المساعد الشخصي الرقمي

مشاهدة النسخة كاملة : العمل تسحب تراخيص 4 مكاتب لجلب الأيدي العاملة وتشهر بهم


خالد العمادي
18-09-2012, 06:26 PM
استكمالا للحملة التي تقوم بها وزارة العمل على مكاتب جلب الأيدي العاملة تم سحب تراخيص أربعة مكاتب جديدة, وذلك لثبوت مخالفتهم لأحكام قانون العمل القطري, والاعتياد على مخالفة العقود المبرمة مع المواطنين الراغبين في استقدام العمالة المنزلية وهم مكاتب /الريم وحليتان وصقر الخليج والكوت لجلب الايدي العاملة/ وتم احالتهم للنيابة العامة لاتخاذ اللازم اتجاه مخالفتهم للقانون .

وتهيب الوزارة بالسادة المواطنين في حالة وجود أي شكوى او خلاف مع اصحاب المكاتب بالاتصال على الخط الساخن الخاص بالوزارة /8006611/ أو الحضور إلى مقر الوزارة ادارة الاستخدام بالدائري الثالث .

بصراحه مجهود يشكرون عليه الأخوان في وزارة العمل وهذا هو الشغل الصح واللي كان المفروض يصير من زمان محاسبتهم والتشهير بهم ليردعوا الأخرين
ويكفي تلاعب وغش وخداع من مكاتب الأستقدام
بن غيث
18-09-2012, 06:33 PM
:ok::ok::ok:

اخيرا تحركوا ..
بوخالد911
18-09-2012, 06:57 PM
زززين والله

واخيرا نتنفس الصعداء



واهم شي هالجزئية : وتهيب الوزارة بالسادة المواطنين في حالة وجود أي شكوى او خلاف مع اصحاب المكاتب بالاتصال على الخط الساخن الخاص بالوزارة /8006611/ أو الحضور إلى مقر الوزارة ادارة الاستخدام بالدائري الثالث .
ام محمد2012
19-09-2012, 08:48 AM
الله يعطيهم العافية وزارة العمل وان شاء يتادبون باقي المكاتب
عزووز قطر
19-09-2012, 08:52 AM
جهد يشكرون عليه الاخوان في وزارة العمل
وجزاهم الله خير
خالد العمادي
19-09-2012, 10:32 AM
:ok::ok::ok:

اخيرا تحركوا ..

ان شاء الله تكون بداية خير للجميع ونخلص من التلاعب والفوضى

شرفني مرورك الكريم
بونووف
19-09-2012, 10:52 AM
في مكتب اسمه مانيلا اخوي جاب من عندهم خدامه ويمدحهم .... في حد جرب هالمكتب ..؟؟

ابي اجيب لي خدامتين الله يستر من هالسالفه الي كل يومين اسمع واحد مشتكي في صوت الخليج ولا فالمنتدى
خالد العمادي
19-09-2012, 10:55 AM
زززين والله

واخيرا نتنفس الصعداء



واهم شي هالجزئية : وتهيب الوزارة بالسادة المواطنين في حالة وجود أي شكوى او خلاف مع اصحاب المكاتب بالاتصال على الخط الساخن الخاص بالوزارة /8006611/ أو الحضور إلى مقر الوزارة ادارة الاستخدام بالدائري الثالث .

شكلهم هالمره ناويين عليهم من صج ويكفي سنين وهم يتلاعبون بالناس

أتوقع الحين باقي المكاتب راح يمشون مثل الساعه ههههههههه

شرفني مرورك أخوي بوخالد
خالد العمادي
19-09-2012, 10:56 AM
الله يعطيهم العافية وزارة العمل وان شاء يتادبون باقي المكاتب

نأمل أنهم يتأدبون ويخافون الله قبل مايخافون من الوزاره

شرفني مرورك الكريم
خالد العمادي
19-09-2012, 10:56 AM
جهد يشكرون عليه الاخوان في وزارة العمل
وجزاهم الله خير

