يا( صاحبة الترخيص ) أنا فقيره وحاجتي عند ربّي !

[الفرس]

بسم الله الرحمن الرحيم
السلام عليكم ورحمة الله وبركاته

انا مواطنه قطريه عمري 26 سنه وماعندي إلا واسطة رب العالمين
شهادتي إعداديه والحين أكمّل في أول ثانوي لي تقريباً 6 سنين وانا اقدم في كل مكان
لكن الشكوى لله لأن الأسباب ماتخفاكم .
شهر 7 اللي راح جاني اتصال من مدرسة ( ...... الابتدائيه المستقله للبنات )
وتعالي يافلانه عندك مقابله جيتهم وقابلتني المديره ( صاحبة الترخيص ) وقالت لي راح تكونين مشرفة باص وشغلك إداري وانا عن نفسي موافقه عليك بس باقي موافقة المجلس الاعلى وعطتني لسته فيها بعض الطلبات الرسميه من صور .. وما الى ذلك ومن ضمن هالامور قالت لي روحي سوي فحص حق شهادة القمسيون الطبي
وجيبي معك شهادة حسن سيره وسلوك قلت لها مايحتاج خطاب من عندكم ؟ قالت لا مايحتاج
ورحت على طول للمستشفى ماصدقت اني راح اتوظف ( من بعد انتظار سنين )
وقالوا لي لازم خطاب من عندهم شلون ماعطوك ؟ قلت لها مادري انا اول مره اتوظف ولا اعرف هالامور وهي قالت مايحتاج , وانا كان عندي كارد فيه رقم المدرسه ورقم جوال المديره ودزيت لها مسج وقلت لها الموضوع قالت : خلاص تعالي بعد بكره وبنعطيك الاوراق .. وجيتها على الموعد وقعدت تماطل بأعذار سخيفه وآخر شي قالت لازم ننتظر موافقة المجلس الاعلى على بداية المدارس ان شاء الله ( لان كنا في اجازة رمضان ) قلت طيب متى اراجعكم ؟ قالت لاتراجعيننا حنا بنكلمك والوظيفه مب اكيد ! ( كلامها متناقض ) .

ومرّت الايام وبتاريخ 2 / 9 ارسلت مسج لها استفسر عن الموضوع ولا ردت علي
وقلت فخاطري اكيد ماتبيني ولا تبي تحرج نفسها والحمدلله على كل حال يمكنها خيره .
ويوم الثلاثاء الصبح بتاريخ 11 / 9 الساعه 9 وشي اتصلت على السكرتيره وعلى طول قالت لي انتي فلانه وينك ؟ وليه ما داومتي ؟ المفروض تداومين جاتنا موافقة المجلس الاعلى من الاربعاء اللي فات تعالي الحييين .. قلت لحظه لحظه انا شلون بعرف موب مفروض انتوا تكلموني ؟ قالت لا انتي لازم تراجعين قلت المديره قالت لي بلسانها لا تراجعيننا احنا بنكلمك اذا نبيك !
قلت خلاص بكره بجي ان شاء الله الحين ماعندي حد يجيبني , قالت اوكي .

بس ما ارتحت وكلمت ابوي وخليته يوديني وسألت عن المديره وقالوا لي مسافره وبتداوم يوم الاحد
ورحت مع السكرتيره اللي كلمتني وروتني اوراق الموافقه من المجلس الاعلى واستغربت يوم قريت المسمى ( عاملة باص ) قلت لها شلون كذا المديره قالت لي مشرفة باص وشغلي اداري قالت مادري كله نفس المسمى , وقالوا لازم تداومين من بكره قلت طيب وجيتهم وكان اول يوم ادوام فيه عندهم يوم الاربعاء بتاريخ 12 / 9 وخذتني السكرتيره لمكتب نائبة المديره على اساس اني مساعدتها ؟ ولاحظوا مازال المسمى ( عاملة باص ) !!!
قلت فخاطري يالله يا .... انتي المحتاجه اصبري لين ماتجي المديره وتفاهمي معها الحين مشي الامور , اشتغلت وبذلت كل جهدي الله العالم اني محتاجه لهالوظيفه .

ويوم الاحد قابلت المديره وقالت لي ماراح تشتغلين مشرفه راح تكونين عاملة باص تودين الطالبات وتجيبينهم قلت طيب بس انتي ماقلتي لي كذا قبل ؟ قالت النائبه ( فلانه ) قالت لي ماتبيك انتي ماتعرفين للكمبيوتر وبطيئه فيه ( وهي تكذب الله لايوفقها ) انصدمت لان اصلاً الكمبيوتر اللي عندها كان خربان , قلت ما صار هالشي من الاساس اصلاً ماقعدت ع الكمبيوتر كل شغلي كان فرز الملفات ترتيبها شلون تقول كذا !!
قلت طيب انا موافقه ( رضيت بالامر الواقع صح نصبت علي واستغلتني من البدايه بس هذي الشغله الوحيده بعد سنوات من العطاله لازم اقبلها واتحمّل ) قالت الحين بتكونين بفترة تدريب 6 شهور وبنشوف بعدين .. قلت : يعني من دون عقد .. قالت : انا انسانه عندي ذمه وضمير شلون تشككين فيني قلت : ماشككت فيك انا ابي اضمن حقي انتي لو انك مكاني وقدمتي على وظيفه موب لازم توقعين عقد ؟ انا نفس الشي .. قالت انتي صراحه ماتصلحين عندنا شخصيتك قويه ودفاعيه .. قلت هذا شي حلو ان شخصيتي قويه وما دافعت الا عن حقي ولا اظن ان هذا شي غلط , قالت انا ما اثق فيك مع الطالبات في الباص قلت ليه ؟ قالت انا خبره 25 سنه واعرف الشخصيات قلت جربيني اول موب تحكمين علي كذا ؟ قالت طيب الحين الباص موب موجود عندنا نقص في الباصات بس لما يوصل راح يجيك 5 ونص عند الباب وتمرين الطالبات وتوصلين المدرسه 7 ونص تقريباً والظهر يطلعون الطالبات 1 وربع تقريباً قلت اوكي ماعندي مشكله .

بعدين قالت وخلال فترة دوامك بعد ماتجيبين الطالبات بتمسكين غرفة الطباعه بما انك اصغرهم ونشيطه ( ترى ابد ما استغربت ولا شي :) ) قلت هذا موب شغلي انا عاملة باص الحين !! قالت ليش تبين تطقين حنك وتسولفين طول الوقت انا كل العاملات عندي اشغلهم بأشياء ثانيه ما يجلسون ويسولفون قلت انا ماقلت ابي اسولف واطق حنك لا تقوليني شي ماقلته !
ومن بعد هالنقاش العقيم قلت اوكي انا موافقه ( وفخاطري ادعي واتحسب على هالاستغلال ) قالت الحين روحي لفلانه حقة شؤون الموظفين وبتعطيك الاوراق الرسميه ( فتح الحساب , وحسن سيره وسلوك , والقومسيون الطبي ) ولما رحت لها قالت الحين ما اقدر الطابعه خربانه تعالي بكره قلت طيب ورحت غرفة الطباعه وكرفوني كرف وقلت معلييه كل شي يهون دام فيه راتب آخر الشهر ( طبعاً ماحد بيحس بإحساسي الا العاطلين والعاطلات ) ويوم الاثنين رحت للمسؤوله مره ثانيه وقالت لي تعالي نهاية الدوام ( هذي كل شغلتهم مماطله × مماطله ) قلت طييييب بجيك آخر الدوام ورحت لغرفة الكرف وطبعاً كانت كل اوراق المدرسه علي من طالبات ومدرّسات واداره انا اللي اطبع واوصل الاوراق بعد .. يعني بتاع كلللو .

ونهاية الدوام جيتها وقالت لي بكره بعطيك اياها , قلت يافلانه انا من شهر سبعه وانا اطلب الاوراق ولين الحين ماعطيتوني اياها مايصير كذا ؟ قالت انتي ليش خايفه ماراح نظلمك حتى لو اضطرينا ندفع لك ((( كـاش ))) !!!

هـنـا انا شلت نفسي ورحت لبيتي اللي رغم سوء وضعنا المادي الا اني عايشه فيه معززه مكرمه عند امي وابوي اللي ما راح يرضون ان بنتهم تستغل من قبل ناس ماعندهم ذمه وضمير ناس ما راح تدوم لهم مناصبهم اللي هم فيها الحين .. والله يمهل ولا يهمل .

ماقلت هالموضوع عشان استدر عطف احد بس ابي آخذ حقي !!
قاهرني وحاز بخاطري وضع العاملات القطريات في المدارس المستقله اللي يشوفون الشين من ضغط وظلم وشغل موب لهم من الاساس عشان يرضون مديره جشعه ماتخاف ربها تستغل حاجتهم للوظيفه .. وعقب تقضبهم الباب !!
ابي هالمديره وهالمدرسه تكون عبره لكل من يطاوعه قلبه ع الظلم والاستغلال
من اصحاب وصاحبات التراخيص !!

[(محمد)]

وعليكم السلام ورحمة الله وبركاته



كان الله في عونكم ... ورزقكم من حيث لاتحتسبون رزقا مباركا كريما .. يغنيكم بحلاله عن حرامه .. ويبعد عنكم شر من لا يخشى الله ... وشر من يظلم ...
واحتسبوا ... والله حسيبكم ووكيلكم ونعم الوكيل


عليكم بالدعاء .. والاستخارة قبل كل عمل




وفقكم الله وسدد خطاكم

[Chambray]

الله يرزقج الرزق الحلال ان شاء الله اختي

هل قدمتي على وزارة العمل ؟
هم الي يدورون لج على وظائف مناسبه لج .. وما اعتقد ان الدنيا موقفه على ( مدرسه وحده ) في اماكن كثيرة تشتغلين معززه مكرمه بدون اذلال من هالناس الي ماتخاف ربها ..

