افضل بنك اسلامي ...

[qatarman8008]

--------------------------------------------------------------------------------

.. السلام عليكم ...

لا يخفى على الجميع انه بعد ان تم اغلاق جميع الفروع الاسلامية للبنوك الربوية ... اصبح الكثير من عملاء هذه البنوك يبحثون عن البديل ... البديل هو مصرف اسلامي مستقل .. يوفر كافة الخدمات للعملاء ... على نجومحلي او دولي ... ف .. وددت ان اعمل مقارنة بين هذه المصارف بالاستعانة بخبرات اعضاء المنتدى...
البنوك او المصارف الاسلامية هي :

المصرف الاسلامي
الدولي الاسلامي
بنك بروة
بنك الريان

المقارنة من حيث:

اسلوب التعامل مع العميل ... وسرعة انجاز المعاملات
نسبة المرابحة للقروض ... الشخصية ... السيارات ... العقارات
الخدمات البنكية .. الخط الساخن .. الانترنت ... بطاقات الائتمان

........ وشكرا ........

[khalid Qtr]

عميل مصرف قطر الاسلامي ..

التعامل مع العميل يختلف باختلاف الفرع .. مثلا فرع الريان حصلت فيه معاملة ممتازة وخلصت بسرعة .. فرع الغرافة نفس الشي

عندي تحفظ على فرعي سلوى ومعيذر

ـــــــــــــــــــــــــــــــ

بالنسبة لمصرف الريان كانت لي عندهم معاملة واحدة ووجدت معاملة ممتازة ..

[al wafi]

يقولون بن الريان بس ماجربته

بس البنوك عندنا كلهم منتهيين

اتمنى يجيبون خبراء من برع يرتبون لنا الامور المصرفيه

[Scout Sniper]

المصرف 10/10

[chillis]

بنك الريان

[الفورتك]

المصرف 100٪
الريان 100٪

افضل بنكين اسلاميين من واقع تجربه

الموظفين معاملتهم ممتازه ومدربين وهذا مصرف الريان يتفوق على مصرف قطر الاسلامي ( وجهة نظر شخصيه

انجاز جميع المعاملات بوقت قياسي وبالامكان انهاء اغلب المعاملات عن طريق الهاتف المصرفي وهذا بالنسبه للمصرف الاسلامي ..

بالتوفيق

[البيت بيتك]

الدولي الاسلامي 100% من 17 سنه وانا عندهم والامور طيبه من كل النواحي من سلف ومعامله

[chillis]

الدولي الاسلامي 100% من 17 سنه وانا عندهم والامور طيبه من كل النواحي من سلف ومعامله

الا الدولي الاسلامي اخر بنك الواحد يفكر مع اني معاهم الحين بس بحول لان مافي اي خدمات ولا معامله ولا اسلوب :secret:

[العربية نت]

بانصحك بالي اعرفه انا في الدولي الاسلامي وبنك تعيس بكل ما تحمله الكلمه من معنى وبينه وبين التطور مثل مابين العرب وصنع الصواريخ :omg:

[chillis]

بانصحك بالي اعرفه انا في الدولي الاسلامي وبنك تعيس بكل ما تحمله الكلمه من معنى وبينه وبين التطور مثل مابين العرب وصنع الصواريخ :omg:

قصدك يبيلهم 50 سنه قدام لين يتطورون :secret:

[قطريه ماركه]

الدولي الاسلامي .. ممتاز

[العربية نت]

قصدك يبيلهم 50 سنه قدام لين يتطورون :secret:


قابلة للزيادة :eek5::eek5:
الله يعين بس ...

[chillis]

الدولي الاسلامي .. ممتاز

يمكن لان ما تعاملين معاهم الا راتبج ينزل وتستلمينه وبس انا طالبه دفتر شييكات صار لهم اسبوعين وكل يوم بكره هذي اتفهه الامور :secret:

[قطريه ماركه]

يمكن لان ما تعاملين معاهم الا راتبج ينزل وتستلمينه وبس انا طالبه دفتر شييكات صار لهم اسبوعين وكل يوم بكره هذي اتفهه الامور :secret:

لا اختي في تعاملات عديدة عندي معاهم و انا معاهم من 12 سنة و لله الحمد ما شفت منهم شي ...

