فظى
ويذكرني اذا في رسايل ماقريتها
الموضوع بسيط ، بس في ناس مكبره السالفه

[ريم 28]

يا جماعة الخير الموضوع مب ممنوع يمسك الجوال عادي كلنا انطل في جواييل بعض ونستخدمها


الموضوع تفتيش ارجوا فهم معنئ التفتيش

التفتيش = اخذ الجوال يوميا لهدف البحث في السجلات والصور والاستديوا عل وعسئ اصيد شي وانتظر اللحظه المناسبه للتفتيش

الخلوق ما يفتش اعطيكم اياها من الاخر

[بومحمد المطاوعه]

يا جماعة الخير الموضوع مب ممنوع يمسك الجوال عادي كلنا انطل في جواييل بعض ونستخدمها


الموضوع تفتيش ارجوا فهم معنئ التفتيش

التفتيش = اخذ الجوال يوميا لهدف البحث في السجلات والصور والاستديوا عل وعسئ اصيد شي وانتظر اللحظه المناسبه للتفتيش

الخلوق ما يفتش اعطيكم اياها من الاخر

كفووووو

وين كل يوم تفتيش اشدعوه

داش وزاره وقروب فور يفتشني ههههههههههه

لا يبه هاي الي يفتش كل يوم وشاك

هاي فيه مرض نفسي اصلن

بعيد الشر

[ريم 28]

كفووووو

وين كل يوم تفتيش اشدعوه

داش وزاره وقروب فور يفتشني ههههههههههه

لا يبه هاي الي يفتش كل يوم وشاك

هاي فيه مرض نفسي اصلن

بعيد الشر

من العنوان الواحد يفهم الموضوع كيف تتصرف مع زوجه تفتش جوالك

بالعربي الفصيح

تشك بك

او انت تشك بها

وهكذا وكانك عايش مع كونان

المحقق كونان


هههههه

فالتفتيش اكيد مرفوض لاي عاقل

[تاجر كشخة]

اللي خايف من شي بيخاف يتفتش جواله


اماا اللي واثق من نفسه عادي

صدقت الي خاش شي هو الي يخاف من تفتيش الجوال انا اشوف انه ما في شي اسمه خصوصية بين الزوجين الا اذا كانت الزوجه خايفه على صور رفيجاتها مثلا متى صار خصوصية بين الزوجين يبدء الشك لما انا اخش جوالي وما ابي احد يفتحه هاي معناته اني خاش سوواد وجه وكذلك المرءه

قال ايش قال خصوصيه فاهمين الخصوصيه غلط انتوا

[الزعفراني]

يا جماعة الخير الموضوع مب ممنوع يمسك الجوال عادي كلنا انطل في جواييل بعض ونستخدمها


الموضوع تفتيش ارجوا فهم معنئ التفتيش

التفتيش = اخذ الجوال يوميا لهدف البحث في السجلات والصور والاستديوا عل وعسئ اصيد شي وانتظر اللحظه المناسبه للتفتيش

الخلوق ما يفتش اعطيكم اياها من الاخر

:nice:

[الزعفراني]

الحمدلله مب متزوج ههههههه

الله يوفقك ويكتب لك ان شاء الله :nice:

[وطن]

اللي يبوق يخاف على بيته ينباق
صح ولا ؟؟

يعني اللي يخون يخاف من الخيانة
وراح يفتش
أما الواثق ما راح يهمه يفتش و يراقب ويدقق


لا احد يعصب علي :secret:

[قطري2012]

عادي جدا
افتش جوالها انا بعد
وحده بوحده

[بومحمد المطاوعه]

من العنوان الواحد يفهم الموضوع كيف تتصرف مع زوجه تفتش جوالك

بالعربي الفصيح

تشك بك

او انت تشك بها

وهكذا وكانك عايش مع كونان

المحقق كونان


هههههه

فالتفتيش اكيد مرفوض لاي عاقل

صحيح العاقل مايسويها

بس لو خاطري اشوف جوال زوجتي مافيها شي

حتى لوخاطرها تشوف

يمكن انا عندي ايفون قديم واهي اليديد

وتبيي تبدل خير وبركه هههههههههههههه


كونان كان يدرس وياي :tease:

[ريتويت]

المشكلة اكثر الحريم اتقولك حرية شخصية وانعدام الثقة !! لا يبه عـــــــــــــــــــــــــــادي يشوف جوالي اشوف جواله باخذ مسج حلو ولا صورة ولا دعاء فيديو يعني المشاركة حلوة وفيها صور وذكريات حلوة لا لا ترى عادي سهالات .. للأسف فيه ناس اتحط حجج واهيه ومالها داعي ..

الحياة حلوة وطبيعية وماشية فول الفول ..:nice:

[بن جعران]

بصراحة لبعض الأزواج يعني ليش عندك اكثر من جوالين ليش؟؟ ولا اتحط فيهم باس وورد؟؟ ليش؟؟ وجوال مرتك دايما من فترة لفترة هذا اذا مب كل يوم اتنبش فيه واتدور على الأرقام من غير اسم وتفتح لها تحقيق؟؟ ليش؟؟

لا تبوق لا تخاف ..!

[بومحمد المطاوعه]

اللي يبوق يخاف على بيته ينباق
صح ولا ؟؟

يعني اللي يخون يخاف من الخيانة
وراح يفتش
أما الواثق ما راح يهمه يفتش و يراقب ويدقق


لا احد يعصب علي :secret:

ههههههههههههههههه

كلامج نفس الكلام قاله لي واحد سوداني

ههههههههههههه

صحيح

بارك الله فيج

[ريم 28]

صحيح العاقل مايسويها

بس لو خاطري اشوف جوال زوجتي مافيها شي

حتى لوخاطرها تشوف

يمكن انا عندي ايفون قديم واهي اليديد

وتبيي تبدل خير وبركه هههههههههههههه


كونان كان يدرس وياي :tease:

اكيد عادي يشوف يا اخوي بالعكس مب خط احمر وسالفه

واحنا انشوف جوالات بعد ونلعب فيها وننتصل منها عادي جدا

المرفوض مبدا التفتيش هذا عيب

رساله بينك وبين صديقك شكت والا كل يوم سين وجيم


الشكاك
هذا مريض الله يعينهم علئ بعض اذا هذا طبعهم

وبالفعل الي يشك وصاير كونان هذا يرئ الناس بعين طبعه بالتالي يشك ويفتش يوميا

[بن جعران]

اقول لبعض الحريم مو قصدي شي .!! بس مال اول اتفتش بالرسايل والصور فتشو الأسامي اسم غريب ومو معروف مثلا هونغا بونغا اهنية عاد اشكرة الدم فار والحرارة مرتفعة ..! هههههههههههه لا تصدقون وكل وحده تسمك جوال زوجها الحينه وتسون فيها مخابرات وافلام .. الله يعين شي مب هين من الي نشوفه ونسمعه

