+++ المديـر يتصل بـك +++

[شبح الصمت]

حالة ذعر تصيب بعد الاشخاص عند نظرة إلى شاشة هاتفه خارج الدوام الرسمي وتجد " المدير " :eek5:

http://upload.traidnt.net/upfiles/Qes13089.jpg


مع احترامي للمدراء البعض البعض في بعض المؤسسات او الشركات يتصل بك بعد الدوام الرسمي للحضور لمساعدته في العمل ..

اوكي حضرة المدير بجيك بس هل راعية ظروفي هل قدرت انا عندي اشغال او متزوج وعندي عيال والا عشان انه عمـرك طال عمرك وصل سـن من فوق 50

والمدام عندها دريوليه

والعيال اكبروا

وما صار احد يجلس معاك خلاص :secret:

وانت حضرتك ما عندك شغل ومتملل وتبي ادور لك شغله فتحضرني قلنا تخدم العمل الي فيه بس بعد راع ظروف الشباب الي يبون يشوفون حياتهم ..

بنخدم وبنساهم وبنسوي بس هل يا ترى بتراعيني !!


والله انه واحد من الشباب يقولي مديره يتصل فيه ويخليه يدوام لاجل يخلص اموره الشخصية يقولي لين طقت فيني وانبطت جبدي مره مرتين قلت يا وجه استح يقول بطيت البرمه في وجه قلت له يبه انا ماقدر اجيك دوامي من كذى لين كذى .. وانتهى :omen2:


هذه حالة بعض الشباب مع المدراء الكبار فالسن والا ما عندهم شغل مع اهاليهم والا شيء ومخلينهم ومفترين على العمل فقط !!!!!


عندكم رآيي هل كلامي غلط

هل يجب على الموظف ان يدوام ساعات غير مقررة في عمله الرسمي !!!!

[chillis]

انا اشوف ان الي يبي يوصل لمنصب او شي لازم شوي يتنازل ويشتغل خارج الدوام الرسمي بس مهب كل يوم وكل ساعه لان بيكون في ظلم هم هالموظف مشغول وعنده اهل وناسه واعتقد الموظف مهب مجبور يشتغل لو مايبي خارج الدوام الرسمي :) بس انا اشوف احيانا في مصلحته

[بصمة قطرية]

لاااااااا
صحيح أنا مش موظفة بس دائماً أفكر في هالشي ..
إن الموظف مجرد ما يطــلع من الشغل تنتهي علاقته بالشغل ..
إلا إذا شيء طاريء و ضــروري و لا يحتمل التأخير ..!!
أمس كنت مع ( مديرة ) نتعشى ..
أتصلت في سكرتيرتها قلت لها إنتي خارج الدوام خليها تتنفس ..:secret:
ضحكت قالت لازم أبلغها بالإجتمــاع ..:secret:
حسيت شوي و أتكفخ ..:secret:

[شبح الصمت]

انا اشوف ان الي يبي يوصل لمنصب او شي لازم شوي يتنازل ويشتغل خارج الدوام الرسمي بس مهب كل يوم وكل ساعه لان بيكون في ظلم هم هالموظف مشغول وعنده اهل وناسه واعتقد الموظف مهب مجبور يشتغل لو مايبي خارج الدوام الرسمي :) بس انا اشوف احيانا في مصلحته




يعطيج العافيه عالمشاركة

اوكي يوصل على حساب الموظفين مثلاً ما يصير اختي حتى الموظف لو تنازل وتنازل وتنازل لو ما حصل تطوير ما راح يوصل لمنصب بعد صح والا لا

لانه يبي يطور من نفسه خارج الدوام الرسمي بعد صح والا لا .. !!

