اهل الشؤن ماحلموا بنصه رفع رواتب اللاعبين الى 50 الفا شهريا

[مستجدة]

الدوحة - [ :كشف الاتحاد القطري
لكرة القدم عن الزيادات الجديدة في
رواتب المحترفين القطريين والتي سيبدأ
تطبيقها اعتبارًا من الموسم القادم، وبناء
على تقييم اللاعبين نهاية الموسم الحالي.
وقرر الاتحاد زيادة رواتب اللاعبين
بنسبة تصل إلى ٦٧ ٪ حيث يحصل لاعب
الفئة الأولى على ٥٠ ألف ريال، ولاعب
الفئة الثانية على ٤٠ ألف ريال.
وتقرر أن يكون أقصى مُقدم عقد
اللاعب ضعف الراتب ٢٠ مرة، بحيث
لا يتجاوز المليون ريال قطري وهو ما
سيحصل عليه لاعب الفئة الأولى.
وحدد الاتحاد النسبة المخصصة
والمكافآت التي يتم توزيعها على الأندية
التي تزود المنتخبات الوطنية بعدد من
اللاعبين بشرط مشاركتهم مع المنتخبات
في البطولات المعتمدة من قبل الاتحاد
الآسيوي. وحدد الاتحاد فئات المنتخبات
وهي العنابي الأول والأوليمبي، ومنتخب
الشباب ومنتخب الناشئين.
كما حدد الاتحاد النسبة المئوية للمكافأة
المخصصة للنادي، حيث تقرر منح ٥٪ عن
كل لاعب ينضم إلى العنابى الأول ومثلها
للأوليمبي، بنسبة ٨ لاعبين للعنابي الأول،
و ٥ لاعبين للمنتخب الأوليمبي وتحددت
نسبة ٤٪ لعنابي الشباب وبحد أقصى ٥
لاعبين، و ٣٪ لمنتخب الشباب وبحد أقصى
٥ لاعبين أيضًا.

التفاصيل جريدة الراية


أهل الشؤون ماحلموا بنص هالمبلغ 2250 يحلمون اتكون قيمة المساعده 4500 وماتحقق حلمهم برغم بساطته !!!

شئ يحز في النفس تهميش هالفئه من المسوؤلين ومن الاعلام ومن الضمائر الميته في هالوزارة

[بوجاسم566]

الله كريم

[basma222]

لهم الله

[الدوحي7]

الله كريم،، احنا هذه ماله التقاعد الى بالاثر الرجعي على قولتهم نسمع بها ولا شفنا شي، والكفار يلعبون بلفوس والرواتب والسيارات بعد ،،

[النواخذة]

اللة المستعان

[النواخذة]

لاحول ولا قوة ال باللة العزيز العظيم

[ام ناصر1]

خلاص نروح كلنا نلعب كوره ...
اطالب بتكوين فريق كرة قدم تسائي

[الدوحي7]

خلاص نروح كلنا نلعب كوره ...
اطالب بتكوين فريق كرة قدم تسائي

ههه،،
وانا اطالب بفريق شيباني لشيبان :anger1:،،

[الامبراطوره]

وانا معاكم اخذوني في الفريق حتى لو تخلوني في الاحتياط راااااااااااضيه هههههههه

[الدوحي7]

خخخخخخ،،

[دااانة قطر]

خلاص نروح كلنا نلعب كوره ...
اطالب بتكوين فريق كرة قدم تسائي



اسجل معااكم:shy:

[بوعلي2]

وانا الحكم

عشان تكون لي علاوه اضافيه خبركم الحكم معرض للضرب من قبل الاعبين وخصوصا النساء

فمان الله ههههه

٥٠ ااااااااااااااالف اه يايمه

[الدوحي7]

صباح النور بوعلي،،
يوم هذا توقيعك (ياويل قاضي الارض من قاضي السماء .. لاصار ميزانه عن الحق مايل) قابلين تكون حكم،،

[بوعلي2]

صباح النور بوعلي،،
يوم هذا توقيعك (ياويل قاضي الارض من قاضي السماء .. لاصار ميزانه عن الحق مايل) قابلين تكون حكم،،

شكرا جزيلا :shy:

والعلاوه نتقاسمها انا وانت خلف الكواليس عن الحسد:shy: :shy:

او ورى كراسي الجماهير

[الدوحي7]

خخخخخ،، خل يعطونا بس الحين والله كم شهر نسمع ولانشوف،،

[بـارود]

من زين لعبهم
هم الحين بفلوس ولعبهم داق
شلون مع الزيادة ؟!
هذا وجهي اذا تأهلوا لكاس العالم :tease:

سؤال ؟
الزيادة للمواطنين أو الأجانب المجنسين أو للمحترفين :rolleyes2: ؟

[shadad]

من زين لعبهم
هم الحين بفلوس ولعبهم داق
شلون مع الزيادة ؟!
هذا وجهي اذا تأهلوا لكاس العالم :tease:

سؤال ؟
الزيادة للمواطنين أو الأجانب المجنسين أو للمحترفين :rolleyes2: ؟

المحترفين القطريين فقط حسب الخبر .

[لـبـيـه]

اقول لشيبانه الي احفرو الارض والي كدو والي بنو قطر والي تعبو والي طلعو لنا الغاز والبترول

اقول لهم

هارد لكم ( تعبكم قدروه براتب الشؤون فقط والي بلدز يمشيكم لين اخر الشهر )

كدي يا ؟؟؟

واكلي يا ؟؟؟؟

[غايه الطواش]

لهم الله هل الشؤون

[khalid525]

اهل الشئون خربوا عليهم اللصوص اللي يصرفون معاشات شئون وهم ما يستحقونها .