[بومحمد المطاوعه]

اكيد عادي يشوف يا اخوي بالعكس مب خط احمر وسالفه

واحنا انشوف جوالات بعد ونلعب فيها وننتصل منها عادي جدا

المرفوض مبدا التفتيش هذا عيب

رساله بينك وبين صديقك شكت والا كل يوم سين وجيم


الشكاك
هذا مريض الله يعينهم علئ بعض اذا هذا طبعهم

وبالفعل الي يشك وصاير كونان هذا يرئ الناس بعين طبعه بالتالي يشك ويفتش يوميا

صحيح والله صدقتي

عاد المريض الله يشفيه

قلتيها بنفسج مريض

بس المشكله

بعضهم يقول حق مرته عطيني جوالج بشوف

بطريقه جهنميه

ولو اطلبت جواله صبه العرق ههههههههههه

بنقلووووووووش

[بن جعران]

أنا أشوف زوج له حق يفتش جوال زوجته ولكن زوجه مالها حق تفتش جوال زوجها.. مثل ما الرجل له حق يأخذ اربع وهي واحد... فالطرف الثاني مفروض يكون صريح مايخون.. اما زوج من حقة ممكن تكون زوجتة الثانية من باب حذر ما يعطيها مجال تفتش وايضا زوجة من باب صدمة عليها تتفادى اي مشاكل مع زوجها.. بكون متزوج ثانية بطلقها علشان فضولها..


ماشاءالله ابهجني واتحفني ردك المثالي .. في اي زمن جميل احنا عايشين فيه ؟؟:discuss:

[ريتويت]

أنا أشوف زوج له حق يفتش جوال زوجته ولكن زوجه مالها حق تفتش جوال زوجها.. مثل ما الرجل له حق يأخذ اربع وهي واحد... فالطرف الثاني مفروض يكون صريح مايخون.. اما زوج من حقة ممكن تكون زوجتة الثانية من باب حذر ما يعطيها مجال تفتش وايضا زوجة من باب صدمة عليها تتفادى اي مشاكل مع زوجها.. بكون متزوج ثانية بطلقها علشان فضولها..



واكيد لازم ياخذ له 4 جواويل وهي جوال واحد بس سؤال هالفتوى في اي مذهب؟؟؟؟

[بومحمد المطاوعه]

واكيد لازم ياخذ له 4 جواويل وهي جوال واحد بس سؤال هالفتوى في اي مذهب؟؟؟؟

مذهب الشكوكي ههههههههه

عاد اهو بالفيت بزنس واخرتها مديون للبنك :tease:

اهو بلاك بيري بولد

واهي كيرف القديم بو كوره خخخخخ

مسكينه ماتبونها ترفع المهر ههههههههههههههه

الله يهديهم

[ريتويت]

مذهب الشكوكي ههههههههه

عاد اهو بالفيت بزنس واخرتها مديون للبنك :tease:

اهو بلاك بيري بولد

واهي كيرف القديم بو كوره خخخخخ

مسكينه ماتبونها ترفع المهر ههههههههههههههه

الله يهديهم

ههههههههه ماشاء الله بعض الردود يحسسونك انهم مشيخه الازهر ولا دار الافتى حقت طهران .. اووووووووووووووف ضغطي ارتفع . الحقوووني بالشاهي

[بومحمد المطاوعه]

ههههههههه ماشاء الله بعض الردود يحسسونك انهم مشيخه الازهر ولا دار الافتى حقت طهران .. اووووووووووووووف ضغطي ارتفع . الحقوووني بالشاهي

هههههههههههههه

الله يعينج

اشربي عصير خيار خخخخخ

[العلم]

هي خلها تجي والجوال كله يفداها هههههههههههههههه



الصراحة بحبها زيادة لأن هذا دليل انها تغار علي وتحبني وبحاول ابين لها اني ماعرفت انها تفتش الجوال .


وانا ماعندي مشكلة لأني واثق من روحي

[إكليل الزهور]

من وجهة نظري مافي سبب للتفتيش غير الشك.. اللي يرضى ان الطرف الآخر يفتش جواله مب معناها أنه من حقه هو يفتش...

[بن جعران]

هي خلها تجي والجوال كله يفداها هههههههههههههههه



الصراحة بحبها زيادة لأن هذا دليل انها تغار علي وتحبني وبحاول ابين لها اني ماعرفت انها تفتش الجوال .


وانا ماعندي مشكلة لأني واثق من روحي


ان شاءالله يرزقك ببنت الحلال القطرية الطيبة بنت الأجاويد واذا عالجوال والي يفتشونه ترى صدق من باب محبتها لك وسوي كنك مادريت .. ههههههههه حلو حلو

[halcrow]

انا اعتقد ان الشخص الي يسمح لزوجته تنبش جواله هو ( خيخه ) وهالمصطلح من باب الخوف والترهيب من الزوجه لا من باب الاحترام . طبعا اكيد المعارضين بيقولون ليش .. خلونا نقولكم ليش .....لان الجوال المتعارف عليه حاليا هو اصلا عباره عن محادثات وسوالف سواء كانت خاصه جدا او عامه وهالشي ينطبق مثلا ع البلاك بيري . وطبيعه الانسان له اصدقاء او امور خاصه او مواضيع بين الاشخاص من امور يتحتم عليه ان مايقولها لزوجته ونفس هالشي ينطبق ع زوجته من مشاكل اجتماعيه او غيره. فكل شخص لازم يكون مؤتمن علي سره ولا ماعاد فيه وفا .. نرجع للي يقول انا احب زوجتي انا ماسوي شي اذن فتشي وقري ... سؤال هل ترضى مثلا ان زوجتك تتنصت علي سوالف ربعك في مجلسك العامر وتسمع كل شخص شيقولون او في من مثلا يشكيلك وبنفس الوقت ينطبق ع المراءه وهل ترضين زوجك يسمع سوالفك مع صديقاتك .. اكيد لا واخيرا وهذا الي اعرفه ان اجهزه المحمول صارت اكبر من موضوع ارقام . صارت عباره عن قروبات ومحادثات واكثر من هي مكالمات ويظل الاحترام المتبادل بين الزوجين والثقه اسمى وارقي من شوف جوالي وشوف جوالك والسموحه علي كلمه ( خيخه )

[Abdulraman]

جوالي مافي شي ولكن ماارضى زوجتي تفتش في جوالي ومب احسنلها واذا اكتشفت انها فتشت بكسر الجوال على راسها

[العلم]

الصراحة اقتنعت بجزء من كلامك على سالفة الاسرار بين الاصدقاء



بس في طريقة تقدر تحل الموضوع فيها وهي انك تمسح كل شي يتعلق بخصوصية الاخرين



وانبسط يعمممم هههههههه

[العلم]

ابو عبد الرحمن. ههههههههههههه





اذا انك مخربها مخربها لاتخسر الجوال عالاقل هههههههه

[Abdulraman]

ابو عبد الرحمن. ههههههههههههه





اذا انك مخربها مخربها لاتخسر الجوال عالاقل هههههههه

اي والله خساره الجوال ينكسر بس بكسر راسها بقلاص ههههههههههههههههههه

[بومحمد المطاوعه]

جوالي مافي شي ولكن ماارضى زوجتي تفتش في جوالي ومب احسنلها واذا اكتشفت انها فتشت بكسر الجوال على راسها

:anger1:

لالا مايصير يالغالي

بتزيد الطين بله

حرام ياخي

ان شاءالله ماتفتش ولا تحطك ف هالموقف :)

[بومحمد المطاوعه]

هي خلها تجي والجوال كله يفداها هههههههههههههههه



الصراحة بحبها زيادة لأن هذا دليل انها تغار علي وتحبني وبحاول ابين لها اني ماعرفت انها تفتش الجوال .


