هل يوجد بديل لمسنجر البلاك بيري

[captin]

السلام عليكم ورحمة الله وبركاته

كلنا نعرف شعبية جهاز البلاك بيري عندنا بالذات بمنطقة الخليج
بسبب خاصية وحدة في الجهاز ألا وهي البلاك بيري مسنجر
وكلنا نعرف ان الجهاز كجهاز إتصال جهاز عادي جدا وكثير من الاحيان يشير
والتقاط الواي فاي بعد فترة من الاستخدام يضعف جدا ولازم تكون
قريب الراوتر عشان تلقط الإشارة الخ من سلبيات مقارنة بالأجهزة الأخرى.

سؤالي

ليش شركات إنتاج اجهزة الهواتف الأخرى وخصوصا الأشهر على مستوى العالم
وبالتحديد أبل ممثلة في جهاز الأيفون ما أنتجت برنامج محادثة شبيه ببرنامج
البلاك بيري مسنجر ويكون من ضمن الباقة الأساسية لما تشتري الجهاز.

أدري أن هناك بدائل مثل الواتس أب وغيرها من برامج شات بس هاذي تعتمد
على إضافة رقم الهاتف.

أقصد برنامج مثل البلاك بيري مسنجر بالتحديد يعني له بن كود
وخصائص نفس الخصائص وتصير الإضافة بنفس الطريقة بتبادل البن الكود.

[hamoor4ever]

عندك برنامج كاك kik يشبهه بس بدل الارقام والبن بس نك نيك تضيفه وتحادثه نفس فكرة البلاك بري تقريبا ومتواجد للبلاك بري وللايفون بس ماتلاقيه في الماركت للبلاك بري ابحث عنه في المتصفح اي مساعده بخصوصه خبرني

[للصبر اخر]

في الايفون عندك خدمة الاي مسج
من ايفون الى ايفون وايباد وايبوج بعد
تقدر عن طريق رقم او اكاونت ابل

[abdo222]

صدقت والله,, لو مسنجر البلاكبيري موجود في الاس 3 كنت رميت البلاكبيري بصراحه,,

[captin]

عندك برنامج كاك kik يشبهه بس بدل الارقام والبن بس نك نيك تضيفه وتحادثه نفس فكرة البلاك بري تقريبا ومتواجد للبلاك بري وللايفون بس ماتلاقيه في الماركت للبلاك بري ابحث عنه في المتصفح اي مساعده بخصوصه خبرني



تسلم أخوي صحيح هناك برامج محادثة كثيرة لكن القصد يكون بنفس طريقة
مسنجر البلاك بيري وينتشر بين الناس كإستخدام .

يعطيك العافية على المرور .

[captin]

في الايفون عندك خدمة الاي مسج
من ايفون الى ايفون وايباد وايبوج بعد
تقدر عن طريق رقم او اكاونت ابل

شكرا ويعطيج العافية

لكن الملاحظ انه غير منتشر بين الناس ما قد صار
أن الناس تتبادل هذا البرنامج بقصد المحادثة

فالمفروض أبل
في تطويرتها القادمة تركز على هذا البرنامج وتطور الخصائص
فيه وطريقة إضافة الإشخاص لبعضهم البعض

وكل برنامج يحتاج وقت طويل للأنتشار ويكون مستخدم بين الناس

مثل البلاك بيري مسنجر أخذ سنوات وبعده يجي في الشهرة الواتس اب

[captin]

صدقت والله,, لو مسنجر البلاكبيري موجود في الاس 3 كنت رميت البلاكبيري بصراحه,,

مرحبا أخوي

فعلا هذا اللي خلاني اطرح الموضوع انا شخصيا مب مقتنع تماما بالبلاك بيري كهاتف اتصال
ما فيه غير هالميزة ميزة المسنجر , ياريت المصنعين الآخرين مثل ابل وغيرها تفكر توجد
برنامج محادثة شبيه بالمسنجر .

[بوخالد911]

هلا

تفضل


واتس اب

فايبر

تانغو

آي مسج

برلنقو palringo

[captin]

هلا

تفضل


واتس اب

فايبر

تانغو

آي مسج

برلنقو palringo






تسلم بوخالد

عندي الواتس من ثلاث سنوات استخدمه
وايضا الفايبر والتانغو

بس الباقين ما جربتهم.

يعطيك العافية.

[سكتون]

اخوي
الله يسلمك بلاك بيري مسنجر قربت نهايته
العالم يستخدمون للرسايل الفوريه برنامج وات ساب
وللأخبار والرياضه والتقنيه والفرفشه تويتر
انا صار لي فتره قاط البلاك بيري في الدرج

[captin]

اخوي
الله يسلمك بلاك بيري مسنجر قربت نهايته
العالم يستخدمون للرسايل الفوريه برنامج وات ساب
وللأخبار والرياضه والتقنيه والفرفشه تويتر
انا صار لي فتره قاط البلاك بيري في الدرج

مرحبا أخوي الله يحييك

فعلا أتعس جهاز استخدمته كهاردوير مثل ما قلنا ميزته الوحيدة المسنجر
واتوقع شخصيا أن أبل بتطلع ببرنامج مسنجر أساسي على أجهزة الأيفون
فيه مزايا أحسن من البلاكبيري مسنجر وخاصية التواصل والاضافة بين الاجهزة

ننتظر ونشوف

يعطيك العافية