[غايه الطواش]

اهل الشئون خربوا عليهم اللصوص اللي يصرفون معاشات شئون وهم ما يستحقونها .

بالضبط :victory:
بياعين الذمه والضمير

[بوالبيض]

وانا معاكم اخذوني في الفريق حتى لو تخلوني في الاحتياط راااااااااااضيه هههههههه

ههههههه

[وحيد-الشوق]

دنيا عجيييبة

الواحد مايعمم لكن ليش اغلب لعيبة الكورة سمعتهم سيئة ؟؟

مساكين اهل الشؤون هذا معاش يكفيهم :weeping:

قطر دولة غنية جدا ولله الحمد لكن ليش هالتفرقة في الرواتب والفجوة الكبيرة الي صايره الضابط راتبة 50 تقريبا والجامعي 20 الف !!! والحين لاعب الكورة 50 الف على شنو لاشهادة ولاينفع البلاد في شيء

ياكرهي للكورة السخيفة والله :(

[مخطط قطري]

بصراحه خبر مستفز هدر واضح للمال العام في مجال غير مفيد ولايعود لالدوله ولا للشعب بنفع
وبصراحه مقارنه الراتب مع اهل الشؤون يزيد الخبر الم وحرقه

[alsoq]

انا ما زلت اطالب بكشف وين راحت 46 مليار ريال حقت المتقاعدين

يدفعون على الكوره مزانيه بلد و 95% اجانب اللي مجنس ولي مواليد اجل لاعب قطري يسوي علامه الصليب ما خبرنا

ولي بنو قطر وكدو لين انحنت ظهورهم مهامشين اين العدل والله انه شي يقهر الصراحه

اتمنى في شهر 10 يكون فيه شي للمتقاعدين واهل الشون

دعوه المظلوم مستجابه فلا تخلون الشيبان والعجايز يدعون عليكم فا تحصلونها فيكم او في ذريتكم

[هارون الرشيد]

لقد أسمعت لو ناديت حيًّا .... ولكن لا حياة لمن تنادي

[دانوو]

لأن اللاعب الواحد يربحهم ذهب في كل مباراة

[@ بوفيصل@]

لأن اللاعب الواحد يربحهم ذهب في كل مباراة



ممكن توضيح لاني مافهمت شنو يربحهم

[الحاقول]

كل هذه الاموال والنتيجه صفر

ماوصلنا الى الشمس او القمر او حتى فوق السطح

منتخبنا فايز التوش

[بوخالد911]

الله يسهل عليهم

شي يقهر ويحزز بالنفس

[جلمود]

2250
الله يعينهم وش بتبد له
هذول عجايزنا لهم الاولوية هم البركة والله أعلم متى منيتهم
الراتب اللي راح ينصرف لهم مهب مخلد

[الصغيره]

يارب كن بعون اهل الشون

[دانوو]

ممكن توضيح لاني مافهمت شنو يربحهم



مرحبا اخوي انت ما تابعت في دورة الالعاب العربية
الجوائز للمراكز الاولى الالعاب الجماعية
50000 دولار
((هذا مثال في الدورة العربية))
اما البطولات الاسيوية والعالمية وغيرها عليها مكافأة اكبر

[مستجدة]

الله يسهل عليهم

شي يقهر ويحزز بالنفس


اي والله شئ يحز في النفس زين العجائز ما يعرفون يقرون الجرايد ولا كانوا ماتوا من القهر على هالخبر 50 الف شهريا ومستكثرين عليهم 5 آلاف ولا 10 آلاف تعيشهم بكرامة ؟!!!

الله كريم الله يرزق شياب وعجايز قطر
الله فوق مارات ينساهم وبياخذ حق ان شاءالله من المتسبب في تأخير زيادتهم

[مونتانا]

والله شي يعور القلب الواحد مايعرف ايش يقول . اقول لأهل الشؤون لكم الله سبحانه هو الرزاق وهو المعطي.

[حمد 2002]

50 الف ريال شهريا ، مع العلم بان غالبيه لعيبه المنتخب اذا مب كلهم مجنسين حتى عربي مايعرفون ، وياليت بعد ايجيبون بطولات او يخلصون للبلد الي هم يلعبون له .

مع العلم باننا سمعنا بأن سبستيان سوريا لاعب المنتخب يمسك تقريبا مليون ريال كل شهر من المنتخب ‘ هذا غير معاشه من النادي والمكافآت والخاااااااااااااااااافي اعظم .

اما اهل الشؤون انا اطالب حقوق الانسان وبرئاسه سعادة الدكتور علي بن صميخ المري رئيس اللجنة الوطنية لحقوق الإنسان بدولتنا قطر التدخل العااااااااجل لحل ازمه رواتب اهل الشؤون

تحياتي للجميع ولصاحب الموظوع على طرحه مثل هذه المواضيع الهادفه والتي توصل صوتنا للمسؤلين وللاجهزه المختلفه بالدوله

تحياتي لكم

[حمد 2002]

واحد شهادته ابتدائيه ولا ماعنده شهاده ويمسك 50 الف ريال وواحد شهادته جامعيه ويمسك 20 الف ريال والله ظلم

[مستجدة]

والله شي يعور القلب الواحد مايعرف ايش يقول . اقول لأهل الشؤون لكم الله سبحانه هو الرزاق وهو المعطي.


والنعم بالله الله يفرجها لهم فانه قريب مستجيب الدعوات