وانا ماعندي مشكلة لأني واثق من روحي

كفو عليييك

وان شاءالله ربي يرزقك بنت الحلال السنعه

والله يسر امرك ان شاءالله

[بوغانم995]

..................فمن زرع حصد ......وقوله : {وَلَا تَزِرُ وَازِرَةٌ وِزْرَ أُخْرَى} يعلم عز وجل عباده أن على كل نفس ما جنت .

وأن الطيور على أشكالها تقعوا

[ريم 28]

انا اعتقد ان الشخص الي يسمح لزوجته تنبش جواله هو ( خيخه ) وهالمصطلح من باب الخوف والترهيب من الزوجه لا من باب الاحترام . طبعا اكيد المعارضين بيقولون ليش .. خلونا نقولكم ليش .....لان الجوال المتعارف عليه حاليا هو اصلا عباره عن محادثات وسوالف سواء كانت خاصه جدا او عامه وهالشي ينطبق مثلا ع البلاك بيري . وطبيعه الانسان له اصدقاء او امور خاصه او مواضيع بين الاشخاص من امور يتحتم عليه ان مايقولها لزوجته ونفس هالشي ينطبق ع زوجته من مشاكل اجتماعيه او غيره. فكل شخص لازم يكون مؤتمن علي سره ولا ماعاد فيه وفا .. نرجع للي يقول انا احب زوجتي انا ماسوي شي اذن فتشي وقري ... سؤال هل ترضى مثلا ان زوجتك تتنصت علي سوالف ربعك في مجلسك العامر وتسمع كل شخص شيقولون او في من مثلا يشكيلك وبنفس الوقت ينطبق ع المراءه وهل ترضين زوجك يسمع سوالفك مع صديقاتك .. اكيد لا واخيرا وهذا الي اعرفه ان اجهزه المحمول صارت اكبر من موضوع ارقام . صارت عباره عن قروبات ومحادثات واكثر من هي مكالمات ويظل الاحترام المتبادل بين الزوجين والثقه اسمى وارقي من شوف جوالي وشوف جوالك والسموحه علي كلمه ( خيخه )

صادق لكن انا مش مع كلكمة خيخه هههه
ونرجع انقول عيب
الوحده المفروض تستحي تقرا سوالف الرياجيل او صورهم او حركاتهم واللي هو


التفتيش لضعاف النفوس والشكاكين
والغيره تفرق عن الشك كثير

[بن جعران]

الي مايرضى ان زوجته تشوف جواله ماقلنا اتفتش يلا خففنا الكلمة اشوي من باب الفضول وخاصة اذا كان جواله جديد تبي اتعرف مثلا مميزاته اتشوف استخدامه ليش يعصب ويثور كنها انتغصت من رجولته يوم يشوف جواله بيدها ؟؟ وعلى قولة بعضكم اخواني انه في سوالف رجاجيل وربع خاصه وماله داعي المرة تدري عنهم ؟؟

طيب ليش انت لك الحق الكامل في الأطلاع على ممتلكاتها الشخصية هاه ماقلنا يفتش بسبب الشك ولا الغيرة ولا مهما كان السبب الي حاب يتعذر فيه؟؟ وتشوف محادثاتها او رسايلها مع صديقاتها وخواتها وكله وتسأل من هذي؟؟ من بنته؟؟ وين شغاله؟؟ متزوجة؟؟ ومن هالأسئله الي مالها داعي .. فيه تناقض كبير

[abo0o0od QtR]

ليس من حق الزوج التجسس على زوجته في أشيائها الخاصة؛ ولا من حق الزوجة التجسس على زوجها في أشيائه الخاصة، كالمحفظة والحقيبة والجوال؛ لأن هذا من التجسس الذي نُهينا عنه في قوله تعالى: "ولا تجسسوا" الآية، وهذه وإن دفعت إليها الغيرة إلا إنها غيرة مذمومة؛ لأنها بريبة؛ فقد قال صلى الله عليه وسلم: "إن من الغيرة ما يحب الله، ومنها ما يبغض الله، فأما الغيرة التي يحبها الله فالغيرة في الريبة، وأما الغيرة التي يبغض الله فالغيرة في غير الريبة" الحديث، رواه أحمد بسند جيد عن جابر بن عتيك. والله أعلم.

[ريم 28]

ليس من حق الزوج التجسس على زوجته في أشيائها الخاصة؛ ولا من حق الزوجة التجسس على زوجها في أشيائه الخاصة، كالمحفظة والحقيبة والجوال؛ لأن هذا من التجسس الذي نُهينا عنه في قوله تعالى: "ولا تجسسوا" الآية، وهذه وإن دفعت إليها الغيرة إلا إنها غيرة مذمومة؛ لأنها بريبة؛ فقد قال صلى الله عليه وسلم: "إن من الغيرة ما يحب الله، ومنها ما يبغض الله، فأما الغيرة التي يحبها الله فالغيرة في الريبة، وأما الغيرة التي يبغض الله فالغيرة في غير الريبة" الحديث، رواه أحمد بسند جيد عن جابر بن عتيك. والله أعلم.