ربي يوفقج ويفتحها عليج ان شاء الله

[بن غيث]

استمري في العمل وخذي دورات كمبيوتر ولغة انجليزية وخبرة
وفي نفس الوقت قدمي على القطاع الخاص
ربي بيوفقك .. صبري أشوي .. لكن بعزة نفس

[الفرس]

وعليكم السلام ورحمة الله وبركاته



كان الله في عونكم ... ورزقكم من حيث لاتحتسبون رزقا مباركا كريما .. يغنيكم بحلاله عن حرامه .. ويبعد عنكم شر من لا يخشى الله ... وشر من يظلم ...
واحتسبوا ... والله حسيبكم ووكيلكم ونعم الوكيل


عليكم بالدعاء .. والاستخارة قبل كل عمل




وفقكم الله وسدد خطاكم


آمين يارب
جزاك الله خير



الله يرزقج الرزق الحلال ان شاء الله اختي


آمين / الله يجزاك خير


هل قدمتي على وزارة العمل ؟
هم الي يدورون لج على وظائف مناسبه لج .. وما اعتقد ان الدنيا موقفه على ( مدرسه وحده ) في اماكن كثيرة تشتغلين معززه مكرمه بدون اذلال من هالناس الي ماتخاف ربها ..

ربي يوفقج ويفتحها عليج ان شاء الله


ايه قدمت من زمان وكل فتره اراجعهم
والوظيفه اصلاً من عندهم هم مرسلين اوراقي
امين الله يسمع منك

[الفرس]

استمري في العمل وخذي دورات كمبيوتر ولغة انجليزية وخبرة
وفي نفس الوقت قدمي على القطاع الخاص
ربي بيوفقك .. معليه استحملي شوي .. لكن بعزة نفس




اسمح لي اخوي اخذت قراري وخلصت
انت ترضى على نفسك تشتغل بدون ماتوقع عقد ؟ كيف بتضمن حقك ؟
عندي دورة كمبيوتر وانجليزيتي فوق المتوسط ويبي لي دورات عشان اتقنها بس وين الماده :)
ومن قال ماقدمت ع القطاع الخاص انا رضيت برواتب مايرضاها حتى المقيم اللي ماعنده شهاده !!
آخرها في شركة مقاولات سكرتيره لمصري براتب 2500
والمكان عباره عن مكتبين فقط مافيه الا انا وهو وهندي !!!
طبعاً انحشت بدون تفكيير
وغير كذا كان يبي ينصب علي ويستغل اسمي بما اني قطريه
عشان يدخل غرفة تجارة وصناعة قطر على قولته
<< بس احيي فيه صراحته :)

[أنا أحبكم]

الله يوفقك ويرزقك الرزق الحلال
لا تيأسين ترى الدنيا يبيلها تعب وما تصفى لأحد بدون تعب إلا للي انولدوا وفي افواههم ملاعق من ذهب !
+
عليك بكثرة الاستغفار

[intesar]

الله يوفقج..

[بوسلمان 2010]

الله يمهل ولا يهمل الله يرزق بالو ظيفة الزينة ان شاء الله

[بوحبيب]

صار التعليم استغلال وتعبيد للبشر واضاحي ياخذون على الراس الالاف من الرياللات لاضمير ولا خوف من الله ولا تقوى حسبي الله عليهم وعلى الشركه الامريكيه راند

[الحال مايساعد]

لاحول ولا قوة إلا بالله
الله يوفقك إختي وإن شاء الله بتزين الأمور
عليك بالصبر والدعاء

[راعي ال VXR]

لكل ظالم يوم ولكل متكبر يوم ....
اصبري اختي واحتسبي الاجر عند الله

[ضوى]

حرام بنت زي الورد شعلة نشاط وصغيرة وتشتغلين عاملة باص ، حبيبتي كملي تعليمج الثانوي على الاقل وبعدها اشتغلي مانصحج ابدا تشتغلين بهالسن الصغيرة وعاملة ، ابدا مش انتقاص من هالشغلة ابدا والله لانه الشغل مب عيب ولا حرام ، ولكن جدامج فرص احسن وافضل باكمال دراستج


بالتوفيق ان شاء الله

[الأصيلة]

الموضوع يحتاج صبر وطولة بال بما إنك محتاجه...
وكم وكم من العاملات باصرارهم وجدهم
وصلوا لـ سكرتيرات اول ما كملوا تعليمهم...
لازم تتحمل الوحده نتيجة عدم إكمال التعليم...
وتصبر مع التوكل على الله بأنه هو الرازق
لا المديرة ولا النائبة ولا المجلس الأعلى..
مب كل شيء يجي بالساهل وعلى ماتبغي النفس وتريد..

[ام ناصر1]

انصحج أنج تكملين اشوي دراستج للثانوي علشان ما تتبهدلين اكثر
بس اذا ماتبين ومعزمه على الشغل ...لاتهدين الدراسة لين ثانوي
وبعدها دوري سبونسر ...للجامعة

[العلم]

أنا عكس الي قبلي كلهم ماراح اقولچ تحملي ولا شي
المديرة هذي مب في بيتها عشان تلعب بالناس والناس ماخلقوا عندها عبيد تتحكم فيهم .

أنتي بنت قطرية ولچ حقچ ، ومايصير إنها تماطل فيچ وآخر شيء تقول مافي عقد وتشغلچ عمل إظافي خارج نطاق مسماچ الوظيفي وكله بدون مقابل .

هي غلطت عليچ في أشياء واايد ومن اهمها انها تضييع وقتچ بدون كلام واضح وآخر شيء تمسكچ من يدچ الي تعورچ .

لاتسكتين لها اشتكي عليها وشهري فيها وفي مدرستها وفي تعاملها السيء الي ماتستحق وحده بنفس تصرفتها تكون على رأس هرم تعليمي وتربوي .


ماضيعنا الا سكووتنا وتمريرنا الأخطاء والتجاوزات لكل من رفع خشمه ،



خليچ قوية يا اختي والرزق على الله والمؤمن القوي خير وأحب الى الله من المؤمن الضعيف .



بسسسسسسسسسسسسسسسسكم ذل :anger1:

[مرت محمد]

اعجبتني شخصيتك وراسك المرفوعه .. كللك شموخ وعزه نفس ماترضين احد يدوس لك على طرف والله انا عندي اكل خبزه وجبنه ولا ارضى اشتغل عند ناس تستغلني والدوس على كرامتي وانتي سويتي عين العقل

وصدقيني الا ما تلقين وظيفه باذن االله بس عليك بالدعاء في جوف الليل اما مديرات المدارس والي صار لي معاهم مواقف اقول الله لا يسامحهم اثنين من عيالي في مدرسه مستقله بعيده والله اراد ان تفتح مدرسه مستقله جديده مقابل البيت تماما

ماتتخيلين شلون فرحت ورحت المدرسه اول مادخلت تخيلت اني داخله القصر الحاكم اهجموا علي عند الباب خير شنوا سبب الزياره وليش وعندج موعد ولا لا قلت لهم ابي اقابل المديره وكاني طالبه مقابله رئيس دوله

لا ممنوع قولي لنا شتبين وحنا نوصلها قلت اوكي عيالي في المدرسه الفلانيه وابي ادخلهم مدرستكم فقالولي ماعندنا شاغر قلت لهم اقابل المديره قالولي ممنوع بناخذ لج موعد وبنتصلج قلت لهم نعم موعد عسى ماشر
موعد الدراسه بدت توجهت الى مكتب المديره ابي اشوف السلطانه ليش ماتقابل احد

مكتبها في بابين باب زجاجي والباب الثاني عادي دقيت الباب عليها من الزجاجي اقولها افتحي لي الباب لو سمحتي تخيلوا ماكلفت خاطرها ترفع راسها وتشوفني وعمك اصمخ رحت لها من الباب الثاني ودخلت عليها بالقوه كلمتها بكل ادب وحترام رغم حركاتها الاستفزازيه امسكت التيلفون وصارت تتكلم فيه

قلت لها دقيقه من وقتج قالت لي اذا تبين تشتغلين ماعندنا مكان قلت لها ابي اجيب عيالي بمدرستكم قالت اسفه مافي شواغر استغفر الله ليش الناس صارت كذا وتتكلم معك بفوقيه انا مادري

المهم ادخلوا عيالي مدرستها رغم انفها من ورقه من المجلس الاعلى

[ريم 28]

اختي الله يوفقك واتحصلين علئ وظيفه مرضيه في اقرب وقت

ومشرفة الباص هي نفسها عاملة الباص والمهام متشابهه

وبشهادتك لن تحصلي علئ عمل اداري اسال الله ان يوفقك وتكملي دراستك وتحصلي علئ وظيفه في هذه الايام

لكن نصيحتي لك في المره القادمه ان لا تقولي كل ما يجول في نفسك وخاطرك وتظهري لمن امامك من مدير او رئيس بانك تاخذين حقك وانك قويه وتعرفين كيف تردين

اعلم انك لم تخطي وطالبت بحقك
لكن بعض الرؤساء يطفشون المروؤسين لهذا السبب ولا يرغبون به يريدون المسكين المتمسكن وهذا خطا طبعا


بخصوص من غير عقد غالبا فترة التدريب هكذا في المستقله


وكان عليك ان تصبري وتسعي اكثر وتعرفين كيف تتدخلين لهذه المديره وتقنعينها بوجهة نظرك واي طريقه تنفع معها وما هو مفتاحها وهكذا اختي العزيزه


الحياه في البدايه صعبه وخاصه للمحتاج

واشعر بانك لا تريدين المذله
ولكن حبيت انصحك حتئ تتجنبين ذلك في المره القادمه والله يوفقك

فقط قولي حسبي الله ونعم الوكيل

[الزعفراني]

الشيخه ليش ما تراجعين المجلس الأعلى للتعليم .. كل مدرسة ولها منسقه من المجلس الاعلى مسؤوله عن هالمدرسة .. تستقبل الشكاوي وتكون حلقة وصل بينج كمتضرره وبين إدارة المدرسة .