:)

[شبح الصمت]

لاااااااا
صحيح أنا مش موظفة بس دائماً أفكر في هالشي ..
إن الموظف مجرد ما يطــلع من الشغل تنتهي علاقته بالشغل ..
إلا إذا شيء طاريء و ضــروري و لا يحتمل التأخير ..!!
أمس كنت مع ( مديرة ) نتعشى ..
أتصلت في سكرتيرتها قلت لها إنتي خارج الدوام خليها تتنفس ..:secret:
ضحكت قالت لازم أبلغها بالإجتمــاع ..:secret:
حسيت شوي و أتكفخ ..:secret:




ما قلنا ما يتصلون والا ياكدون

بس عط حقوق لموظفك ترى اتكلم عن الي خلاص اشبعوا واهلهم مهب بعازتهم يعني مع احترامي مرته مع هالحريم وعياله كلن بروحه

فهو يكون فاضي ومافي شغله عنده

[chillis]

يعطيج العافيه عالمشاركة

اوكي يوصل على حساب الموظفين مثلاً ما يصير اختي حتى الموظف لو تنازل وتنازل وتنازل لو ما حصل تطوير ما راح يوصل لمنصب بعد صح والا لا

لانه يبي يطور من نفسه خارج الدوام الرسمي بعد صح والا لا .. !!

:)

ليش على حسابهم هو يكرف ويشتغل وينجز حتى خارج الدوام الرسمي اعتقد يستحق :) لانه يتعب

[للصبر اخر]

جبتها ع الجرح

والله في البعض مايحلى لهم يتصلون ويطلعون الشغل الا بعد الساعه 3 العصر
واضظر اتم لين 7 عشان اكمله
واحيانا لازم اداوم جمعه وسبت
لان المدير يبيني اداوم
يقول خلو سمعتكم زينه لان يقولون القطريات مايبون يشتغلون في الاجازات
الله المستعاااااااااان

[بصمة قطرية]

ما قلنا ما يتصلون والا ياكدون

بس عط حقوق لموظفك ترى اتكلم عن الي خلاص اشبعوا واهلهم مهب بعازتهم يعني مع احترامي مرته مع هالحريم وعياله كلن بروحه

فهو يكون فاضي ومافي شغله عنده

يتصلون و يبلغون مب مشكلة ..
باالعكس حلو يكون المدير حريص و يذكر موظفينه سواء سكرتير أو موظف ..
هالشي حلو ..

بس لما يطلب منه دوام إضافي ..!!
الواحد بعد عنده حياته الخاصة ..
عنده هله ( زوج - زوجه - عيال ..... إلخ )
مواجيب
مناسبات ..!!!
ما يصيربصراحة ..
يعني كم وحدة من هلي يصادف جمعتنا يوم الجمعة يكونون في الدوام ..!!!

[شبح الصمت]

ليش على حسابهم هو يكرف ويشتغل وينجز حتى خارج الدوام الرسمي اعتقد يستحق :) لانه يتعب

يستحق بس لازم احترام مشاعر الموظفين


جبتها ع الجرح

والله في البعض مايحلى لهم يتصلون ويطلعون الشغل الا بعد الساعه 3 العصر
واضظر اتم لين 7 عشان اكمله
واحيانا لازم اداوم جمعه وسبت
لان المدير يبيني اداوم
يقول خلو سمعتكم زينه لان يقولون القطريات مايبون يشتغلون في الاجازات
الله المستعاااااااااان



اشدخل القطريين ما يبون يتشغلون هذه ما عنده سالفة ونظرته غلط غلط غلط

الحمد لله الناس تشتغل وتأدي واجبها لو ما تأدي واجبها كانت اشياء وايد واقفه ترى المدير بس اوامر والموظف ينجز

الله يعينج اختي ويوفقج وصراحة عندج طولة بارض

[شبح الصمت]

يتصلون و يبلغون مب مشكلة ..
باالعكس حلو يكون المدير حريص و يذكر موظفينه سواء سكرتير أو موظف ..
هالشي حلو ..

بس لما يطلب منه دوام إضافي ..!!
الواحد بعد عنده حياته الخاصة ..
عنده هله ( زوج - زوجه - عيال ..... إلخ )
مواجيب
مناسبات ..!!!
ما يصيربصراحة ..
يعني كم وحدة من هلي يصادف جمعتنا يوم الجمعة يكونون في الدوام ..!!!