الحمدلله

تعجبني هذه الردود وصلنا خير

بارك الله فيك

ليعلم من لا يعلم

[qatara]

شفيها يعني لو الزوج تفرج على جوال زوجته

ليش البعض يعتبرها تفتيش ما يعتبرهاحب استطلاع

مثل ما قال نبي الله ابراهيم عليه الصلاة والسلام
لما طلب رويه الله لم يكن يشك بالله بل قال ليطمئن قلبي

فالزوج يتكشف على امور مقدسه ومحرمه ومحضوره على غيره
ويتم التتخوف من قبل المراه من ان يرى تيلفونها ؟!
فهي وتيلفونها ملك يمينه شرعا وعرفا

فسبحان الله استغرب ان يكون الرجل كانه موظف
عند زوجته تملي عليه ما يحق ولا يحق

ويقولون تفاهم اي تفاهم مع وحده تخاف ووتغضب
ان يرى زوجها شي من جوالها
وماهو الشي المخبا الذي لا يعجبها ان يطلع عليه
ولاراح يرد البعض السالفه تفاهم

هل التفاهم المقصود = كون مطيع مثلا

[لولو2022]

صادق لكن انا مش مع كلكمة خيخه هههه
ونرجع انقول عيب
الوحده المفروض تستحي تقرا سوالف الرياجيل او صورهم او حركاتهم واللي هو


التفتيش لضعاف النفوس والشكاكين
والغيره تفرق عن الشك كثير


اختي ردودك غريبه ..
اشلون يعني الوحده لازم تستحي تقرا سوالف الرجاجيل ، وانتي ماشاء الله في منتدي اغلبهم رجاجيل ، والامور ماشيه
ولا مع الزوج عيب والغريب عادي
ماحب التناقض

[ريم 28]

اختي ردودك غريبه ..
اشلون يعني الوحده لازم تستحي تقرا سوالف الرجاجيل ، وانتي ماشاء الله في منتدي اغلبهم رجاجيل ، والامور ماشيه
ولا مع الزوج عيب والغريب عادي
ماحب التناقض

اي تناقض اختي

الان المنتدئ عام

وهل سوالفه مثل سوالف الزوج الخاصه مع اصدقائه

مشكلة البعض لا يفرق

[بومحمد المطاوعه]

اي تناقض اختي

الان المنتدئ عام

وهل سوالفه مثل سوالف الزوج الخاصه مع اصدقائه

مشكلة البعض لا يفرق

صحيح كلامج اختي ريم

المنتدى عام وسوالف بكل احترام

اما في مسجات الزوج مع اصدقائه يمكن تكون كلمات سوقيه مثلا

[qatara]

اختي ردودك غريبه ..
اشلون يعني الوحده لازم تستحي تقرا سوالف الرجاجيل ، وانتي ماشاء الله في منتدي اغلبهم رجاجيل ، والامور ماشيه
ولا مع الزوج عيب والغريب عادي
ماحب التناقض

ههههههههه
صدقتي

[ريم 28]

شفيها يعني لو الزوج تفرج على جوال زوجته

ليش البعض يعتبرها تفتيش ما يعتبرهاحب استطلاع

مثل ما قال نبي الله ابراهيم عليه الصلاة والسلام
لما طلب رويه الله لم يكن يشك بالله بل قال ليطمئن قلبي

فالزوج يتكشف على امور مقدسه ومحرمه ومحضوره على غيره
ويتم التتخوف من قبل المراه من ان يرى تيلفونها ؟!
فهي وتيلفونها ملك يمينه شرعا وعرفا

فسبحان الله استغرب ان يكون الرجل كانه موظف
عند زوجته تملي عليه ما يحق ولا يحق

ويقولون تفاهم اي تفاهم مع وحده تخاف ووتغضب
ان يرى زوجها شي من جوالها
وماهو الشي المخبا الذي لا يعجبها ان يطلع عليه
ولاراح يرد البعض السالفه تفاهم

هل التفاهم المقصود = كون مطيع مثلا



اخوي كتارا يطمن قلبه مع بنته الصغيره يخاف عليها

اما زوجته كبيره عيب يحسسها انه يفتش وشاك ويعاملها هالمعامله

عندها خصوصيات مع اهلها خواتها مشاكلهم ووووو

هذا تجسس ولا يجوز بين الزوجين لان يجعل فجوه بينهم والعلاقه تسوء بينهم

نتكلم عن التجسس والبحث بشكل يومي او مستمر

علشان محد يطلع ويقول عادي يمسك جوالي تراه مب ممنوع بكن طبع الشك والتجسس ممنوع


واذا انت تريد اتعاملها هالمعامله يا كتارا اذا اتركها تعاملك بالمثل ولا ما يجوز

[لولو2022]

اي تناقض اختي

الان المنتدئ عام

وهل سوالفه مثل سوالف الزوج الخاصه مع اصدقائه

مشكلة البعض لا يفرق


مافي بين الزوج وزوجته سوالف خاصه
بلعكس يرجع من الشغل ويسولف عن شغله
وهي ترجع من العرس ولا عشى وبتسولف له عن كل شي ، مافي سوالف خاصه ، الا بلعكس في ادق التفاصيل بنتكلم

[ريم 28]

مافي بين الزوج وزوجته سوالف خاصه
بلعكس يرجع من الشغل ويسولف عن شغله
وهي ترجع من العرس ولا عشى وبتسولف له عن كل شي ، مافي سوالف خاصه ، الا بلعكس في ادق التفاصيل بنتكلم

هذه وجهة نظرك ورايك نحترمها

فاحترمي وجهة نظري ورايي

وطبعا اغلب الازواج يعانون من كونان
واغلب الزوجات كذلك

والاصيل والفاهم والعاقل لا يفعلها

وكفايه ديننا يحرم التجسس

[ريم 28]

صحيح كلامج اختي ريم

المنتدى عام وسوالف بكل احترام

اما في مسجات الزوج مع اصدقائه يمكن تكون كلمات سوقيه مثلا

بعضهم فري وانا اختك

يخلطون الحابل بالنابل وحتئ كلامه وتفسيرهم غير متزن

الحين المنتدئ وتواصلي مع الاعضاء بشكل عام

مثله بالضبط سوالف اصدقاء زوجي

وخصوصياتهم وصورهم الشبابيه ووووو الفاظهم

مالداعي لكل هذا غير الشك والمرض او اللقافه الزايده

[بومحمد المطاوعه]

بعضهم فري وانا اختك

يخلطون الحابل بالنابل وحتئ كلامه وتفسيرهم غير متزن

الحين المنتدئ وتواصلي مع الاعضاء بشكل عام

مثله بالضبط سوالف اصدقاء زوجي

وخصوصياتهم وصورهم الشبابيه ووووو الفاظهم

مالداعي لكل هذا غير الشك والمرض او اللقافه الزايده

اي والله شك ومرض ولقافه زياده

صحيح المنتدى غير والمسجات غير

يعني تخيلي وايحد كاتب ف المسج

ها علوي يالطقن متى نشوفك اليوم

هههههههههههه

ومرته تشوف المسج

مب شي احس

لو تهاوشو بتقوله اسكت اسكت يالطقن ههههههههههههههههههه

عادي يطيح من عينه

او مثلا الزوج ماخذ جوال مرته

وشاف مسج من رفيجة زوجه

ها سبووج ام علوووج

متى بتتصلين لي

هههههههههههه

مب شي كلش يعني

الله يهديهم بعض الناس وده يعرف عن زوجته كم مره طرشتي مسج هههههههه

بعيد الشر مرض نفسي

[لولو2022]