و أكييد في كل مكان بتحصلين ناس تمدح و ناس تذم على حسب المواقف اللي صارت لهم ...

[شبل الجزيره]

الريان والمصرف معاملتهم جيده

اما بخصوص المعامله السيئه فهذا يعتمد على مزاج الموظف ذاك اليوم

[بونووف]

انا لاحظت مشكله فالمصرف انه تاخذ رقم وتنطر دورك يجيك واحد على طول يدخل على الموظف ويقعد ويخلص شغله ويجي اللي بعده ويقعد ويخلص شغله ويقوم يعني اول مايفضى الكرسي اللي يقعد اول هو اللي يخلص دوره اما الارقام محد معطيها اهميه

[qatarman8008]

في اي معلومات عن القروض الشخصية والسيارات والعقارات .. كم نسبة المرابحة فيها ..!!

[abo0o0od QtR]

انا شخصيا تعاملت مع بنك الريان والدولي الاسلامي وبروة

الريان من اسوا البنوك الي تعاملت معه الموظفين معلوماتهم متضاربة وكل فرع يقولك كلام

الدولي الاسلامي جيد لكن عيبه انه فرووعه زحمه وتخيس لين يوصل دورك

وبعدها استقريت على بنك بروة معاملته ممتازة

من ناحية الفروع فاضية اول ما تروح ادش على الموظف سيدا لو انتظرت مب اكثر من 10 دقايق تعاملهم واضح واسلوب الموظفين ومدراء الفروع اااكثر من ممتاز

ومعاملتهم سريعة


والله يوفق الجميع

[doha_vip]

اكبر عيب في الدولي الاسلامي هو الكول سنتر ... محد يرد عليك الا بالغلط .. يعني لو انك مسافر وصادك ظرف وتبي تتصل البنك تتوهق صح

[chillis]

اكبر عيب في الدولي الاسلامي هو الكول سنتر ... محد يرد عليك الا بالغلط .. يعني لو انك مسافر وصادك ظرف وتبي تتصل البنك تتوهق صح

مهب بس الكول سنتر بكل شي متاخرين عن البنوك الثانيه هم في وادي والبنوك الاخرى في وادي

[أبورودي]

قصدك يبيلهم 50 سنه قدام لين يتطورون :secret:

50 قليل جدا
ومعامله من أسوا ما يكون وخدمة عملاء كأنك رايح تتسول منهم

[أبورودي]

المصرف بالنسبه للقروض قرض السياره مرابحه 4.25%
بطاقات الائتمان رسومها 200 ريال سنوي وعندهم بطاقه انترنت ب 50 ريال سنوي وعليها حمايه ضد السرقه
قيمه بطاقة الائتمان ضعفين الراتب للمقيمين القطريين لا اعلم

الانترنت البنكي ممتاز

خدمة العملاء من داخل قطر ممتازه
من خارج قطر ممتازه
ويوجد لديهم خط خاص فى حالة فقدان البطاقات

[بوخالد911]

كقاعدة عامة عندنا : لو ما تعرف حد ؛ أمورك ما بتمشي بسرررعة:nice::nice::nice:

حاليا نقلت الى بروة

واللي يبط جبدي الكول سنتر وسيطرة جالية عربية عليه !!!!!!!!!!!!!!

:anger1::anger1::anger1::anger1:

[ام ناصر1]

افضل بنك بنك قطر الوطني الفرع الاسلامي ....والله يسامح الي سكر الفروع الاسلامية

[حميداني]

الريان وايد يمدحونه لي

[Qtrstyle]

مصرف الريان وبنك بروه

تعامل أكثر من ممتاز مع العملاء
وسرعه في انجاز المعاملات

وبالنسبه للارباح وهالامور انا اشوفهم جميعهم قريب من بعض ماتفرق وايد
انا افضل اروح بنك تخلص اموري والمعامله تكون ممتازه

اما المصرف الاسلامي الخدمات المتوفره ممتازه ومثل الريان وبروه
لكن التعامل وطريقة انجاع المعاملات والتأخير
والطااابور والزحمه والنظام

تعبان وتعيسسسس جدا !!
انت كعميل من حقك تخلص امورك بسرعه
ومن دون ماتضطر تدور لك واسطه في البنك يخلص لك اجرائاتك بسرعه !!

