بغيت استشاري مجرب وياريت مايكون عربي

[قطري واصيل]

السلام عليكم ورحمه الله وبركاته

بغيت يالربع استشاري بشرط مايكون عربي اي جنسيه اخرى وياريت انه يعرفعربي علشان اتفاهم معااه اللي عنده استشاري مجرب يحط لي اسم المكتب او يرسلي رساله خاصه واكون شاكر له :victory:

[معماري قطري]

ما لك الا إتحاد قطر للتخطيط .. أغلبهم هنود سيخ ووايد فاهمين وعن تجربة مب دعايه يشتغلون بهمة من البداية للنهاية .. مكتبهم مكان المكتب الثقافي البريطاني اللي كان بعد سناء وقبل جسر راس بو عبود .. يشتغلون متواصل من 8 الصبح لين 4 العصر شغل مكتبي لكن إشراف على طول حسب الحاجة .. وأسعارهم شوي غاليه ألحين لأن عندهم عدد مهندسين كبير .. شغالين في قطر فوق 40 سنه .. من تصاميمهم مسجد الأصمخ وعلى فكره حاطين فيه جي ار سي برموز دينيه سيخيه ومشت على ربعنا ... وبيت الوزير السابق عبدالله عبدالعزيز تركي .. ونادي الريان .. وغير كثير في المدينة التعليمية بالاشتراك مع مصممين عالميين.

[القلم الصريح]

مكتب العلي للاستشارات فالسد ، الاستشاري فلبيني

[ali22]

زين ماتسوي يا خوي وبتعد عن جد للي يقولك حزبطك...!!!

[باتريوتP]

السلام عليكم ورحمة الله وبركاته
اخوي الكريم في عندك مكتب العلي للاستشارات فلبينين وفي مكتب الدوحه للتصميم هنود
بس على فكرة بقولك معلومه
الاستشاري عربي او اسيوي او اي جنسيه ما يفرق
الي يفرق اشرافه على المشروع والمتابعه وبس
يعني اهم شي يتواصل مع المقاول واذا في ملاحظات يخطر المقاول شفوي واذا ما استجاب له المقاول يخطره كتابيا
وانه يدقق على كل مرحله لان اللاستشاري شغله تنفيذ الخارطه هندسيا وتحت مسؤليته
وصحيح ان في بعض الاستشاريين ما يزور المواقع الا مره بالشهر وهذا غلط المفروض اقل شي كل ثلاث اربع ايام او اسبوع بالكثير
تحياتي لك اخوي واتمنى اكون افدتك

[قطري واصيل]

يعطيكم العافيه جميعا على النصايح والاستجابه بس انا اللي راح اشطب بيتي بنفسي
وعندي سؤال اقدر انزل الدفعات المتبقيه من بنك التنميه ؟
وياريت احد يفيدني الدفعات بحسابي لازم عقد مع الشركه علشان تنزل الدفعات اواللي بحسابي بدون ختم الشركه ؟
اتمنى اللي يعرف يفيدني

[معماري قطري]

السلام عليكم ورحمة الله وبركاته
اخوي الكريم في عندك مكتب العلي للاستشارات فلبينين وفي مكتب الدوحه للتصميم هنود
بس على فكرة بقولك معلومه
الاستشاري عربي او اسيوي او اي جنسيه ما يفرق
الي يفرق اشرافه على المشروع والمتابعه وبس
يعني اهم شي يتواصل مع المقاول واذا في ملاحظات يخطر المقاول شفوي واذا ما استجاب له المقاول يخطره كتابيا
وانه يدقق على كل مرحله لان اللاستشاري شغله تنفيذ الخارطه هندسيا وتحت مسؤليته
وصحيح ان في بعض الاستشاريين ما يزور المواقع الا مره بالشهر وهذا غلط المفروض اقل شي كل ثلاث اربع ايام او اسبوع بالكثير
تحياتي لك اخوي واتمنى اكون افدتك