اي والله شك ومرض ولقافه زياده

صحيح المنتدى غير والمسجات غير

يعني تخيلي وايحد كاتب ف المسج

ها علوي يالطقن متى نشوفك اليوم

هههههههههههه

ومرته تشوف المسج

مب شي احس

لو تهاوشو بتقوله اسكت اسكت يالطقن ههههههههههههههههههه

عادي يطيح من عينه

او مثلا الزوج ماخذ جوال مرته

وشاف مسج من رفيجة زوجه

ها سبووج ام علوووج

متى بتتصلين لي

هههههههههههه

مب شي كلش يعني

الله يهديهم بعض الناس وده يعرف عن زوجته كم مره طرشتي مسج هههههههه

بعيد الشر مرض نفسي


هههههههههههههه
يحليلك ياولد المطاوعه
تبي تكحلها عميتها
تسلم على الرد

[العلم]

انا من وجهة نظري هذا شيء ما راح انصح احد فيه ولاراح اقول لأحد يسويه





لكن لو صار بعتبره شيء عادي ومن جاانب الحب والحرص



خلو حياتكم حلوه وفيها اكشن واثاره ههههههههههه

[ريم 28]

انا من وجهة نظري هذا شيء ما راح انصح احد فيه ولاراح اقول لأحد يسويه





لكن لو صار بعتبره شيء عادي ومن جاانب الحب والحرص



خلو حياتكم حلوه وفيها اكشن واثاره ههههههههههه

جزاك الله خير

هذا الاهم عدم النصح بهذا الشي

لان هناك بيوت تدمرت وحالات طلاق والسبب التجسس

والاكشن حلو لبعض الازواج المتساهلين ويتغاضون

فالهدف الاساسي ننصح لا اكثر ولا اقل

[alsoq]

دامني ما اخونها وماشي سيده خلها تفتش على راحتها
ما يثور او يغضب الى اللي خاش شي وضعه مو سليم:)

[qatara]

اخوي كتارا يطمن قلبه مع بنته الصغيره يخاف عليها

اما زوجته كبيره عيب يحسسها انه يفتش وشاك ويعاملها هالمعامله

عندها خصوصيات مع اهلها خواتها مشاكلهم ووووو

هذا تجسس ولا يجوز بين الزوجين لان يجعل فجوه بينهم والعلاقه تسوء بينهم

نتكلم عن التجسس والبحث بشكل يومي او مستمر

علشان محد يطلع ويقول عادي يمسك جوالي تراه مب ممنوع بكن طبع الشك والتجسس ممنوع


واذا انت تريد اتعاملها هالمعامله يا كتارا اذا اتركها تعاملك بالمثل ولا ما يجوز

بما انه حامي البيت ومسئول عنه فيحق له
اما اذا كانت هي رجل البيت والقائمه به فلايحق له
ان كان طرور عندها وهي رجل البيت

والنظيفه لا يهمها تلقين جوالها محذوف حتى عند عيالها

اما بخصوص صغيره وكبيره

فاعتذر عن هذه الكلمه
الخراب تعلموه الصغار من من اليس من الكبار

[لولو2022]

بما انه حامي البيت ومسئول عنه فيحق له
اما اذا كانت هي رجل البيت والقائمه به فلايحق له
ان كان طرور عندها وهي رجل البيت

والنظيفه لا يهمها تلقين جوالها محذوف حتى عند عيالها

اما بخصوص صغيره وكبيره

فاعتذر عن هذه الكلمه
الخراب تعلموه الصغار من من اليس من الكبار


اي والله يا كتارا ،ا شلون واحد مدلعني ومايقصر على في شي
ايشاركني في ادق التفاصيل
حتى في لون سيارته الي بياخذها
اجي بعدها وقول .. لوسمحت جوالي في اشياء خاصه
يا كبرها عند الله
الا حلاله الجوال وراعيته واهلها كلهم
لو اعرف اقول شعر

[qatara]

اي والله يا كتارا ،ا شلون واحد مدلعني ومايقصر على في شي
ايشاركني في ادق التفاصيل
حتى في لون سيارته الي بياخذها
اجي بعدها وقول .. لوسمحت جوالي في اشياء خاصه
يا كبرها عند الله
الا حلاله الجوال وراعيته واهلها كلهم
لو اعرف اقول شعر

ثبتج الله بعلقج وتمم لج السعاده مع ابي اولادج
فمن حقه ولا شك حتى لو قصر فانتي لاتقصرين
ليس له لاكن لحقه بما امرج الله به
اليست هي بكبرها ملك يمينه
وان احسنت كانت سيده زوجاته في الجنه

[شبل الجزيره]

والله الي خاش شي هو الي بيخاف... خلها تاخذ راحتها وتفتش وتنبش الين تقول بس وعقب ماتخلص الاموره قولها الحين جا دوري يالله جيبي تلفونج

[ريم 28]

كتارا لولو

نقول له ثور يقول احلبوه

بالفعل انتوا في وادي اخر اذا اتردون علئ كلامي انتوا مستحيل مستوعبين اللي اقوله

[qatarshark]

أنا صارلي 14 سنة متزوج عمري مافكرت افتش جوال زوجتي ولاهي بعد تفتش جوالي لان في شي اسمه ثقه واحترام للخصوصيات
مايفتش الا الي شاك والله يبعد عنا الشك
حتى العيال ما أعلمهم على التفتيش بالعكس أعلمهم على الصراحة والوضوح
لنفرض أنا عندي مشكلة مع اختي او اخوي ونناقشها بالجوال ماراح اسمح لزوجتي تشوف جوالي لان خصوصياتي مع اخواني مب كلها تعرفها زوجتي

اعتقد فهمتوا الي ابغي اوصل له
وتقبلوا تحياتي

أخوكم : شارك:nice:

[ANONYMOUS]

باختصار والقاعده تقول

لاتبوق لاتخاف


بلا حريه شخصيه بلا خصوصيه بلا اشياء خاصه بلا شك بلا تجسس بلا بطيخ

[لولو2022]

باختصار والقاعده تقول

لاتبوق لاتخاف


بلا حريه شخصيه بلا خصوصيه بلا اشياء خاصه بلا شك بلا تجسس بلا بطيخ


ههههههههههههه
اتصدق حسسوني ان كل واحد عنده اسرار الدوله وخايف مرته تعرف
واذا عندك اسرار ليش اتحطها في الجوال

[لولو2022]

كتارا لولو

نقول له ثور يقول احلبوه

بالفعل انتوا في وادي اخر اذا اتردون علئ كلامي انتوا مستحيل مستوعبين اللي اقوله


ريم لتزعلين الموضوع بسيط
اصلا لازم في كل موضوع حد يكون في وادي
استمري والى الامام

[حميداني]

الموضوع ما يقتصر على الخيانه والامور الثانيه , مثل ما قالو الاخوان هي احترام مساحتي الشخصيه

لا سامح الله صار شي ما شي احتجت سلف او سلفت واحد , في اشياء الرجال نفسه مايحب يشاركها مع مرته
ان لا سامح الله مثل هالمواقف صارت وانت ماتبي حد يدري أو يمكن شي خاص بينه وبين صاحبه