والله انه في مدراء عسل وعلى الجرح يطيب بس بعد

اعط حق لموظفينك ولا تضغط عليهم لانه في موظفين يتحرجون من مدراهم لطيبتهم بس لازم يكون المدير انسان ودارس نفسي لموظفينه يسايرهم ويعرف اشلون يتعامل معاهم ومتى يتصل لهم ومتى ما يتصل

[وطن]

الصراحة اذا الشغل يتطلب ان يتصل
خل يتصل ماعندي مشكلة
وتصير .. بيني وبين مديري اتصالات بخصوص الشغل خارج وقت الدوام
لانها تكون امور مهمه

وعادي لو اتأخر في الدوام
ماعندي مشاكل

لحد الحين وقتي ملكي مو ملك حد
عادي اضيع وقتي اليوم في الشغل
وباجر في جمعه مع البنات واللي بعده في الصالون ... الخ

بس اذا صار عندي زوج و عيال راح تختلف المعادلة :)
الشغل مارح يتعدى حدود الدوام الرسمي

[شبح الصمت]

افسح لكم المجال للمناقشه

عندي شغل

الى لقاء قريب

[غايه الطواش]

اذا الامر والمصلحه تقتضي انه يتصل خل يتصل وخاصه في الامور الي مافيها تاجيل او تاخير او العلاقات مع الدول الاجنبيه وخاصه ان اجازتهم تختلف عن اجازتنا فالبتالي يصير اتصال يوم جمعه ...
اما اني اسوي له امور شخصيه !!! يحليله

[chillis]

اذا الامر والمصلحه تقتضي انه يتصل خل يتصل وخاصه في الامور الي مافيها تاجير او تاخير او العالاقات مع الدوزله الاجنبيه وخاصه ان اجازتهم تختلف عن اجازتنا فالبتالي يصير اتصال يوم جمعه ...
اما اني اسوي له امور شخصيه !!! يحليله

هذي الي نقوله :nice:

[غايه الطواش]

هذي الي نقوله :nice:

عيدي الاقتباس صححت اخطائي الاملائيه :nice:

[chillis]

عيدي الاقتباس صححت اخطائي الاملائيه :nice:

هههههه محد بمدقق :secret:

[Lili2005]

والله حااله،
انا عندي اثنين مسؤولين واحد طيب وما يهاوش واخلاقه عاليه وبنفس الوقت ما يحب يعطيني اي شغل بره اوقات العمل،، اما الثاني والحمدلله ينحط عالجرح يطيب،، صحيح يهاوش ويعكرلي مزاجي ايام،،بس ان جيت للحق انسان بقمة الاخلاق سيده وما يعجبه العوي،،يحترم اوقات العمل واذا احتاج شي اسويله اياه بس اخذ الشغل لبيتي،، وهاي نادر ما حصلت،،بالعكس لما احد فيهم يسافر اسأله اذا محتاج شي اسويه بالشغل في غيابه،، بس والله انهم ما يطلبون،، ناس تفهم وعندهم ذووق،، يعرفون انه هلي لهم حق بحياتي،، والله لا يغير علي :)
بس صرااحه اخوي انت صج الله يعينك ،، والله يفك اسرك يا شيخ
نصيحه اذا رن عليك مره ثانيه خلي الحرمه ترد عليه وروحها فخشمها يمكن يستحي شوي �� :shy:

[khalid Qtr]

انا كموظف مدني ما عندي استعداد اداوم ساعة اكثر من دوامي الرسمي ..

الا اذا كانت مهمة رسمية

[qatari911]

شبوح ذكرتني بواحد
مديره مره يتكلم مع ضيف كان يطالع سكرتيره ويقوله اخذ رقم الضيف وسوى له موعد يبي يسلام علي؟؟
شهالكسل<<<<<الضيف قدامك ليش موعد ما اعرف
لا وبعد اذا حد اتصل في المدير
المدير مايرد ويطرش مسج لسكرتير ويقوله هذا رقم اتصلي مارديت عليه شوف شنو يبي <<<<<<صدق متملل

[khalid525]

عموما المعادلة للي يبي يتطور في وظيفته انه ينجز اكثر مما يتوقع منه مديرة ، واللي يبي بس يحقق المطلوب منه ، بعد من حقه ، لكن لا يجي عقب ويقول شمعنى الدرجات والترقيات تروح حق ناس معينين وهو ما ينجز ربع شغلهم .