صح كلامك إخوي لو كنا في عالم نظيف لكن شنسوي والعرب يعطونك كلام ويغيرون كلامهم بعد يوم وشغلهم بعيد عن الإحتراف .. وتقعد ساعة تفهمهم الموضوع يطلعونك إنت غلطان وهم صح .. انا عن تجربة يئست من التعامل مع العرب لأسباب كثيرة ... تعاملت مع هنود وكانوا قمة في التفهم لأي شيء تنبههم له ومهتمين بتخليص المشروع لآخره .. العربي همه ياخذ فلوس ويطفشك ويخليك تتورط في باقي المشروع وهذا عن تجربة ومرت علي أحداث صعب أذكرها هنيه .. وتعلقنا في مشاريع كثيره كان الإستشاري عربي وعن طريق مناقصة وإختيار الأرخص وسنين ما قدروا يخلصون التصميم حق مشروع صح شوي معقد ويحتاج خبره خاصه، وصار هذا في كم مشروع .. وخصوصاً أعلنها صريحة الإستشاري المصري ولا السوري هالجنسيتين دمار.

[ali22]

صح كلامك إخوي لو كنا في عالم نظيف لكن شنسوي والعرب يعطونك كلام ويغيرون كلامهم بعد يوم وشغلهم بعيد عن الإحتراف .. وتقعد ساعة تفهمهم الموضوع يطلعونك إنت غلطان وهم صح .. انا عن تجربة يئست من التعامل مع العرب لأسباب كثيرة ... تعاملت مع هنود وكانوا قمة في التفهم لأي شيء تنبههم له ومهتمين بتخليص المشروع لآخره .. العربي همه ياخذ فلوس ويطفشك ويخليك تتورط في باقي المشروع وهذا عن تجربة ومرت علي أحداث صعب أذكرها هنيه .. وتعلقنا في مشاريع كثيره كان الإستشاري عربي وعن طريق مناقصة وإختيار الأرخص وسنين ما قدروا يخلصون التصميم حق مشروع صح شوي معقد ويحتاج خبره خاصه، وصار هذا في كم مشروع .. وخصوصاً أعلنها صريحة الإستشاري المصري ولا السوري هالجنسيتين دمار.

صدقت اخوي الاول يقول : حزبطك والثاني يقول : شووو من عيوني .... وحياتكم شباب انا اجزم ومتأكد 100% ان السالفة فيها حسد وكره ودعوة منهم بزوال النعمة !!!!!!! عيل الهندي البونياني حريص على شغلك والعربي طايح فيك غش وبوق وخداع سواء مقاول او استشاري

ياعمي شوووووووووووووت بالنتي .

[قطري واصيل]

والله ماحد لعوزني وخرب بيتي غييير المصري والسوري واحد يقولي بص حضرتك والثاني يقولك ولو خيو بخلي بيتك متحف فعلا متحف صار للاسف

نصيحه ابعدوا عن هالجنسيتين لو قالك اشتغلك ببلاش قوله ضف وجهك
التصليح في بيتي كلفني 80 الف من خرسانات ضاربه ومن اقواس غير مستقيمه ومن عامود فيه ميلان ورقع يامرقع والمشكله الاستشاري يقولك عادي امر سهل يتعالج ويسهل عليك تحصله مرتب مع المقاول والضحيه انت يالقطري فلوووس عندهم يفكرون الفلوس ماراح تدفعها طوول عمرك يفكرونها بلاش

حسبي الله على المقاول بس

[متفائل وايد]

انا تعاملت مع مكتب العلي في بناء عماره
وكان المقاول سريع في البنيان بس الاستشاري الفلبيني كان جدا متعاون مع المقاول ويستلم منه اول باول
بس ضروري انك تراعي حلالك وتشيك انه يستلم كل مرحله من المقاول
لان في مقاولين ينتقل من مرحله لاخرى بدون موافقه الاستشاري

[البحار00]

انا أتعامل مع شعاع للاستشارات الهندسيه

الاستشاري الي مشرف على بيتي سوداني

بس شهاده الكل يمدح فيه ونشيط فاهم شغله

[ali22]

السوداني غير قلبه نظيف

[ali22]