[حسن]

الله يوفقك ياختي ان شاء الله وموضعك هذا اللي تكلمت عنه موضي في التويتر صحيح

[قطري2012]

حسبي الله ونعم الوكيل
يستغلون الانسان
ليش كل هذي الاهانه والاستغلال
هذي قطريه وين تروح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

[مدرسة]

الله يرزقج من حيث لا تحتسبين و يعينج على اكمال مشوارك التعليمي

الرزق عند الرزاق ..

[الفرس]

الله يوفقك ويرزقك الرزق الحلال
لا تيأسين ترى الدنيا يبيلها تعب وما تصفى لأحد بدون تعب إلا للي انولدوا وفي افواههم ملاعق من ذهب !
+
عليك بكثرة الاستغفار



الله يوفقج..


الله يمهل ولا يهمل الله يرزق بالو ظيفة الزينة ان شاء الله


آمين وياكم اخواني وخواتي
والله يجزاكم خير




صار التعليم استغلال وتعبيد للبشر واضاحي ياخذون على الراس الالاف من الرياللات لاضمير ولا خوف من الله ولا تقوى حسبي الله عليهم وعلى الشركه الامريكيه راند




الدنيا مهيب دايمه لحد ياخوي
حسبي الله ونعم الوكيل عليهم وعلى كل ظالم

[الفرس]

لاحول ولا قوة إلا بالله
الله يوفقك إختي وإن شاء الله بتزين الأمور
عليك بالصبر والدعاء



لكل ظالم يوم ولكل متكبر يوم ....
اصبري اختي واحتسبي الاجر عند الله

آمين جزاكم الله خير


حرام بنت زي الورد شعلة نشاط وصغيرة وتشتغلين عاملة باص ، حبيبتي كملي تعليمج الثانوي على الاقل وبعدها اشتغلي مانصحج ابدا تشتغلين بهالسن الصغيرة وعاملة ، ابدا مش انتقاص من هالشغلة ابدا والله لانه الشغل مب عيب ولا حرام ، ولكن جدامج فرص احسن وافضل باكمال دراستج


بالتوفيق ان شاء الله


مثل ماقلتي الشغل مهوب عيب , وأكيد موب طموحي اكون عاملة باص لكن الشكوى لله
وماحدتني الا الحاجه والله لا يحد مسلم .
انا الحين اول ثانوي ( مسائي ) وراح اكمل الجامعه بعد ان الله اراد طموحي ماله حدود لكن صارت لي ظروف الله اعلم بها ولاقدرت اكمل الاعداديه الا الحين
وغير كذا وضعنا في بلدنا مايسمح بتحقيق الاحلام والوصول بقدر الطموحات صرنا بس نرضى بأي شغله توكل عيش
هذا واحنا في قطر اعلى دخل للفرد في العالم < خلوا الاجانب والمقيمين يتهنون ببلادنا وحن لنا بقاياهم ان كان به بقيه :)


الموضوع يحتاج صبر وطولة بال بما إنك محتاجه...
وكم وكم من العاملات باصرارهم وجدهم
وصلوا لـ سكرتيرات اول ما كملوا تعليمهم...[/color]
لازم تتحمل الوحده نتيجة عدم إكمال التعليم...
[color="silver"]وتصبر مع التوكل على الله بأنه هو الرازق
لا المديرة ولا النائبة ولا المجلس الأعلى..
مب كل شيء يجي بالساهل وعلى ماتبغي النفس وتريد..

لاتقررين نيابه عن المحتاج , وتحطين روحك مكان المحتاج وانتي ماعشتي وضعه يالاصيله
وانا مو مضطره اشرح لاحد ظروفي في عدم اكمال التعليم
والرزق عند الله وحده والحمد له على ذلك *


انصحج أنج تكملين اشوي دراستج للثانوي علشان ما تتبهدلين اكثر
بس اذا ماتبين ومعزمه على الشغل ...لاتهدين الدراسة لين ثانوي
وبعدها دوري سبونسر ...للجامعة


مشكوره ع النصيحه
وانا مقرره كذا اصلاً ماراح اخلي دراستي حتى لو لقيت وظيفه
جزاك الله خير



أنا عكس الي قبلي كلهم ماراح اقولچ تحملي ولا شي
المديرة هذي مب في بيتها عشان تلعب بالناس والناس ماخلقوا عندها عبيد تتحكم فيهم .

أنتي بنت قطرية ولچ حقچ ، ومايصير إنها تماطل فيچ وآخر شيء تقول مافي عقد وتشغلچ عمل إظافي خارج نطاق مسماچ الوظيفي وكله بدون مقابل .

هي غلطت عليچ في أشياء واايد ومن اهمها انها تضييع وقتچ بدون كلام واضح وآخر شيء تمسكچ من يدچ الي تعورچ .

لاتسكتين لها اشتكي عليها وشهري فيها وفي مدرستها وفي تعاملها السيء الي ماتستحق وحده بنفس تصرفتها تكون على رأس هرم تعليمي وتربوي .


ماضيعنا الا سكووتنا وتمريرنا الأخطاء والتجاوزات لكل من رفع خشمه ،



خليچ قوية يا اختي والرزق على الله والمؤمن القوي خير وأحب الى الله من المؤمن الضعيف .



بسسسسسسسسسسسسسسسسكم ذل


هذي اللي فاهمتني صح :)
مانيب ساكته ابد .. لين يضرب بها المثل في جميع المدارس المستقله
وتصير عبره لمن لم يعتبر حتى لو اضطريت اركض ورى حقي سنين :)



اعجبتني شخصيتك وراسك المرفوعه .. كللك شموخ وعزه نفس ماترضين احد يدوس لك على طرف والله انا عندي اكل خبزه وجبنه ولا ارضى اشتغل عند ناس تستغلني والدوس على كرامتي وانتي سويتي عين العقل

وصدقيني الا ما تلقين وظيفه باذن االله بس عليك بالدعاء في جوف الليل اما مديرات المدارس والي صار لي معاهم مواقف اقول الله لا يسامحهم اثنين من عيالي في مدرسه مستقله بعيده والله اراد ان تفتح مدرسه مستقله جديده مقابل البيت تماما

ماتتخيلين شلون فرحت ورحت المدرسه اول مادخلت تخيلت اني داخله القصر الحاكم اهجموا علي عند الباب خير شنوا سبب الزياره وليش وعندج موعد ولا لا قلت لهم ابي اقابل المديره وكاني طالبه مقابله رئيس دوله

لا ممنوع قولي لنا شتبين وحنا نوصلها قلت اوكي عيالي في المدرسه الفلانيه وابي ادخلهم مدرستكم فقالولي ماعندنا شاغر قلت لهم اقابل المديره قالولي ممنوع بناخذ لج موعد وبنتصلج قلت لهم نعم موعد عسى ماشر
موعد الدراسه بدت توجهت الى مكتب المديره ابي اشوف السلطانه ليش ماتقابل احد

مكتبها في بابين باب زجاجي والباب الثاني عادي دقيت الباب عليها من الزجاجي اقولها افتحي لي الباب لو سمحتي تخيلوا ماكلفت خاطرها ترفع راسها وتشوفني وعمك اصمخ رحت لها من الباب الثاني ودخلت عليها بالقوه كلمتها بكل ادب وحترام رغم حركاتها الاستفزازيه امسكت التيلفون وصارت تتكلم فيه

قلت لها دقيقه من وقتج قالت لي اذا تبين تشتغلين ماعندنا مكان قلت لها ابي اجيب عيالي بمدرستكم قالت اسفه مافي شواغر استغفر الله ليش الناس صارت كذا وتتكلم معك بفوقيه انا مادري

المهم ادخلوا عيالي مدرستها رغم انفها من ورقه من المجلس الاعلى

كل شي يوقف عن الكرامه الانسان بدونها ولا شي
صادقه اختي المدارس المستقله الحين صاروا دوله داخل دوله
وكل مدرسه تعتبر دوله لحالها ولها قوانينها الخاصه وهذا اللي راح يجيب نهايتهم قريب ان شاء الله
زين ماسويتي وهذا اللي لازم يصير مايضيع حق وراه مطالب :)




اختي الله يوفقك واتحصلين علئ وظيفه مرضيه في اقرب وقت

ومشرفة الباص هي نفسها عاملة الباص والمهام متشابهه

وبشهادتك لن تحصلي علئ عمل اداري اسال الله ان يوفقك وتكملي دراستك وتحصلي علئ وظيفه في هذه الايام

لكن نصيحتي لك في المره القادمه ان لا تقولي كل ما يجول في نفسك وخاطرك وتظهري لمن امامك من مدير او رئيس بانك تاخذين حقك وانك قويه وتعرفين كيف تردين