خصوصا فرع الغرافه قسم السلف والبطاقات في الطابق اللي فوق
زحمه ومافي ترتيب ولا أرقام !!

[فقيه زمانه]

اعتقد البنوك الجديدة بروه ومصرف الريان خدماتهم افضل ونصيحه للتقرب الدولي الاسلامي خاصه اذا انت راعي سفر لان لكول سنتر عندهم في غيبوبه كلمتهم من أسبوعين علشان يرفعون لمت الفيزا وكنت مسافر قالو يومين ولين الحين شفتكم ولا رود علي وانشأ الله الاسبوع لجاي أنا طالع من عندهم

[qatarman8008]

افضل بنك بنك قطر الوطني الفرع الاسلامي ....والله يسامح الي سكر الفروع الاسلامية

كان هذا بنكي ... والله ما اشتكيت من اي شي فيه .. لكن سكروه .. والحين انا ادور على بنك ثاني اسلامي لابراء الذمة فقط لاغير .. لاني مو راعي قروض وسلفيات .. لكني سمعت احد المشايخ جزاه الله خير يقول انك تاثم لانك ساهمت في المراباة باموالك ... ف .. حبيت اني اغير البنك .. وجزاكم الله خير ....

[alkoos]

مصرف الريان ممتاز انا صار لي معاهم الحين سنه معامله وكول سنتر من افضل مايكون اخلص اموري عن طريق الكول سنتر او النت وخدمات والدولي الاسلامي ابعد عنه انا كنت فيه 13 سنه بنك تعيس بمعنى الكلمه البنوك تطور وهوووو يرجع ورى

[بونووف]

تعرضت للسرقه عن طريق بطاقة البنك وتم 472 ريال على 8 مرات خلال يومين وكانت توصلني مسجات انه تم سحب 472 على 3 مرات بس قلت يمكن مال الفيزا البريطانيه لانه توني مقدم عليها وكنت اشوف انه المبلغ المتوفر فالحساب ماينقص فقلت معليه يمكن غلط واليوم الثاني الصبح توعيت على مسجين تم سحب والرصيد قل وقعدت اقلبها في مخي شسالفه وبعدها تذكرت اني دفعت عن طريق الفيزا مب عن طريق بطاقة البنك حق الفيزا البريطانيه وبعدها وانا قاعد اتصل فالبنك عشان يوقفون البطاقه الا تم 3 عمليات سحب ومحد رد علي وبعدها يوم ردوا علي قالوا لي انت خارج الدوله قلت له لا وبس بعدها وقف بطاقتي وقالي انه تمت عمليات سحب خارج الدوله ببطاقة البنك وقالي راح نرفع لك شكوى عشان يردون لك المبلغ في حسابك والموضع راح يطول 40 يوم وهالكلام شهر 3 لين يومكم هاي وانا مارجع لي المبلغ مع اني اراجعهم بين فتره وفتره واقولهم شصار وكل مره يجيني واحد يقولي شسالفه وارجع اعيد القصه من البدايه مع انه المصرف اتصل فيني وقالي جيب جوازك عشان تثبت لنا انك ماكنت مسافر ورحت لهم فرع الفنار الطابق الثاني وخذوا صوره من الجواز وقالوا لي راح ينزل لك المبلغ تاريخ 10 من شهر 7 وبس بعدها واخر مره اتصلت لهم قبل اسبوعين اقولهم القصه من اول ويديد وبس مافي فايده معاهم والمبلغ اجمالي تقريبا 3700
والسرقه تمت من بنغلاديش هههه اطلعوا مب هينين

وصح قالوا لي انه شركة الفيزا قالوا انه عمليات السحب كانت صحيحه 100% وانه المصرف راح يرجع لك المبلغ من حسابه الخاص شي جي

[qatarman8008]