والله ماحد لعوزني وخرب بيتي غييير المصري والسوري واحد يقولي بص حضرتك والثاني يقولك ولو خيو بخلي بيتك متحف فعلا متحف صار للاسف

نصيحه ابعدوا عن هالجنسيتين لو قالك اشتغلك ببلاش قوله ضف وجهك
التصليح في بيتي كلفني 80 الف من خرسانات ضاربه ومن اقواس غير مستقيمه ومن عامود فيه ميلان ورقع يامرقع والمشكله الاستشاري يقولك عادي امر سهل يتعالج ويسهل عليك تحصله مرتب مع المقاول والضحيه انت يالقطري فلوووس عندهم يفكرون الفلوس ماراح تدفعها طوول عمرك يفكرونها بلاش

حسبي الله على المقاول بس

كأنك تتكلم بالنيابة عني الله لايوفقهم
ونقول الله ينتقم منهم وحسبنى الله ونعم الوكيل

[معماري قطري]

كأنك تتكلم بالنيابة عني الله لايوفقهم
ونقول الله ينتقم منهم وحسبنى الله ونعم الوكيل

ما ودي أقولها صريحة لكن العيب في لجنة تصنيف وترخيص المكاتب الإستشارية والمهندسين، لو يسون إختبار لغة إنجليزية لخرجين هذي الجنسيتين بيرسبون ومعروف عالمياً كل مهندس متخرج لازم يسوي إختبار تخصص وفي تخصصه، فمثلاً مهندس البيئة فيه إختبارات خاصة تثبت إلمامه بهذي الشغلة، ومهندس الإنشاءات له إختبارات مبدئية في تخصصه ومكثفة في مجال معين في تخصصه.

عندنا كله "مجبوس " المهم مهندس وبس، فتحصل إدارات كبرى مهندسينها ومدراءها فقط مهندسين، وتعيينهم على أساس إنهم مهندسين، مثلاً مهندس مارس دراسته وعمله في الإتصالات فجأة تحصله مدير شركة عقارية أو مؤسسة حكومية للإنشاءات أو الطرق أو غيرها، فمن الطبيعي تكون أسهل الطبخات المجبوس ... ويطلعون لنا منهم أشخاص يتكلمون ويبررون الأخطاء اللي صارت بأن هذي أول مره يسوون مشاريع بهذا الحجم في قطر ولا بد تطلع كوارث وأخطاء بيستفيدون منها وبيتفادونها في المستقبل، وكأن دراستهم ما تخليهم يسشرفون نتيجة مواصفاتهم وشغلهم اللي يديرونه، فمثلاً يدفنون بإرتفاع يزيد عن 12 متر ويحطون منهولات خرسانة وسط هذا الدفان ويتوقعون المنهولات تثبت بدون تقوية للدفان حولها وتدعيم بخرسانات إضافية، وتحصل مشروع كلف مليارات وفي النهاية هو أغلبه حفر ودفان ومواد رديئة ما تعيش 10 سنين، والقادم جاي وبيكون أسوأ وبتطلع مشاكل أكثر في بنيتنا التحتية وفي منشاءتنا وبندفع أكثر وأكثر وبنحصل أقل ما يمكن إذا إستمر الوضع " مجبوس".

[captin]

ما ودي أقولها صريحة لكن العيب في لجنة تصنيف وترخيص المكاتب الإستشارية والمهندسين، لو يسون إختبار لغة إنجليزية لخرجين هذي الجنسيتين بيرسبون ومعروف عالمياً كل مهندس متخرج لازم يسوي إختبار تخصص وفي تخصصه، فمثلاً مهندس البيئة فيه إختبارات خاصة تثبت إلمامه بهذي الشغلة، ومهندس الإنشاءات له إختبارات مبدئية في تخصصه ومكثفة في مجال معين في تخصصه.