اعلم انك لم تخطي وطالبت بحقك
لكن بعض الرؤساء يطفشون المروؤسين لهذا السبب ولا يرغبون به يريدون المسكين المتمسكن وهذا خطا طبعا


بخصوص من غير عقد غالبا فترة التدريب هكذا في المستقله


وكان عليك ان تصبري وتسعي اكثر وتعرفين كيف تتدخلين لهذه المديره وتقنعينها بوجهة نظرك واي طريقه تنفع معها وما هو مفتاحها وهكذا اختي العزيزه


الحياه في البدايه صعبه وخاصه للمحتاج

واشعر بانك لا تريدين المذله
ولكن حبيت انصحك حتئ تتجنبين ذلك في المره القادمه والله يوفقك

فقط قولي حسبي الله ونعم الوكيل


لا حبيبتي المشرفه مهامها اداريه والعامله توصل الطالبات من والى البيت
والمديره قالت لي كذا بنفسها ماجبت شي من عندي
انا ما اقولك ان شهادتي راح تخليني اشتغل اللي ابيه لأ بس اذا انا اعدادي وحطتني عاملة باص
اجل اللي شهادتهم ابتدائيه او اللي ماعندهم شهاده اصلا شنو بتحطهم مقهوجيه عندها والا ايش ؟
وبعدين ياحبيبتي مافيه شي اسمه اشتغلي بدون عقد حتى لو كان فتره تدريب
والقانون مايحمي المغفلين
نصيحتك ماتصلح لي مع احترامي لك اجل اتملق الناس عشان آخذ منهم حقي اللي كفله لي الدستور ؟



الشيخه ليش ما تراجعين المجلس الأعلى للتعليم .. كل مدرسة ولها منسقه من المجلس الاعلى مسؤوله عن هالمدرسة .. تستقبل الشكاوي وتكون حلقة وصل بينج كمتضرره وبين إدارة المدرسة .


ان شاء الله راح يصير هالشي
جزاك الله خير


الله يوفقك ياختي ان شاء الله وموضعك هذا اللي تكلمت عنه موضي في التويتر صحيح


وياك اخوي
ايه هو نفسه والف شكر لموضي على اهتمامها وهالشي موب غريب منها
واللي يبي يعرف اسم المدرسه بيلقاه في تويتر

[العلم]

أنا ...... هذي !!!!!!!:waiting:



ههههههههه
ههههه
ههه

[ريم 28]

اسمحي لي اختي

انت كاتبه الموضوع في منتدئ عام

واذا لم تتقبلي النصيحه وفسرتيها بطريقتك

نحن نعلم الوظايف وتوزيع الوظايف والمسمئ والمهام

وفترة التدريب لا يوجد عقد

والاتفاق بينك وبين المديره طبيعي جدا تتقبل عملك او لا وكيف يصرفون راتب وانتي في تدريب واختبار قبول


واعذرينا انتي تريدين نقول انتي مظلومه ونحن لم نسمع الطرف الاخر حتئ

واكيد اقبل ان لا تاخذي بالنصيحه ولكن اقبلي انتي راينا في موضوعك والله ينصرك اذا انظلمتي


وموضوع القانون لا يحمي المغفلين فالمدرسه والمديره ماشين علئ نفس النهج ولابد من فترة اختبار وتدريب قبل توقيع العقد

[الفرس]

قطري2012
مدرسة

آمين يارب
جزاكم الله خير

[خليفـة]

الله يكون بعونج اختي
ان بغيتي نصيحتي .. اقبلي بوظيفة مشرفة باص
وبعد ما تنقبلين .. وينزل لج الراتب وتتثبتين رسمياً
اذا وكلتج المديرة لأي عمل اضافي مثل الطباعة قولي لها :
لما تبوسين كوع يدج .. بمسك الطباعة
وهي مب كفوا تجبرج على شغل اضافي غير شغلج الي تعينتي عليه
وفي حال ضايقتج المديرة بأي طريقة .. توجهي للمجلس الأعلى وحقج ماراح يضيع ان شاء الله
انتي مواطنة قطرية .. وبنت البلد
وحقج في النهاية بتاخذينه عن طريق القانون والنظام

بالتوفيق ان شاء الله .. وربي ييسر لج أمرج .. ويشرح لج صدرج

خليفـــة

[الفرس]

اسمحي لي اختي

انت كاتبه الموضوع في منتدئ عام

واذا لم تتقبلي النصيحه وفسرتيها بطريقتك

نحن نعلم الوظايف وتوزيع الوظايف والمسمئ والمهام

وفترة التدريب لا يوجد عقد

والاتفاق بينك وبين المديره طبيعي جدا تتقبل عملك او لا وكيف يصرفون راتب وانتي في تدريب واختبار قبول


واعذرينا انتي تريدين نقول انتي مظلومه ونحن لم نسمع الطرف الاخر حتئ

واكيد اقبل ان لا تاخذي بالنصيحه ولكن اقبلي انتي راينا في موضوعك والله ينصرك اذا انظلمتي


وموضوع القانون لا يحمي المغفلين فالمدرسه والمديره ماشين علئ نفس النهج ولابد من فترة اختبار وتدريب قبل توقيع العقد


كلامك واضح يا اختي
والنصيحه من اي شخص سواءً كان انتي او غيرك ان صلحت لي قبلتها وان ماصلحت لي ماني بمجبوره اقبلها
واذا انتي راضيه انك تمسكنين عند المديره او عند مسؤول التوظيف
فهذي شخصيتك انتي وانتي حرّه بتصرفاتك ,
وابد ماكتبت الموضوع عشان اقول اني ظلمت لأني أصلاً إذا ظلمت ما راح ادفن راسي فالتراب واكمل في المكان اللي ظلمت فيه بل عكس البعض راح آخذ حقي
وبيني وبين هالمديره ونائبتها المجلس الأعلى وحتى لو اضطريت اوصل الموضوع للمحاكم ماعندي اي مانع
دام حقي في النهايه بيجيني , وماهيب انا اللي ينوخذ حقها وتسكت
انا جايه اشتغل بكرامتي وطلعت بكرامتي وراح آخذ حقي بكرامتي
وانتي سوي اللي تبين لما تكونين مكاني
وفي النهايه رايك انتِ حرّه فيه لكن نصيحتك ماتصلح لي

[الفرس]

الله يكون بعونج اختي
ان بغيتي نصيحتي .. اقبلي بوظيفة مشرفة باص
وبعد ما تنقبلين .. وينزل لج الراتب وتتثبتين رسمياً
اذا وكلتج المديرة لأي عمل اضافي مثل الطباعة قولي لها :
لما تبوسين كوع يدج .. بمسك الطباعة
وهي مب كفوا تجبرج على شغل اضافي غير شغلج الي تعينتي عليه
وفي حال ضايقتج المديرة بأي طريقة .. توجهي للمجلس الأعلى وحقج ماراح يضيع ان شاء الله
انتي مواطنة قطرية .. وبنت البلد
وحقج في النهاية بتاخذينه عن طريق القانون والنظام

بالتوفيق ان شاء الله .. وربي ييسر لج أمرج .. ويشرح لج صدرج

خليفـــة

آمين / جزاك الله خير
انا قبلت في النهايه وظيفة مشرفة الباص رغم ان خدعتني واستغلت حاجتي للوظيفه
بس هي مو راضيه تعطيني اي ورقه رسميه تثبت اني اشتغلت عندهم واهم شي مو راضيه تعطيني العقد !!!!
يعني يا فلانه اشتغلي عندنا لمدة 6 شهور بدون عقد ويمكن نقبلك ويمكن لا
وغير كذا غصبن عن خشمك خلال هالفتره راح تمسكن غرفة الطباعه وراح توصلين الملفات وكل شي اطلبه منك تم طال عمرك !!
الراتب مهوب من جيبها عشان تذل العالم وتستغلهم

[بن السليم1]

انشاء الله ربي يوفقج يارب

[مسك روز]

لاحول ولاقوة الا بالله

اللي اعرفه انا كمدرسة سابقه ان فترة الاختبار كانت 3 شهور فقط

شلون صارت 6 شهور ؟

و كان ينصرف لي راتب فترة الاختبار ..