بالنسبة للحريم اللي عندهم عيال الافضل انهم بس يلتزمون بالساعات الرسمية ، لان مهمتها في البيت اهم من العمل .

[ريم 28]

بعض المدراء لديهم ادمان عمل نظر لكبر السن والفراغ الكبير

والمواضيع رغم انها ليست عاجله وتتاجل للغد الا انه يلزم الموظفين للقدوم وتبدا الفلسفه الزايده وقتها


وما له داعي تزعج الموظفين لمواضيع لن تطير الدنيا لو ارسلتها اليوم الثاني او خلصتها


الديمقراطيه مطلوبه

علئ الاقل ما ينفر ولا يكره العمل بهالطريقه

حب العمل مطلوب حتئ تكون هناك انتاجيه افضل

بالفعل احيانا المدير لا يجيد الاداره ولا القياده

من يتقن العمل سيتقنه حتئ لو لم يعمل عمل اضافي فهو سينجز في وقت اقل واسرع واكثر كمية انتاج

وليس مقياس ان اقييم الموظف علئ اساس اوقات العمل

بعضهم فاضي وبيرقد في الدوام بعد ولكن انتاجيته ليست بتلك المستوئ

الله يهدي بعض المدراء

[حميداني]

ماكو الا جوال شغل وجوال للبيت والربع , ان دوامك محدد ومش في الطواري
قفل جوال الشغل او ما تطلع وتوته توته خلصت الحتوته

[ام ناصر1]

اذا كان من باب الانجاز ممكن
اذا كان من باب الاعجاز لايمكن
اذا كان من بالب الجد والحرص ..ممكن
ومن باب التسلية والفراغة ...خل الشغل بكبره يولي

[captin]

طبيعة ومكان العمل يحكمان ذلك

الديوان الأميري

وزارة الخارجية

رئاسة مجلس الوزراء

وزارة الداخلية

مكاتب الوزراء بجميع الوزارات

الإدارات والأقسام الخدمية الحساسة المدنية والعسكرية


إدارات العلاقات العامة المختصة بتنظيم الفعاليات
واستقبال الضيوف وغيرها من المهام

في رأيي هذه الأماكن والأخرى التي لم تحضرني هي اماكن مهمة بالدولة
وتتطلب في كثير من الأحيان تواصل المدراء مع موظفيهم خارج
أوقات الدوام الرسمي بشكل مستمر والطلب منهم إنجاز موضوعات
وارسالها بالبريد الإلكتروني او الإفادة عن موضوع معين
وغيرها من مهام ذات صفة عاجلة.

[intesar]

متابعة..

[ابن الجزيره]

حالة ذعر تصيب بعد الاشخاص عند نظرة إلى شاشة هاتفه خارج الدوام الرسمي وتجد " المدير " :eek5:

http://upload.traidnt.net/upfiles/qes13089.jpg


مع احترامي للمدراء البعض البعض في بعض المؤسسات او الشركات يتصل بك بعد الدوام الرسمي للحضور لمساعدته في العمل ..

اوكي حضرة المدير بجيك بس هل راعية ظروفي هل قدرت انا عندي اشغال او متزوج وعندي عيال والا عشان انه عمـرك طال عمرك وصل سـن من فوق 50

والمدام عندها دريوليه

والعيال اكبروا

وما صار احد يجلس معاك خلاص :secret:

وانت حضرتك ما عندك شغل ومتملل وتبي ادور لك شغله فتحضرني قلنا تخدم العمل الي فيه بس بعد راع ظروف الشباب الي يبون يشوفون حياتهم ..

بنخدم وبنساهم وبنسوي بس هل يا ترى بتراعيني !!