اتجي هالملقوفه اتفتش وتشوفه .. السالفه مو كلها نكت وخيانات ومادري ايش

وحتى البنت في اشياء خاصه بالبنات ما تحب حد يطع عليها لو زوجها وسوالف حريم المفروض ما يتطلع عليها واحيان اتكون محرجه

هذا شي لازم تحترمه

مع الشباب اللي قالو ان هالشي يزعزع الثقه بين الزوجين
أهم شي انك ما تكبرها علشان ما ياخذ الموضوع أكبر من الاطار اللي هو فيه

[ريم 28]

ريم لتزعلين الموضوع بسيط
اصلا لازم في كل موضوع حد يكون في وادي
استمري والى الامام

ما عرفتي اختك ريم

واخذي راحتك ما ازعل منك

[فتى البراري]

انااشوف الطرفين مالهم حق لازم في ثقه من بينهم وهم هي لازم ما تخش جوالها ويخلونه طبيعي قدام بعض وبدون الباسورد :)


الواثق من خطوته يمشي ملك

[بومحمد المطاوعه]

هههههههههههههه
يحليلك ياولد المطاوعه
تبي تكحلها عميتها
تسلم على الرد

ههههههههههههه

والله صج

ترى مب شي لو الزوجه تشوف عبط على ريلها من اتجاه ربعه

شباب عادي بين بعض عبط

بس الزوجه مب شي تدخل دعس

[shaheen-915]

عادي ما في شي اشوفه عيب ولا اخشه عن ام عيالي .

بالعكس اقعد وفرفر الجوال واطلع اصور لها ذكريات وانتم نسولف بالساعات ..

طبعا مستحيل احد يسوي كذا بس عندي عادي ومع هالاسلوب بتحرم تشوف وتاخد الجوال لني واثق من نفسي واثق من تصرفها ان كانت قصدها التفتيش او تحويل رصيد ^_^ .

مع الاسلوب تقدر تخليها تنحرج من داخل نفسها لو بتعمد تفتش الجوال.

:nice::nice::nice::nice::nice:
احيك على الاسلوب والثقة المتبادلة وانا من صوبك ومعاك

[qatara]

الله يرحم ايام ما كان التيلفون معلق على الطوفه
ولا يرد عليه الا الام او الاب او حدا الاولاد
وممنوع البنت تقربه ومن يوم قربوه كثرت الاسرار
لدرجه تخشى بعضهن حتى من زوجها ان يعرفها

[كتكوت الوحش]

الواثق من خطوته يمشي ملك

:victory:

[لاجل QT]

http://rahimh4up.com/upload/wh_73252906.JPG

بعض الأزواج يمثل الجوّال بالنسبة له " خط احمر " او " قنبلة موقوتة " لا يجب الاقتراب منها كائن من كان بما في ذلك الزوجة !

فما بالك في ظل انتشار أجهزة البلاك بيري و الأيفون و الجلاكسي ، حيث ترفع هذه الأجهزة درجة الفضول عند الزوجة للبدء في التفتيش فيه !

ويبرر البعض منهم هذا الحظر والاحتراز إلى الخصوصية التي يتمتع بها الزوج وإن كانت هذه الكلمة مطاطة بعض الشيء !


هل من حق الزوجة " تفتيش " جوال زوجها ؟

وكيف تتعامل مع زوجتك إذا اكتشفتها تفتش جوّالك ؟

والعكس صحيح هل يحق للزوج " تفتيش " جوال زوجته ؟

ماهي آرائكم في الموضوع :)

ماكنت احب هالحركة:(

احسها تنقص من قدري وثقتى جدام الطرف الاخر:(

غير ان الاعذار اكيد بتكون في المخبة:(

فا مالة داعي التفتيش:)

كل شي سهالات عندها >>>>>>:tooth:

ابدا ماضيق على عمري;)

[ريم 28]

ماكنت احب هالحركة:(

احسها تنقص من قدري وثقتى جدام الطرف الاخر:(

غير ان الاعذار اكيد بتكون في المخبة:(

فا مالة داعي التفتيش:)

كل شي سهالات عندها >>>>>>:tooth:

ابدا ماضيق على عمري;)

اقولهم حركة مرضئ ما يصدقون

من غير تفتيش عادي امسك جوالها لكن لا تفتش وتشك عيب للطرفين


وثاني شي يقولون واثق الخطوه يمشي ملك

وان اقول اللي واثق جواله الثاني في السياره او المكتب

اكيد يمشي ملك ههههه

و اللي بيشك حتئ لو فتش سيظل يشك

[لاجل QT]

اقولهم حركة مرضئ ما يصدقون

من غير تفتيش عادي امسك جوالها لكن لا تفتش وتشك عيب للطرفين


وثاني شي يقولون واثق الخطوه يمشي ملك

وان اقول اللي واثق جواله الثاني في السياره او المكتب

اكيد يمشي ملك ههههه

و اللي بيشك حتئ لو فتش سيظل يشك

اي والله ياختى

اشدعوة تفتيش..شريناهم؟؟

مع ان في رجال يموتمون زوجاتهم تفتش وتسال وتنبش وراهم لترضي شي داخالة او ان كذا ثبت لة حبها ..عاد هذا اللى ااااابيض مامنة خوف بس يحب غيرت المرة علية:nice:

ياختى ماينعرف لهم هالريايل:rolleyes2:

[Al-Kuwari]

مساكم الله بالخير

بالنسبة لي ماتزوجت للحين والله يرزقنا ان شا الله من فضله

بخصوص الموضوع فانا ضد التفتيش او العبث من قبل الزوج او الزوجة

المسألة مش مسألة خوف من اكتشاف خيانه او اي شي

الموضوع فقط احترام للمساحة الشخصية للفرد

نعم هي زوجتي وانا زوجها وحياتنا مشتركة ولكن لكل منا حياته الخاصه ايضا ، هي عندها صديقات وخوات واخوان وام وابو ، وانا بعد ،، انا من حقي اعرف كل شي في حياتها فالجزء المتعلق بي لكن مالي حق اعرف وش اخبار علاقاتها مع خواتها او صديقاتها ،، اذا هي محتاجة لنصيحه في موضوع او مشكلة راح تجي وتسألني وتاخذ شوري لكن لو ماجات انا مالي حق افتش واعرف ان في مشكلة او سالفة اساساً والعكس كذلك، انا عندي علاقات مع زملاء عمل واخوان واصدقاء وامور خاصة بيني وبينهم ولو ابيها تعرف انا راح اتكلم لكن هي مالها حق تجي وتفتش من وراي

يا اخوان ترى الزواج مشاركه ومهب تملك حتى يكون من حقي ادخل في ادق تفاصيل حياتها الخاصه مع اهلها او صديقاتها

بخصوص تفتيش الزوج لجوال المراءة من باب الحرص فالعذر والسموحة لكن هذا مرض ومرض مقزز كذلك