هالمديره غريبه عجيبه

زين انج طلعتي بكرامتج والله يعوضج بالافضل ان شاءالله

[saif]

كفو اللي سيويتيه اختي
والعقد يوقع قبل بداية الدوام
القانون شئ والمتعارف بالمدارس على كلام الاخت ريم شئ اخر
واللي يطالب بحقه يخافون منه ، ولان صاحبات التراخيص يخافون فـ حاولو تطفيشك من العمل

وبإذن الله راح يتغير هالامر ، ونتطلع لالغاء التعيين المباشر من المدارس بعد المشاكل اللي حاصله

تمنياتي لك اختي بكل توفيق ونجاح

[الجوكر90]

السلام عليكم
اختي محد قالج لاتطلبين حقج
او حطي راسج فالارض
او تمسكني او اي شي يهين كرامتج
بس ملاحظ اسلوبج او تصرفاتج لازم تتحكمين فيهم
لان العضوه الريم تكلمت معاج ع انها تشتغل فمدرسه وتعرف هالامور
وانتي حورتي كلامها بطريقتج
انا بقولج والرزق من عند رب العالمين لا انا الي بعطيج ولا غيري
بس انج تراددين المديره والنائبه اكيد ماراح يقبلون فيج

نفس الشي صار الحين فالموضوع يوم كم شخص خالفج الراي قلتي انا مب مجبوره اخذ برايكم
والمديره تقول انا مب مجبوره اشغلها عندي
في اشيا احنا نقدر نرد عليها بس نسكت ونروح ناخذ حقنا بالقانون مب باللسان
انتي تقولين انج محتاجه الشغل وعسى الله يفرج ضيقتج
لو انا بدالج بكمل شغل بس بروح المجلس الاعلى وبقولهم صار معاي كذا وكذا
وتقدرون تشوفون بنفسكم
وبالتوفيق ان شاء الله

[ريم 28]

كفو اللي سيويتيه اختي
والعقد يوقع قبل بداية الدوام
القانون شئ والمتعارف بالمدارس على كلام الاخت ريم شئ اخر
واللي يطالب بحقه يخافون منه ، ولان صاحبات التراخيص يخافون فـ حاولو تطفيشك من العمل

وبإذن الله راح يتغير هالامر ، ونتطلع لالغاء التعيين المباشر من المدارس بعد المشاكل اللي حاصله

تمنياتي لك اختي بكل توفيق ونجاح

اختي حبيبتي انتي

انا اقدر افيدج واكتب لج القوانين لكن هذه مدارس مستقله وترخيص بيد مديره قطريه ولها سياستها الخاصه

واغلبهم ما يكتبون العقد من اول يوم

هناك اختبار وتدريب وحتئ من كلامها المديره قالت بمشي لك راتب لكن العقد ما نكتبه الحين ومن حقهم يشفون من يصلح ومن لا يصلح ومن هو مؤهل لوظيفه مثل هذه الوظيفه


اما انها تقول 6 شهور او غيره هذا انا ما تكلمت فيه

فقط نبهت عن العقد وكل المدارس ماشيه علئ هذا النهج والتثبيت ابضا ياخذ وقت

والله اني نصحتها من حب وليس دفاع عن احد ولم اجبرها تاخذ بنصيحتي ابد ووضحت ما هي مهام مشرفة الباص



وشكرا لك

[الفرس]

سليم للعقارا
مسك روز
saif

جزاكم الله خير

[saif]

اختي حبيبتي انتي

انا اقدر افيدج واكتب لج القوانين لكن هذه مدارس مستقله وترخيص بيد مديره قطريه ولها سياستها الخاصه

واغلبهم ما يكتبون العقد من اول يوم

هناك اختبار وتدريب وحتئ من كلامها المديره قالت بمشي لك راتب لكن العقد ما نكتبه الحين ومن حقهم يشفون من يصلح ومن لا يصلح ومن هو مؤهل لوظيفه مثل هذه الوظيفه


اما انها تقول 6 شهور او غيره هذا انا ما تكلمت فيه

فقط نبهت عن العقد وكل المدارس ماشيه علئ هذا النهج والتثبيت ابضا ياخذ وقت

والله اني نصحتها من حب وليس دفاع عن احد ولم اجبرها تاخذ بنصيحتي ابد ووضحت ما هي مهام مشرفة الباص



وشكرا لك


اختي الكريمه

انا اخوك سيف ولست اختك :)

وكما قلت اختي انا اتحدث عن قانون عمل ، وهذا القانون ينظم كل الامور المتعلقه بجميع المؤسسات ، والمدارس هي جزء من تلك المؤسسات ، القانون ينظم عملها ، ويُلزم المجلس الاعلى ممثل بالموارد البشرية والمكاتب ذات الصلة والمدارس ، واعتقد ان هناك صيغة موحدة لتلك العقود . وضمن البنود ان الموظف يخضع لفترة تدريب لمدة ثلاثة اشهر ..
هذا بحكم القانون يكون قبل مباشرة الموظف مهام عمله .. لكن المشكله ان صاحبات التراخيص هدانا الله واياهم ، ابتدعو شغلة ، الا وهي ان يجربو الموظفة بدون اي مستند ، مستغلين جهل الموظفة ، ولو قُدِر ان اشتكى الموظف او الموظفة للامانة العامه او المحكمه الاداريه ، لا جعل صاحبة العمل في وضع المسائلة القانونيه !!

تمنياتي ان يتم انهاء التقاعد المباشر من المدارس

[ريم 28]

اختي الكريمه

انا اخوك سيف ولست اختك :)

وكما قلت اختي انا اتحدث عن قانون عمل ، وهذا القانون ينظم كل الامور المتعلقه بجميع المؤسسات ، والمدارس هي جزء من تلك المؤسسات ، القانون ينظم عملها ، ويُلزم المجلس الاعلى ممثل بالموارد البشرية والمكاتب ذات الصلة والمدارس ، واعتقد ان هناك صيغة موحدة لتلك العقود . وضمن البنود ان الموظف يخضع لفترة تدريب لمدة ثلاثة اشهر ..
هذا بحكم القانون يكون قبل مباشرة الموظف مهام عمله .. لكن المشكله ان صاحبات التراخيص هدانا الله واياهم ، ابتدعو شغلة ، الا وهي ان يجربو الموظفة بدون اي مستند ، مستغلين جهل الموظفة ، ولو قُدِر ان اشتكى الموظف او الموظفة للامانة العامه او المحكمه الاداريه ، لا جعل صاحبة العمل في وضع المسائلة القانونيه !!

تمنياتي ان يتم انهاء التقاعد المباشر من المدارس

اخ كريم

واعتذر لذلك
وعلئ كلامك اقول
الله المستعان
وتتحقق امنيتك

[الفرس]

السلام عليكم
اختي محد قالج لاتطلبين حقج
او حطي راسج فالارض
او تمسكني او اي شي يهين كرامتج
بس ملاحظ اسلوبج او تصرفاتج لازم تتحكمين فيهم
لان العضوه الريم تكلمت معاج ع انها تشتغل فمدرسه وتعرف هالامور
وانتي حورتي كلامها بطريقتج
انا بقولج والرزق من عند رب العالمين لا انا الي بعطيج ولا غيري


وعليكم السلام ورحمة الله وبركاته
وش معنى هالكلام :

نصيحتي لك في المره القادمه ان لا تقولي كل ما يجول في نفسك وخاطرك وتظهري لمن امامك من مدير او رئيس بانك تاخذين حقك وانك قويه وتعرفين كيف تردين
اعلم انك لم تخطي وطالبت بحقك
لكن بعض الرؤساء يطفشون المروؤسين لهذا السبب ولا يرغبون به يريدون المسكين المتمسكن وهذا خطا طبعا
بخصوص من غير عقد غالبا فترة التدريب هكذا في المستقله
وكان عليك ان تصبري وتسعي اكثر وتعرفين كيف تتدخلين لهذه المديره وتقنعينها بوجهة نظرك واي طريقه تنفع معها وما هو مفتاحها وهكذا اختي العزيزه


الكلام كان واضح واي احد بيفهمه بدون مساعدة صديق
يعني يابنت الحلال اذا عندك مقابله لوظيفه هذي نصيحتي الذهبيه :
- تراهم مايحبون اللي يطالبون بحقوقهم لا تجيبين طاري العقد ابد ولا تقولين لها ابي اوقع عقد
هي ادرى واعلم .
- من حقها تشوف شغلك للمده اللي تحددها سيادتها , ان عجبتيها اوكي ماعجبتيها من حقها هي المديره !!
- اصبري وتحمّلي وحاولي تتملقينها بكل الطرق لين ما تلقين المفتاح لقلبها وتقتنع بك
وبكذا يعيش الجميع في سعاده وهناء ( وجه مبتسم ) .


بس انج تراددين المديره والنائبه اكيد ماراح يقبلون فيج

عشان سألت عن العقد صار هذا اسمه مرادد ؟ عجيب امرك وامر البعض هنا
واصلاً من قال اني تراددت معاهم انا ماتربيت على كذا يالطيب
ولو اني صدق ادوّر المشاكل كان يوم تبلّت علي النائبه على طول جيتها وقلت ليه تقولين عني كذا وليه وليه وليه ؟ وانا على حق لكن مانيب راعية مشاكل
وكل مافي الموضوع اني ابي العالم يشوفون اللي يصير في المدارس المستقله
وتصير هالمديره مثل لكل اصحاب التراخيص ولاني ما ارضى باللي صار على نفسي ما ارضاه على بنات بلادي
ومحد يرضى المذله ياخوي خاصه المحتاج



نفس الشي صار الحين فالموضوع يوم كم شخص خالفج الراي قلتي انا مب مجبوره اخذ برايكم
والمديره تقول انا مب مجبوره اشغلها عندي
في اشيا احنا نقدر نرد عليها بس نسكت ونروح ناخذ حقنا بالقانون مب باللسان
انتي تقولين انج محتاجه الشغل وعسى الله يفرج ضيقتج
لو انا بدالج بكمل شغل بس بروح المجلس الاعلى وبقولهم صار معاي كذا وكذا
وتقدرون تشوفون بنفسكم
وبالتوفيق ان شاء الله

صح كلامك انا مب مجبوره أمشي برأي مدّعي المثاليه اللي لم يخلق مثلهم في البلاد
واللي يجون وينصحوني تحملّي واصبري المحتاج يتحمل الذل واذا ما تحملتيه انتي منتي بمحتاجه للوظيفه !!!!
عموماً يظل هذا رأيك ومنظورك الشخصي ولك مُطلق الحريه تعبر عنه
مثل مالي مطلق الحريه آخذ به او لا .

