أستفسار ,, عن سعر البناء

[قـطــر]

بسم الله الرحمن الرحيم

عندي استفسار ،، عن سعر البناء التقريبي ...

لبناء فله + قبو

الطابق الأرضي " 276 تقريبا
الطابق الأول " 287 تقريبا
القبو نص طابق تقريبا ..

كم التكلفة لعظم ،، تكلفة تقريبية ...


وشكرا ...

[مضارب دوسري]

الحسبه صعبه اخوي
دايم القبو يكون له سعر مخالف

لو من غير قبو الاسعار حاليا من ٩٠٠ الى ١٠٥٠
حسب الحديد اللي فالبيت
اما القبو الاخوان يفيدونك ان شاءالله
ومن الحين اقولك تبي تريح راسك ؟
دور على هندي او باكستاني

ولا تبحث عن مصري او شامي او بنغالي
هذي نصيحه لوجه الله يالشيخ


الحسبه التقريبيه من غير القبو بين ال ٥٠٠ الف وال ٦٠٠ الف

[قـطــر]

الحسبه صعبه اخوي
دايم القبو يكون له سعر مخالف

لو من غير قبو الاسعار حاليا من ٩٠٠ الى ١٠٥٠
حسب الحديد اللي فالبيت
اما القبو الاخوان يفيدونك ان شاءالله
ومن الحين اقولك تبي تريح راسك ؟
دور على هندي او باكستاني

ولا تبحث عن مصري او شامي او بنغالي
هذي نصيحه لوجه الله يالشيخ


الحسبه التقريبيه من غير القبو بين ال ٥٠٠ الف وال ٦٠٠ الف

مشكور اخوي دوسري ،،

ياليت اللي عنده معلومات يفيدني ..

يمكن تحتاجون تفاصيل أكثر ، لو كان البنيان طابوق اسمنتي عازل
والقبو يكون فيه الطبيلات (موقف سيارات) يشل4-5 سيارات + مطبخ 5*6

بصراحه انا رحت لمكتب وماجربت احد ثاني لكن المهندس كلش ماعجبني،، وعطاني سعر نقدر نقول خيالي مع انه حتى ماسألني عن تفاصيل البناء عشان جذي مب مرتاااح

قال تقريبا يكلف مليونين و 800 :/
انا احس ف حياته ما اشتغل على بيسمنت لدرجة ان قال تكلفة البيسمنت = تكلفة فيلااا كامله للعلم ان انا طالب نص طابق يكفي للي قلته بس ..

[asulaiti]

متابع معكم ..

اخوي قطر .. ثلاثة ملايين إلا ربع !!
هذا اخوي اكيد مزحوم .. لهذا زاد في السعر بحيث لو وافقت إنت .. يسوى التعب والضغط ..

بالتوفيق لك .. ولي عودة معك إن شاء الله ...

[captin]

مرحبا أخوي قطر ,,,

الله يوفقك ويسهل لك

إذا شركة محترمة مصنفة وعندها مهندسين
السعر المتوسط للعظم المفروض ما يقل عن 1200 ريال للمتر المربع
وأيضا يعتمد على نوع الحديد وكمية الخرسانة ونوع الطابوق
وتمديدات الكهرباء الأولية .

بالنسبة للبيسمنت يزيد بنسبة 40% على السعر للبناء فوق مستوى سطح الأرض
بسبب الحفر وكميات الخرسانة والعوازل .
ويحكم كل ذلك ايضا طبيعة الأرض إذا كانت صخرية ولا طينية ولا صبخه
وممكن يطلع ماي عند الحفر وهذا يحتاج معالجة بعمل فرش طبقة خرسانة على
مساحة القبو وعزل لمنع الرطوبة معناته تكلفة إضافية .


أسحمي اقول لك هذا المقاول اللي رحت له ما يبي يشتغل
الشركة المحترمة والمقاول الفاهم بيروح يشوف طبيعة الأرض قبل كل شي
وبيقول لك اذا صخرية ولا لاء وكم تكلفة الحفر إذا الأرض صخرية صعبة وتحتاج
شغل زيادة

أما بعض مقاولي الشارع بيعيطك سعر وهو في المكتب وبعدين بيجيك يقول لك
والله خسرت في المشروع وابيك تعوضني ما حسبت المشروع عدل او بيترك المشروع وبيروح لين شاف نفسه خسران

لذلك شوف لك شركة محترمة وعندها مهندسين فاهمين وتدرس المخطط عدل والمواصفات الفنية اللي فيه خصوصا ان عندك مطبخ تحت معناته تمديدات مياه ورطوبة وتحتاج
عزل ممتاز وتصريف ورفع السوائل إلى أعلى .

الله يوفقك

[jassimqtr]

اخوي صعب تحصل واحد يعطيك سعر البناء بالمتر لان القبو حفر وربما تكون الارض صخريه صلبه و جدار خرساني وفرشة حديد وعوازل والخ ,,, انا اقول لو تعرض مخططات المنزل لاكثر من مقاول تقعد معهم قعده تفصيليه ويشرحون لك نظام البنيان والمواصفات في النهاية شوف سعرهم اذا كان مناسب لك او لا فيه شركات فيها كفائة ومانبي نقول لا تروح عند فلان ولا علان انت شوف الشركه فيها مهندس يشرف على العمل وفومان وعمال وموظفين او لا من خلال زيارتك لهم بتقيم الشركه اذا فيه انصب او لا هذا من وجهة نظري ,

[قـطــر]

مشكورين عالرد ،،

أنا اتصلت لأكثر من شركة ،، بس محد رد عليّ .. ان شاء الله أحصل وقت وأروح لهم..