تعرضت للسرقه عن طريق بطاقة البنك وتم 472 ريال على 8 مرات خلال يومين وكانت توصلني مسجات انه تم سحب 472 على 3 مرات بس قلت يمكن مال الفيزا البريطانيه لانه توني مقدم عليها وكنت اشوف انه المبلغ المتوفر فالحساب ماينقص فقلت معليه يمكن غلط واليوم الثاني الصبح توعيت على مسجين تم سحب والرصيد قل وقعدت اقلبها في مخي شسالفه وبعدها تذكرت اني دفعت عن طريق الفيزا مب عن طريق بطاقة البنك حق الفيزا البريطانيه وبعدها وانا قاعد اتصل فالبنك عشان يوقفون البطاقه الا تم 3 عمليات سحب ومحد رد علي وبعدها يوم ردوا علي قالوا لي انت خارج الدوله قلت له لا وبس بعدها وقف بطاقتي وقالي انه تمت عمليات سحب خارج الدوله ببطاقة البنك وقالي راح نرفع لك شكوى عشان يردون لك المبلغ في حسابك والموضع راح يطول 40 يوم وهالكلام شهر 3 لين يومكم هاي وانا مارجع لي المبلغ مع اني اراجعهم بين فتره وفتره واقولهم شصار وكل مره يجيني واحد يقولي شسالفه وارجع اعيد القصه من البدايه مع انه المصرف اتصل فيني وقالي جيب جوازك عشان تثبت لنا انك ماكنت مسافر ورحت لهم فرع الفنار الطابق الثاني وخذوا صوره من الجواز وقالوا لي راح ينزل لك المبلغ تاريخ 10 من شهر 7 وبس بعدها واخر مره اتصلت لهم قبل اسبوعين اقولهم القصه من اول ويديد وبس مافي فايده معاهم والمبلغ اجمالي تقريبا 3700
والسرقه تمت من بنغلاديش هههه اطلعوا مب هينين

وصح قالوا لي انه شركة الفيزا قالوا انه عمليات السحب كانت صحيحه 100% وانه المصرف راح يرجع لك المبلغ من حسابه الخاص شي جي

:eek5::eek5::eek5::eek5::eek5::eek5::eek5::eek5:

[مخطط قطري]

المصرف صار اسوء بنك الحين من كثر عملاءه وانا نفس مشكلتك صادتني مش مع الفيزا لا
مع البطاقه العاديه nabs وسحبت مبلغ من احد الدول الخليجيه وكان مبلغ كبير نوعا ما وتم خصم الحساب من رصيدي والمبلغ ماطلع من الجهاز فكلمتهم في نفس الوقت وتنقعت على الخط لين الحبيب يسوى مطالبه
و1000 سؤال وملق على بالاسئله الزبده في الاخير قالي كم يوم وبترد في حسابك
شكرا عفوا سكرت الخط وهي مكالمه دولية\
ثاني يوم تفاجات بخصم 15 ريال من حسابي اتصلت عليهم ليش يبه!!
قالي لانه انت ساحب من برا قلت زين الفلوس ماطلعت لي شلون تخصم واشرح لهم السالفه من يديد والفلوس ماطعلت قالي اذا رجعت فلوسك نرجع لك 15
قلت بعدين ليش 15 اخبر بس 6 ريال لاني في الخليج في لندن واوربا تخصمون 15
قالو اي انت ساحب من جهاز عالمي!!!!
قلت اوكي
رجعت قطر وقعدت كم يوم واتصلت لهم قالو بعد شهر تنزلك فلوسك مر شهرين ولا شفت منهم شي
ومابقا حد ماكلمته من رئيس تنفيذي لين فراش الكول سنتر والكل عرف سالفتي
وبعد محاولات حثيثه لاسترجاع فلوسي رجعوها وكانت المفاجاءه العجيبه
15 ريال مارجعت وسالتهم عنها قالو بنردها لك ومر على السالفه 6 شهور الحين ولا شفت 15 ريال
طبعا هذي قصه بسيطه جدا مع المصرف التعيس والله العظيم لوفي بنك اسلامي افضل منه رحت
بس مع الاسف هو افضل السيئين( الدولي والريان وبروه) ولا ودي اطلع منه من زمان
لافيزا ولا ديون ولا شي بس الي رابطني فيه كلمه اسلامي وهو بعيد كل البعد عن التعاملات الاسلاميه الصححيه الي اولها الصدق والامانه والتورق الصحيح!!!!

[Abdullah_89]

الدولي الاسلامي بلا منافس


مصرف الريان