انت اخذتها من بيت ابوها معززة مكرمة واكيد ما رغبت بالارتباط بها الا انك مرتاح لها وواثق منها تجي بعد ذلك تفتش ؟ عيب بصراحة خصوصا لو ما شفت منها الا كل خير ومالاحظت اي شي مثير للشك او الريبة


يعطيكم العافيه

[بومحمد المطاوعه]

بعضهم فيهم دفاشه ودك تحذفها من الدريشه ههههههههههههههههههه

[ضوى]

زوجي يعطيني تلفونه بنفسه عشان الغي له الرسايل اللي مالها داعي وطبعا اقوله كل رساله اشفيها واذا يبيها والا لا :) مللولي وممكن مايشوف اي شي في التلفون شي مزعج ، لكن اني افتش لا كبرنا على هالسوالف

[الزعفراني]

انا اعتقد ان الشخص الي يسمح لزوجته تنبش جواله هو ( خيخه ) وهالمصطلح من باب الخوف والترهيب من الزوجه لا من باب الاحترام . طبعا اكيد المعارضين بيقولون ليش .. خلونا نقولكم ليش .....لان الجوال المتعارف عليه حاليا هو اصلا عباره عن محادثات وسوالف سواء كانت خاصه جدا او عامه وهالشي ينطبق مثلا ع البلاك بيري . وطبيعه الانسان له اصدقاء او امور خاصه او مواضيع بين الاشخاص من امور يتحتم عليه ان مايقولها لزوجته ونفس هالشي ينطبق ع زوجته من مشاكل اجتماعيه او غيره. فكل شخص لازم يكون مؤتمن علي سره ولا ماعاد فيه وفا .. نرجع للي يقول انا احب زوجتي انا ماسوي شي اذن فتشي وقري ... سؤال هل ترضى مثلا ان زوجتك تتنصت علي سوالف ربعك في مجلسك العامر وتسمع كل شخص شيقولون او في من مثلا يشكيلك وبنفس الوقت ينطبق ع المراءه وهل ترضين زوجك يسمع سوالفك مع صديقاتك .. اكيد لا واخيرا وهذا الي اعرفه ان اجهزه المحمول صارت اكبر من موضوع ارقام . صارت عباره عن قروبات ومحادثات واكثر من هي مكالمات ويظل الاحترام المتبادل بين الزوجين والثقه اسمى وارقي من شوف جوالي وشوف جوالك والسموحه علي كلمه ( خيخه )

كلام منطقي وموضوعي .. وأعتقد يستحق التأمل

يعطيك العافيه اخوي على المشاركة

وفكرك الراقي

[سارونه]

هل من حق الزوجة " تفتيش " جوال زوجها ؟
لا طبعا - لازم تكون ذكيه وما تحفر القبر لنفسها - لان زوجها مو غبي يحط جواله الي فيه رسائل فالبيت :) :victory:

وكيف تتعامل مع زوجتك إذا اكتشفتها تفتش جوّالك ؟ههههه يعطيها الجوال بيده ويقولها تفضلي :) :nice:

والعكس صحيح هل يحق للزوج " تفتيش " جوال زوجته ؟متى ما الزوج (شك) في زوجته وفتش في جوالها اعتبر زواجه في حالة انهيار .. :anger1:

[مهرة]

شسالفه ترى وبكل بساطة عــــــــــــــــــــــــــــــــــــادي وليش ينقاله تفتيش حب استطلاع لا غير ..!

[Bin Hood]

هل من حق الزوجة " تفتيش " جوال زوجها ؟

لا مش من حقها

وكيف تتعامل مع زوجتك إذا اكتشفتها تفتش جوّالك ؟

عادي انا اصلا تلفوني ما في كلمة سر اصلا ولا في شي يستدعي ان اخاف من رؤيته

والعكس صحيح هل يحق للزوج " تفتيش " جوال زوجته ؟

لا يحق له تفتيش الجوال
خاصة ان مكن يكون في صور نساء غير متحجبات

[الصغيره]

زميله بالعمل اكتشفت زواج زوجها بالمملكه العربيه من 6 سنين برساله من الزوجه الثانيه وكانت كل هالاعوام تثق بزوجها ثقه عمياء ومستحيل تصدق لحد ما لقت رساله من الزوجه الثانيه لزوجها :)

احيانا شر لابد منه

[المنديال]

عندي خطه ياخذ جوال ثاني ويخليه في السياره
حليت مشكلتكم ههههههههههههه

[(الفيصل)]

فديتها (هاذي الغاليه) أعطيها الجوال تفتش فيه مثل ماتحب وتقلب الرسايل والواتس اب وغيره وغيره
إلا جوال(بياض الوجه)!!

بس جوالي الثاني (بو سواد الوجه)!!
مخشوش في مكان ما!!
(لاتعلمه)
:victory:

بس تذكر أن الله يعلمه ، وكما تدين تدان ، والله المستعان

[مرحوم قطر]

انا مب متزوج

بس اذا تزوجت ان شاء الله بخليها تفتش و بفلم لها بعد


مادري احس ان فله خخخخخخخخخخخخ

[مرحوم قطر]

بخصوص الي يقولون ان الريال مب غبي يحط بلاويه في تلفونه الرسمي

لا و الله عندي واحد من الشباب ابله مخه ضيق متزوج من حوالي 6 سنين

مرته صادته مليون مره وهي تفتش في جواله يقول المشكله ماعرف اشلون تطلع الباسويرد

نصحته مليون مره يترك عنه هلسوالف بس ما منه فايده بس صراحه يحمد ربه

ان بعد ما تكبر المشكله في الاخير مرته تمشيله


وبخصوص ان هو يفتش جواله

رايي من راي سارونه ان اذا الرجال شك في زوجته فهذا خلاص معناته انهيار زواجهم

[بن موسى]

بكل بساطة وبكل هدوء افك البطارية عن الجهاز واكسرة على راسها

ولمن يسأل عن سبب فك البطارية-- اقول لة على شان قوة الدفع ماتتشتت اثناء الاصتدام

[(الفيصل)]

بكل بساطة وبكل هدوء افك البطارية عن الجهاز واكسرة على راسها

ولمن يسأل عن سبب فك البطارية-- اقول لة على شان قوة الدفع ماتتشتت اثناء الاصتدام

وليش مب هي اللي تكسره على راسك- لذات العله والسبب-؟!!

أضحك الله سنك :)

[بن موسى]

وليش مب هي اللي تكسره على راسك- لذات العله والسبب-؟!!