[الفرس]

وحتئ من كلامها المديره قالت بمشي لك راتب
لا تقوليني شي ما قلته :)

[ريم 28]

) قالت الحين بتكونين بفترة تدريب 6 شهور وبنشوف بعدين .. قلت : يعني من دون عقد .. قالت : انا انسانه عندي ذمه وضمير شلون تشككين فيني قلت : ماشككت فيك انا ابي اضمن حقي انتي لو انك مكاني وقدمتي على وظيفه موب لازم توقعين عقد ؟ انا نفس الشي .. قالت انتي صراحه ماتصلحين عندنا شخصيتك قويه ودفاعيه .



اي واحد يقرا هالجمله يفهم انها ضمنت لك الراتب ولكن اجلت موضوع العقد وهذا هو المعتاد عليه في اغلب المدارس وفي الروضه من غير راتب التدريب


والاهم في الموضوع وحده مثلك بشخصيتك القويه ما شاء الله ستجلس يوم واحد ومن عير راتب انتي عقد وطلعتي وما صبرتي وهذا حقك كان علينا ننصحك وجعلتني اندم لذلك من تفسيرك لكلامي والله يسامحك ةنفس النصيحه نصحها لك الاخ خليفه لكن عجبي قلتي له جزاك الله خير

[موضي قطر]

الجوكر وريم ..........................

لعلمكم هذه لا هي اول قطرية يتم النصب عليها وتشتغل وعقب تقبض الباب وشهادتهم ثانوية ودبلوم ولعلمكم اعرف ناس شهروا فيهم في برامج وجرايد تبون تكذبون الأخت الفرس ترى انا اعرفها وماشية مع الموضوع من اوله ماهو من حق المديرة تشغلها للتجريب يمكن تاخذها ولا تقولها مع السلامة وبعدين اذا هي قوية شخصية اللي سميتوها ترادد الله سبحانه مايحب المؤمن الضعيف المتذلل " مثل الكلب " وللأسف هذا سلوك بعض البشر بعدين هي ماجات تشتغل في بيتها جاية تشتغل في منظومة تعليمية نؤسسية داخل الدولة وتشملها قوانيين الدولة ياخراطة انتي وياه
وبعدين ليش العام قال المجلس الأعلى لازم تمشي رواتب للمتدربات والعقود توقع هل على كيفكم
اذا كان الموضوع في صف المدارس ذكرتوا العقود والرواتب واذا العكس قلتوا كل مديرة لها سياستها ؟؟!!! انتي مدافعة واشك ان انتي المديرة ولا تعرفينها بتردين تقولين والله ماعرفها اقول ياريم والجوكر كان لزمتوا الحيادية انا شايفة بعيني وسامعة باذني قطريات متلتهين في المدارس واذا انتي حقانية ياريم تقدرين تتعترفين انه في مديرات مدارس المفروض يكونون في السجن بتهمة النصب ؟!!

تشغل قطرية 3 شهور متدربة وعقب تقبضها الباب وتشغل قطرية ثانية وثالثة لين يخلص العام الدراسي واسمها قبضتهم الباب ولا خذوا رواتب طول السنة بتقولين كذابة ياريم عسى يحتاج كل من كذب الناس وقالههم كونوا اذلاء لناس نصابين وحرامية وباعترف اني منفعلة جداً لوجود ناس
مثلش انتي والجوكر من غير راتب ياريم ويمكن ايه ولا لا اول شي سويتيه سألتي عن العقد ريم اعترفي انتي من ابرك حياتي اللي بقوله حسبي الله على كل من قهر اهل قطر سواء بالتوظيف او باختلاق الاعذار للنصابين مديرات المدارس واقول اذا جاش الراتب آخر الشهر قولي مابيه وللتذكير العقود حث على توثيقها رسولنا الكريم ياراعية الذمة :omen2:

[العلم]

اوف اوف اوف




شبت بين البنات هههههههه

اذكروا الله


صح أنا أتوقع أنها مظلومة لأن أغلب اصحاب التراخيص ناس أعطووهم مساحة للتحكم في ارزاق البشر . ، بس حتى لو حاولوا تخلون النقاش بهدووء .


لكن أنا مش مع اأسلوب التمسكن لين التمكن .


وخليج قوية يالفرس ، عشان ماتلعب هالمديرة وأشكالها بحقوق الناس .

[حسن]

احنا دوله القانون والموسسات واللي له حق بياخذه ولا بيراضون خاطره هذا المتبع

[ريم 28]

الجوكر وريم ..........................

لعلمكم هذه لا هي اول قطرية يتم النصب عليها وتشتغل وعقب تقبض الباب وشهادتهم ثانوية ودبلوم ولعلمكم اعرف ناس شهروا فيهم في برامج وجرايد تبون تكذبون الأخت الفرس ترى انا اعرفها وماشية مع الموضوع من اوله ماهو من حق المديرة تشغلها للتجريب يمكن تاخذها ولا تقولها مع السلامة وبعدين اذا هي قوية شخصية اللي سميتوها ترادد الله سبحانه مايحب المؤمن الضعيف المتذلل " مثل الكلب " وللأسف هذا سلوك بعض البشر بعدين هي ماجات تشتغل في بيتها جاية تشتغل في منظومة تعليمية نؤسسية داخل الدولة وتشملها قوانيين الدولة ياخراطة انتي وياه
وبعدين ليش العام قال المجلس الأعلى لازم تمشي رواتب للمتدربات والعقود توقع هل على كيفكم
اذا كان الموضوع في صف المدارس ذكرتوا العقود والرواتب واذا العكس قلتوا كل مديرة لها سياستها ؟؟!!! انتي مدافعة واشك ان انتي المديرة ولا تعرفينها بتردين تقولين والله ماعرفها اقول ياريم والجوكر كان لزمتوا الحيادية انا شايفة بعيني وسامعة باذني قطريات متلتهين في المدارس واذا انتي حقانية ياريم تقدرين تتعترفين انه في مديرات مدارس المفروض يكونون في السجن بتهمة النصب ؟!!

تشغل قطرية 3 شهور متدربة وعقب تقبضها الباب وتشغل قطرية ثانية وثالثة لين يخلص العام الدراسي واسمها قبضتهم الباب ولا خذوا رواتب طول السنة بتقولين كذابة ياريم عسى يحتاج كل من كذب الناس وقالههم كونوا اذلاء لناس نصابين وحرامية وباعترف اني منفعلة جداً لوجود ناس
مثلش انتي والجوكر من غير راتب ياريم ويمكن ايه ولا لا اول شي سويتيه سألتي عن العقد ريم اعترفي انتي من ابرك حياتي اللي بقوله حسبي الله على كل من قهر اهل قطر سواء بالتوظيف او باختلاق الاعذار للنصابين مديرات المدارس واقول اذا جاش الراتب آخر الشهر قولوا مابيه وللتذكير العقود حث على توثيقها رسولنا الكريم ياراعية الذمة :omen2:

اختي فرس اقصد موضي
فرس انتي نفسها موضي قطر

اعلمي اني نصحتك للافضل من انك تراكضين وراء المحاكم وو وبما انك محتاجه عطيتك طريقه تصب لصالحك واندم عليها كل الندم


لان سوء الظن متمكن منك

انا لا دافعت عن مديره ولا حكمت عليها من دون ما اسمعها وايش حصل معها

ولا قلت كل اللي قلتيه ان لا يوجد مديره ظالمه

[موضي قطر]

اوف اوف اوف




شبت بين البنات هههههههه

اذكروا الله


صح أنا أتوقع أنها مظلومة لأن أغلب اصحاب التراخيص ناس أعطووهم مساحة للتحكم في ارزاق البشر . ، بس حتى لو حاولوا تخلون النقاش بهدووء .


لكن أنا مش مع اأسلوب التمسكن لين التمكن .


وخليج قوية يالفرس ، عشان ماتلعب هالمديرة وأشكالها بحقوق الناس .


عسى يشب الظالم من البشر انا وحده لا لي ناقة ولاجمل لكن اعرف شخصياً البنت واعرف مثلها واجد ماكلين هوى بمزاج المديرات والطامة المستفيدين يدافعون مادام رواتبهم تمشي فليش يحسون بالمحتاجين والمجتاج في عرف البعض لازم يتذلل او يكذب ويلف ويدور المشكلة اذا هذا اسلوبهم في حياتهم لايطالبون الناس يسوون مثلهم لأن اللي يذل نفسه حتى لو كان عشان وظيفة عمره مايتعز ولا بيكون عنده كرامة :anger1:

[موضي قطر]

احنا دوله القانون والموسسات واللي له حق بياخذه ولا بيراضون خاطره هذا المتبع



هذا المفروض مب دولة مديرات المدارس داخل دولة قطر :rolleyes2:

[حسن]

هذا المفروض مب دولة مديرات المدارس داخل دولة قطر :rolleyes2:

المشكله ومن خلال تجربه المديرات ماشي كلامهم وخصوصا الحريم هذا وقتهم الراي لهم ومسموع
سايسوها يمكن الله يسخرها :victory:

[موضي قطر]

اختي فرس اقصد موضي
فرس انتي نفسها موضي قطر

اعلمي اني نصحتك للافضل من انك تراكضين وراء المحاكم وو وبما انك محتاجه عطيتك طريقه تصب لصالحك واندم عليها كل الندم


لان سوء الظن متمكن منك

انا لا دافعت عن مديره ولا حكمت عليها من دون ما اسمعها وايش حصل معها

ولا قلت كل اللي قلتيه ان لا يوجد مديره ظالمه


ريم ياراعية الترخيص مسوية نفسش دمش خفيف ويابلفيت هجمة مرتدده لأني قلت اعترفي انتي من ؟! لعلمش انا معروفه ومعروف اسلوبي ومستحيل ادخل بنك مهوب لي تعرفين ليش لأني ماقول الا شي اتأكد منه في الأول او شي اسمع فيه باذني واشوفه بعيوني وغير هذا اتواصل مع الشخص لين اتأكد من الشي قبل لاتكلم فيه واذا تفكرين اني الفرس لي الشرف بس للأسف هي معرفه عائلية بين وبينها وانا قلت هالشي في توتير يالغالية والأعضاء يعرفوني عدل مدل ويدرون اني ما اشبه النعامة في اخفاء راسي وانتي اللي متناقضة جداً تدافعين وانتي ماتدرين عن شي بس دفاع لمجرد الدفاع ليش ماقلتي للأخت الفرس انه من حقها عقد او اي شي يثبت حقها عند المدرسة انتي قلتي كل مديرة لها قوانينها ياختي حيرتونا المجلس الأعلى يقول حد من تسلط مديرات المدراس وانهم يخضعون لضوابط وقوانيين الموارد البشرية في التوظيف انتي تجين تأيدين قوانيين المديرة الغير شرعية وتلغيين وماذكرتي قوانيين الدولة في العمل :victory:

[ريم 28]

اوف اوف اوف




شبت بين البنات هههههههه

اذكروا الله


صح أنا أتوقع أنها مظلومة لأن أغلب اصحاب التراخيص ناس أعطووهم مساحة للتحكم في ارزاق البشر . ، بس حتى لو حاولوا تخلون النقاش بهدووء .