أنا اللي حسيته ان هالمهندس ماعنده خبره فـ بناء بيسمنت ..

عموما انا حصلت رد واحد من شركة لاسيجال ، وقال لي ان تكلفة بناء عظم تقريبا راح تكون 778 ألف (لاحظوا الفرق)

بس بصراحه ماعندي خبره ..

عموما الأرض 1200 وموقعها فـ شمال الخيسة (روضة الحمام) .. إذا أحد عنده خبره عن طبيعة الأرض ...

إذا عندكم شركة أوكي ياليت تعطوني أسمها / رقمها / ايميل / موقعهم أي شي عشان اتواصل معاهم ...

[الشلهوب]

اخوي قطر المنطقة الي فيها ارضك يوجد بها شركات كثيرة تبني ولها مشاريع ممكن تاخذ لفة على الفلل الي تنبني وشوف شغلهم ونفس الوقت تاخذ اسما بعض الشركات وتروح مكاتبهم والمناسب لك اتفق معاة في هذة الحالة عرفت كل شى المقاول وشقلة والارض وطبيعتها , الله ايوفقك ومسكن امبارك انشا الله

[قـطــر]

اخوي قطر المنطقة الي فيها ارضك يوجد بها شركات كثيرة تبني ولها مشاريع ممكن تاخذ لفة على الفلل الي تنبني وشوف شغلهم ونفس الوقت تاخذ اسما بعض الشركات وتروح مكاتبهم والمناسب لك اتفق معاة في هذة الحالة عرفت كل شى المقاول وشقلة والارض وطبيعتها , الله ايوفقك ومسكن امبارك انشا الله

:nice: ان شاء الله ،، بس انا كنت حاب اعرف متوسط الاسعار ،، عشان اقدر احكم ...:victory::shy:

[Chambray]

اانا انصحك نصيحه لوجه الله ( لاتفكر تسوي مطبخ في القبو ) فكرة مواقف سيارات غرف العاب اي شئ

لكن مطبخ ( ما انصح نهائياً ) والرأي لك

[قطري قديم]

اخوي ارسل الخرايط الله لايهينك وابشر انشاء الله هذا رقم المهندس كومار ٥٥٠٠٧٦٠٥ وهذا رقم المهندس احمد ٦٦٠٢٤٠٨٣

[البحار00]

نصيحه للكل

سوو نفسي اذا تقدرون وتركو عنكم المقاولين

انا والوالد متكفلين ببنيان بيتي في روضه الحمام

مساحتها 940 متر بالملاحق

الحمدلله الشغل مايوقف والعمال يوميا متواجدين وشغلهم بذمه

وبوفر من مبلغ القرض ابرك من ياخذه مني مقاول الي يوم يشتغل في البنيان

وعشرة ايام لا

وفوق ذيه اكون عارف انا اشسويت في بيتي ووشو الي حطيته

[باتريوتP]

مشكورين عالرد ،،

أنا اتصلت لأكثر من شركة ،، بس محد رد عليّ .. ان شاء الله أحصل وقت وأروح لهم..

أنا اللي حسيته ان هالمهندس ماعنده خبره فـ بناء بيسمنت ..

عموما انا حصلت رد واحد من شركة لاسيجال ، وقال لي ان تكلفة بناء عظم تقريبا راح تكون 778 ألف (لاحظوا الفرق)

بس بصراحه ماعندي خبره ..

عموما الأرض 1200 وموقعها فـ شمال الخيسة (روضة الحمام) .. إذا أحد عنده خبره عن طبيعة الأرض ...

إذا عندكم شركة أوكي ياليت تعطوني أسمها / رقمها / ايميل / موقعهم أي شي عشان اتواصل معاهم ...




سلام عليكم ورحمة الله وبركاته
اخوي عندنا موقع بروضة الحمام بناء فيلا بيزمنت ودور ارضي واول وملحق
حاليا بمرحله العظم تقدر تشوفها اذا تبي
واحنا بنينا اكثير فلل فيها بيزمنت
بارسلك رقمي عالخاص والله يكتب الي فيه خير لنا ولك
تحياتي لك
باتريوت للتجاره والمقاولات

[قناص 787]

محد يقدر يعطيك السعر. من غَيُرً مايشوف.الخرائط لأنها حسبة كميات مش حسبة

أمتار.

[دااانة قطر]

نصيحه للكل
سوو نفسي اذا تقدرون وتركو عنكم المقاولين
انا والوالد متكفلين ببنيان بيتي في روضه الحمام
مساحتها 940 متر بالملاحق
الحمدلله الشغل مايوقف والعمال يوميا متواجدين وشغلهم بذمه
وبوفر من مبلغ القرض ابرك من ياخذه مني مقاول الي يوم يشتغل في البنيان
وعشرة ايام لا
وفوق ذيه اكون عارف انا اشسويت في بيتي ووشو الي حطيته



بعد إذن صاحب الموضوع
ممكن استفسر
شلون متكلفين بالبنيان؟!

[البحار00]

بعد إذن صاحب الموضوع
ممكن استفسر
شلون متكلفين بالبنيان؟!

واحد من الجماعه عنده شركه مقاولات

ومسوين معاه عقد صوري بس

لان الدفعات تنزل في حساابي وكل ماجيت اقدم على دفعه يختم لي على

الطلب بختم الشركه وبس

والبنيان انا متكفل به من الى

اغلب الناس مسوين هالطريقه بدون اي مشاكل