أضحك الله سنك :)

لانني لم ولن افتش في جوالها للبحث عن ماتبحث عنة

وعندما افكر في تفتيش جوالها افضل ارسالها لبيت اهلها

وبعدين انا بدون سكان مش مثلك اخاف وماعندي غير واحدة

[(الفيصل)]

لانني لم ولن افتش في جوالها للبحث عن ماتبحث عنة

وعندما افكر في تفتيش جوالها افضل ارسالها لبيت اهلها

وبعدين انا بدون سكان مش مثلك اخاف وماعندي غير واحدة

مافيه خوف ان شاء الله إلا من الله ، والله يبارك في الواحدة ويجعلها كالأربع

وأن شاء الله أن اللي مثلي بهم خير لأنفسهم وأهلهم

واللي أعرفه يابن موسى أن (السكان) يضبط الطريق عن الزلل والتجاوز

وبما أنك (بدون سكان، ولاتعترف فيه!! ) فلتحذر بارك الله فيك

[بن موسى]

مافيه خوف ان شاء الله إلا من الله ، والله يبارك في الواحدة ويجعلها كالأربع

وأن شاء الله أن اللي مثلي بهم خير لأنفسهم وأهلهم

واللي أعرفه يابن موسى أن (السكان) يضبط الطريق عن الزلل والتجاوز

وبما أنك (بدون سكان، ولاتعترف فيه!! ) فلتحذر بارك الله فيك

اجل خلك بعيد عني لاالف عليك واكسر رجيلتك خابرك تمدها تبي تقلد الامام

[(الفيصل)]

اجل خلك بعيد عني لاالف عليك واكسر رجيلتك خابرك تمدها تبي تقلد الامام

!!!!!!
بل آن (للفيصل) أن يمد رجليه.

وخلني أقولك (سالفة مدت الرجل)
قد روي عن ابي حنيفة(رضي الله عنه) أنه كان جالسا في حلقته العلمية يتباحث مع طلابه ويناقشهم في المسائل العامة، و كان يشعر من طول الجلوس بألم في ركبته، لكنه لم يستطع ان يمد رجله لوجود رجل عليه سمات الوقار جالسا امامه، فبقي أبو حنيفه حانيا رجله هيبة للرجل الجالس امامه في الحلقة. وبعد ان خيم الصمت على الجميع انبرى الرجل لتوجيه سؤال للامام، وهنا استجمع الامام قوته متوقعا سؤالا قويا من الرجل الذي بادر بالسؤال قائلا: متى يمسك الصائم عن الطعام؟ فرد الامام: اذا طلع الفجر، وهنا اراد الرجل - حسب فهمه - ان يحرج ابا حنيفه فسأله: أرأيت ان طلع الفجر منتصف الليل فما يصنع الصائم؟ وعندما رأى ابو حنيفة (سخافة هذا الرجل) اجابه قائلا: آن لابي حنيفة ان يمد رجليه.

[بن موسى]

!!!!!!
بل آن (للفيصل) أن يمد رجليه.

وخلني أقولك (سالفة مدت الرجل)
قد روي عن ابي حنيفة(رضي الله عنه) أنه كان جالسا في حلقته العلمية يتباحث مع طلابه ويناقشهم في المسائل العامة، و كان يشعر من طول الجلوس بألم في ركبته، لكنه لم يستطع ان يمد رجله لوجود رجل عليه سمات الوقار جالسا امامه، فبقي أبو حنيفه حانيا رجله هيبة للرجل الجالس امامه في الحلقة. وبعد ان خيم الصمت على الجميع انبرى الرجل لتوجيه سؤال للامام، وهنا استجمع الامام قوته متوقعا سؤالا قويا من الرجل الذي بادر بالسؤال قائلا: متى يمسك الصائم عن الطعام؟ فرد الامام: اذا طلع الفجر، وهنا اراد الرجل - حسب فهمه - ان يحرج ابا حنيفه فسأله: أرأيت ان طلع الفجر منتصف الليل فما يصنع الصائم؟ وعندما رأى ابو حنيفة (سخافة هذا الرجل) اجابه قائلا: آن لابي حنيفة ان يمد رجليه.



مدها ياشيخنا الفيصل على قدك وقدرك00 كان ماتعرف من الخمسة وسبعين سميا

وكان تعرفهم جميع بدون ماتسأل محرك00 قوقل ابصم لك بعشر اصابعي واقف تهيا

[وليف قطر]

احس بعض الردود فيها مثاليه ( من قلب )
وانا متأكد ان الوضع عندهم ف البيت صالونه ><


ماعلينا ،

طبعاً لي حق اشوف جوالها لكن مو بطريقة التفتيش والتحقيق
ولا هو غلط ان الانسان يكون محرّص على اهله
قد يكون فيه شي لي ملاحظه عليه .. بعيد عن السلوك او التفكير الدونيَ ..

لان لو كان التفتيش بغرض التفكير والشك .. ف غلطان
لان اللي يبي يسوي الغلط بيسويه و بمليون طريقه .. ومو معقوله حد يجيب دليل سواد وجهه للبيت



اما بالنسبه لها .. فما لها حق تلمس التلفون لآي غرض كان

ولا نخلط موضوع المساواه بين الرجل والمرأه في كل شي
تبقى خطوط حمرا .. متفق عليها

لاتعطونهم ويه :d



لاهنت يً الزعفراني .. متابعك لك دايم و بقوه : )

[shadad]

الله يرزقني الزوجه الصالحه ان شاء الله :) وعلى الجوال بخليها تفرمته وتلعب فيه كل ييوم مثل ما تبي ( وبنزل لها قيم كل يوم ههه ). ما عندي شي اخبيه عليها والمفروض الزوج والزوجه كتابين مفتوحين لبعض .

[غموضي محيرهم]

هههههه موقف يخرررع صراحه ,, عادي دام الشخص واثق من روووحه وفيه ايمان بالله بيتقبل الامرر

[بومحمد المطاوعه]

!!!!!!
بل آن (للفيصل) أن يمد رجليه.

وخلني أقولك (سالفة مدت الرجل)
قد روي عن ابي حنيفة(رضي الله عنه) أنه كان جالسا في حلقته العلمية يتباحث مع طلابه ويناقشهم في المسائل العامة، و كان يشعر من طول الجلوس بألم في ركبته، لكنه لم يستطع ان يمد رجله لوجود رجل عليه سمات الوقار جالسا امامه، فبقي أبو حنيفه حانيا رجله هيبة للرجل الجالس امامه في الحلقة. وبعد ان خيم الصمت على الجميع انبرى الرجل لتوجيه سؤال للامام، وهنا استجمع الامام قوته متوقعا سؤالا قويا من الرجل الذي بادر بالسؤال قائلا: متى يمسك الصائم عن الطعام؟ فرد الامام: اذا طلع الفجر، وهنا اراد الرجل - حسب فهمه - ان يحرج ابا حنيفه فسأله: أرأيت ان طلع الفجر منتصف الليل فما يصنع الصائم؟ وعندما رأى ابو حنيفة (سخافة هذا الرجل) اجابه قائلا: آن لابي حنيفة ان يمد رجليه.



:nice:
بارك الله فيك ياخووي

اشهد انك ذيب ونعم فيك:)

دوم عقلك كبير ولله الحمد