لكن أنا مش مع اأسلوب التمسكن لين التمكن .


وخليج قوية يالفرس ، عشان ماتلعب هالمديرة وأشكالها بحقوق الناس .

لا شبت ولا شي

وكثير مدراء مظلومين فقط لانهم علئ منصب لا احد يشعر بتعبهم

فهو يقع علئ عاتقه اختيار الشخص المناسب للمكان المناسب وهذا بحد ذاته مهمه صعبه

وانصحك لوجه الله اذا جاك واحد عينه مفقوعه فلا تستعجل وتحكم فربما الاخر عيناه الاثنتين مفقوعه

[حسن]

وش اسم المدرسه يالفرس شمال ولا جنوب ولا غرب ولا شرق علشان ينعرف راعيتها نسيت اقول الله يهدي النسوان

[ريم 28]

ريم ياراعية الترخيص مسوية نفسش دمش خفيف ويابلفيت هجمة مرتدده لأني قلت اعترفي انتي من ؟! لعلمش انا معروفه ومعروف اسلوبي ومستحيل ادخل بنك مهوب لي تعرفين ليش لأني ماقول الا شي اتأكد منه في الأول او شي اسمع فيه باذني واشوفه بعيوني وغير هذا اتواصل مع الشخص لين اتأكد من الشي قبل لاتكلم فيه واذا تفكرين اني الفرس لي الشرف بس للأسف هي معرفه عائلية بين وبينها وانا قلت هالشي في توتير يالغالية والأعضاء يعرفوني عدل مدل ويدرون اني ما اشبه النعامة في اخفاء راسي وانتي اللي متناقضة جداً تدافعين وانتي ماتدرين عن شي بس دفاع لمجرد الدفاع ليش ماقلتي للأخت الفرس انه من حقها عقد او اي شي يثبت حقها عند المدرسة انتي قلتي كل مديرة لها قوانينها ياختي حيرتونا المجلس الأعلى يقول حد من تسلط مديرات المدراس وانهم يخضعون لضوابط وقوانيين الموارد البشرية في التوظيف انتي تجين تأيدين قوانيين المديرة الغير شرعية وتلغيين وماذكرتي قوانيين الدولة في العمل :victory:

اي بالله معروفه يا بنت العم لكن انا اول مره اعرفك


عموما لو لها حق يتاخذه ولو اني متاكده بطول وما خذته

ما يحصل الان ان المديره تتاكد بالاول ان الشخص يصلح للعمل والا لا
لكن ما تحرمهم من الراتب ويعملون كفائض واحيانا تتاخر العقود واحيانا المديره ترا ان الشخص غير مناسب فما يثبت اما اني ادخل في النيات ولماذا لا تريدها الله العالم


لماذا احيانا عند المقابله يرفض الشخص ولماذا احيانا لا يثبت ويتم قبضه الباب الله العالم بالاسباب طالما لم نسمع الطرفين

وانا طرف محايد لا وقفت مع المديره ولا وقفت مع غيرها

لكن لن ولن احكم طالما لم اسمع الطرفين


والردود اوضحت لي امور كثيره

والله يعين الرئيس والمرؤسين

[captin]

ووين المجلس النايم عن مثل هاذي الأمور

ليش ما يلزم المدارس المستغلة بإصدار
عرض وظيفي للمرشح او المرشحة على أي وظيفة
ويكون بائن في الكتاب المسمى الوظيفي والدرجة المالية
والراتب وتفاصيله , ويوقع عليه المرشح بالقبول من البداية
حتى تكون الأمور واضحة ويطمئن المرشح ويعرف حقوقه واللي له واللي عليه

[الشيخة شيوخة]

مديرات المدرسه ومن تحتهم كلهم سفاحات والله المستعان

[العلم]

يارجال صارت المدارس ......








سوبر ماركت

[حسن]

مديرات المدرسه ومن تحتهم كلهم سفاحات والله المستعان



زاد انه اشوف سيارات المطاعم ماتفارق المدارس مسفحين الكل تسفيح هذه باللهجه المصريه يعني اكيله سفاحه

يمكن قصدكم شبيحه:victory:

[الفرس]

اي واحد يقرا هالجمله يفهم انها ضمنت لك الراتب ولكن اجلت موضوع العقد وهذا هو المعتاد عليه في اغلب المدارس وفي الروضه من غير راتب التدريب


والاهم في الموضوع وحده مثلك بشخصيتك القويه ما شاء الله ستجلس يوم واحد ومن عير راتب انتي عقد وطلعتي وما صبرتي وهذا حقك كان علينا ننصحك وجعلتني اندم لذلك من تفسيرك لكلامي والله يسامحك ةنفس النصيحه نصحها لك الاخ خليفه لكن عجبي قلتي له جزاك الله خير

ردودك عجيبه اتمنى ماتستهبلين والله
وين الضمان ياحلوه في كلامها هل هي الرب ( استغفر الله ) حتى اعتمد على ذمتها واثق بكلامها
ترى الناس مو سواسيه اذا فيه مديره عندها ذمه وتخاف ربها فيه مليون غيرها مايخافون ربهم في الناس
ليش بالله في شي اسمه عقد يوقع قبل العمل مو عشان الدوله تضمن لك حقك بعد الله ؟
عموماً أشك ان ماقاهرك بالموضوع الا شخصيتي
يالله كل واحد يدوّر اللي فاقده :)

[الفرس]

موضي قطر
العلم العالي

لاهنتوا على المداخله
وجزاكم الله خير

[الفرس]

احنا دوله القانون والموسسات واللي له حق بياخذه ولا بيراضون خاطره هذا المتبع


مايضيع حق وراه مطالب : )


اختي فرس اقصد موضي
فرس انتي نفسها موضي قطر

اعلمي اني نصحتك للافضل من انك تراكضين وراء المحاكم وو وبما انك محتاجه عطيتك طريقه تصب لصالحك واندم عليها كل الندم

لان سوء الظن متمكن منك

انا لا دافعت عن مديره ولا حكمت عليها من دون ما اسمعها وايش حصل معها

ولا قلت كل اللي قلتيه ان لا يوجد مديره ظالمه

موضي كفت ووفت
واللي على راسه بطحه يحسس عليها :/
واذا انتي تشوفين ان ظني سيء او اني ظلمتك .. اقصد ظلمت المديره
فلا تخافين دام فيه رب بيحاسبني مثل ما راح يحاسبك
وكل ذي حق بيجيه حقه .

[الفرس]

وش اسم المدرسه يالفرس شمال ولا جنوب ولا غرب ولا شرق علشان ينعرف راعيتها نسيت اقول الله يهدي النسوان



موضي ماقصرت شهرت فيهم بتويتر ^^



ووين المجلس النايم عن مثل هاذي الأمور

ليش ما يلزم المدارس المستغلة بإصدار
عرض وظيفي للمرشح او المرشحة على أي وظيفة
ويكون بائن في الكتاب المسمى الوظيفي والدرجة المالية
والراتب وتفاصيله , ويوقع عليه المرشح بالقبول من البداية
حتى تكون الأمور واضحة ويطمئن المرشح ويعرف حقوقه واللي له واللي عليه

اتمنى يصير هالشي راح تنحل امور كثيره


مديرات المدرسه ومن تحتهم كلهم سفاحات والله المستعان

معليش اختي الله مايرضى الظلم ولا انا ارضاه لا على نفسي ولا على غيري
ومثل مافيه الطالح فيه الصالح
وفيه مديرات تحمد ربك انك طحت عليهم , اخلاق عاليه ويخافون ربهم بتصرفاتهم مع الموظفات ويمشون ع القوانين
وفيه العكس تماماً , والمديره هي اللي تحدد سلطة اللي تحتها اذا كانت سيده بيمشون سيده والعكس صحيح .