والله انه واحد من الشباب يقولي مديره يتصل فيه ويخليه يدوام لاجل يخلص اموره الشخصية يقولي لين طقت فيني وانبطت جبدي مره مرتين قلت يا وجه استح يقول بطيت البرمه في وجه قلت له يبه انا ماقدر اجيك دوامي من كذى لين كذى .. وانتهى :omen2:


هذه حالة بعض الشباب مع المدراء الكبار فالسن والا ما عندهم شغل مع اهاليهم والا شيء ومخلينهم ومفترين على العمل فقط !!!!!


عندكم رآيي هل كلامي غلط

هل يجب على الموظف ان يدوام ساعات غير مقررة في عمله الرسمي !!!!




مع احترامي منصب متنصب ,,,,

لو كان قائد نعم مدير

وصلت الرسالة !!!

[شبل الجزيره]

انا شغلي يتطلب مني اني مرات اقعد في الدوام الين 5 او 6 او 7

وعلى فكره اداوم 6 ونص واطلع 4 او 4 ونص

وفوق جيه مرات اداوم في الويكند من غير اوفرتايم او يوم بديل للداومته..

واقدر اطقع لهم او اصكر الجوال مثل بعض الشباب عندنا فب الدوام! بس ليش؟؟ ابي اكون قد المسؤليه

اذا العمل يتطلب جيه شاسوي بعد.. العمل عباده

[دااانة قطر]

الحمدلله شغلنا ادااري ومايزيد عن 3
مره طلبوا مني اخذ شغله معينه مع احدى الاخواات يعني اكون على اتصاال وانهم رااح يوفرون لي جهااز وووووولكني رفضت
كفااية الصبح
العصر وقتي لي ولعياالي الله يحفظهم
ولا يكلف الله نفسا الا وسعها
والحمدلله عندنا اجاانب يحبون الاوفر تاايم


بالنسبه لمكاالمة المدير قبل كم سنه جااني اتصاال بدون اسم مرتين المره الثاالثه رديت الا يسألني وااحد ( !!!! ) قلت له من معااي قاال فلااان قلت له من فلااان قاال فلااان بن فلاان جاان اقول له قمت قلت له زين وبعدين الا يقول مديرج :rolleyes2::rolleyes2::rolleyes2:

قلت له نعم الا يسألني عن الكورس اللي طلبته متى يبدأ بالضبط
المهم قلت في نفسي يعني تليفون المكتب موجود ليش دااق عالجواال لهالدرجه تليفوني مشغول
بس جد كاان خووش مدير :shy:

[&شهد&]

انا اشوف ان الي يبي يوصل لمنصب او شي لازم شوي يتنازل ويشتغل خارج الدوام الرسمي بس مهب كل يوم وكل ساعه لان بيكون في ظلم هم هالموظف مشغول وعنده اهل وناسه واعتقد الموظف مهب مجبور يشتغل لو مايبي خارج الدوام الرسمي :) بس انا اشوف احيانا في مصلحته

هههههههههههههههههههههههههههههههههههههههههههه
والله لو اذبح روحي من الشغل وانا من المغضوب عليهم وغيري من قوم (ان حبتك عيني ماضامك الدهر) مابووووصل لاي منصب .....
يتهيالي خلاص عرفنا طرق الوصول للمناصب العليا حتى لو من غير دوام!

[&شهد&]

صارت لي كذا مرة .. وبكل بساطة بعثت هذا لامسج:

عفوا هذا الرقم هو رقمي الخاص ..الرجاء حذفه من لستتة الاسماء في هاتفك..
كل التقدير




وبس وانتهى

[ضوى]

عادي والله ، كم مرة اجي ويطلبون مني شغل ضروري ، واسويه بطيب نفس وزوجي يوصلني وينتظرني بس ماطول عن الساعة او الساعتين كحد اقصى ، ومديرتي وايد تتصل فيني وارد عليها بكل رحابة صدر ، وعادة شغلنا كله بالايملات فعادي اسوي الشغل من البيت

[eXpert*]

يا بخت اللي مديره في الخمسين .