بالفعل جهد يشكرون عليه وبارك الله فيهم

أسعدني وشرفني مرورك الكريم
خالد العمادي
19-09-2012, 10:58 AM
في مكتب اسمه مانيلا اخوي جاب من عندهم خدامه ويمدحهم .... في حد جرب هالمكتب ..؟؟

ابي اجيب لي خدامتين الله يستر من هالسالفه الي كل يومين اسمع واحد مشتكي في صوت الخليج ولا فالمنتدى

للأسف ماتعاملت معهم

واللي يبغي يبجيب خدامه لازم يشوف المكاتب اللي لهم سمعه طيبه عشان مايتعب

شرفني مرورك الكريم
بونووف
19-09-2012, 11:10 AM
يعطيك العافيه اخوي خالد

وتسلم على نقل الخبر
احلام الدوحة
19-09-2012, 12:46 PM
الحمدلله بس اذا اشتكينا على مكتب وصاحبه هامور ومعروف وعليه تجاوزات هل سيتم اغلاقه
khalid525
19-09-2012, 10:10 PM
في مكتب اسمه مانيلا اخوي جاب من عندهم خدامه ويمدحهم .... في حد جرب هالمكتب ..؟؟

ابي اجيب لي خدامتين الله يستر من هالسالفه الي كل يومين اسمع واحد مشتكي في صوت الخليج ولا فالمنتدى

واحد من الربع ما يمدحهم تأخروا في معاملته شهرين ويوم حقق في الموضوع طلعوا ناسين موضوعه والخدامة ما راح توصل الا عقب الشهر الثالث .
الشيخة شيوخة
19-09-2012, 11:12 PM
زين ماسوا يوم انهم شهروا فيهم يستاهلون بس يبون فلوس لكن امانه وعمل شريف لا مافيه
النهار
20-09-2012, 12:13 AM
الله يعطيهم العافية
observer
20-09-2012, 01:54 AM
مكتب مانيلا زين اخوي وجبنا من خدامة فلبنية تاكل حصا :nice:
وفية مكتب ثاني محترم اسمة التقدم في شارع ال شافي
زين وجاتنا الخدامة في 20 يوم تقريبا خدمة المكتب محترمة
ب 8450 ريال

اتمنى تخفيض اسعار استقدام الخدم
Abdullah_89
20-09-2012, 01:56 AM
يعطيهم الف عافيه وهاي اللي المفروض يصير من زمان :)


كفوو عليهم والله

عقبال مايسكرون باقي المكاتب اللي فيها تجاوزات



وعقبال مايلتفتون لاسعار جلب الايدي العامله
راشد محمد
20-09-2012, 08:23 AM
الله يعطيهم العافية
اللوز
20-09-2012, 09:09 AM
عقبال الباقي
بونووف
20-09-2012, 12:05 PM
بالنسبه لاخوي خالد اتوقع النسيان شي وارد عند كل انسان بس بعد تنحسب عليهم نقطه سلبيه ... اوصلت الخدامه ولا وفي مشاكل بعدها مع المكتب

لانه على كلام اخوي انه الريال اللي شغال اردني وزوجته فلبينيه وهو رايح الفلبين ومنقيهم نقوه شي جي مافهمت شاللي يقصده بالظبط

والوالده قالت له انه تبي وحده حق الطبخ بس قالها لاتطلبين جي لانه اذا طلبتيها طباخه بس راح تاخذ منج اكثر فاطلبيها على اساس انها تمسك شغل البيت وتعرف تطبخ وهاي احسن لج

وبس من كلام الوالده واخوي انه الريال الاردني محترم وعارف المكتب اللي يتعامل معاه في الفلبين بحكم انه زوجته فلبينيه

وراح اجربهم شخصيا وراح اجوف معاملة المكتب وبعطيكم رايي فالمكتب والمعامله