[دنيا الاسهم]

السلام عليكم
اختي لاتستغربين ولا تنصدمين هذا حال اغلب المدارس خلنا واقعين
بس انتي انصدمتي لان للحين ماعرفتي الشغل شلون تعب وضغط اعصاب ومشاحنات
اولا لان شهادتك اعدادية
اذا عزت عليج نفسج لاتشتغلين وكملي تعليمج والله يعينج
والله لايهين اي مسلم وذي حاجة

[ريم 28]

ردودك عجيبه اتمنى ماتستهبلين والله
وين الضمان ياحلوه في كلامها هل هي الرب ( استغفر الله ) حتى اعتمد على ذمتها واثق بكلامها
ترى الناس مو سواسيه اذا فيه مديره عندها ذمه وتخاف ربها فيه مليون غيرها مايخافون ربهم في الناس
ليش بالله في شي اسمه عقد يوقع قبل العمل مو عشان الدوله تضمن لك حقك بعد الله ؟
عموماً أشك ان ماقاهرك بالموضوع الا شخصيتي
يالله كل واحد يدوّر اللي فاقده :)

لا والله انا لا تكلمت علئ شخصيتك ولا شي

ومن ردودك امبين سوء الظن

وان بعض الظن اثم

حاولنا ننصحك وانتي قلبتيها معركه الله يصلحك

وجات وحده ثانيه تفزع لك

واذا رجعتي لردودي لا يوجد اي شي يدل اني ظلمتك

من حق اي احد ان لا يحكم من غير ما يسمع الطرفين

وانا تكلمت بكل واقعيه لن تجدي مشرفة باص وقعت العقد من اول يوم وكل مره يتكلمون ولا يحصل شي

هل الان سيحصل شي في موضوعك وانتي اصلا بلا عقد

لذلك نصحتك وانتي فسرتيها بطريقتك واندفعتي وسميتيها دفاع عن المديره

وكاني اقول انها الصح وانتي خطا
وهي مظلومه وانتي ظالمه

واندفاعك ورودك وظنك اليس ظلم في حقي فقط من اجل نصيحه

ما تسوئ علي اسحبها وانا اختك

تركتي كل دعواتي لك وركزتي علئ جمل معينه وفسرتيها خطا خطا وسوء ظن وتجاهلتي تكملتها حتئ

عموما انا لم اقلل من شانك ولم اظلمك وحتئ اخر مشاركه احترمتك

[الأصيلة]

ووين المجلس النايم عن مثل هذي الأمور



يووووووووه يا كثر الأمور اللي نايم عنها المجلس الأعلى ..ولا داري فيها...
كان خاطري أكتب موضوع كامل عما يدور من
وراء كواليس المدارس بعيد عن أعين المجلس الأعلى
لكن مالي خاطر على الكتابة ها الأيام...
صراحة بعض أصحاب التراخيص مايراعون الله..
أو احتمال مايدرون أن بعض المخالفات القانونية
تغضب الله وإنها حرام ولاتجوز..
وإلا كيف مدرسة شايلة يدها من التدريس وتشتغل في الإدارة وبأعمال إدارية بحته
وعلى مدى كم سنة وهي على هذا الحال..
ومازالت بمسمى وظيفة المدرسة لتحتفظ براتب
المدرسة العالي ولاتخسره وبمباركة من المديرة...
لأن الإدارية يخصم من راتبها...

[qatarshark]

اسمعي كلام اخ يحبكم في الله
كملي تعليمج وعزي نفسك
بدون شهادة يا اختي والله بيبهدلونج
خصوصا الشغل بالمدراس اساليني
الي ما عنده شهادة مكروف كرف
خصوصا مشرفات الباص
وانتي عزيزة بنت ناس خلصي الدراسة
والله بيعينج
بس ممكن تعتمدين على مهاراتج في الاشغال اليدوية او الطبخ الخخخخخخ
في الكسب الحلال وراحة البال
مب عيب انا اعرف حريم قاعدين في بيوتهم وما عندهم شهادات وماشاء الله يدخلون خير يكفيهم
انتي شوفي في ايش انتي مبدعة وحاولي تستغلين هالشي
واسال الله العلي القدير ان يوفقج وين ما كنتي

[الشيخة شيوخة]

موضي ماقصرت شهرت فيهم بتويتر ^^



اتمنى يصير هالشي راح تنحل امور كثيره



معليش اختي الله مايرضى الظلم ولا انا ارضاه لا على نفسي ولا على غيري
ومثل مافيه الطالح فيه الصالح
وفيه مديرات تحمد ربك انك طحت عليهم , اخلاق عاليه ويخافون ربهم بتصرفاتهم مع الموظفات ويمشون ع القوانين
وفيه العكس تماماً , والمديره هي اللي تحدد سلطة اللي تحتها اذا كانت سيده بيمشون سيده والعكس صحيح .

احس انك مديره لكن في الحقيقه كل المعلمات رايهم من نفس راييي الا الربحان بالسوق

[مشتاقة لقطر]

الله يكتب لج الخير وين ماكنتي يارب

[راشد محمد]

الله يرزقج الرزق الحلال ان شاء الله اختي

[حبر وقرطاس]

اسمحي لي اختي

انت كاتبه الموضوع في منتدئ عام

واذا لم تتقبلي النصيحه وفسرتيها بطريقتك

نحن نعلم الوظايف وتوزيع الوظايف والمسمئ والمهام

وفترة التدريب لا يوجد عقد

والاتفاق بينك وبين المديره طبيعي جدا تتقبل عملك او لا وكيف يصرفون راتب وانتي في تدريب واختبار قبول


واعذرينا انتي تريدين نقول انتي مظلومه ونحن لم نسمع الطرف الاخر حتئ

واكيد اقبل ان لا تاخذي بالنصيحه ولكن اقبلي انتي راينا في موضوعك والله ينصرك اذا انظلمتي


وموضوع القانون لا يحمي المغفلين فالمدرسه والمديره ماشين علئ نفس النهج ولابد من فترة اختبار وتدريب قبل توقيع العقد

انا عملت في مدرسه مستقله فتره تدريب ست شهور وكان لي راتب وعقد وانا متدربه شرايج؟؟
واحب قول لصاحبه الموضوع نقطه مهمه دائما وابدا اول خطوه بالنسبه لاختيارج للوظيفه هو اعطائك طلب لاستخراج ورقه القومسيون وورقه لاستخراج حسن اسيره والسلوك.
عدا ذلك لا تصدقين اي حد يقول وافقنا عليج وربط كلام شفوي لا يودي ولا يجيب

[حبر وقرطاس]

وازيدج من الشعر بيت اذا تحبين توجهين ضربه قويه لتلك لمديره
توجهي لوزاره العمل قسم الشكاوي واطلبي تعبئه طلب مخصص اسئلي عنه
هذا الطلب يلزم جهه العمل التي رفضتك كقطريه دون ذكر اسباب والتلاعب معك في مسأله التوظيف
هذا الطلب سيلزم المديره بتوظيفك طالما وجد لديها شاغر وامتنعت عن توظيفك
توجهي لوزاره العمل والله بيبرد قلج

[مجرد سفير]

بعض المدارس يبيلها رقابه




ومحاسبه

[مزايين]

الله ييسر أمورك ويرزقك الوظيفة اللي تناسبك واللي إن شاء الله تعوضك عن كل اللي مريتي به
أختي المدارس والمديرات والإدارات والتعامل بين الموظفات مع بعض بما يرضي الله كانت قبل أيام المدارس القديمة أما هل مدارس الجديدة إختفى إسلوب التعامل الراقي اللي يرضي رب العالمين وهذا الكل يعرفه والكل ملاحظه
والحمد لله اللي إشتغلنا في ذاك الوقت وانسحبنا قبل لانشوف كل اللي قلتي عليه
الله يوفقك ولا يحوجك لغيره وعليك بالإستغفار والتوكل عليه وصدقيني وبكل يقين بالله رب العالمين وبدون ذرة شك اللي قدامك أبرك وأحسن من كل اللي راح وبتذكرين هل كلام
خلي ثقتك بالله كبيرة

[الفجرالباسم]

يعني الحين في شبكة الاسهم مافي حد يقدر يتوسط حق اختنا والله عيب .............. عيب عليكم

انا عن نفسي ابي اساعدك وابي اوراقك بس مقدر اطرش على الخاص معلوماتي تقدرين تبعثين على الخاص

معلوماتك كامله وارقام التواصل ومايصير خاطرك الا طيب

[بونووف]

^
^
^
الله يجزيج خير وفي ميزان حسناتج

[بصمة قطرية]

لا حول و لا قوة الا بالله
الله يكون بعونج ياختي ..
والله قلبي عورني و انا أقرا موضوعج
بالذات يوم ذكرتي الوظيفة ( عاملة باص )....!!!
الشغل مب عيب
و لا عمره راح يكون عيب دامه رزق حلال ..
لكن مهما يكون بنت البلد ( قطرية )
عاملة باص ..!!
استغربت محد إعترض على هالشي ..
عاملة باص يعني تطلع من البيت من الساعة خمس او خمس ونص
تلف على البيوت تاخذ الطلاب ووووووو إلخ ..
أنا ما اقلل من هالوظيفة لكنها مستحيل تكون لقطرية و شابه ..
والله حرام ..
شلون المديرة رضت على بنت بلادها هالشي ..
مشرفة الباص تختلف عن عاملة الباص ..
المشرفة تتأكد من ركوب الطلاب للباصات
شغلتها ما تتعدا المدرسة ..
العاملة تطلع مع الطلاب في الباص ..!!
صحيح قبل كنا نشوف عاملات باص قطريات
كبار في السن ما أنكر هالشي درسنا في مدارس و شفنا ..
بس الحين الوقت تغير
عاملات الباص أجنبيات ...!!!

الله يسهل أمورج إختي
و يعوضج خير يارب ..

رب العالمين ما ينسى عبده ..
ما تضيق إلا تنفرج ،،