[مهرة]

طبعاً لا بمجرد انتهائي من عملي اسكر جوال الشغل او احطه عالصامت ولي اتصلت المديرة مارد اذا فيه شي قوي ارد عليها بمسج او تنطر للصبح عندنا 8 ساعات وبعد تبينا نشتغل غيرهم واسخف شي يوم انه يحطون الأجتماعات المهمة في الربع الأخير من الدوام ومرات توصل ل 4 العصر ليش؟؟ لأنهم يراعوون جدول حضرة المدير واحنا يلصقوونا بالطوفة وغصبن عنكم تحضروون .!! وبالنسبة لزوجي دوامه يختلف ويحتم عليه مو يرد بس لا لازم يطلع وباوقات دائما غلط للأسف ..!

اما الأجازات لا والف لا والله مارديت ( مرة كان بمكتبي اوراق مهمة والمفاتيح معاي وماخليتهم يبطلووونه الا يوم رديت)

[مهرة]

عادي والله ، كم مرة اجي ويطلبون مني شغل ضروري ، واسويه بطيب نفس وزوجي يوصلني وينتظرني بس ماطول عن الساعة او الساعتين كحد اقصى ، ومديرتي وايد تتصل فيني وارد عليها بكل رحابة صدر ، وعادة شغلنا كله بالايملات فعادي اسوي الشغل من البيت


ياحلليلج بس المهم المديرة اتقدر وماتستغل هالنفس الطيبة فيج .. على سالفة الأيميلات في شغلي قالو لي بنعطيج لابتوب عشان تشتغلين في البيت ورفضته رفضاً تاماً :anger1:

[دااانة قطر]

طبعاً لا بمجرد انتهائي من عملي اسكر جوال الشغل او احطه عالصامت ولي اتصلت المديرة مارد اذا فيه شي قوي ارد عليها بمسج او تنطر للصبح عندنا 8 ساعات وبعد تبينا نشتغل غيرهم واسخف شي يوم انه يحطون الأجتماعات المهمة في الربع الأخير من الدوام ومرات توصل ل 4 العصر ليش؟؟ لأنهم يراعوون جدول حضرة المدير واحنا يلصقوونا بالطوفة وغصبن عنكم تحضروون .!! وبالنسبة لزوجي دوامه يختلف ويحتم عليه مو يرد بس لا لازم يطلع وباوقات دائما غلط للأسف ..!

اما الأجازات لا والف لا والله مارديت ( مرة كان بمكتبي اوراق مهمة والمفاتيح معاي وماخليتهم يبطلووونه الا يوم رديت)



يصير يعني؟؟

[مهرة]

يصير يعني؟؟


ويش الي يصير ؟؟ :telephone:

[ضوى]

ياحلليلج بس المهم المديرة اتقدر وماتستغل هالنفس الطيبة فيج .. على سالفة الأيميلات في شغلي قالو لي بنعطيج لابتوب عشان تشتغلين في البيت ورفضته رفضاً تاماً :anger1:

لا فديتها مافي منها مديرتي عشان جذي وايد احب شغلي ، ودام هي تقدرني مستحيل احرجها واخر الشغل ، الا لو في حالة ضرورة فعلية

[بنت امي]

ماعندي مشكله اذا كان ضروري ومهم ولكن اذا عادي يتاجل للغد فماله داعي

[بوحمد111]

يعطيك العافيه اخوي شبح وعساك على القوه

انا بتكلم عن نفسي وما عندي مشكله اذا مديري اتصل بحكم اني على ال call اربع وعشرين ساعه ولكن لو طلب مني شغل خاص به وخارج نطاق العمل اعطيه في وجهة كاش واقول له دور غيري وهذا مب من شغلي ولا هو مذكور من ضمن واجباتي الوظيفيه ولو اصر على المساعده ارفض ومستحيل اتنازل وانا ولله الحمد اذا اتصل في احد الموظفين عندي مستحيل اطلع برع نطاق الشغل الا اذا بعزمهم على وجبه او رحله وبشرط ما نجيب طاري الشغل حتى ما ندخل في متاهات وامور احنا غنيين عنها

تحياتي