عندنا كله "مجبوس " المهم مهندس وبس، فتحصل إدارات كبرى مهندسينها ومدراءها فقط مهندسين، وتعيينهم على أساس إنهم مهندسين، مثلاً مهندس مارس دراسته وعمله في الإتصالات فجأة تحصله مدير شركة عقارية أو مؤسسة حكومية للإنشاءات أو الطرق أو غيرها، فمن الطبيعي تكون أسهل الطبخات المجبوس ... ويطلعون لنا منهم أشخاص يتكلمون ويبررون الأخطاء اللي صارت بأن هذي أول مره يسوون مشاريع بهذا الحجم في قطر ولا بد تطلع كوارث وأخطاء بيستفيدون منها وبيتفادونها في المستقبل، وكأن دراستهم ما تخليهم يسشرفون نتيجة مواصفاتهم وشغلهم اللي يديرونه، فمثلاً يدفنون بإرتفاع يزيد عن 12 متر ويحطون منهولات خرسانة وسط هذا الدفان ويتوقعون المنهولات تثبت بدون تقوية للدفان حولها وتدعيم بخرسانات إضافية، وتحصل مشروع كلف مليارات وفي النهاية هو أغلبه حفر ودفان ومواد رديئة ما تعيش 10 سنين، والقادم جاي وبيكون أسوأ وبتطلع مشاكل أكثر في بنيتنا التحتية وفي منشاءتنا وبندفع أكثر وأكثر وبنحصل أقل ما يمكن إذا إستمر الوضع " مجبوس".


كلامك عين العقل

إذا الدولة عندنا تبي تأسس بنية تحتية صح
تبعد الجنسيات العربية تماما من موضوع البناء
وأشغال والمشاريع الحكومية والخاصة.
وتسكر المكاتب الاستشارية التعبانة

هاذول لو فيهم خير جان لقيت بلدانهم مرتبة وعدله

[بوخالد911]

هلا


احترامي للكل

ابعد عن المصري والسوري

[معماري قطري]

أذكر صارت معانا سالفة كإدارة حكومية، وناخذ تصنيف المكاتب من وزارة البلدية .. هذا من وقت طويل الحين تغيرت الإجراءات أكيد .. المهم تعبنا في كم مشروع نتفاجأ إن المكتب مسجل درجة أولى وشغلة تعبان للغاية .. فقررنا نروح لبعض المكاتب زيارة ميدانية ونعاين كيف يشتغلون وترخيصهم وعدد المهندسين وأُمور كثيرة غير .. ومن شروط تأسيس المكاتب الدولية في قطر إن يكون فيه عدد معين متواجدين في المكتب.

المفاجأة يا إخوان إن دخلنا مكتب المهندسون العرب، وقابلنا مدير المكتب الأنيق وكان المكتب على ما اذكر شقة صغيرة، ومع المدير كان رسام يشتغل على مشروع، المهم الرسام طلع شكل ما يقولون المصريين بتاع كله .. فهو اللي ضيفنا وسوى لنا شاي وهو اللي يرد على التلفون وأتوقع هو يخلص المعاملات، ومديرهم العيارة تطل من عيونه .. سئلناه عن باقي المهندسين قال يشرفون على المشاريع .. زين إطلبهم بنشوفهم قام يلف ويدور وفي النهاية إعترف إن الكل مسافر وممكن يجيب اللي نحتاجهم لمشروعنا والمهم إقامتهم ساريه وممكن يجون أي وقت.

وصدقوني ما يجون يشغلونهم في بلادهم للتوفير ويسون شيء أي كلام وشغل بالمراسلات يطول ويطول، وهم يختمون جوازاتهم بإقامات حتى بس يحصلون الترخيص، وهذا يمكن ينطبق على أغلب المكاتب الكبيره والعالميه.

[مضارب دوسري]

اهم شي مايكون المقاول والاستشاري جنسيه وحده

[ali22]

من الاخر : مصري + سوري = ((شووووووووت بالنتي)):app:

[almaf1a]

مجموعة المدينة للتصاميم والاستشارات الهندسه
بالسد
مهندس اسمه عبدالكريم (هندي)
بس على حسب المنطقة لانه مضغوط شوي

لكن ممتاز

بالتوفيق