المتقاعدون

[قطري2012]

السلام عليكم اخواني الاعضاء
موضوعي عن فئة المتقاعدون واهدار طاقانهم وخبراتهم
لماذا لا يكون هناك في كل وزاره مجلس خبراء للتخطيط لمشاريع الوزارات
يكون من المتقاعدين اصحاب الخبرات
حيث يجتمعون مره كل اسبوع لمناقشة مشروعات الوزاره او الهيئه
ويتم الاستفاده من خبراتهم ويعطون مكافئات على ارائهم ومقترحاتهم
حيث كثير ما نسمع عن تقاعد مدير اداره بعد ما امضى سنوات عمره واخذ من الدورات
مما يعطيه خبره جيده
فحرام لا تستغل طاقات هؤلاء وخبراتهم
فما هو رأي صناع القرار ؟؟؟؟؟؟؟؟؟

[شموخ دائم]

,

,


مرحبا

شكرا على الموضوع

والله انا اشوف مو كل شي لازم نطلب من الدوله هي تحط الحل

المتقاعدين كثير منهم في ال 40 من العمر وهو العمر الي فيه الكثير من العقل والنشاط
والكثير منهم يقدر يفيد المجتمع والدوله ويفيد نفسه في نواحي كثيره

منها التجاره
منها العمل التطوعي
العمل الديني
العمل الخيري


اذا راح ننتظر الحكومه تجينا وتعرض عليينا اشوف ان الموضوع صعب

على الانسان اقتحام المجالات والدخول فيها
اهم شي هناك ( رغبه وهمه )


لان الانسان مع الوقت يستسلم
وتلاقيه جالس في قهوه
او على الفرضه
:)


,

,


اخوك


شموخ دائم

[Scout Sniper]

لا تحاتي وان اخوك ..
الشركات الخاصه مو مقصره ...

ياكثرها الشركات اللي تدورهم عشان ترزهم مدراء (يبلفيت تقطير)


الله يوفقهم ويقضي حوايجهم

[تاجر الشباب]

ههههههههههههههههههههههههههه
ضحكتوني انا متقاعد وعمري في الاربعينات المشكله وندور شغل وكل مانقول لهم ان احنا متقاعدين كننا اشباح ولا بعد اشوف بعدين يعينون خبير اجنبي حتى يشتغل لهم يخرطبهم ويجيبون غيره وحلو على قلبهم
شكرا اخوي على هذا الطرح

[basma222]

دورنا شغل ما يبون متقاعد

قلنا حلنا في البيت

[اوف ليميت]

خلاص
تم رفع سن التقاعد الى 65 سنه

واذا الشركه تبيه..ف يستمر لل 75 اذا يبي..حتى لو مستشار من البيت او بالطلب فقط

شي طبيعي في الظروف اللي نشوف فيها رجال كبار فالسن اتصك اعمارهم ال 80 ويتمون بسبب علاقاتهم القويه في العمل ياخذون هالراتب من غير وظيفه اصلا وفقط مدرجه اسماءهم كموظفين
وشي طبيعي ان الكبار فالسن يسوون هالامر دام الشباب يوصلون ال 30 وال 35 ويطلبون تقاعد أو يصلون بسن شبابيه الى منصب اداري كبير ومسؤول..ولاحضرون للعمل وانما سفرات ومقناص .. والشغل على اللي ينوب عنه..والمعاش يمشي ولا حد يعرف

:]

[فارس الامة]

أنا معاك اخوي .. فكرة حلوة الجيدة... والعسكر ينادون المتقاعدين في الأزمات ... والمدني له حق أيضاً ... وانا أشوف مفروض الدولة تبني لهم نادي صحي وفندق خاص للمتقاعدين .... مثل أبوظبي عندهم نادي صحي وفندق خاص المتقاعدين ترفيه ولا احلا.... نحسسهم انهم موجودين هم اهل خبرة...

[اوف ليميت]

والله يااواني عندي فكره حلوه ولاهي بصعبه على قطر وحكومتها
وهالحركه منها وفيها الخير..ومحد بيحقد او بيقول لا دام فيها خير لهله وناسه ورجال قطر


اقول .. اذا المتقاعد ماحصل شغل .. ف لو يفتحون مكتب خاص فالعسكرية للمتقاعدين ..
ويتم صرف مبلغ وقدره "شهريا" للمتقاعد على أساس انه جندي احتياطي او شي جذي
غير اللي موجود حاليا ..
اللي يحب يسجل اسمه لحالات الازمات (الله لايقول) لا قدر الله وصار شي .. ف اللي سجلوا أساميهم في حالة مناداتهم لخدمة الوطن..يلبونه فوراً

في كلا الحالتين هاي ارضنا وطبيعي الدفاع عنها وقت الشدايد من غير شي..
ولكن ك فكره للمتقاعدين عالاقل فيها سند لظهورهم ولو قليل
منها خير وبركه للناس وزياده فالرزق
ومنها عطاء من الدوله لشعبها

واذا يبون يحطون شروط عشان مو كل من هب ودب او يعرف حد هناك يسجل اسمه بس من أجل المال..فيجطون
منها الصحه الجيده (مش شرط لياقه تامه) تدري كبار بعضهم فالسن .. بس يعني ينفع في وضع الأزمات لو حتى لتسيير قافله او تسيير وتحديد اتجاه او حمل شئ وتوصيل وهكذا
ومنها شرط انه مر عليه مالايقل عن سنه من محاولة العثور على شغل .. ويكون في مستندات تثبت تقديمه لها خلال السنه اللي راحت .. ك وصل تقديم على وظيفه او ايميل وجذي

...الخ

لكن ارجو ان مايطلعلنا حد يفتي او يشدد على اتفه الامور او اقلها .. وعلى ايش؟ على كرهه انه يشوف الخير للناس ولمصالحها

:]

[تاجر الشباب]

شكرا اخوي على الفكره مالت الجيش
بعد في فكره المؤتمرات والمهرجانات والفعاليات التي تسويها الدولة وبدلا من يجيبون ناس من بره يسوونها ياخذون كل متقاعد وتخصصه في هذه الفعاليات ويشارك فيها بخبرته وادارتة ومكافات على حسب مستوى من الخدمة والتفاعل

يعني اولاد البلد اولى